Golfbílarnir komnir!

Gleðilegt sumar!

Thu, 23 Apr 2026 17:17:34 GMT

Gleðilegt golfsumar!

Við sendum ykkur bestu kveðjur á þessum fallega fyrsta degi sumars. Með hækkandi sól og hlýnandi veðri fyllumst við tilhlökkun fyrir komandi sumri.

Við hlökkum til að taka á móti bæði meðlimum og gestum þegar völlurinn opnar á ný og vonumst til að sjá ykkur sem flest á vellinum í sumar. Með ósk um bjart og ánægjulegt sumar.

Stjórn og starfsfólk Golfklúbbs Kiðjabergs.

Völlurinn er enn lokaður

Sun, 19 Apr 2026 11:50:04 GMT

Völlurinn viðkvæmur fyrir ágangi

Kæru félagsmenn GKB, við viljum vinsamlega biðja ykkur um að virða að golfvöllurinn er lokaður um þessar mundir. Gróður og gras eru enn að jafna sig eftir veturinn og er því viðkvæmur fyrir ágangi.

Til að tryggja að völlurinn nái sér sem best og verði í góðu ástandi fyrir komandi sumar er mikilvægt að forðast alla umferð um svæðið á meðan lokun stendur yfir. Vallarstarfsmenn vinna nú hörðum höndum við að undirbúa völlinn fyrir sumarið.

Við munum tilkynna nánar um opnun þegar aðstæður leyfa.

Við þökkum skilning og samvinnu og hlökkum til að taka á móti ykkur aftur.

Með bestu kveðju,

Vallarstarfsmenn.

World Golf Awards 2026 tilnefnir Kiðjabergsvöll

Mon, 02 Mar 2026 21:14:03 GMT

Kiðjabergsvöllur tilnefndur af World Golf Awards 2026

Golfkúbbi Kiðjabergs hefur borist tilkynning frá framkvæmdastjóra "World Golf Awards" um að Kiðjabergsvöllur hafi verið tilnefndur þriðja árið í röð í flokki "Iceland's Best Golf Course 2026." World Golf Awards eru hluti af World Travel Awards™, sem stofnað var árið 1993 til að verðlauna framúrskarandi árangur í ferða- og þjónustu tengda golfi um allan heim. Kiðjaberg hlaut verðlaunin tvö síðustu árin í þessum flokki.

"Við erum virkilega stolt af því að hafa hlotið verðlaunin bæði 2024 og 2025. Það er mikil virðurkenning fyrir klúbbinn og allt starfið í heild sinni og þeirri vinnu sem lögð er í að viðhalda vellinum góðum. Við viljum virkilega bjóða upp á góða þjónustu og þessi verðlaun hafa svo sannarlega búið til hvata til að gera enn betur," sagði Guðmundur Fannar Vigfússon, framkvæmdastjóri GKB.

Kosning er nú hafin á heimasíðu World Golf Awards og getur almenningur jafnt sem fagfólk í golf-ferðaþjónustu kosið þann völl sem þeir telja skara framúr. Kosning stendur til 1. október 2026 og verða sigurvegarar tilkynntir í kjölfarið við hátíðlega verðlaunaafhendingu World Golf Awards.

Við hvetjum alla golfáhugamenn, jafnt félagsmenn sem aðra, til að taka þátt í atkvæðagreiðslunni.

Hægt er að kjósa HÉR

Myndir: Formaðurinn Guðmundur Ásgeirsson og frú fóru til Portúgals haustið 2024 og tóku á móti World Golf Awards verðlaununum fyrir hönd klúbbsins.

Mótaskrá 2026

Thu, 19 Feb 2026 22:07:15 GMT

Meistaramót GKB 2. - 4. júlí

Mótaskrá sumarsins hjá okkur í Kiðjabergi er nú orðin fullmótuð og kennir þar ýmissa grasa. Meistaramótið er á hefðbundnum tíma í byrjun júlí. Þá verður haldið í fyrsta sinn Íslandsmót eldri kylfinga, 50 ára og eldri, og fer það fram 16. - 18. júlí. Einnig verður í fyrsta sinn eitt mót á LEK-mótaröðinni í byrjun ágúst.

Fyrsta opna mót sumarsins verður að venju GKB Grand open, sem er betri bolti með forgjöf, og fer það fram 23. maí. Lokamót ársins er svo Bændaglíman og er hún á dagskrá 12. september.

Sjá má mótaskránna hér fyrir neðan:

Héraðsdómaranámskeið

Fri, 06 Feb 2026 10:10:37 GMT

Frítt dómaranámskeiðið fyrir félagsmenn

Félögum í GKB, eins og í öðrum golfklúbbum, stendur til boða að sækja héraðsdómaranámskeið í febrúar, sér að kostnaðalausu. Þetta er kærkomið tækifæri fyrir þá sem hafa áhuga á að starfa fyrir klúbbinn á sviði mótahalds og dómgæslu.

Dómaranefnd GSÍ stendur fyrir námskeiðinu í febrúar mánuði eins og hefur verið gert síðustu ár. Fyrirlestrar verða 17., 19., 23. og 25. febrúar 2026, kl. 19:30 – 22:00. Fyrirlestrar eru sendir út á netinu og einnig teknir upp þannig að það er hægt að horfa þá aftur eða eftir hentugleika.

Námskeiðið er frítt fyrir meðlimi í golfklúbbum innan GSÍ.

Ekki er skilyrði að fara í prófið þó að fólk sæki námskeiðið. Prófið er rafrænt próf tekið á netinu þannig að það er engin fyrirstaða fyrir aðila á landsbyggðinni að sitja námskeiðið og taka prófið.

Það er ekki skilyrði að hafa setið námskeiðið til að geta tekið prófið. Þó er krafa að skrá sig á námskeiðið svo hægt sé að senda viðkomandi upplýsingar um námskeiðsefni og tengla á prófið. Ætlast er til þess að þeir sem sitja héraðsdómaranámskeiðið byrji á því að undirbúa sig með því að fara í gegnum 1.stigs golfregluskóla R&A .

Þátttöku í héraðsdómaranámskeiði er hægt að tilkynna með því að skrá sig hér Skráning á námskeið eða senda tölvupóst á domaranefnd@golf.is með (kennitölu, nafni og heiti golfklúbbs).

Gleðilegt ár!

Tue, 30 Dec 2025 18:22:20 GMT

Þökkum fyrir árið sem er að líða!

Óskum öllum félagsmönnum GKB, og kylfingum nær og fjær gleðilegs nýs árs. Þökkum fyrir árið sem er að líða, og óskum ykkur farsældar á komandi ári. Megi árið 2026 verða okkur gott golfár!

Rekstur klúbbsins gekk vel

Sun, 14 Dec 2025 10:02:54 GMT

Guðmundur endurkjörinn sem formaður GKB

Aðalfundur GKB fór fram í golfskálanum Kiðjabergi í gær og var fundurinn vel sóttur af félagsmönnum. Guðmundur Ásgeirsson var endurkjörinn sem formaður. Rekstur klúbbsins gekk vel og var um 19 milljóna króna hagnaður á árinu.

Rekstrartekjur á starfsárinu eru 125 milljónir og hafa aldrei verið hærri. Meðlimir klúbbsins eru nú 417 talsins, 62% karlar og 38% konur. Formaður lagði fram tillögu stjórnar að hækkun félagsgjalda fyrir árið 2026. Lagt var til að hækkun gjaldskrár verði um 14% og var það samþykkt samhljóða.

Stjórn klúbbsins var þannig skipuð síðasta starfsár: Guðmundur Ásgeirsson formaður, Brynhildur Sigursteinsdóttir gjaldkeri, Jónas Kristinsson ritari, Gunnar Þorláksson og Magnús Þór Haraldsson meðstjórnendur. Varamenn stjórnar sem taka fullan þátt í stjórnarstörfum eru Þórhalli Einarsson og

Sigurlaug Gissurardóttir. Stjórnin hélt 8 stjórnarfundi á árinu og er mjög góð samstaða í stjórn klúbbsins. Stjórnin verður óbreytt á nýju starfsári.

Guðmundur formaður flutti skýrslu stjórnar og sagði m.a.:

"Síðasta ár var mjög gott ár fyrir Golfklúbb Kiðjabergs. Reksturinn gekk vel, andinn í klúbbnum er mjög góður og völlurinn okkar var einstaklega glæsilegur og virkilega gaman að spila Kiðjabergið síðastliðið sumar. Einnig er mjög gaman að koma inn í golfskálann okkar en þar tekur Rakel og hennar starfsfólk á móti okkur með bros á vör. Þá endaði starfsárið einstaklega skemmtilega fyrir okkur því að Golfvöllur Kiðjabergs var valinn besti golfvöllur Íslands 2025 af World Golf Awards og var þetta í annað sinn í röð sem við vinnum þessi verðlaun. Þetta er einstaklega skemmtilegt fyrir okkur."

24 mót á árinu
GKB félagar spiluðu alls 6.392 hringi á árinu og samtals voru spilaðir 13.412 hringir í Kiðjabergi í ár. Meðalfjöldi hringja per meðlim í klúbbnum eru 15 hringir, en meðlimir spiluðu allt frá engum hring í sumar og upp í 70 hringi sem er sambærilegt við síðasta ár. 24 golfmót voru haldin í Kiðjabergi á árinu og er það sami fjöldi og á síðasta ári. Meistaramótið tókst mjög vel og tóku um 90 þátt í mótinu, sem er sami fjöldi og á síðasta ári, en rúmlega helmingur tók þátt í 2ja daga mótinu. Gull 24 Open var fjölmennasta mótið okkar en 295 tóku þátt í því og var það nánast sami fjöldi og á síðasta ári. GKB sendi fjórar sveitir í sveitakeppni golfklúbba. Það var meistaraflokkur karla, karlar 50 ára og eldri, konur 50 ára og eldri og karlar 65 ára og eldri.

950 vinnustundir í sjálfboðavinnu
"Völlurinn kom mjög vel undan vetri og var í mjög góðu standi í allt sumar og er óhætt að segja að Alin og hans starfsfólk hafi unnið mjög gott starf á vellinum við krefjandi aðstæður. Vinnudagur var haldinn 10. maí í

samstarfi við lóðafélagið og var ágætis mæting en um 50 manns mættu, helstu verkefni voru vökvunarkerfið, stígagerð, skemma, tyrfa og fleira. Gríðarlega mikið sjálfboðastarf hefur verið unnið af okkar bestu mönnum við að gera völlinn að besta golfvelli Íslands og áætlum við að u.þ.b. 950 vinnustundir hafi verið unnar í sjálfboðavinnu á árinu.

Nýtt vökvunarkerfi
Stór hluti af þeirri vinnu var unninn í byrjum september síðastliðinn þegar unnið var að lagningu nýs vökvunarkerfis á seinni hluta Kiðjabergsvallar ásamt æfingaflötum. Verkefnið var liður í markvissri uppbyggingu vallarins og mikilvægt skref í átt að betri umhirðu og auknum gæðum vallarins til framtíðar. Markmið verkefnisins er að tryggja jafna og skilvirka vökvun á þessum hluta vallarins til að bæta grassprettu auka ending flatanna og skapa betri aðstæður fyrir iðkendur. Með uppsetningu vökvunarkerfisins skapast mun meiri möguleiki á að stýra vökvun eftir þörfum, sem bæði eykur nýtingu vatns og stuðlar að heilbrigðari og sterkari gróðri. Verkið var unnið undir sterkri og faglegri handleiðslu Þórhalla Einarssonar sem stýrði framkvæmdinni af mikilli röggsemi og kunnáttu. Verkið naut jafnframts góðs undirbúnings og skipulagningar sem gerði það að verkum að vinnan gekk snuðru laust fyrir sig.

Þrátt fyrir að það sé góð afkoma af rekstri klúbbsins þá er það ekki sjálfgefið. Það er mikilvægt fyrir okkur að völlurinn sé í góðu standi, veðurfar hagstætt því að rúmlega 60 prósent af okkar tekjum koma frá golfvellinum og golfmótum. Tæplega þriðjungur tekna er af félagsgjöldum.

Góðir styrktaraðilar
Við erum mjög heppin hér í Kiðjabergi því við höfum marga og mjög góða styrktaraðila hér við klúbbinn en helstu styrktaraðilar okkar eru: Tengi, GG Verk, Steypustöðin, ÞG verk, TRI , Byko, Húsasmiðjan, Ölgerðin, Heimilistæki, Eykt, Hagi, Parki, Bygg, Íþaka, Timberland, BS eignir, Deloitte, BM Vallá, Garri ,S4S, 66 Norður, Sjónlag og Bílaleiga Akureyrar, Kvika banki og Iðnaðartækni. Vil ég þakka þeim kærlega fyrir stuðninginn. Ég vil hvetja alla félagsmenn að hafa þessa aðila í huga ef tækifæri er á að nýta sér þjónustu þessara frábæru styrktaraðila.

Að lokum vil ég þakka öllum félagsmönnum fyrir liðið ár og sérstaklega þeim sjálfboðaliðum sem koma og aðstoðuðu okkur við stjórnun og rekstur á GKB. Einnig vil ég þakka Guðna vélamanni fyrir vel unnin störf.

Ég vil þakka öllum stjórnarmönnum og öllum nefndarmönnum fyrir vel unnin störf og þá sérstaklega mótanefnd, vallarnefnd og kvennanefnd. Ég vil þakka Rakel sérstaklega fyrir gott starf í golfskálanum. Svo að

lokum þakka ég Þórði framkvæmdastjóra sérstaklega fyrir vel unnin störf fyrir GKB, en eins og flestir vita er Þórður að hætta hjá okkur um næstu áramót."

Myndir frá aðalfundi/Valur Jónatansson

Nýr framkvæmdastjóri GKB

Sat, 13 Dec 2025 17:00:58 GMT

Guðmundur Fannar ráðinn framkvæmdastjóri GKB

Guðmundur Fannar Vigfússon hefur verið ráðinn framkvæmdastjóri Golfklúbbs Kiðjabergs. Hann tekur við starfinu 1. janúar 2026 af Þórði Rafni Gissurarsyni, sem hefur verið framkvæmdastjóri síðastliðin þrjú ár. Þetta var tilkynnt á aðalfundi GKB, sem fram fór í golfskálanum Kiðabergi í dag.

29 umsóknir bárust til stjórnar GKB um framkvæmdastjórastarfið og var Guðmundur Fannar talinn hæfastur. Hann er Selfyssingur og hefur að mestu verið við störf tengda ferðaþjónustu á suðurlandi undanfarin ár, var síðast markaðsstjóri Fontana á Laugarvatni.

Hann segist spenntur fyrir nýja starfinu og það væri mikil áskorun og um leið krefjandi að halda vellinum áfram á meðal þeirra bestu á Íslandi. "Þetta starf leggst vel í mig og það tekur mig auðvitað smá tíma að komast inn í hlutina hjá klúbbnum, en ég er mjög spenntur og þakka stjórn GKB fyrir það traust að gefa mér þetta tækifæri," sagði Guðmundur Fannar.

"Við í stjórn GKB erum mjög ánægð og full tilhlökkunar að vinna með nýjum framkvæmdastjóra og bjóðum hann velkominn til starfa og hlökkum til komandi sumars," segir Guðmundur formaður GKB og um leið þakkaði hann Þórði Rafni fyrir vel unnin störf.

Þórður Rafn, sem er PGA-kennari, hefur verið ráðinn til starfa hjá ELVA golf ehf, sem er byltingarkennd lausn í golfþjálfun, þ.e. nákvæm sveiflumæling án skynjara, þróuð af íslenskum frumkvöðlum og byggt á vísindum Dr. Rob Neal. "Þetta hefur verið krefjandi og skemmtilegt starf hjá GKB. Ég held að ég geti farið sáttur frá borði og skilað af mér góðu búi."

Myndir/Valur Jónatansson.

Aðalfundur GKB á morgun, laugardaginn 13. desember

Fri, 12 Dec 2025 20:28:34 GMT

Aðalfundur GKB á morgun, laugardaginn 13. desember kl. 13 í golfskála GKB

Aðalfundur GKB 2025 verður haldinn á morgun, laugardaginn 13. desember, á slaginu kl. 13. í golfskálanum Kiðjabergi

Dagskrá fundarins svohljóðandi
Á aðalfundi skulu tekin fyrir eftirfarandi mál:
1. Fundarstjóri og fundarritari kosnir.
2. Skýrsla stjórnar um störf og framkvæmdir á liðnu starfsári.
3. Endurskoðaðir reikningar lagðir fram.
4. Umræða um skýrslu stjórnar og reikninga klúbbsins.
5. Lagabreytingar kynntar og teknar til afgreiðslu.
6. Tillaga stjórnar um félagsgjöld lögð fram.
7. Kosning stjórnarmanna og skoðunarmanna samkvæmt samþykktum lögum klúbbsins.
8. Önnur mál.

Ársreikningur hefur verið sendur á félagsmenn í tölvupósti (Mailchimp). Ef ársreikningur hefur ekki skilað sér til félagsmanna endilega senda póst á gkb@gkb.is

Við vonumst til að sjá sem flesta klúbbmeðlimi, taka þátt í umræðum og koma sínu á framfæri. Ef áhugi er fyrir því að taka þátt í starfi klúbbsins t.d. nefndum eða öðru hvetjum við þá einstaklinga til að bjóða sig fram.

Ath. að prentuð eintök af ársreikningi verða ekki á staðnum og verða félagsmenn GKB sem mæta á fundinn að koma með sitt eigið eintak ef þeir vilja vera með slíkt á meðan fundi stendur.

Aðalfundur GKB 2025 - 13. desember næstkomandi

Sat, 29 Nov 2025 14:11:03 GMT

Aðalfundur GKB 2025

Aðalfundur GKB 2025 verður haldinn í golfskálanum Kiðjabergi laugardaginn 13. desember næstkomandi á slaginu kl. 13.
Dagskrá fundarins svohljóðandi

Á aðalfundi skulu tekin fyrir eftirfarandi mál:

1. Fundarstjóri og fundarritari kosnir.
2. Skýrsla stjórnar um störf og framkvæmdir á liðnu starfsári.
3. Endurskoðaðir reikningar lagðir fram.
4. Umræða um skýrslu stjórnar og reikninga klúbbsins.
5. Lagabreytingar kynntar og teknar til afgreiðslu.
6. Tillaga stjórnar um félagsgjöld lögð fram.
7. Kosning stjórnarmanna og skoðunarmanna samkvæmt samþykktum lögum klúbbsins.
8. Önnur mál.

Við vonumst til að sjá sem flesta klúbbmeðlimi, taka þátt í umræðum og koma sínu á framfæri. Ef áhugi er fyrir því að taka þátt í starfi klúbbsins t.d. nefndum eða öðru hvetjum við þá einstaklinga til að bjóða sig fram.

Kiðjabergsvöllur valinn "Besti golfvöllur á Íslandi 2025" af World Golf Awards

Fri, 14 Nov 2025 23:07:22 GMT

Kiðjabergsvöllur "Besti golfvöllur á Íslandi" af World Golf Awards annað árið í röð

Kiðjabergsvöllur var útnefndur Besti golfvöllur Íslands árið 2025 hjá World Golf Awards en þetta er í 12. skipti sem verðlaunin eru veitt. Þetta er annað árið í röð sem völlurinn hlýtur titilinn og staðfestir það mikla og stöðuga gæðastarf sem unnið hefur verið á Kiðjabergi undanfarin ár.

World Golf Awards eru hluti af World Travel Awards™, sem stofnaðir voru árið 1993 til að viðurkenna og verðlauna framúrskarandi árangur í ferða-, þjónustu- og gestrisnisiðnaði um allan heim. Í dag eru World Travel Awards™ viðurkennd alþjóðleg gæðamerki og teljast æðsta tákn um ágæti innan greinarinnar.

„Það er ótrúlega ánægjulegt að sjá Kiðjabergsvöll hljóta þessa viðurkenningu annað árið í röð. Verðlaunin eru staðfesting á því að vinnan sem lögð hefur verið í völlinn skilar sér bæði faglega og í upplifun þeirra sem spila hann. Vallarstarfsmenn GKB hafa unnið af mikilli ástríðu og metnaði og þetta er sameiginlegur sigur okkar allra“ segir Þórður Rafn Gissurarson, framkvæmdastjóri Golfklúbbs Kiðjabergs.

„Við erum ótrúlega þakklát fyrir þennan heiður. Að vera kjörinn besti golfvöllur Íslands árið 2025, og það annað árið í röð, er gífurleg viðurkenning fyrir allt það ómetanlega starf sem hefur verið unnið á Kiðjabergi í fjölda ára. Sjálfboðaliðar, starfsfólk og stuðningsfólk klúbbsins hafa allir lagt sitt af mörkum. Án þeirra væri þetta ekki mögulegt. Þessi viðurkenning hvetur okkur áfram til að halda áfram á sömu braut og gera völlinn enn betri“ að sögn Guðmundar Ásgeirssonar, formanns Golfklúbbs Kiðjabergs.

Útnefningin er mikil viðurkenning fyrir Golfklúbb Kiðjabergs og endurspeglar þann mikla metnað, fagmennsku og ómetanlega vinnu sem stjórn, starfsfólk og sjálfboðaliðar hafa lagt í völlinn í gegnum árin. Golfklúbbur Kiðjabergs þakkar öllum þeim sem hafa lagt sitt af mörkum til að gera Kiðjabergsvöll að þeim frábæra velli sem hann er í dag – án þeirra hefði þessi árangur ekki náðst.

Aðalfundur GKB - 13. desember kl. 13 - Golfskálinn Kiðjabergi

Fri, 14 Nov 2025 12:04:44 GMT

Aðalfundur GKB - 13. desember

Aðalfundur GKB 2025 - 13. desember kl. 13

Aðalfundur verður haldinn í golfskálanum Kiðjabergi á slaginu kl. 13 og er dagskrá fundarins svohljóðandi

Á aðalfundi skulu tekin fyrir eftirfarandi mál:

1. Fundarstjóri og fundarritari kosnir.

2. Skýrsla stjórnar um störf og framkvæmdir á liðnu starfsári.

3. Endurskoðaðir reikningar lagðir fram.

4. Umræða um skýrslu stjórnar og reikninga klúbbsins.

5. Lagabreytingar kynntar og teknar til afgreiðslu.

6. Tilaga stjórnar um félagsgjöld lögð fram.

7. Kosning stjórnarmanna og skoðunarmanna samkvæmt samþykktum lögum klúbbsins.

8. Önnur mál.

Við vonumst til að sjá sem flesta klúbbmeðlimi, taka þátt í umræðum og koma sínu á framfæri. Ef áhugi er fyrir því að taka þátt í starfi klúbbsins t.d. nefndum eða öðru hvetjum við þá einstaklinga til að bjóða sig fram.

Singles Day og Black Friday Tilboð - Gjafabréf á Kiðjabergsvöll sumarið 2026

Thu, 06 Nov 2025 11:41:54 GMT

Gefðu gjöf sem klikkar ekki!

Gefðu vinum og vandamönnum einstaka golfupplifun á Kiðjabergsvelli sumarið 2026.

Gjöf sem klikkar ekki! - Hringur fyrir tvo með golfbíl á Kiðjabergsvelli á aðeins 23.000 kr. — fullkomið til að gefa vinafólki, fjölskyldu, samstarfsfólki eða öðrum sem þú vilt gleðja eða bara sjálfum þér!

Þetta er gjöf sem gleður bæði golfara og þá sem vilja prófa eitthvað nýtt.
Tilvalið í jólapakkann, afmælisgjöfina eða bara til að bjóða einhverjum góðum út á völl í sumar.

Áhugasamir geta hringt í síma 485-4495 eða sent tölvupóst á gkb@gkb.is.

Einnig er hægt að senda fyrirspurn á vefsíðu okkar undir GJAFABRÉF

Aðalfundur GKB 2025 - 13. desember næstkomandi

Sun, 02 Nov 2025 13:21:19 GMT

Aðalfundur GKB 2025 - 13. desember næstkomandi

Aðalfundur GKB 13. desember 2025

Aðalfundur Golfklúbbs Kiðjabergs verður haldinn föstudaginn 13. desember næstkomandi. Fundurinn fer fram í golfskálanum í Kiðjabergi.

Nánari útlisting og tímasetning fundarins verður auglýst þegar nær dregur, en hvetjum við félagsmenn til að taka daginn frá og fjölmenna. Á dagskrá eru hefðbundin aðalfundarstörf og umræður um starf og framtíð klúbbsins.

Ennfremur verður jólahlaðborð hjá Rakel sama dag. Tímasetning jólahlaðborðsins verður kynnt samhliða tímasetningu aðalfundarins.

Stjórn GKB hlakkar til að sjá sem flesta og eiga ánægjulega samveru á þessum hátíðlega degi.

Þórður hættir sem framkvæmdastjóri

Thu, 30 Oct 2025 13:39:53 GMT

Þórður hættir sem framkvæmdastjóri um áramót!

Þórður Rafn Gissurarson, framkvæmdastjóri Golfklúbbs Kiðjabergs, hefur ákveðið að stíga til hliðar eftir þrjú farsæl ár í starfi. Á þessum tíma hefur hann unnið ötullega að uppbyggingu og þróun vallarins og starfsemi klúbbsins. Ennfremur hefur Þórður átt stóran þátt í að efla bæði rekstur og félagsanda í Kiðjabergi.

Stjórn Golfklúbbs Kiðjabergs vill færa Þórði innilegar þakkir fyrir hans störf, metnað og jákvætt framlag á undanförnum árum. Leit að nýjum framkvæmdastjóra er hafin, og verður unnið að því að tryggja mjúkt og farsælt umskiptaferli á næstu vikum.

Þórður segir að veran í Kiðjabergi hafi verið afar ánægjuleg og lærdómsrík
„Það hefur verið einstök upplifun að fá að starfa með frábæru fólki og taka þátt í því að þróa og efla starfsemi Golfklúbbs Kiðjabergs. Klúbburinn hefur verið í stöðugum vexti og það hefur verið bæði skemmtileg og gefandi áskorun að taka þátt í þeirri vegferð. Sérstaklega var ánægjulegt að vera hluti af því Kiðjabergsvöllur hlaut nafnbótina Besti golfvöllur á Íslandi 2024 af World Golf Awards, " segir Þórður.

Ég er þakklátur fyrir þann tíma sem ég hef átt hér og þann mikla stuðning sem ég hef notið. Nú er þó kominn tími á breytingar og nýjar áskoranir. Ég mun að sjálfsögðu styðja nýjan framkvæmdastjóra í umskiptunum og óska Golfklúbbi Kiðjabergs alls hins besta í framtíðinni.“

Guðmundur Ásgeirsson, formaður stjórnar Golfklúbbs Kiðjabergs, segir að stjórn kunni Þórði miklar þakkir fyrir hans framlag: „Þórður hefur unnið afar öflugt starf hér í Kiðjabergi og lagt sig fram um að efla bæði rekstur, þjónustu og félagsanda innan klúbbsins. Hann hefur leitt starfið af fagmennsku, jákvæðni og einlægum áhuga á fólkinu sem stendur að baki Kiðjabergi. Við þökkum honum kærlega fyrir samstarfið og óskum honum alls hins besta á nýjum vettvangi.“

Stjórn Golfklúbbs Kiðjabergs þakkar Þórði Rafni kærlega fyrir frábær störf og óskar honum alls hins besta í framtíðinni.

Völlurinn lokaði 15. október

Wed, 15 Oct 2025 10:44:36 GMT

Viðburðaríku sumri á Kiðjabergsvelli lokið!

Kiðjabergsvöllur hefur nú lokið viðburðaríku sumri og fer í vetrardvala eftir frábært tímabil. Við viljum færa innilegar þakkir til allra klúbbmeðlima og kylfinga sem komu og spiluðu hjá okkur í sumar – bæði þeirra sem eru fastagestir sem og þeirra sem heimsóttu völlinn í fyrsta sinn. Það var einstaklega gaman að sjá hversu margir nutu fallega umhverfisins, góðs félagsskapar og gleðinnar.

Við vonum að þið eigið góðar minningar úr sumarinu – hvort sem það var fugl á sjöundu, sólsetursrölt með golfpokann á öxlunum eða kaffibolli á pallinum í góðum félagsskap eftir góða hringi.

Við hlökkum til að taka á móti ykkur aftur næsta vor, endurnærð, í góðri sveiflu og tilbúin fyrir nýtt tímabil.

Takk fyrir árið – sjáumst á því næsta!

GKB-félagar á Novo Sancti Petri

Wed, 15 Oct 2025 10:38:20 GMT

Frábær ferð Golfklúbbs Kiðjabergs á Novo!

Golfklúbbur Kiðjabergs hélt í lok september í glæsilega golfferð til Novo Sancti Petri á Spáni með GolfSaga ehf . Hópurinn, sem var rúmlega 40 manns, naut dásamlegrar samveru, sólar og frábærrar stemningar alla daga.

Fararstjórar ferðarinnar var Valdís Þóra Jónsdóttir og var bróðir hennar, Arnar, henni til aðstoða og stóðu þau sig með prýði í skipulagningu og utanumhaldi. Þau tryggðu að allt gekk snurðulaust fyrir sig, hvort sem um var að ræða rástíma, ferðir eða skemmtanir – og fengu mikið lof frá þátttakendum fyrir fagmennsku og hlýlegt viðmót. Stemningin í hópnum var einstök, mikið hlegið og margir skemmtilegir atburðir rifjaðir upp í kvöldverðum og á veröndum eftir leik.

„Þetta var ein sú ánægjulegasta ferð sem við höfum farið í,“ sagði einn þátttakandi. „Fararstjórarnir voru frábærir og hópurinn samheldinn – alveg toppferð í alla staði.“

Spilað var á tveimur glæsilegum 18 holu völlum þar sem náttúrufegurð og hönnun fara fullkomlega saman. Þrátt fyrir mismunandi snilld milli hringja ríkir mikil leikgleði ásamt hlátri og góðri stemningu allan tímann. Rétt eins og í fyrri ferðum GKB stendur upp úr er hinn frábæri félagsskapur. Félagar njóta samvista jafnt innan sem utan vallar, og kvöldin einkennast af góðum mat, skemmtilegum sögum og gleði.

Myndir af þessum fríða hópi, lokahófi og öðru má sjá hér fyrir neðan.

GKB styrkir Ljósið!

Mon, 29 Sep 2025 22:13:57 GMT

GKB styrkir Ljósið um 250 þúsund krónur

Stjórn Golfklúbbs Kiðjabergs ákvað að veita Ljósinu styrk að upphæð 250 þúsund krónur. Um er að ræða innkomu af þátttökugjöldum í Bændaglímu sem haldin var laugardaginn 13. september.

Ljósið sinnir mikilvægu starfi sem margar fjölskyldur njóta á einn eða annan hátt. Með styrknum vill golfklúbburinn styðja áframhaldandi starfsemi þar sem velferð og lífsgæði fólks eru í brennidepli.

Golf er vinsæl útivist og hreyfing sem nýtist mörgum vel, og leggur Golfklúbbur Kiðjabergs áherslu á að allir geti tekið þátt á sínum forsendum. Klúbburinn hefur yfir að ráða fjölda golfbíla svo kylfingar með skerta hreyfigetu geti einnig notið leiksins.

„Við viljum stuðla að bættri líðheilsu og leggja okkar af mörkum til þess að starfsemi Ljóssins dafni um ókomna tíð,“ segir í tilkynningu frá stjórn Golfklúbbs Kiðjabergs.

Mynd: Frá vinstri: Þórhalli Einarsson, stjórnarmaður GKB, Erna Magnúsdóttir, framkvæmdarstýra Ljóssins og Guðmundur Ásgeirsson formaður GKB.

Farið að síga á seinni hlutann!

Fri, 26 Sep 2025 19:14:54 GMT

Klúbbhúsið lokar frá 29. september

Vegna mikillar bleytu á Kiðjabergsvelli hefur verið ákveðið að banna alla umferð golfbíla á vellinum þar til annað verður tilkynnt. Klúbbhús Golfklúbbs Kiðjabergs lokað frá og með mánudeginum 29. september.

Mikið hefur rignt síðustu daga og er markmiðið með að banna golfbíla að vernda völlinn fyrir skemmdum sem gætu orðið við slíkar aðstæður. Eins og sjá má á myndinni hér fyrir ofan er talsverð bleyta. Slíka polla má finna á nokkrum stöðum á vellinum að svo stöddu.

Völlurinn sjálfur verður þó áfram opinn og geta kylfingar því spilað þar til annað verður auglýst.

Leikmenn eru hvattir til að fylgjast með tilkynningum frá golfklúbbnum varðandi breytingar á stöðunni.

Háttvísibikar GKB 2025

Tue, 23 Sep 2025 18:10:07 GMT

Sigrún hlaut Háttvísibikar GKB 2025

Það var hátíðleg stund í lokahófi GKB um síðustu helgi þegar tilkynnt var að Sigrún Ragnarsdóttir mundi hljóta Háttvísibikar GKB 2025. Bikarinn er veittur þeim félagsmanni sem sýnt hefur framúrskarandi framlag í þágu klúbbsins og stuðlað að jákvæðum anda innan hans.

Sigrún hefur verið öflugur liðsmaður í starfi klúbbsins. Hún hefur verið virkur sjálfboðaliði og hefur síðustu ár leitt kvennastarf GKB í hlutverki formanns, þar sem hún hefur lagt mikla áherslu á að efla samstöðu, gleði og samfélag meðal GKB kvenna.

„Sigrún er einstakur félagi sem sýnir alltaf gott fordæmi með jákvæðni, góðum hug og ótrúlegri orku. Hún hefur verið mikil hvatning fyrir aðra og er fyrirmynd okkar allra í GKB,“ segir Þórður Rafn Gissurarson, framkvæmdastjóri GKB.

Með bikarnum vill klúbburinn þakka Sigrúnu kærlega fyrir ómetanlegt starf og þá hlýju sem hún hefur fært inn í starfið.

Við óskum Sigrúnu innilega til hamingju og hlökkum til að njóta krafta hennar áfram í starfi GKB!

Mynd: Sigrún er hér með Jónasi Kristinssyni, ritara GKB og Guðmundi K. Ásgeirssyni, formanni GKB:

Rauða liðið vann!

Mon, 15 Sep 2025 17:43:32 GMT

Það voru stálin stinn sem mættust á Kiðjabergsvelli

Rauða lið Helga Einarssonar bar sigur úr býtum í Bændaglímu GKB 2025. Það voru stálin stinn sem mættust á Kiðjabergsvelli síðasta laugardag þegar lið Viðars Jónassonar (bláa liðið) lék gegn liði Helga Einarssonar (rauða liðið). Eftir hatramma baráttu enda rauða liðið sem sigurvegari.

Góður félagsskapur og skemmtilegur dagur var að sjálfsögðu í forgangi og mátti sjá alla þátttakendur njóta sín á fallegum Kiðjabergsvelli sem og í lokahófinu um kvöldið með frábærum veigum hjá Rakel og Daníel.

40 tveggja manna lið mættu til leiks og var spilað Texas Scramble holukeppni, þar sem hver unninn hola gilti fyrir bóndann. Hluti af heildarþáttökugjaldi, eða 250 þúsund krónur, renna til styrktarfélagsins Ljóssins, sem heldur upp á 20 ára afmæli í ár.

Lokastaðan í einstökum leikjum.

Svipmyndir frá Bændaglímunni má sjá hér að neðan.

Vökvunarkerfi við flatir

Thu, 11 Sep 2025 17:25:21 GMT

Niðursetning vökvunarkerfis á seinni níu!

Sjálfboðaliðar mættu til að aðstoða við niðursetningu vökvunarkerfis á seinni hluta Kiðjabergsvallar í vikunni.

Undir styrkri handleiðslu Þórhalla Einarssonar gekk hópurinn vasklega til verks og náði að klára stærstan hluta verkefnisins. Vökvunarkerfið verður svo prófað á næstu dögum. Þegar þessu verki er að fullu lokið þá er búið að koma fyrir vökvunarkerfi við allar flatir vallarins.

Stjórn GKB þakkar þessum frábæru sjálfboðaliðum fyrir aðstoðina.

Hér fyrir neðan má sjá nokkrar myndir frá vinnu sjálfboðaliðanna við niðursetningu vökvunarkerfisins.

Bændaglíman 2025

Thu, 04 Sep 2025 09:25:48 GMT

Skemmtilegasta mót ársins!

Hin árlega Bændaglíma GKB fer fram laugardaginn 13. september á Kiðjabergsvelli. Mótið er eitt af skemmtilegustu viðburðum klúbbsins og "slútt" á sumrinu.

Í ár leiða bændurnir Viðar Jónasson og Helgi Einarsson lið sín til sigurs, en mótið hefst klukkan 11:00. Leikið verður út af öllum teigum samtímis. Keppt verður í tveggja manna Texas Scramble holukeppni, þar sem hver unninn hola gildir fyrir bóndann.

Þátttakendur geta skráð sig bæði sem pör eða staka leikmenn sem verður raðað í lið. Mótsgjaldið er 5.000 krónur á mann.

Hluti af heildarþáttökugjaldi, að andvirði 250 þúsund króna, rennur til styrktarfélagsins Ljóssins sem heldur upp á 20 ára afmæli í ár. Hvetjum félagsmenn að taka þátt og á sama tíma styrkja frábært málefni.

Að loknu móti verður verðlaunaafhending og lokahóf í golfskálanum kl. 19:00, þar sem boðið verður upp á veislu að hætti Rakelar. Verð fyrir veisluna er 6.500 krónur á mann. Þeir sem vilja geta einnig valið að mæta einungis í lokahófið, en þá þarf að hafa beint samband við Rakel.

Skráning í mótið og lokahófið fer fram HÉR.

Göngum vel um völlinn!

Mon, 01 Sep 2025 17:59:44 GMT

Berum virðingu fyrir vinnu golfvallarstarfsmanna!

Á undanförnum vikum hefur borið á því að kylfingar séu að virða að vettugi nokkur svæði á Kiðjabergsvelli sem er búið að afmarka og í vinnslu að lagfæra til að þau verði komin í gott stand fyrir lok tímabils. Einnig hafa verið atvik þar sem dósir hafa verið skildir eftir á vellinum í stað þess að setja í ruslafötur sem má finna víðsvegar á vellinum.

Við biðjum alla kylfinga, félagsmenn sem aðra, að taka þetta til sín. Vallarstarfsmenn vinna hörðum höndum að halda golfvellinum í góðu standi. Munar um það, sér í lagi þegar starfsmönnum hefur fækkað, að þeir þurfa að eyða sínum tíma í að lagfæra svæði aftur vegna slæmrar umgengni eða týna upp dósir og annað rusl á víð og dreif í stað þess að geta sinnt öðrum verkefnum.

Við getum gert betur!

Gull Styrktarmót GKB - Texas Scramble

Sun, 24 Aug 2025 09:24:56 GMT

Tvíburabræðurnir kunna líka golf!

Tvíburabræðurnir Arnar og Bjarki Gunnlaugssynir sýndu í gær að þeir eru ekki bara góðir í fótbolta. Þeir léku saman í liði AB í Gull Styrktarmóti GKB (Texas Scramble) á Kiðjabergsvelli og sigruðu eftir jafna og spennandi keppni. Þeir léku á 65 höggum nettó og fengu 48 punkta. Alls tóku 74 lið þátt í keppninni.

Lið Homo Erectus, sem var skipað Agli Kára Þórðarsyni úr GR og Ægi Þorsteinssyni úr GG voru einnig á 48 punktum, en Arnar og Bjarki léku betur á seinni níu og því sigurinn þeirra.

Leikfyrirkomulag í mótinu var Texas Scramble þar sem tveir kylfingar voru saman í liði. Hámarks leik forgjöf karla 24 og kvenna 32. Forgjöf liða reiknaðist sem samanlögð vallarforgjöf liðs, deilt með 3 - þó ekki hærra en forgjöf þess liðsmanns sem hefur lægsta vallarforgjöf.

Verðlaun fyrir 5 efstu sætin:

1. sætið - Deluxe herbergi í eina nótt f. tvo með morgunverði og aðgang að spa á Hótel Vesturland og hringur f. tvo á Kiðjabergsvöll

2. sæti - 2x Öxi jakki frá 66 Norður

3. sætið - Standard herbergi í eina nótt f. tvo m. morgunverði og aðgang að spa á Hótel Vesturland og hringur f. tvo á Kiðjabergsvöll.

4. sæti - Standard herbergi í eina nótt f. tvo m. morgunverði og aðgang að spa á Hótel Vesturland.

5. sæti - Hringur f. tvo á Kiðjabergsvelli m. golfbíl

Nándarverðlaun voru á öllum par 3 holum frá Ölgerðinni og eftirtaldir voru næstir holu:

3. hola: Gylfi Dagur 85 cm

7. hola: Arnar Jón 1,01 m

12. hola: Róbert Guðmundsson 1,23 m

16. hola: Eyþór Almar 1,23 m

Við þökkum öllum kylfingum fyrir komuna og geta vinningshafar vitja vinninga í golfskálanum Kiðjabergi.

Öll úrslit má sjá HÉR.

Sveitakeppni karla 50 ára og eldri

Sat, 23 Aug 2025 15:05:29 GMT

Karlasveitin í 4. sæti í 3. deild

Íslandsmót golfklúbba í 3. deild karla 50 ára og eldri fór fram á Svarfhólsvelli Golfklúbbs Selfoss dagana 21.-23. ágúst. Heimamenn fögnuðu sigri og leika í 2. deild að ári. Okkar menn í GKB enduðu í 4. sæti eftir að hafa tapað fyrir sveit GB í leik um 3. sætið.

Lið Kiðjabergs:

Snorri Hjaltason

Magnús Rósinkranz Magnússon

Magnúr Haraldsson

Brynjar Jóhannesson

Eyjólfur Örn Jónsson

Gestur Þórisson

Lokastaðan:

1. Golfklúbbur Selfoss

2. Golfklúbbur Þverá Hellishólum

3. Golfklúbbur Borgarness

4. Golfklúbbur Kiðjabergs

5. Golfklúbbur Hveragerðis

6. Golfklúbbur Vatnsleysustrandar

7. Golfklúbbur Ísafjarðar

8. Golfklúbbur Bolungarvíkur

Öll úrslit HÉR.

Mynd: fv. Eyjólfur, Brynjar, Magnús, Magnús Haralds, Snorri og Gestur.

Sveitakeppni kvenna 50 ára og eldri

Sat, 23 Aug 2025 14:50:41 GMT

Kvennasveitin leikur í 2. deild að ári

Íslandsmót golfklúbba í 1. deild kvenna 50 ára og eldri fór fram á Golfvellinum í Vestmannaeyjum dagana 21.-23. ágúst. Sveit Golfklúbbs Keilis sigraði en okkar konur í GKB urðu að sætta sig við 8. og neðsta sætið og leika því í 2. deild að ári.

Lokastaðan:

1. GK

2. GR

3. GKG

4. GO

5. NK

6. GL

7. GV

8. GKB

Lið GKB var skipað eftirtöldum:

Brynhildur Sigursteinsdóttir

Bergljót Kristinsdóttir

Edda Herbertsdóttir

Guðný Tómasdóttir

Auður E. Jóhannsdóttir

Th. Stella Hafsteisdóttir

Þuríður Ingólfsdóttir

Þorbjörg Albertsdóttir

Öldungasveit GKB sigraði í 2. deild

Wed, 13 Aug 2025 16:35:00 GMT

Öldungaveit GKB sigraði í 2. deild karla!

Sveit Golfklúbbs Kiðjabergs í flokki karla 65 ára og eldri sigraði í 2. deild í sveitakeppni, sem fram fór í Hveragerði. GKB leikur því í efstu deild að ári. Okkar menn töpuðu ekki leik og unnu sveit heimamanna í Golfklúbbi Hveragerðis í úrslitaleik, 2-1. Lið Golfklúbbs Vestmannaeyja hafnaði í 3. sæti.

Lið Kiðjabergs var skipað eftirtöldum:

Brynjólfur Árni Mogensen

Bjarni Birgir Þorsteinsson

Guðmundur Ásgeirsson

Jónas Kristinsson

Magnús Þ. Haraldsson

Snorri Hjaltason

Jóhann Friðbjörnsson

Lokastaðan í sveitakeppninni:
1. Golfklúbbur Kiðjabergs

2. Golfklúbbur Hveragerðis

3. Golfklúbbur Vestmannaeyja

4. Golfklúbburinn Leynir

5. Golfklúbburinn Flúðir

6. Golfklúbbur Selfoss

7. Golfklúbbur Borgarness

Sjá öll úrslit og lokastöðu.

Mynd/GHG: Sigurlið GKB ásamt Einari Lyng, framkvæmdastjóra GHG, sem afhenti verðlaun.

Hjóna og parakeppni Golfsögu og Verdi Travel

Sun, 10 Aug 2025 17:12:42 GMT

Prýðisfólk sigraði í Hjóna- og parakeppni Golfsögu og Verdi Travel

Hjóna og parakeppni Golfsögu og Verdi Travel fór fram í blíðskaparaveðri á Kiðjabergsvelli 8. og 9. ágúst. Uppselt var í mótið og var ræst út af öllum teigum samtímis. Það var liðið Prýðisfólk, sem var skipað þeim Guðbjörgu Elínu Ragnarsdóttur og Braga Þorsteini Bragasyni úr Golfklúbbnum Oddi, sem stóð uppi sem sigurvegari. Léku á samtals 92 punktum og unnu með fjögurra punkta mun.

Á föstudeginum vara spilaður fjórleikur (Betri bolti) og á laugardeginum 2ja manna Texas Scramble. Leikfyrirkomulag var punktakeppni með forgjöf. Í Texas Scramble var heildarforgjöf deilt með 2,5 þó ekki hærri en vallarforgjöf hjá forgjafarlægri kylfing liðs. Völlurinn er nú í sínu besta formi og voru keppendur sammála um það.

Nándarverðlaun var á öllum par 3 brautum báða dagana.

Dagur 1 - 2 x kassar af Egils Gull

3. hola: Guðbjörg - 3,25 m

7. hola: Gunnlaugur Kári - 92 cm

12. hola: Börkur - 124 cm

16. hola: Bragi B. - 1,45 m

Dagur 2 - 20 þús. kr. gjafabréf hjá Golfsögu
3. hola: Maggi Arnars 2,15 m

7. hola: Victor Viktorsson - 2,52

12. hola: Ingó (Langbest) - 1,95 m

16. hola: Jóhannes Árnas. - 1,71 m

Efstu sex liðin í mótinu:

1. Prýðisfólk 42 50 = 92

2. Harley Davidson 40 48 = 88

3. Ingi og Ingveldur 42 46 = 88

4. Hrafnhildur og Ottó 43 45 = 88

5. Ingibjörg og Þorvaldur 40 47 = 87

6. Eagle Creek 43 44 = 87

Verðlaun fyrir 3 efstu sætin:

1. sæti - 2x 85 þúsund kr. gjafabréf frá Golfsaga

2. sæti - 2x 60 þúsund kr. gjafabréf frá Golfsaga

3. sæti - 2x 50 þúsund kr. gjafabréf frá Golfsaga

Glæsilegt lokahóf fór fram í golfskálanum á laugardagskvöldið og þar fór fram verðlaunaafhending. Stjórn GKB þakkar keppendum fyrir komuna og drengilega keppni.

Myndirnar úti á velli tók Valur Jónatansson og Jónína Magnúsdóttir myndaði verðlaunaafhendinguna.

Tilkynning 4 ágúst

Mon, 04 Aug 2025 10:27:00 GMT

Tilkynning - lokað er fyrir golfbíla umferð

Í dag 4. Ágúst er opið fyrir gangandi umferð inná völlinn. Tímabundið eru golfbíla umferð bönnuð þar sem völlurinn er mjög blautur. Við stefnum á að reyna að opna fyrir golfbílaumferð um hádegið, ef aðstæður leyfa.

Staða vallarins er metin reglulega og frekari upplýsingar verða veittar eftir því sem tilefni gefst.

Hægt er að fylgjast með stöðunni á facebook síðu Golfklúbb Kiðjabergs eða í síma 486-4495.

Við biðjum kylfinga um að sýna þolinmæði og fylgjast með tilkynningum.

Gull-styrktarmóti frestað

Sat, 02 Aug 2025 08:22:34 GMT

Frestað vegna veðurs!

Gull Styrktarmót GKB, sem ram átti að fara í dag 2. ágúst á Kiðjabergsvelli, hefur verið frestað vegna veðurs og ástands vallarins. Völlurinn er mjög blautur og aðstæður ekki boðlegar til keppni.

Við biðjumst velvirðingar á þeim óþægindum sem þetta kann að valda. Allir keppendur sem hafa greitt þátttökugjöld eiga þess kost á að fá inneign eða endurgreitt. Vinsamlegast sendið póst á gkb@gkb.is til að óska eftir því.

Golfbolinn - landsmót golfhópa!

Wed, 30 Jul 2025 11:29:27 GMT

Hver er besti golfhópur Íslands?

Golfklúbbur Kiðjabergs stendur fyrir golf-liðamóti dagana 4. og 5. september nk. Mótið ber heitið Golfbolinn og er einskonar landsmót golfhópa á Íslandi. Aðeins 16 lið komast í mótið og geta að hámarki verið átta kylfingar en lágmark sex í hverju liði. Í hverri umferð spila sex kylfingar hverju sinni og tveir varamenn þ.e.s. ef lið eru með hámarksfjölda varamanna.

Nokkrir hópar hafa þegar skráð sig og aðrir sýnt þessu mikinn áhuga. Hinsvegar gildir í þessu eins og öðru, fyrstur kemur fyrstur fær. Ef lið eru of lengi að hugsa sig um er hætta á að fá ekki pláss. Það er því um að gera að senda tölvupóst á, gkb@gkb.is eða hringja í 486-4495 og skrá sig sem fyrst.

Í samtali við Kylfing.is útskýrði Þórður Rafn Gissurarson, framkvæmdastjóri Golfklúbbs Kiðjabergs, hvernig mótið kom til. „Ég hef farið reglulega með mínum vinahópi að keppa í Pollamótinu á Akureyri sem er fótboltamót í bumbubolta en þetta er árlegur viðburður hjá okkur. Ótrúlega gaman að fara með félögunum, keppa á móti öðrum liðum, skemmta sér og njóta. Það hefur blundað í mér hvort að það væri hægt að búa til golfútgáfu af þessu móti. Það er fullt af golfhópum, karla, kvenna og blandaðra á Íslandi og mér fannst líklegt að það væri vettvangur að halda golfmót þar sem keppt er um hver er besti golfhópur landsins.“

Hvernig verður leikfyrirkomulagið?

„Það svipar til Íslandsmóts klúbba. Byrjað er á því að kvöldi 3. september, að lið koma saman í kúbbhúsinu, snæða burger og rennandi með því í boði mótsins og dregið er í riðla. Það verður einnig pub quiz í boði þar sem lið keppa um hvaða hópur er gáfaðasti golfhópur landsins.

Eftir það er liðum raðað í fjóra fjögurra liða riðla og spilaðar þrjár umferðir af 9 holu holukeppni m. forgjöf á móti hinum liðunum í riðlinum. Topp tvö liðin í hverjum riðli spila um sæti 1 til 8 og neðri tvö um sæti 9 til 16. Leikirnir eru spilaðir 4. og 5. september. Allt í allt eru þetta sex umferðir, þ.e. sex holukeppnisleikir en síðasta umferðin er 18 holu holukeppni m. forgjöf. Síðasta kvöldið verður lokahóf þar sem verður verðlaunaafhending, dýrindis kvöldverður og skemmtun langt fram á kvöld,“ segir Þórður Rafn.

Mótið er í raun fyrir alla kylfinga óháð forgjöf. Hóparnir geta hafa verið stofnaðir fyrir 30 árum eða í síðustu viku. Geta verið kylfingar með +5 í forgjöf eða 36 og þvert á aldur þó svo að við miðum við að liðsmenn séu 20 ára eða eldri. Hámarks vallarforgjöf í mótinu verður 24 fyrir karla og 32 fyrir konur og krafa um að liðsmenn séu með gildandi forgjöf, hafi spilað allavega þrjá golfhringi til forgjafar á þessu ári. Verðlaunin fyrir efstu þrjú sætin verða flott. Einnig verða nándarverðlaun alla daga.

Mótið er góður vettvangur til að mynda nýjan golfhóp sem bætist við þann mikla fjölda golfhópa sem nú þegar eru starfræktir. Það verður fyrst og fremst keppt um montréttinn, að vera besti golfhópur landsins. Sigurliðið fær farandbikar. Verðlaunin koma frá samstarfsaðilum, sem eru Boli (Ölgerðin), 66 Norður og fleiri frábær fyrirtæki.

Mótsgjaldið er 30 þúsund krónur á mann þ.e.s. 180 þúsund krónur m.v. 6 manna lið. Ef það eru aukamenn bætist við 30 þúsund krónur per aukamann. Þetta verður "grand" mót og alvöru slútt á sumrinu.

Fréttin er unnin upp úr viðtali við Þórð Gissurarson, framkvæmdastjóra GKB, á vefnum kylfingur.is .

Hjartastuðtæki á vellinum!

Sun, 27 Jul 2025 20:38:23 GMT

Hjartastuðtæki komin inn í báðar salernisaðstöður á Kiðjabergsvelli

Nýverið voru sett upp hjartastuðtæki í sitthvora salernisaðstöðuna, þ.e. milli 3. og 4. brautar og við sameiginlegan teig 12. og 16. á Kiðjabergsvelli.

Nú eru hjartastuðtækin þrjú talsins að meðtöldu tækinu sem er nú þegar til staðar í klúbbhúsi GKB.

Er þetta liður í því að geta brugðist við hjartaáföllum eða öðrum neyðartilvikum, sem krefst slíks tækis, á sem skemmstum tíma.

Með þessum hjartastuðtækjum og staðsetningum dregur úr viðbragðstíma og eykur líkurnar á lífsbjörgun.

GKB þakkar kærlega þeim sem komu að tækjunum með einum eða öðrum hætti.

GKB áfram í 2. deild karla

Fri, 25 Jul 2025 17:10:31 GMT

Sveit GKB heldur sæti sínu í 2. deild

Íslandsmót golfklúbba í 2. deild karla fór fram á Selsvelli á Flúðum og lauk í dag, 25. júlí. Sveit GKB hafnaði í 7. sæti af 8 liðum. Það var sveit Golfklúbbs Bolungarvíkur sem sigraði og leikur í fyrsta sinn í efstu deild að ári. Golfklúbbur Fjallabyggðar fellur í 3. deild.

Sveit GKB var skipuð eftirtöldum:

Pétur Freyr Pétursson

Andri Jón Sigurbjörnsson

Axel Ásgeirsson

Árni Gestsson

Ólafur Sigurjónsson

Árni Freyr Sigurjónsson

Birgir Már Vigfússon

Arnar Snær Hákonarson

Liðsstjóri var Snorri Hjaltason

Lokastaðan í 2. deild:
1. Golfklúbbur Bolungarvíkur

2. Golfklúbburinn Leynir1.

3. Golfklúbbur Setbergs

4. Nesklúbburinn

5. Golfklúbburinn Esja

6. Golfklúbburinn Oddur

7. Golfklúbbur Kiðjabergs

8. Golfklúbbur Fjallabyggðar

Smelltu hér fyrir úrslit:

Myndin sem fylgir fréttinni er af sveit GKB, sem tók þátt í sveitakeppninni á Flúðum.

Hið árlega Gull-styrktarmót GKB

Fri, 25 Jul 2025 15:58:03 GMT

This is a subtitle for your new post

Gull Styrktarmót GKB fer fram á Kiðjabergsvelli laugardaginn 2. ágúst. Þetta er yfirleitt eitt vinsælasta og stærsta mót ársins hjá GKB. Leikfyrirkomulag er Texas Scramble, tveir saman í liði. Hámarks leikforgjöf karla er 24 og kvenna 32.

Verðlaun fyrir 3 efstu sætin
1. sæti - 2x Öxi 66 Norður jakki og gjafabréf f. tvo á Kiðjabergsvöll
2. sæti - 2x Ecco Biom H5 golfskór
3. sæti - 2x 66 Norður Helgafell vesti

Nándarverðlaun á öllum par 3 holum frá Ölgerðinni
Beiðnir um golfbíla skal sendast á gkb@gkb.is
Skráning ha f in í Golfbox. Einnig er hægt að skrá sig með því að ýta á vefslóðina hér fyrir neðan

Gull Styrktarmót - Skráning

Pilsaþytur 2025

Fri, 25 Jul 2025 15:49:24 GMT

This is a subtitle for your new post

Hið árlega og skemmtilega Pilsaþytsmót hjá Golfklúbbi Kiðjabergs fer fram föstudaginn 1. ágúst. Hér er um 9 holu Texas Scramble kvennamót að ræða. Tvær konur eru saman í liði. GKB konur eru hvattar til að bjóða með sér t.d. vinkonu, systur eða mömmu í mótið.

Mótið er innanfélagsmót en klúbbfélagar geta boðið gestum með sér eins og áður segir. Litaþemað í ár er litagleði, sumar og sól. Keppendur klæðist því litríkasta sem þeir eiga. Þetta verður sannkallað Gleðimót með stóru G-i.

Verðlaun eru í boði BYGG, Byggingafélags Gylfa og Gunnars, sem eru styrktaraðilar mótsins.
Mótið er 9 holu Texas Scramble þar sem tvær konur eru saman í liði. Báðar slá, valið er boltinn sem er betri og báðar spila frá þeim stað.

Mæting klukkan 17:00, ræst verður út stundvíslega klukkan 18.00.

Hámarksleikforgjöf er 36 og reiknast forgjöf hvers liðs þannig: samanlögð vallarforgjöf liðsins deilt með 4 en leikforgjöf liðsins er þó aldrei hærri en forgjöf þeirrar sem er með lægri forgjöfina.

Skráning í mótið fer fram í Golfboxi og er verðið kr. 3.000 kr. á keppenda.

Nánari upplýsingar eru í Golfboxi og á GKB kvenna; https://www.facebook.com/groups/596833657003224

Pilsaþytur - Skráning

Draumahringur Skúla Gunnars!

Wed, 23 Jul 2025 15:44:57 GMT

"Leið eins og ég hefði getað spilað á 10 höggum undir pari"

Á lokadegi GJG Icelandic Juniors International 2025, sem spilað var á Kiðjabergsvelli í síðustu viku, sló Skúli Gunnar Ágústsson úr GKG vallarmetið af hvítum teigum. Hann lék á 64 höggum, eða 7 höggum undir pari - fékk 7 fugla og 11 pör. Hann bætti þar með vallarmet Arnars Snæs Hákonarsonar frá því 2012 um tvö högg, en áður höfðu þeir Birgir Leifur Hafþórsson og Örvar Samúelsson átt vallarmetið sem var 68 högg.

Skúli Gunnar er ný orðinn 19 ára gamall. Kemur frá Akureyri og kláraði stúdentspróf frá Menntaskólanum á Akureyri í vor. Hann er nú fluttur suður og er í GKG þar sem hann æfir undir handleiðslu Andrésar Davíðssonar golfkennara. Hann ætlar sér stóra hluti í golfinu í framtíðinni og hefur þegar fengið inngöngu í einn besta golf háskóla Bandaríkjanna, University of Louisiana-Lafayette, haustið 2026. Þetta er helsti Íslendingaskólinn í háskólagolfinu og meðal þeirra sem þarna hafa verið eru Úlfar Jónsson, Haraldur Franklín, Aron Snær og Ragnar Már.

Um hringinn góða á Kiðjabergsvelli sagði hann: “Það gekk ótrúlega vel hjá mér á þessum hring. Var að slá mjög vel og kom mér í fullt af sénsum. Mér leið eins og ég hefði getað spilað á 10 höggum undir pari. Á sjöttu holu (par-4) sló ég inn á flöt af teig með 4-járni og var svekktur að þrípútta þar og fá bara par. Veðrið var frábært þennan dag, logn og sól og völlurinn í flottu standi. Þetta er besti hringur sem ég hef spilað í móti til þessa á ævinni,” sagði Skúli Gunnar kampakátur.

Einn af mínum uppáhalds
“Mér finnst völlurinn mjög fjölbreyttur og skemmtilegur. Frábært landslag og ég mæli með því fyrir alla kylfinga að spila völlinn. Þetta er einn af mínum uppáhalds völlum, ekki nokkur spurning. Mínar uppáhalds holur á vellinum eru 6. og 7. holan, en margar aðrar mjög flottar.”

Hann segir að golfið hafi verið að smella inn hjá sér eftir því sem liðið hefur á sumarið. “Ég er yfirleitt góður af teig og svo hafa járnin verið mjög sterk og ég er oftast að koma mér í góð færi. Svo er þetta alltaf spurning um hvort pútterinn er heitur eða kaldur.”

Skúli hefur lækkað sig í forgjöf í sumar, byrjaði sumarið í +1,5 og hækkaði svo upp í +0,7, en er núna kominn niður í +3,0. Það verður gaman að fylgjast með þessum efnilega kylfingi í framtíðinni og við óskum honum enn og aftur til hamingju með glæsilegt vallarmet.

Hér fyrir neðan má sjá skorkort Skúla:

GJG Icelandic Juniors International 2025

Sun, 20 Jul 2025 18:48:23 GMT

Vallarmetið slegið - 64 högg af hvítum teigum!

GJG Icelandic Juniors International 2025 fór fram á Kiðjabergsvelli í vikunni. Vallarmet, bráðabani og glæsilegt golf setti mark sitt á mótið. Alls tóku 35 keppendur þátt og þar af tveir erlendir. Það sást frábært golf alla þrjá keppnisdagana. Aðstæður voru góðar og völlurinn í flottu standi.

Á síðasta degi mótsins var vallarmet af hvítum teig slegið. Skúli Gunnar Ágústsson lék frábært golf í alla stað og spilaði á 64 höggum eða 7 höggum undir pari. Hann fékk 7 fugla og 11 pör á hringnum. Bætti hann vallarmet Arnars Snæs Hákonarsonar um tvö högg.

Alls var keppt í fimm flokkum og var mikil spenna í þeim öllum, sérstaklega í flokki 18 ára og yngri stúlkna en bráðabana þurfti til að fá sigurvegara.

Úrslitin voru eftirfarandi:

14 ára og yngri kk

1. sæti - Ingi Rafn William Davíðsson

2. sæti - Ben Badelt

3. sæti - Heiðar Örn Heimisson

14 ára og yngri kvk

1. sæti - Tinna Sól Björgvinsdóttir

18 ára og yngri kk

1. sæti - Gunnar Þór Heimisson

2. sæti - Guðjón Frans Halldórsson

3. sæti - Pálmi Freyr Davíðsson

18 ára og yngri kvk

1. sæti - Elísabet Ólafsdóttir (eftir bráðabana)

2. sæti - Sara María Guðmundsdóttir

3. sæti - Sigurást Júlía Arnarsdóttir

23 ára og yngri kk

1. sæti - Skúli Gunnar Ágústsson

2. sæti - Guðmundur Snær Elísson

Elísabet Ólafsdóttir var á lægsta skori allra stelpna á 230 höggum og Skúli Gunnar Ágústsson lægstur allra pilta á 208 höggum.

Við þökkum öllum keppendum kærlega fyrir að koma og taka þátt í þessu frábæra móti og vonum að allir hafi átt góða tíma á Kiðjabergsvelli.

SJÁ HEILDARÚRSLIT.

Hér fyrir neðan má sjá myndir frá mótinu.

Hola í höggi

Mon, 14 Jul 2025 09:44:04 GMT

Svanur Þór náði draumahögginu!

Svanur Þór Vilhjálmsson, félagi í GKB, náði draumahöggi allra kylfinga á Kiðjabergsvelli í gær, sunnudaginn 13. júlí. Hann sló höggið góða á 16. holu vallarins, notaði GAP-wedge við verkið. Þetta er í fyrsta sinn sem hann nær að fara holu í höggi.

"Ég sló ákveðið högg með gap wedge, sá strax að þetta var mjög gott högg. Það kom smá draw á boltaflugið og boltinn lenti svo ofan í holu í öðru skoppi inn á flöt," sagði Svanur Þór sem er búinn að vera í klúbbnum í 10 ár. Hann er með 13 í forjöf. Hann sagði að völlurinn væri í flottu standi.

Svanur Þór er því kominn inn í klúbbinn, sem flestir óska sér að vera í, EINHERJAKLÚBBINN.

77 ára spilaði á 72 höggum!

Tue, 08 Jul 2025 09:16:23 GMT

Spilaði á 5 höggum undir aldri á lokadegi meistaramóts GKB

Brynjólfur Mogensen sem er 77 ára afrekaði það á lokadegi meistaramóts GKB að spila á 72 höggum, eða 5 höggum undir aldri. "Já, mér finnst það stórkostlegt að leika á einu höggi yfir pari og langt undir mínum aldri, var í alla staði skemmtileg upplifun, " sagði Brynjólfur, sem er bæklunarskurðlæknir á eftirlaunum. Hann lék hringinn á 72 höggum, fékk einn skolla og 17 pör!

"Ég lék frábært golf á seinni degi meistaramótsins með góðum félögum. Hringurinn var sá besti sem ég hef leikið. Golfið var á einhvern hátt svo einfalt. Ég var oftast á flöt á réttum höggafjölda. Þá sjaldan ég var ekki á flöt var stutta spilið frábært hjá mér. Púttin voru yfirleitt góð. Ég var oft í ágætum fuglafærum en boltinn krækti fjórum sinnum og ekkert datt. Ég átti aðeins eitt lélegt upphafshögg á stuttri par þrjú braut en það bjargaðist með góðu öðru höggi upp að stöng," sagði Brynjólfur sem lék af rauðum teigum.

Brynjólfur byrjaði í golfi rúmlega fertugur að aldri og hefur komist lægst í rúmlega 8 í forgjöf. Hann segir afar mikilvægt að æfa stutta spilið, það telji mest í golfinu.

"Ég hef síðustu ár leikið nokkra góða hringi og jafnað minn aldur eða verið eitt eða tvö högg yfir af rauðum, bláum eða gulum teigum. Byrjaði rúmlega fertugur í golfi og forgjöfin var lengi í kringum 18. Ákvað eitt árið að æfa eingöngu stutta spilið og forgjöfin fór þá niður í 12. Forgjöfin fór neðst í rúmlega átta."

En hver er galdurinn við að vera svona góður í golfi á þessum aldri?
"Ég hef í langan tíma stundað líkamsrækt og hreyft mig mikið. Tel að hreyfingin og aukin styrkur sé hluti af góðum árangri í golfi. Það er líka nauðsynlegt að bæta stutta spilið því ekki lengjast upphafshöggin með hækkandi aldri. Ekki má gleyma félagslega þættinum í golfinu því það er frábært að ganga um grænar grundir með góðum vinum og leika golf, " sagði Brynjólfur sem oftast er kallaður Billi af sínum nánustu vinum.

Við óskum Billa til hamingju með þennan geggjaða hring á Kiðjabergsvelli.

Skorkortið hans má sjá hér fyrir neðan:

Meistaramót - verðlaunaafhending

Mon, 07 Jul 2025 08:56:30 GMT

Stuð og stemmning í lokahófi meistaramóts GKB

Það var glatt á hjalla í lokahófi meistaramóts GKB í golfskálanum Kiðjabergi á laugardagskvöld. Verðlaun voru afhennt og boðið var upp á "Smörrebrod" hlaðborð Rakelar, sem ávallt góður rómur er gerður að.

Mótið tókst með eindæmum vel, enda veðrið með okkur í liði alla þrjá keppnisdagana. Rúmlega 90 keppendur mættu til leiks að þessu sinni og hafa þeir aldrei verið fleiri í sögu klúbbsins.

Hér fyrir neðan má sjá myndir sem Ninný tók af verðlaunahöfum mótsins.

Meistaramót - lokadagur!

Sat, 05 Jul 2025 21:44:54 GMT

Veðrið lék við keppendur í meistaramóti GKB!

Veðrið lék við keppendur á lokadegi Meistaramóts GKB 2025 í dag. Völlurinn er í flottu ástandi og gleðin var við völd enda ekki annað hægt í slíku veðri og félagsskap! Spennandi keppni var í flestum flokkum. Bergljót Kristinsdóttir var klúbbmeistari kvenna og Gunnar Þór Heimisson hafði áður landað klúbbmeistaratitli karla.

Magnús Þór Haraldsson sigraði í 1. flokki karla, Þröstur Már Sigurðsson í 2. flokki karla, Rakel Þóra Matthíasdóttir í 2. flokki kvenna og Helgi Einarsson í 3 flokki karla. Pálmi Örn Pálmason sigraði í opnum flokki karla, Jóhanna María Björnsdóttir í opnum flokki kvenna og Stefán Vagnsson í öldungaflokki karla.

Helstu úrslit voru sem hér segir:

1. flokkur karla:
1. Magnús Þór Haraldsson 84 82 83 = 249

2. Atli Geir Gunnarsson 84 85 85 = 254

3. Andrés I Guðmundsson 86 86 84 = 256

1. flokkur kvenna:
1. Bergljót Kristinsdóttir 91 88 89 = 268

2. Þuríður Ingólfsdóttir 93 88 91 = 272

3. Brynhildur Sigursteinsdóttir 96 94 84 = 274

2. flokkur karla:
1. Þröstur Már Sigurðsson 85 88 92 = 265

2. Guðmundur K Ásgeirsson 92 86 97 = 275

3. Andri Kári Unnarsson 97 95 94 = 286

3. flokkur karla: (punktar)
1. Helgi Einarsson 40 30 29 = 99

2. Hannes Hjartarson 24 38 26 = 88

3. Magnús Arnarson 33 25 29 = 87

2. flokkur kvenna:
1. Rakel Þóra Matthíasdóttir 31 42 28 = 101

2. Kristín Nielsen 29 37 27 = 93

3. Inga Dóra Sigurðardóttir 30 32 31 = 93

Opin flokkur karla: ( punktar)
1. Pálmi Örn Pálmason - 6 (Pálmi betri en Hreggviður á seinni 18 holunum)

2. Hreggviður Jónsson -6

3. Hjörtur Hannesson - 3

Opin flokkur kvenna:
1. Jóhanna María Björnsdóttir +2
Heiðrún Hauksdóttir +2
3. Guðrún Þórarinsdóttir +3

Öldungaflokkur:
1. Stefán Vagnsson -9

2. Brynjólfur Árni Mogensen -8

3. Steinn Guðmundur Ólafsson -4

Drengjaflokkur:
1. Helgi Hjartarson 79 punktar

Stúlknaflokkur:
1. Hildur Hjartardóttir 78 punktar

Lokastaðan í þriggja daga keppni.

Lokastaðan í tveggja daga keppni (punktakeppni).

Hér fyrir neðan má sjá myndir af deginum.

Meistaramót - 2. keppnisdagur

Sat, 05 Jul 2025 06:34:50 GMT

Metþátttaka í meistaramóti GKB

Sólin skein skært á öðrum degi Meistaramóts GKB á Kiðjabergsvelli í gær, 18 stiga hiti logn og sól. Heildartala keppenda í mótinu er 91, en aldrei hafa jafn margir tekið þátt í Meistaramóti klúbbsins. Lokadagur fer fram í dag og lokahóf í kvöld.

Mikil stemming var í keppendum og hörku keppni í flestum flokkum. Völlurinn er að verða komin í sitt besta form. Ræst er út samtímis af öllum teigum klukka 9:00 og er spáð ágætu veðri.

Við minnum jafnframt á "Smörrebrod" hlaðborð Rakelar í golfskálaum í kvöld kl. 19. Sætispantanir fara fram í síma 6994969 eða rakelmatt@gkb.is

HÉR má sjá stöðuna í þriggja daga mótinu

Hér má sjá stöðua í tveggja daga mótinu.

Meðfylgjandi myndir voru teknar í gær. Augljóslega má sjá að það var mikil stemming meðal keppenda.

Meistaramót - 1. keppnisdagur

Thu, 03 Jul 2025 18:48:51 GMT

Magnús og Bergljót leiða í 1. flokki karla og kvenna

Meistaramót Golfklúbbs Kiðjabergs árið 2025 hófst formlega í dag 3. júlí og voru allir keppendur ræstir út samtímis klukkan 10:00. Keppt er í fimm flokkum karla og kvenna. Á morgun, föstudag, hefst síðan keppni í tveggja daga punktakeppni, karla, kvenna og öldunga. Meistaraflokkur karla lék meistaramótið sl. sunnudag.

Staðan eftir fyrsta keppnisdag af þremur:
1. flokkur karla: forgjöf 7,0 til 13,9:
1. Magnús Þór Haraldsson 84

2. Atli Geir Gunnarsson 84

3. Andrés I Guðmundsson 86

4. Oddur Stefánsson 92

5. Hjalti Sigurðarson 105

2. flokkur karla: 14,0 til 20,4:
1. Þröstur Már Sigurðsson 85

2. Guðmundur K Ásgeirsson 92

3. Árni Sveinbjörnsson 96

4. Andri Kári Unnarsson 97

5. Börkur Arnviðarson 102

6. Baldur Örn Guðnason 109

3. flokkur karla: 20,5 til 54 (Punktakeppni):
1. Helgi Einarsson 40

2. Magnús Arnarson 33

3. Hannes Hjartarson 24

1. flokkur kvenna: +8 til 20,4:
1. Bergljót Kristinsdóttir 91

2. Þuríður Ingólfsdóttir 93

3. Guðný Kristín S Tómasdóttir 95

4. Brynhildur Sigursteinsdóttir 96

5. Theodóra Stella Hafsteinsdóttir 98

6. Regína Sveinsdóttir 101

2. flokkur kvenna: 20,5 til 54 (Punktakeppni m. forgjöf):
1. Guðlaug Elísabet Finnsdóttir 33

2. Sigríður Hrund Pétursdóttir 31

3. Rakel Þóra Matthíasdóttir 31

4. Inga Dóra Sigurðardóttir 30

5. Kristín Nielsen 29

Gunnar Þór klúbbmeistari 2025

Wed, 02 Jul 2025 22:03:28 GMT

Gunnar Þór Heimisson klúbbmeistari karla GKB 2025!

Meistaraflokkur karla tók forskot á sæluna og lék sitt meistaramót sunnudaginn 29. júní. Gunnar Þór Heimisson sigraði og lék 36 holur á 150 höggum, eða 8 höggum yfir pari. Aðrir flokkar hefja leik í meistaramótinu á fimmtudag og föstudag. Lokahóf verður síðan í golfskálanum á laugardagskvöld.

Alls tóku þrettán keppendur þátt í meistaraflokki og spiluðu í ágætis veðri sl. sunnudag. Eins og áður segir var það Gunnar Þór sem stóð uppi sem sigurvegari, en hann vann með minnsta mun því Pétur Freyr Pétursson lék á 151 höggi. Klúbbmeistarinn frá í fyrra, Andri Jón Sigurbjörnsson, varð þriðji á 152 höggum.

Það er stutt stund milli stríða hjá Gunnari Þór því hann hélt til Ungverjalands í þessari viku til að keppa fyrir Íslands hönd í Evrópumóti piltalandsliða.

Við óskum Gunnari Þór til lukku með titilinn og góðs gengis í Ungverjalandi!

Mynd: Gunnar Þór klúbbmeistari ásamt Gunnari afa sínum, sem er oftast kylfusveinn fyrir kylfinginn unga.

Meistaramót GKB 2025

Tue, 01 Jul 2025 09:46:58 GMT

Meistaramótsvika GKB!

Meistaramót Golfklúbbs Kiðjabergs árið 2025 verður haldið dagana 3. til 5. júlí. Hægt er að velja um þriggja daga mót og tveggja daga punktakeppni. Ræst út samtímis klukkan 10:00 fimmtudaginn og föstudaginn 3. og 4. júlí og svo klukkan 09:00 laugardaginn 5. júlí.

Opnu flokkarnir (Opinn flokkur, Öldungar og Unglingar 16 ára og yngri) verða leiknir 4. og 5. júlí.
Forgjafarflokkar og leikfyrirkomulag er eftirfarandi:
Þriggja daga Meistaramót (54 holur)
1. flokkur karla: 7,0 til 13,9 - Höggleikur án forgjafar
2. flokkur karla: 14,0 til 20,4 - Höggleikur án forgjafar
3. flokkur karla: 20,5 til 54 (36 hámarks vallarforgjöf) - Punktakeppni m. forgjöf
1. flokkur kvenna: +8 til 20,4 - Höggleikur
2. flokkur kvenna: 20,5 til 54 (36 hámarks vallarforgjöf) - Punktakeppni m. forgjöf

Tveggja daga Meistaramót - Opnir flokkar (36 holur)
Opinn flokkur - Punktakeppni m. forgjöf
Öldungar - Punktakeppni m. forgjöf
Unglingar 16 ára og yngri - Punktakeppni m. forgjöf

Keppendum boðið að leigja golfbíl á 2.500kr per hring. Ef tveir í sama holli hafa pantað golfbíl skulu þeir deila viðkomandi bíl og kostnaði.

Skráning er opin í Golfbox. Einnig er mögulegt að skrá sig í þriggja daga eða tveggja daga mótið með því að ýta á annanhvorn takkann fyrir neðan.

Skráning - 3ja daga Meistaramót

Skráning - 2ja daga Meistaramót

Lokahóf á laugardaginn
Lokahóf Meitaramótsins verður haldið laugardagskvöldið 5. júlí. Danskt smørre hlaðborð að hætta Rakelar verður í boði og kostar 6.500kr á mann. Borðhald hefst kl. 19 og má gera ráð fyrir að verðlaunaafhending hefjist 19.45.

Til að panta sæti þarf að senda póst á rakelmatt@gkb.is eða hringja í síma 699-4969.

Hvetjum alla til að mæta, njóta góðra veiga og góðs félagsskaps með öðrum klúbbmeðlimum!

Góð þátttaka í Gull 24 Open

Sun, 29 Jun 2025 16:27:58 GMT

Aron Emil og Gunnar Þór léku á 68 höggum!

Gull 24 Open lauk á Kiðjabergsvelli í gær, laugardag. Byrjað var að ræsa út keppendur klukkan 14 föstudaginn 27. júní og var ræst út í heilan sólarhring. Milt og gott veður var mest allan tímann, sólin lét sjá sig um tíma og eins komu nokkrar rigningaskúrir. 320 keppendur mættu til leiks og var keppt í fimm flokkum, bæði punktakeppni karla og kvenna og höggleik án forgjafar.

Aron Emil Gunnarsson úr Golfklúbbi Selfoss og Gunnar Þór Heimisson úr GKB léku best allra í höggleik, báðir á 68 höggum eða 3 höggum undir pari. Aron Emil lék aðeins betur en Gunnar á seinni níu og telst því sigurvegari í þessum flokki. Hlynur Geir Hjartarson úr GOS varð þriðji á 71 höggi.

Verðlaun eru fyrir efstu 5 sætin í hverjum punktaflokki og besta skor.

Úrslit í einstökum flokkum:

Karlar í forgjafarflokki +8 til 15,9
1. Lárus Guðmundsson, Golfkúbbi Selfoss 38 punktar

2. Jón Gunnarsson, Golfklúbbur Suðurnesja 38

3. Harald Pétursson, Golfklúbbur Mosfellsbæjar 38

4. Magnús Rósinkrans Magnússon, Golfklúbbur Kiðjabergs 38

5. Benóný Friðriksson, Golfklúbbur Vestmannaeyja 37

Karlar 16,0 til 28
1. Kristján Víkingur Helgason, Golfklúbbur Reykjavíkur 43

2. Tryggvi Þór Einarsson 39

3. Óli Þór Júlíusson, Golfklúbbur Mosfellsbæjar 38

4. Halldór Halldórsson, Golfklúbburinn Setberg 37

5. Þorsteinn Yngvason, Golfklúbbur Kópavogs og Garðabæjar 37

Konur +8 til 19,9
1. Sólveig Bachmann Gunnarsdóttir Golfklúbbur Mosfellsbæjar 35

2. Þórunn Elfa Bjarkadóttir Golfklúbbur Reykjavíkur 29

3. Brynhildur Sigursteinsdóttir, Golfklúbbur Kiðjabergs 29

4. Eyrún Sigurjónsdóttir, Golfklúbbur Álftaness 28

5. Guðrún Ýr Birgisdóttir, Golfklúbbur Reykjavíkur 27

Konur 20 til 32
1. Hjördís Baldursdóttir, Golfklúbbur Suðurnesja 40

2. Svandís Þorsteinsdóttir, Golfklúbbur Suðurnesja 38

3. Þórunn Einarsdóttir, Golfklúbbur Suðurnesja 34

4. Þóra Sumarlín Jónsdóttir. Golfklúbbur Selfoss 34

5. Aníta Ösp Ingólfsdóttir, Golfklúbbur Brautarholts 32

Verðlaun:

1. sæti - Öxi 66 Norður jakki og 40 þúsund króna gjafabréf hjá Eagle Golfferðir

2. sæti - Helgafell 66 Norður Vesti og gjafabréf fyrir tvo á Kiðjabergsvöll

3. sæti - Ecco S-Casual golfskór frá S4S og hringur fyrir einn a Kiðjabergsvöll

4. sæti - 15 þúsund króna gjafabréf frá Eagle Golfferðir og hringur fyrir einn á Kiðjabergsvöll

5. sæti - 66 Norður Polo stuttermabolur

Besta skor - Ecco S Casual golfskór og hringur fyrir tvo á Kiðjabergsvöll

Nándarverðlaun á öllum par 3 holum:

3. hola - Hjördís Baldursdóttir 70cm

7. hola - Mario Ingi 97cm

12. hola - Jón Rúnar 80cm

16. hola- Ólafur Marel 90cm

Önnur verðlaun:

Lengsta pútt ofan í holu á 18. holu - Atli Steinþórsson 15,84m

Púttkeppni 66 Norður - Kjartan Sævarsson - 6 undir

Útdráttarverðlaun 1 úr púttkeppni - Jón Kjartan

Útdráttarverðlaun 2 úr púttkeppni - Sveinbjörg Ingvarsdóttir

Golfklúbbur Kiðjabergs þakkar öllum fyrir þátttökuna og vonast til að sjá ykkur sem flest aftur á vellinum í sumar. Verðlaun má nálgast í golfskálanum Kiðjabergi.

Myndirnar tóku Valur Jónatansson og Steinunn Ásta Ingadóttir.

Vertu hluti af einstöku golfævintýri

Thu, 26 Jun 2025 11:32:59 GMT

Veðurspáin lofar góðu!

Nú styttist óðum í eitt stærsta golfmót ársins. Gull24 Open. Það hefst á morgun, föstudaginn 27. júní og stendur yfir í heilan sólarhring.. Veðurspáin lofar góðu, hægur vindur og gæti sést til sólar. Enn eru laus pláss fyrir þá sem hafa áhuga.

Komdu og vertu hluti af einstöku golfævintýri í miðnætursól á einum fallegasta golfvelli landsins! Gull 24 Open er glæsilegt einstaklingsmót með forgjöf – opið öllum kylfingum! Golfskálinn opinn allan sólarhringinn.

Keppnisflokkar

Karlar +8 til 15,9

Karlar 16,0 til 28

Konur +8 til 19,9

Konur 20 til 32

Verðlaun eru fyrir efstu 5 sætin í hverjum punktaflokki og besta skor. Nándarverðlaun á öllum par 3 holum.

1. sæti - Öxi 66 Norður jakki og 40 þúsund króna gjafabréf hjá Eagle Golfferðir

2. sæti - Helgafell 66 Norður Vesti og gjafabréf fyrir tvo á Kiðjabergsvöll

3. sæti - Ecco S-Casual golfskór frá S4S og hringur fyrir einn a Kiðjabergsvöll

4. sæti - 15 þúsund króna gjafabréf frá Eagle Golfferðir og hringur fyrir einn á Kiðjabergsvöll

5. sæti - 66 Norður Polo stuttermabolur

Einnig veitt verðlaun fyrir besta skor (bæði kyn saman í flokki)

Besta skor - Ecco S Casual golfskór og hringur fyrir tvo á Kiðjabergsvöll

Ógleymanleg upplifun í hjarta náttúrunnar. Skráning er í fullum gangi í Golfbox. Tryggðu þér rástíma í tíma.

Verð í mótið er 8.000 kr. og greiðist við skráningu (Ódýrara en venjulegt vallargjald).

SKRÁNING HÉR.

Jónsmessumót 2025

Mon, 16 Jun 2025 17:42:58 GMT

Jónsmessumótið handan við hornið!

Að venju komum við félagsmenn GKB saman og spilum Jónsmessumót föstudaginn 20. júní. Það fer fram á skrautlegan hátt, þar sem spilað er 9 holu 4ja manna Texas Scramble og svo 9 holu púttkeppni. Mæting í golfskála kl 20:30 og það verður ræst út af öllum teigum kl. 21:00.

Forgjöf er samanlögð leikforgjöf deilt með 5, þó ekki yfir lægstu leikforgjöf í hópnum. Sama er hvaða flokkur er valinn við skráningu! Hægt er að skrá 1 til 4 leikmenn í hóp, en ef færri en 4 eru skráðir verður raðað í hópa.

Glæsileg verðlaun fyrir efstu þrjú sætin og nándarverðlaun á öllum par-3 holum.

Mótsgjald er 2.500, kr.

Skráning fer fram HÉR í Golfbox .

Skráning hafin í Gull 24 Open

Mon, 09 Jun 2025 22:24:43 GMT

Getur valið að spila á hvaða tíma sólarhringsins sem er!

Fjölmennasta opna golfmót ársins á Íslandi, GULL 24 OPEN 2025, fer fram á Kiðjabergsvelli 27. - 28. júní og er skráning þegar hafin. Þetta verður sannkölluð 24 klukkustunda golfveisla þar sem ræst verður út í heilan sólarhring. Kylfingar geta valið sér að spila á hvaða tíma sólarhringsins sem er, hvort sem það er klukkan 8 að morgni eða 23 að kveldi.

Keppnisflokkar:

Karlar +8 til 15,9

Karlar 16,0 til 28

Konur +8 til 19,9

Konur 20 til 32

Besta skor í höggleik er einnig verðlaunað. Glæsileg verðlaun fyrir efstu 5 sætin í hverjum forgjafarflokki og eins fyrir besta skor. Nándarverðlaun á öllum par 3 holum.

Golfskálinn opinn allan sólarhringinn
Tryggðu þér rástíma sem hentar þér í tíma. Golfskálinn verður opinn allan sólarhringinn. Við skráningu á GolfBox er hægt að skrá 4 leikmenn samtímis á rástíma. Leikmenn eru skráðir með félagsnúmeri þannig að þau þurfa að vera tiltæk (t.d. 12-3456). Sá sem skráir leikmenn þarf að greiða fyrir alla.

Karlar að verða 14 ára að aldri og yngri auk karla að verða 70 ára og eldri leika af rauðum teig nema ætli að taka þátt í höggleik án forgjafar. Þá leikið af gulum teigum. Þeir karlmenn sem ætla að taka þátt í besta skori án forgjafar þurfa að spila af gulum teigum. Allar konur spila af rauðum teigum.

Verð í mótið er 8.000 kr. og greiðist við skráningu. Fyrirspurnir varðandi golfbíla sendið póst á gkb@gkb.is

ATH. Mótsgjald er óendurkræft ef hætt er við þátttöku innan 24 klst frá fyrsta rástíma.

HÉR er hægt að skrá sig í mótið.

Uppselt var í Stóra Texas mótið

Sun, 08 Jun 2025 08:26:15 GMT

Úrslit í Stóra 66° Norður Texas mótinu!

Stóra 66° Norður Texas Scramble mótið fór fram í blíðskapar veðri á Kiðjabergsvelli í gær, laugardaginn 7. júní. Uppselt var í mótið, eða 88 lið. Mótið er eitt það vinsælasta á vellinum og yfirleitt komast færri að en vilja. Sigurvegarar voru þau Guðrún Anna Kjartansdóttir og Baldur Sigurbjörn Ingason úr Golfklúbbi Álftaness, en þau léku 57 höggum nettó, eða 14 höggum undir pari og voru einu höggi á undan næstu liðum.

Leikfyrirkomulag var Texas Scramble, tveir saman í liði. Hámarks leikforgjöf karla 28 og kvenna 32. Glæsileg verðlaun voru í boði frá 66 Norður fyrir efstu þrjú sætin. og nándarverðlaun frá Minigarðinum á öllum par 3 holum.

Nándarverðlaun :

3. hola - Jón Ingi 1,26m

7. hola - Jakob Bjarnar - 1,27m

12. hola - Alex Ólafsson - 3,03m

16. hola - Petrína - 61cm

1. sæti - Guðrún og Baldur : 2x 66 Norður Setberg Anorakkur

2. sæti - Furðufuglarnir : 2x 66 Norður Tindur peysa

3. sæti - Laufléttir: 2x 66 Norður golfbolir

Hægt er að nálgast verðlaunin í golfskálanum Kiðjabergi. Við þökkum öllum keppendum fyrir komuna.

Heidarúrslit má sjá HÉR.

Stóra Texas mótið um helgina

Tue, 03 Jun 2025 10:38:45 GMT

Stóra Texas mótið - eitt vinsælasta mótið á Kiðjabergi

Stóra 66° Norður Texas Scramble mótið fer fram laugardaginn 7. júní. Þetta er eitt vinsælasta mót ársins á Kiðjabergsvelli og yfirleitt komast færri að en vilja. Það er því um að gera að skrá sig í tíma.

Leikfyrirkomulag er Texas Scramble, tveir saman í liði. Hámarks leikforgjöf karla 28 og kvenna 32. Forgjöf liða reiknast sem samanlögð vallarforgjöf liðs, deilt með 2,5 - þó ekki hærri en forgjöf þess liðsmanns sem hefur lægsta vallarforgjöf.

Einungis karlar sem verða 70 ára á árinu, og eldri spila auk drengja yngri en 16 ára spila af rauðum teig nema annars sé óskað af viðkomandi kylfing áður en mót hefst.

Glæsileg verðlaun frá 66 Norður fyrir efstu þrjú sætin.

Nándarverðlaun frá Minigarðinum á öllum par 3 holum.

Skráning fer fram á netinu.

Ef þarf að afskrá lið, sendu póst á gkb@gkb.is Afbókanir gerðar innan 24klst m.v. fyrsta rástíma eru óendurkræfar.

Leiga á golfbíl - 8.000 kr. Panta þarf golfbíl með því að senda póst á gkb@gkb.is. ATH viðkomandi þarf að fá staðfestingu frá starfsmanni GKB í skriflegu formi að bíll sé frátekinn í nafni þess aðila.

HÉR er hægt að skrá sig í mótið.

Úrslit í Grand Open

Sat, 31 May 2025 23:21:43 GMT

Daníel og Eggert á 14 höggum undir pari

Fyrsta opna mót ársins á Kiðjabergsvelli, GRAND OPEN, fór fram í blíðskapar veðri í dag, laugardaginn 31. maí. Leikfyrirkomulag var tveggja manna Betri Bolti með forgjöf. Sigurvegarar voru Mosfellingarnir Daníel Jónsson og Eggert Páll Einarsson, en þeir nefndu liðið sitt 270 og léku á 57 höggum nettó, eða 14 höggum undir pari.

Lið 270 var í nokkrum sérflokki því næstu lið voru sjö höggum á eftir. Lið Unnarsson/Kristmundsdóttir (Gunnlaugur Kristinn Unnarsson og Helga Kristmundsdóttir úr GKB) hafnaði í 2. sæti á 64 höggum og Hvíti Riddarinn (Geir Rúnar Birgisson og Laufey Ólafsdóttir úr GM) í þriðja sæti á sama skori, en aðeins lakari á seinni níu.

Glæsileg verðlaun voru fyrir 3 efstu sætin:

1. sæti - 2x Vatnajökull vesti frá 66 Norður

2. sæti - 2x Tindur vesti frá 66 Norður

3. sæti - Ecco S-Casual Golfskór

Nándarverðlaun:

3. hola: Björn Levi Valgeirsson, GKG, - 1,73 m

7. hola; Ásgeir Steinarsson, Golfklúbbi Sandgerðis - 3,56 m.

12. hola: Andri Hrafn Þorvaldsson, GKB - 0,45 m.

16. hola: Benóný Friðriksson, GV - 3,62

Þau hljóta 10.00 króna gjafabréf frá Minigarðunum.

Eins og áður segir var veðrið mjög gott og mikil og góð stemmning meða keppenda. GKB þakkar öllum keppendum fyrir komuna í fyrsta mót sumarsins. Hægt er að nálgast öll verðlaun í golfskálanum Kiðjabergi.

HÉR má sjá heildarúrslit mótsins.

Grand Open um helgina

Sun, 25 May 2025 17:51:02 GMT

Gran Open fer fram 31. maí

Fyrsta opna mót sumarsins, GRAND OPEN, og fer fram laugardaginn 31. maí. Allir keppendur verða ræstir út á sama tíma, klukkan 09:00. Leikfyrirkomulag er tveggja manna Betri Bolti með forgjöf (punktar). Hámarks leikforgjöf karla 28 og kvenna 32. Karlar spila af gulum teigum og konur af rauðum teigum.

Leikfyrirkomulag:

Betri bolti m. forgjöf (punktar) tveir saman í liði.

Tveggja manna Betri Bolti með forgjöf. Leikfyrirkomulagið er betri bolti m/forgjöf þar sem betra skor liðsins telur á holu, þetta er punktakeppni og þannig telja punktar þess sem fékk fleiri punkta á holu.

Ræst er út af öllum teigum á sama tíma kl. 09:00 (shotgun).

Hámarks leikforgjöf karla 28 og kvenna 32. Karlar spila af gulum teigum og konur af rauðum teigum.

Karlar sem verða 70 ára á árinu og eldri spila frá rauðum teig, en leikmenn geta að sjáfsögðu beðið um undanþágu frá því, með því að skrifa það í Skilaboð.

Glæsileg verðlaun fyrir 3 efstu sætin og næst holu

1. sæti - 2x Vatnajökull vesti frá 66 Norður

2. sæti - 2x Tindur vesti frá 66 Norður

3. sæti - Ecco S-Casual Golfskór

Nándarverðlaun á öllum par 3 holum - 10 þús. króna gjafabréf í Minigarðunum

Óskir um golfbíla á meðan móti stendur skal senda á gkb@gkb.is . Staðfestingu þarf frá golfklúbbi að bíll sé frátekinn.

Mótagjald er óendurkræft ef hætt er við þátttöku innan 24 klukkustunda fyrir rástíma.

HÉR er hægt að skrá sig í mótið.

Vel heppnaður vinnudagur

Sun, 11 May 2025 11:15:35 GMT

50 manns mættu til leiks á vinnudag GKB

Um 50 manns mættu til leiks á vinnudag GKB í gær, laugardaginn 10. maí. Það voru ýmis verkefni sem þurfti að inna af hendi og voru þau leyst með sóma undir góðri forystu Þórhalla sem var verkefnastjóri dagsins.

Það var mikill stemmari hjá sjálfboðaliðum þrátt fyrir einstaka haglél, sem lét sjá sig á meðan vinnudeginum stóð. Eftir vinnudaginn var hópnum boðið upp í golfskála þar sem boðið var upp á pylsur og drykki.

Golfklúbbur Kiðjabergs og Félag Lóðarhafa í Kiðjabergi þakka öllum þeim sem komu og lögðu hendur á plóg. Alltaf gaman að sjá samheldnina og gleðina sem myndast á þessum degi

Meðfylgjandi myndir sýna einungis örlítið brot af vinnudeginum og stemmingunni

Fyrsta golfmót sumarsins!

Thu, 08 May 2025 14:07:56 GMT

GKB GRAND OPEN - 2JA MANNA BETRI BOLTI

Fyrsta golfmót sumarsins á Kiðjabergsvelli verður, GKB GRAND OPEN, og fer fram 24. maí. Allir ræstir út á sama tíma klukkan 09:00. Leikfyrirkomulag er tveggja manna Betri Bolti með forgjöf (punktar). Hámarks leikforgjöf karla 28 og kvenna 32. Karlar spila af gulum teigum og konur af rauðum teigum.

Leikfyrirkomulag:

Betri bolti m. forgjöf (punktar) tveir saman í liði.

Ræst er út af öllum teigum á sama tíma kl. 09:00 (shotgun).

Hámarks leikforgjöf karla 28 og kvenna 32. Karlar spila af gulum teigum og konur af rauðum teigum.

Karlar sem verða 70 ára á árinu og eldri spila frá rauðum teig, en leikmenn geta að sjáfsögðu beðið um undanþágu frá því, með því að skrifa það í Skilaboð.

Glæsileg verðlaun fyrir 3 efstu sætin og næst holu

1. sæti - 2x Vatnajökull vesti frá 66 Norður

2. sæti - 2x Tindur vesti frá 66 Norður

3. sæti - Ecco S-Casual Golfskór

Nándarverðlaun á öllum par 3 holum - 10 þús. króna gjafabréf í Minigarðunum

Ef hætt er við þátttöku sendið póst á gkb@gkb.is .

Óskir um golfbíla á meðan móti stendur skal senda á gkb@gkb.is . Staðfestingu þarf frá golfklúbbi að bíll sé frátekinn.

Mótagjald er óendurkræft ef hætt er við þátttöku innan 24 klukkustunda fyrir fyrsta rástíma.

ATH. Ef ekki er fullt í mót áskilur mótanefnd sér að breyta upphafsteig liða til að geta opnað golfvöllinn fyrr fyrir almenna umferð.

HÉR er hægt að skrá sig í mótið.

Opnun Kiðjabergsvallar

Sun, 04 May 2025 16:58:35 GMT

Formleg opnun var 1. maí

Kiðjabergsvöllur opnaði formlega þetta golfsumarið, 1. maí síðastliðinn. Völlurinn kemur vel undan vetri og hefur sjaldan verið í svona góðu ástandi á þessum tíma árs. Eins og áður geta klúbbmeðlimir bókað rástíma með sjö daga fyrirvara.

Klúbbhúsið er opið frá 1. maí og taka Rakel, Daníel og co vel á móti gestum og gangandi. Allar greiðslur fyrir vallargjöld fara nú í gegnum Golfbox.

Við hlökkum til að taka á móti öllum kylfingum og óskum ykkur gleðilegs og forgjafarlækkandi golfsumars! Eins og flestum er kunnugt þá var Kiðjabergsvöllur útnefndur "Besti golfvöllur Íslands árið 2024" af World Golf Awards.

Vinnudagur 10. maí
Hinn árlegi vinnudagur verður haldinn 10. maí næstkomandi. Nánari upplýsingar varðandi hvaða tíma dags verður auglýst á allra næstu dögum. Vonast er eftir því að sem flestir mæta líkt og síðustu ár. Margar hendur vinna létt verk og gaman að hitta aðra klúbbfélaga, eiga góða stund saman og ditta að hinum ýmsu verkefnum. Að venju verður boðið upp á pylsur og drykki.

Hægt er að sækja um aðild að klúbbnum HÉR.

Nýr liðsmaður í okkar teymi

Sat, 19 Apr 2025 09:30:58 GMT

Dakic er nýr liðsmaður í okkar golfvallarteymi

Enn bætist í golfvallateymi okkar á Kiðjabergsvelli. Við kynnum með stolti Sasha Dakic sem kemur með víðtæka reynslu úr golfgeiranum og hefur meðal annars starfað á einum af þekktustu golfvöllum Norðurlanda – Lofoten Links í Noregi. Þar tileinkaði hann sér dýrmæta þekkingu á umhirðu, þjónustu og heildarstjórnun á fyrsta flokks golfvelli við krefjandi aðstæður.

Með fagmennsku, góðri þekkingu, dugnaði og miklum metnaði hefur Sasha skapað sér gott orðspor á sínu sviði meðal fyrrum golfvallarstjóra og samstarfsmanna. Hann leggur áherslu á gæði í öllum verkum og hefur skilning á mikilvægi upplifunar kylfinga á meðan hring stendur. Með komu hans styrkjum við teymið okkar til muna og horfum bjartsýn fram á veginn.

Dúkalagning á flatir og teiga

Þar sem næturkuldi hefur verið í kortunum eyddu Mikael, nýráðinn vallarstjóri, Sasha Dakic, nýr vallarstarfsmaður, Skúli sjálfboðaliði og Þórður framkvæmdastjóri nokkrum dögum í vikunni í að setja dúk á hluta af flötum vallarins til að vernda þær fyrir kulda og vindi næstu daga og flýta þannig fyrir að þær komist í frábært stand.

Nýr vallarstjóri ráðinn

Mon, 07 Apr 2025 18:14:34 GMT

Mikael Moisio vallarstjóri GKB 2025

Golfklúbbur Kiðjabergs hefur fengið til sín nýjan vallarstjóra sem heitir Mikael Moisio og tekur við keflinu af Steve Krieger. Steve komst því miður ekki þetta árið vegna fjölskylduástæðna en ætlar sér að koma aftur til okkar um leið og aðstæður leyfa. Við bjóðum Mikael hjartanlega velkominn í Kiðjabergið og hlökkum til að sjá völlinn blómstra undir hans stjórn.

Mikael er menntaður golfvallarfræðingur og býr yfir mikilli reynslu í greininni. Hann hefur starfað sem vallarstjóri á nokkrum golfvöllum, meðal annars á Leempa Golf Club í Finnlandi, þar sem hann leiddi fjölmörg umbótaverkefni og setti vallaraðstæður og umhirðu á golfvellinum á annan standard. Hann er þegar farinn að láta til sín taka á Kiðjaberginu og lýsir mikilli ánægju með nýja starfið.

„ Það er frábært að vera kominn í Kiðjabergið. Þetta er einstaklega fallegur völlur með mikla möguleika, og það er greinilegt að hér er sterk hefð og mikill metnaður fyrir gæðastarfi. Ég hlakka til að vinna með öflugu teymi og félagsmönnum að því að gera Kiðjabergsvöll enn betri á næstu árum ," sagði Mikael.

Klúbbmeðlimir og aðrir kylfingar geta hlakkað til spennandi tíma í sumar, með nýjan og kraftmikinn vallarstjóra við stjórnvölinn.

Drög að mótaskrá GKB í sumar

Fri, 04 Apr 2025 23:26:36 GMT

Fyrsta mót ársins verður 24. maí

Drög að mótaskrá GKB fyrir sumarið er nú komin inn á Golf.is. Fyrsta mót ársins verður 24. maí á Kiðjabergsvelli, en það er Grand Open, þar sem leikfyrirkomulag er tveggja manna Betri Bolti með forgjöf .

Gull 24 open verður 26. - 27. júní, en það er glæsilegasta og fjölmennasta golfmót ársins á Íslandi. Ræst verður út stanslaust í sólarhring, frá kl. 14:00 á föstudegi til kl. 13:50 á laugardegi.

Meistaramót klúbbsins verður 3. - 5. júlí. Lokamót ársins er svo hin árlega Bændaglíma sem fram fer 13. september.

Helstu mót sumarsins á Kiðjabergsvelli:

GKB GRAND OPEN 24.5.

STÓRA 66 NORÐUR TEXAS SCRAMBLE MÓTIÐ 7.6.

Landsmót Golfklúbba 19-23 ára 10 - 11.6.

TARAMAR GKG - GKB vinkvennaheimsókn 13.6.

Bikarmót GKB-GÖ 15.6.

Jónsmessumót GKB 20.6.

GULL 24 OPEN 27 - 28.6.

Meistaramót GKB 03 - 5.7.

Meistaramót GKB - Opinn flokkur 04 - 5.7.

GJG Iceland Juniors International 16 - 18.7.

VENTURA OPEN 24.7.

Pilsaþytur Kiðjabergi - Innanfélagsmót 1.8.

Gull Styrktarmót GKB - Texas Scramble 2.8.

Hjóna og parakeppni Golfsögu og Verdi Travel 08 - 9.8.

Exedra kvennamótið 14.8.

Íslandsmót Golfhópa 04 - 5.9.

Bændaglíma GKB - Innanfélagsmót 13.9.

Ath. að mótaskráin getur breyst án fyrirvara.

Kemur vel undan vetri

Fri, 04 Apr 2025 22:32:03 GMT

Grænt gras farið að sjást víða um völlinn!

Það er óhætt að segja að Kiðjabergsvöllur komi vel undan vetri og grænt gras farið að sjást víða um völlinn. Það er smá bleyta hér og þar en ekkert sem þarf að hafa áhyggjur yfir, enda hiti í kortunum næstu daga með hækkandi sól.

Veðurspá næstu daga hljóðar upp á hlýindi í bland við rigningu. Þó svo að einstaka sinnum fari næturhiti aðeins undir frostmark mun það hafa lítil áhrif á völlinn.

Að neðan má sjá nokkrar myndir af Kiðjabergsvelli sem voru teknar um daginn.

66* Norður á tilboði fyrir GKB-félaga

Mon, 31 Mar 2025 18:37:47 GMT

**GKB meðlimir fá frábær kjör á fatnaði frá 66* Norður**

66* Norður, sem er einn af stærstu styrktaraðilum Golfklúbbs Kiðjabergs, býður klúbbmeðlimum upp á sérstök kjör á ýmsum fatnaði sem hentar í íslenska golfsumarið, í útiveruna og/eða í afmælis- og fermingargjöf.

Má þar nefna frábæra golfboli sem er nýkomnir á markað ásamt vinsælu OK jakkanum og vestinu sem er tilvalið við golfiðkun, göngutúr eða annað útiverutengt.
Þessi tilboð gilda út 30. april næstkomandi.

Allar pantanir skulu fara í gegnum gkb@gkb.is .

Sjá link hér fyrir neðan:

66* Norður Fatnaður á GKB kjörum

Framkvæmdagleði í Kiðjabergi

Sun, 16 Feb 2025 18:58:41 GMT

Framkvæmdir við stækkun eldhúss og starfsmannaaðstöðu í fullum gangi

Framkvæmdir við stækkun á eldhúsi golfskálans í Kiðjabergi og nýja starfsmannaaðstöðu fyrir golfvallarstarfsmenn eru nú í fullum gangi við hliðina á 2. braut vallarins. Undirstöðuvinna er komin í gang og unnið er að því að gera klárt fyrir að setja upp tilbúin hús á grunninn á næstu vikum.

Á myndum má sjá Þórhalla Einarsson, varaformann vallarnefndar, ásamt Pétri J. Haraldssyni og Einari Erni Einarssyni að taka fullan þátt í framkvæmdum. Bætt eldhús- og starfsmannaaðstaða er mikill hvalreki fyrir golfklúbbinn, þar sem það mun bæta til muna þjónustu við kylfinga og aðstöðu fyrir golfvallarstarfsmenn.

Þá er einnig fyrirhugað að ljúka lagningu vökvunarkerfi fyrir seinna níu um leið og vorar og aðstæður leyfa. Með því verður allur völlurinn kominn með sjálfvirkt vökvunarkerfi af nýjustu gerð, sem mun tryggja betri vökvun og bættum leikskilyrðum fyrir alla kylfinga.

Við hlökkum til að njóta þeirra bættra aðstæðna sem framundan eru og munum halda félagsmönnum og öðrum uppfærðum um gang framkvæmda á næstu vikum.

GKB og 66°Norðu í samstarf

Sun, 16 Feb 2025 18:45:31 GMT

66°Norður einn af stærstu bakhjörlum GKB

66°Norður einn stærsti bakhjarl GKB

Golfklúbbur Kiðjabergs og 66°Norður hafa undirritað samstarfssamning sem markar upphaf spennandi samstarfs á komandi árum. Með samningnum verður 66°Norður einn af stærstu styrktaraðilum Golfklúbbs Kiðjabergs og mun styðja við starfsemi klúbbsins á fjölbreyttan hátt.

Sem hluti af samstarfinu mun 66°Norður verða aðalstyrktaraðili Stóra 66°Norður Texas Scramble mótsins, sem er eitt af stærstu og vinsælustu mótum klúbbsins. Auk þess mun fyrirtækið veita verðlaun fyrir stærstu mót klúbbsins og styðja keppnissveitir Golfklúbbs Kiðjabergs með golffatnaði af hæstu gæðum.

Þá munu meðlimir GKB njóta sérstakra kjara á sérstökum tímabilum á fatnaði frá 66°Norður, sem býður upp á breitt úrval af fatnaði sem hentar frábærlega til golfiðkunar í öllum veðrum. Þessi samningur styrkir því ekki aðeins mótahald og afreksstarf klúbbsins, heldur býður einnig félagsmönnum upp á frábær tækifæri til að útbúa sig með hágæða útivistarfatnaði frá leiðandi vörumerki á þessu sviði.

Þórður Rafn Gissurarson, framkvæmdastjóri Golfklúbbs Kiðjabergs, segir um samstarfið:

"Við erum afar ánægð með að ganga til samstarfs við 66°Norður, sem er talið af mörgum sterkasta og virtasta útivistarmerki landsins. Golf er íþrótt sem krefst réttrar útbúnaðar við fjölbreyttar veðuraðstæður, og með þessu samstarfi tryggjum við bæði keppnislið okkar og félagsmönnum frábæran aðgang að hágæða fatnaði. Við hlökkum til þess að vinna með 66°Norður að því að efla golfíþróttina og skapa frábærar upplifanir fyrir félagsmenn og gesti okkar. Við hvetjum okkar félagsmenn enn fremur að velja 66°Norður þegar velja á fatnað fyrir golf og aðra útivist."

Golfklúbbur Kiðjabergs fagnar þessu öfluga samstarfi við 66°Norður og lítur björtum augum til komandi keppnistímabila með sterkan bakhjarl sér við hlið.

Á mynd má sjá Þórð Rafn Gissurarson, framkvæmdastjóra Golfklúbbs Kiðjabergs og Hilmar Þór Kárason, viðskiptastjóra 66°Norður handsala samninginn.

Haustferð GKB 2025

Thu, 23 Jan 2025 18:09:24 GMT

Haustferð til Novo Sancti Petri!

Haustferð GKB 2025 er nú í bígerð og er von á að ferðin komi í sölu innan skamms. Verið er að ganga frá lokahnútum varðandi haustferð til Novo Sancti Petri með Golfsögu sem verður líklega á tímabilinu 30. sept - 12 október. Beðið er eftir staðfestingu frá Golfsögu varðandi nákvæmar dagsetningar.

Þetta verður 10-11 nátta ferð, ótakmarkað golf, hálft fæði auk drykkja á hóteli frá ákveðnum tíma (líklega frá kl. 18:00) á kvöldin.

Verð fyrir ferðina eru ekki komin á hreint en talið að verði eftirfarandi m.v. 11 nátta ferð (með fyrirvara og engin ábyrgð tekin á breytingum)

Tvíbýli: 450-460 þúsund á mann
Einbýli: 540-550 þúsund á mann.

Þó svo að verð o.fl. er ekki komið er mikilvægt að láta klúbbmeðlimi vita þar sem almennu haustgolfferðirnar fara að detta inn hjá ferðaskrifstofunum og eflaust einhverjir GKB meðlimir farnir að hugsa hvernig eigi að teygja golfsumarið lengra inn í haustið og veturinn.

Þeir sem eru áhugasamir um ferðina endilega sendið póst á gkb@gkb.is með nöfnum og kennitölum.

Athugið þeir sem senda póst og eru setti á lista eru ekki sjálfkrafa skráðir í ferðina heldur verður haft samband við þá aðila fyrst þegar ferðin kemur í sölu.
Fyrstur kemur fyrstur fær.

Takmarkaður sætafjöldi í boði eða ca. 52 sæti.

Í fyrra seldist upp í ferðina til Fairplay á mettíma og var biðlisti.

Novo Sancti Petri er frábært golfsvæði, 2 18 holu vellir (A og B), báðir eru hannaðir af Seve Ballesteros. Hótelið er einnig mjög gott og stendur það við fallega hvíta strönd.

Hermamót GKB 1. febrúar næstkomandi

Mon, 06 Jan 2025 14:55:29 GMT

Hermamót GKB 1. FEBRÚAR 2025

Hermamót GKB 1. febrúar 2025 ⛳��

Hermamót Golfklúbbs Kiðjabergs verður haldið laugardaginn 1. febrúar frá kl. 12.30 til 15.
Allir kylfingar mæti kl. 12.15 svo að það sé hægt að hefja leik á slaginu 12.30

Mótið verður haldið í glæsilegri golfhermaaðstöðu hjá Golfhöllinni Granda - Fiskislóð 53-59

Hámark þrír kylfingar per hermi - Hámarksþáttaka 30 manns (10 hermar).

Mótið er punktakeppni m. forgjöf og er miðast við að Trackman forgjöf sé 3/4 af venjulegri GolfBox forgjöf ef viðkomandi er ekki núþegar með Trackman forgjöf.

Leikið verður á Marco Simone Golf & Country Club sem hýsti Ryder Cup árið 2023. Skemmtilegur golfvöllur í alla staði. ��⛳

Veitt verða verðlaun fyrir efstu þrjú sætin auk næst holu á 5. og 17. holu.

Mótsgjald - 5000kr per kylfing.

ATH. Mótastjóri getur frestað og/eða aflýst mót ef nægileg þátttaka er ekki komin fyrir 26. janúar.

Skráning fer fram hér í Golfboxi .

ATH. MÓTIÐ ER EINUNGIS FYRIR KLÚBBMEÐLIMI GKB

Jólakveðja

Fri, 27 Dec 2024 15:48:49 GMT

Gleðileg jól og farsælt komandi golfár!

Golfklúbbur Kiðjabergs óskar klúbbmeðlimum og landsmönnum öllum gleðilegra jóla og farsældar á komandi ári. Við þökkum samfylgdina á árinu 2024 og hlökkum til að sjá ykkur hress og kát á Kiðjabergsvelli árið 2025.

Rekstur GKB gekk vel á árinu

Thu, 12 Dec 2024 21:38:12 GMT

Guðmundur endurkjörinn formaður og hagnaður af rekstri klúbbsins

Aðalfundur GKB fór fram í golfskálanum Kiðjabergi um síðustu helgi og var fundurinn vel sóttur af félagsmönnum. Guðmundur Ásgeirsson var endurkjörin sem formaður. Rúmlega 17 milljóna króna hagnaður var af rekstri klúbbsins á árinu.

"Staða okkar er góð, en eins og allir vita erum við að fjárfesta mikið á komandi árum," sagði Guðmundur formaður á fundinum. "Framkvæmdum nánast lokið við stækkun á vélaskemmu, sprinkler kerfi í völlinn er langt komið og á vormánuðum voru pantaðar vélar fyrir um 16 milljónir og komu þær til landsins í júní. Á haustdögum skrifuðum við undir leigusamning á 5 nýjum golfbílum."

"Árið hófst með glæsilegri golfferð til Fairplay á Spáni í lok apríl þar sem rúmlega 50 félagar spiluðu golf við frábærar aðstæður. Reksturinn gekk vel, andinn í klúbbnum er mjög góður og völlurinn okkar var einstaklega glæsilegur og virkilega gaman að spila Kiðjabergið síðastliðið sumar. Einnig er einstaklega gaman að koma inn í golfskálann okkar en þar tekur Rakel og hennar starfsfólk á móti okkur með bros á vör. Þrátt fyrir að veðrið hafi ekki verið upp á það besta í sumar, þá endaði starfsárið einstaklega skemmtilega fyrir okkur því að Golfvöllur Kiðjabergs var valinn besti golfvöllur Íslands 2024 af World Golf Awards."

Rekstrartekjur á starfsárinu eru tæplega 105 milljónir og hafa aldrei verið hærri, en á móti hækkuðu rekstrargjöld um aðeins 3 milljónir. Meðlimum í klúbbnum fjölgaði aðeins á árinu og eru nú 437 talsins, 61% karlar og 39% konur. 8.889 hringir voru spilaðir á Kiðjabergsvelli á þessu ári, en 9.596 hringir á síðasta ári. GKB félagar spiluðu 5.239 hringi í Kiðjabergi sem er 59 prósent af skráðum hringjum í Golfboxinu.

Formaður lagði fram tillögu stjórnar að hækkun félagsgjalda fyrir árið 2025. Lagt var til að hækkun gjaldskrár verði um 8% og var það samþykkt samhljóða.

Stjórn GKB skipa:

Formaður: Guðmundur Ásgeirsson

Brynhildur Sigursteinsdóttir

Gunnar Þorláksson

Þórhalli Einarsson

Á síðasta aðalfundi voru eftirtaldir kjörnir til tveggja ára:

Jónas Kristinsson

Magnús Haraldsson

Sigurlaug Gissurardóttir

Fundarstjóri aðalfundar var Hjörleifur B. Kvaran og fundarritari Jónas Kristinsson.

Aðalfundur GKB 2024 haldinn á morgun 7. desember

Fri, 06 Dec 2024 13:29:32 GMT

Aðalfundur GKB 2024 haldinn á morgun, 7. desember, í klúbbhús GKB í Kiðjabergi

Kæru félagar.
Á morgun fer aðalfundur GKB 2024 í klúbbhúsi GKB í Kiðjabergi.
Aðalfundur hefst kl. 13 og má sjá dagskrá að ofan

Athugið að klubbmeðlimir fá ársreikning sendan á netföng sín seinna í dag. Ekki verður boðið upp á ársreikning í prentuðu formi á staðnum heldur þarf að koma með.

Vonumst til að sjá sem flesta

Kv. Stjórn GKB

Styttist í aðalfund GKB 2024

Thu, 28 Nov 2024 12:01:11 GMT

Aðalfundur GKB 2024 haldinn þann 7. desember næstkomandi

Kæru félagar.
Það styttist í aðalfund GKB 2024 sem fer fram þann 7. desember næstkomandi.

Fundurinn verður haldinn kl. 13 í klúbbhúsi GKB í Kiðjabergi

Á aðalfundi skulu tekin fyrir eftirfarandi mál:

1. Fundarstjóri og fundarritari kosnir.

2. Skýrsla stjórnar um störf og framkvæmdir á liðnu starfsári.

3. Endurskoðaðir reikningar lagðir fram.

4. Umræða um skýrslu stjórnar og reikninga klúbbsins.

5. Lagabreytingar kynntar og teknar til afgreiðslu.

6. Tilaga stjórnar um félagsgjöld lögð fram.

7. Kosning stjórnarmanna og skoðunarmanna samkvæmt samþykktum lögum klúbbsins.

8. Önnur mál.

Stjórn GKB

Black Friday tilboð

Sun, 24 Nov 2024 12:46:35 GMT

Gjafabréf á Kiðjabergsvöll er frábær gjöf fyrir alla kylfinga!

Eftir útnefningu Golfklúbbs Kiðjabergs sem besti golfvöllur Íslands 2024 var ákveðið að þjófstarta Black Friday tilboði á Kiðjabergsvöll. Golfhringur fyrir tvo ásamt golfbíl á litlar 20.000kr. Gjöf en ekki gjald!

Tilboðið gildir frá 24. nóvember til og með 2. desember.

Fyrir kaup og/eða fyrirspurnir hafið samband í síma 486-4495 eða senda póst á gkb@gkb.is

Mikilvæg viðurkenning fyrir GKB

Sun, 24 Nov 2024 12:39:24 GMT

"Þetta er gríðarleg hvatning fyrir klúbbinn okkar"

Guðmundur Ásgeirsson, formaður Golfklúbbs Kiðjabergs, var viðstaddur afhendinguna á World Golf Awards viðurkenningunni á Madeira í Portúgal. Hann segir það mikinn heiður fyrir klúbbinn að fá þessa viðurkenningu.

"Þessi viðurkenning frá World Golf Awards er mjög mikilvæg fyrir GKB. Golfklúbburinn er lítill og mjög mikið af þeirri vinnu sem lögð hefur verið í hann er unnin af sjálfboðaliðum. Þetta er gríðarleg hvatning fyrir stjórn, starfsfólk og meðlimi sem telja um það bil 400 manns," sagði Guðmundur. "Einstakur andi er í klúbbnum og mun þessi viðurkenning örugglega þjappa fólki enn betur saman. Einnig mun þessi viðurkenning koma GKB enn sterkar á kortið bæði innanlands og utan. Það þýðir að það mun styrkja rekstur klúbbsins enn frekar í framtíðinni. Við sjáum fram á að fá meiri tekjur frá utanaðkomandi aðilum."

Með Guðmundi til Madeira var eiginkona hans, Jónína Magnúsdóttir. "Upplifun okkar hjóna af ferðinni til Madeira til að taka á móti verðlaununum var enn betri en við áttum von á. Við fundum fyrir því í ferðinni hvað þetta eru merkileg verðlaun á heimsvísu. Þarna voru fulltrúar allra bestu golfvalla heimsins og aðilar sem tengjast ferðaþjónustu í kringum golf. Þetta fólk lagði sig fram um að kynna sig og sína golfvelli og ferðaþjónustur í kringum það. Við fundum fyrir miklu stolti og gleði hjá þessum aðilum og það er greinilegt að margir fulltrúar golfvalla um heim allan leggja mikið á sig til að ná þessum verðlaunum ár eftir ár. Einnig var öll umgjörð í hæsta gæðaflokki þessa tvo daga sem enduðu með stórglæsilegum gala kvöldverði og verðlauna afhendingu. Allt mjög vel skipulagt og fagmannlegt," sagði Guðmundur.

"Besti golfvöllur Íslands árið 2024"

Sat, 23 Nov 2024 11:17:30 GMT

Kiðjabergsvöllur útnefndur "Besti golfvöllur Íslands árið 2024" af World Golf Awards

Kiðjabergsvöllur hlotnaðist sá mikli heiður að vera útnefndur "Besti golfvöllur Íslands árið 2024" af World Golf Awards. Verðlaunahátíð var haldin í Madeira og var Guðmundur Ásgeirsson, formaður GKB, viðstaddur og tók við verðlaununum. Eiginkona hans, Jónína Magnúsdóttir, var með í för.

Þetta er í 11. skipti sem World Golf Awards er haldin, en hátíðin er hluti af World Travel Awards™ sem var stofnað árið 1993 til að verðlauna og fagna framúrskarandi árangri í öllum lykilgreinum ferðaþjónustu- og gistiiðnaðarins tengdum golfi. Í dag er vörumerki World Travel Awards™ viðurkennt á heimsvísu sem æðsta tákn um gæði afþreyingar og þjónustu.

Verðlaunahátíðir World Travel Awards™ eru taldar stórviðburðir á dagatali ferðaiðnaðarins, sóttar af helstu áhrifavöldum, forystumönnum og fjölmiðlum. Dagskráin, sigurvegararnir og styrktaraðilar hennar eru kynnt á heimsvísu á samfélagsmiðlum með fersku efni daglega.

Alþjóðleg atkvæðagreiðsla hefst í byrjun hvers árs og lýkur byrjun október. Atkvæði eru greidd af fagfólki sem starfar innan golf- og ferðaiðnaðarins – háttsettum stjórnendum, ferðaskipuleggjendum, umboðsmönnum og fjölmiðlafólki. Almenningur getur einnig greitt atkvæði.

World Golf Awards verðlaunahátíðin er haldin í mismunandi löndum ár hvert en í ár fór hún fram í Madeira þann 22. nóvember. Einnig voru veittar viðurkenningar fyrir bestu golfhótelin og golf-ferðaskrifstournar í hverju landi. Grímsborgir voru útnefnd sem besta gistingin á Íslandi og Golfsklálinn besta ferðaskrifstofan.

Útnefningin er mikil viðurkenning fyrir Golfklúbb Kiðjabergs og allan þann metnað og vinnu sem hefur verið lögð í golfvöllinn af stjórn, starfsmönnum og sjálfboðaliðum í gegnum árin. Golfklúbbur Kiðjabergs þakkar öllum þeim sem hafa aðstoðað við að gera golfvöllinn að því sem hann er í dag. Án þeirra hefði okkur ekki hlotnast þessi heiður.

Ertu búin/n að taka frá 7. desember fyrir aðalfund GKB?

Sat, 16 Nov 2024 22:58:04 GMT

Áminning - Aðalfundur GKB 2024 þann 7. desember næstkomandi

Kæru GKB félagsmenn
Við minnum á aðalfund GKB 2024 þann 7. desember næstkomandi.
Fundurinn verður haldinn kl. 13 og fer fram í klúbbhúsi GKB í Kiðjabergi.
Dagskrá aðalfundar má sjá í meðfylgjandi mynd.
Vonumst eftir að sjá sem flesta.
Stjórn GKB

Aðalfundur GKB 2024

Thu, 31 Oct 2024 15:34:10 GMT

Aðalfundur GKB 2024 haldinn þann 7. desember næstkomandi

Kæru félagar.
Boðað er til aðalfundar GKB 2024 sem fer fram þann 7. desember næstkomandi.

Fundurinn verður haldinn kl. 13 í klúbbhúsi GKB í Kiðjabergi

Á aðalfundi skulu tekin fyrir eftirfarandi mál:

1. Fundarstjóri og fundarritari kosnir.

2. Skýrsla stjórnar um störf og framkvæmdir á liðnu starfsári.

3. Endurskoðaðir reikningar lagðir fram.

4. Umræða um skýrslu stjórnar og reikninga klúbbsins.

5. Lagabreytingar kynntar og teknar til afgreiðslu.

6. Tilaga stjórnar um félagsgjöld lögð fram.

7. Kosning stjórnarmanna og skoðunarmanna samkvæmt samþykktum lögum klúbbsins.

8. Önnur mál.

Stjórn GKB

Vetrarlokun!

Mon, 21 Oct 2024 10:46:12 GMT

Kiðjabergsvöllur er nú lokaður!

Kiðjabergsvöllur er nú lokaður fyrir þetta golftímabil. Vegna kulda og frosts í jörðu hefur orðið nauðsynlegt að loka vellinum til að tryggja aðstæður og viðhalda vellinum í góðu ástandi.

Margt vatn hefur runnið til sjávar á liðnu golftímabili þá einna helst vökvunarkerfi sem hefur verið lagt á fyrri hluta vallarins, nýr tækjabúnaður sem var keyptur og stækkun á verkstæði. Þá hafa verið ýmsar framkvæmdir þ.á.m. lagning nýs stígs á 3. holu þ.e. frá aðalstíg og að rauða teig, ásamt því að leggja lagnir til að eyða bleytu sem hefur myndast á því svæði, leggja stíga á 9. holu, söndun á flötum og margt fleira.

Við þökkum ykkur öllum fyrir frábært golfsumar, fjölmargar heimsóknir og góðar minningar á vellinum. Við hlökkum til að taka á móti ykkur aftur þegar golftímabilið hefst á ný á næsta ári.

Viðhorfskönnun GKB 2024

Sett hefur verið af stað viðhorfskönnun þar sem við leitumst við að fá ykkar álit og hugmyndir um það sem mætti bæta og hvað hefur gengið vel, og mætti ganga betur, í starfi klúbbsins.

Könnunin er nafnlaus og við hvetjum ykkur eindregið til að taka nokkrar mínútur af tíma ykkar til að svara spurningunum. Með því að taka þátt hjálpið þið okkur að verða að enn betri golfklúbbi og að skapa betri aðstæður fyrir alla félagsmenn.

Við þökkum kærlega fyrir ykkar þátttöku og hlökkum til að fá ykkar álit.
Ykkar skoðanir skipta miklu máli fyrir okkur.

HÉR linkur á viðhorfskönnunina.

Nýjir golfbílar í flota GKB

Wed, 18 Sep 2024 17:51:41 GMT

Fimm nýjir EZ-GO golfbílar í leiguflota GKB

Golfklúbbur Kiðjabergs hefur fengið fimm EZ-GO RXV Elite lithium golfbíla sem munu fara í leiguflota klúbbsins. Bílarnir voru keyptir hjá HÁ Verslun líkt og þeir fimm EZ-GO bílar sem eru núþegar í flotanum. Alls eru tuttugu rafmagnsbílar í leiguflota GKB - 10 EZ-GO bílar og 10 Club Car.

EZ-GO RXV lithium bílarnir eru með mikla drægni, hlaðast hraðar, auðvelt hleðslukerfi og með sjálfvirkar bremsur sem eru einstaklega hentugar í brekkum Kiðjabergsvallar.

Nokkrir af bensínbílum klúbbsins munu enn vera í leiguflotanum til að geta annað þeirri miklu eftirspurn sem er af golfbílum á Kiðjabergsvelli. Aðrir verða settir í önnur hlutverk þ.á.m. í vinnuflota golfvallarstarfsmanna.
Þeir sem eru í golfbílahugleiðingum má finna takka að HÉR sem beinir viðkomandi beint á EZ-GO RXV bílana í vefverslun HÁ verslun.

Flatir gataðar!

Fri, 13 Sep 2024 17:47:03 GMT

Létt götun eða "Hollow Tine" á flötum á Kiðjabergsvelli

Nú fer að hausta og í næstu viku, 16. - 20. september, fer fram létt götun eða "Hollow Tine" á flötum á Kiðjabergsvelli.

Götunin er mikilvæg, en hún verður til þess að auðvelda vatni og næringarefnum að komast í jarðveginn og leyfa grasinu að "anda". Grasræturnar taka betur við raka og súrefni sem mun "létta" jarðveginn. Ennfremur munu flatirnar vera fljótari að koma til og komnar í sitt besta ástand auk þess að gæði flatanna aukast.

Í framhaldi af því verða flatirnar sandaðar og vökvaðar. Ef veðuraðstæður og aðrir áhrifavaldar eru hliðholl lokast götin hratt upp og ekki sjáanlegt að götun hafi átt sér stað nokkrum dögum / viku áður.

Götunin er mikilvægur liður í undirbúningi fyrir næsta ár.

Háttvísibikar GKB 2024

Thu, 12 Sep 2024 18:51:29 GMT

Þórhalli Einarsson hlaut Háttvísibikar GKB

Þórhalli Einarsson hlaut Háttvísibikar GKB 2024. Það er óhætt að fullyrða að hann eigi þann titil meira en skilinn. Fyrir utan að hafa unnið frábært starf fyrir klúbbinn undanfarin ár, er Þórhalli fyrirmyndar meðlimur innan og utan vallar.

Golfklúbbur Kiðjabergs óskar Þórhalla til hamingju með tilnefninguna.

Bændaglíma í brakandi blíðu!

Thu, 12 Sep 2024 18:46:18 GMT

Yfir 90 kylfingar tóku þátt í Bændaglímunni

Hin árlega Bændaglíma GKB fór fram laugardaginn 7. september. Bændurvoru Sigurlaug Guðmundsdóttir og Jónína Magnúsdóttir. Alls tóku 91 manns þátt og var mikil gleði og stemmning. Veðrið var með ágætis móti og völlurinn sjaldan ef einhvern tímann verið betri.

Eftir mikla baráttu og jafnræði fór lið Sigurlaugar með sigur af hólmi en niðurstöður voru ekki ljósar fyrr en í blálokin. Ennfremur voru verðlaun fyrir næst holu á öllum par 3 holum. Gestur Jónsson, Garðar Ólafsson og Skúli Hartmannsson voru hlutskarpastir en Gestur gerði sér lítið fyrir og var næstur holu á tveimur holum.

Venju samkvæmt var lokahóf og glæsilegt hlaðborð að hætti Rakelar um kvöldið en um 100 manns mættu og nutu kvöldsins í góðum félagsskap.

Unnið við vökvunarkefi

Wed, 11 Sep 2024 11:02:45 GMT

Vökvunarkerfi komið á fyrri hluta Kiðjabergsvallar

Þrekvirki var unnið af sjálfboðaliðum Golfklúbbs Kiðjabergs í síðustu viku við að klára lagningu á vökvunarkerfi á fyrri hluta (fyrri 9) Kiðjabergsvallar!

Það má segja að sannkallað þrekvirki hafi verið unnið í Kiðjabergi, en vökvunarkerfi var lagt við allar flatir á fyrri hluta Kiðjabergsvallar. Ekki hefði verið mögulegt að gera þetta án hjálpar frábærra sjálfboðaliða sem unnu ötullega við að grafa upp, tyrfa, kantskera, leggja rör og margt fleira sem þurfti til að koma kerfinu í gagnið. Veðrið var á allavegu. Allt frá brakandi blíðu til rigningar og vindabola sem gerði verkefnið ívið erfiðara.

Golfklúbbur Kiðjabergs er mjög heppinn að eiga svona sjálfboðaliða og á klúbburinn þeim miklar þakkir. Um er að ræða straumhvörf fyrir Kiðjabergsvöll sem auðveldar allt sem viðkemur viðhaldi á flötum og teigum sem og hækka standard vallarins yfir höfuð.

Hér fyrir neðan má sjá myndir frá vinnu sjálfboðaliðanna.

Loka hittingur GKB kvenna

Wed, 04 Sep 2024 11:11:02 GMT

8. september kl. 15 er síðasti hittingur sumarsins 2024

Sunnudaginn 8. september verður starfinu í kvennagolfinu lokað í sumar með golfspili og spjalli í Golfklúbbi Kiðjabergs. Rástímarnir eru frá kl. 15.00-15.40.

GKB konur spila 9 holur og hittumst svo á eftir í golfskálanum og fáum smörreúrval að hætti Rakelar. Látið vita um þátttöku með því að skrá ykkur á facebooksíðu GKB kvenna og Sigrún Ragnarsdóttir staðfestir skráninguna ykkar. Mögulegt er að skrá sig bara í golf, bara í mat eða vera með bæði með í golfinu og matnum.

Allar nánari upplýsingar eru á facebooksíðu GKB kvenna.

Við vonumst til að sjá sem flestar sunnudaginn 8. september.

Kvennanefndin

Sveitakeppni kvenna 50 ára og eldri

Sun, 25 Aug 2024 17:32:09 GMT

GKB hélt sæti sínu í efstu deild kvenna!

Íslandsmót golfklúbba 2024 í 1. deild kvenna 50 ára og eldri fór fram á Strandarvelli á Hellu 22.-24. ágúst. Sveit Golfklúbbs Kiðjabergs var þar á meðal keppenda og hélt sæti sínu í deildinni og verður það að teljast glæsileg frammistaða. GKB vann 2. deildina í fyrra og verður áfram í hópi þeirra bestu að ári.

Það var sveit GKG sem sigraði í 1. deild kvenna að þessu sinni. GR varð í öðru sæti og Keilir í þriðja sæti. GKB hafnaði í 7. sæti, en Golfklúbbur Mosfellsbæjar varð í 8. sæti og fellur í 2. deild.

Lið GKB var skipað eftirtöldum:

Brynhildur Sigursteinsdóttir

Bergljót Kristinsdóttir

Edda Herbertsdóttir

Guðný Tómasdóttir

Guðrún Gunnarsdóttir

Stella Hafsteinsdóttir

Kristín Eysteinsdóttir

Þuríður Ingólfsdóttir

HÉR má sjá heildarúrslit.

Mynd: Sveit GKB, sem keppti í 1. deild kvenna á Hellu um helgina.

Sveitakeppni karla 50 ára og eldri

Sat, 24 Aug 2024 15:09:35 GMT

Sveit GKB nældi sér í bronsið í 3. deild

Íslandsmót golfklúbba í 3. deild karla 50 ára og eldri fór fram á Þverárvelli á Hellishólum dagana 22.-24. ágúst. GKB var þar með sveit sem hafnaði í þriðja sæti, eftir að hafa unnið sveit Golfklúbbs Ísafjarðar 3-0 í leik um bronsið.

Golfklúbbur Öndverðarness sigraði í deildinni, vann golfklúbb Þverá Hellishólum í úrslitaleik og færist því upp í 2. deild.

Sveit GKB var skipuð efirtöldum:

Magnús Magnússon

Ólafur Arinbjörn Sigurðsson

Hjalti Atlason

Magnús Haraldsson

Brynjar Jóhannesson

Snorri Hjaltason, sem jafnframt var liðsstjóri.

Hægt er að sjá úrslit og lokastöðu HÉR .

Nokkur orð frá framkvæmdastjóra GKB

Thu, 22 Aug 2024 16:42:08 GMT

Höldum golfbílum að minnsta kosti í 30 metra fjarlægð frá flötum

Kæru félagsmenn!
Það er farið að kólna í veðri og lækkandi sól þýðir að það styttist í annan enda tímabilsins. Það eru því nokkur atriði svo að Kiðjabergsvöllur haldist í eins góðu ástandi og hann hefur verið í sumar.

Golfbílaumferð og umferðamerkingar
Ef mögulegt, reynum að keyra eins mikið á stígum og kostur er. Einnig hefur borið á því að golfbílum sé ekið of nálægt flötum þrátt fyrir skýrar umferðarmerkingar t.d. á 8. og 17. flöt. Höldum bílum að minnsta kosti 30 metra fjarlægð frá flötum og berum virðingu fyrir þeim merkingum sem eru á golfvellinum.

Kylfuför
Það er góð regla að setja alltaf torfusnepla eftir kylfuför aftur á sinn stað hvort sem það er á braut eða í karga. Ef kylfufar er lagað tekur ca. 2-3 daga fyrir það að hverfa. Ef ekkert er gert tekur það 2-3 vikur og enn síður ef kalt er í veðri.
Á teigum endilega nýta sandinn sem er í kössunum á ýmsum stöðum og dreifa yfir torfuför. Einnig setja í önnur för en þín eigin. Tekur örskotsstund og hjálpar mikið til.

Tí og tíbrot í bakka við teigmerki
Mikið um tí og tíbrot hafa ekki skilað sér í bakkana sem eru staddir við teigana. Reynum að halda teigunum snyrtilegum, tökum upp tíin/tíbrot og setjum í bakkana.

Boltaför
Verum dugleg að laga boltaför á flötum. Ef bolti lendir á flöt úr ca. 30-40 metra fjarlægð er líklegt að boltafar hafi myndast. Ef ekkert er viðhafst mun það taka mun lengri tíma fyrir förin að gróa og sá hluti mun ekki vera jafn góður og áður. Sem betur fer hefur ekki verið mikið um ólöguð boltaför en góð regla er að laga 2-3 boltaför á hverri flöt og þá er vandamálið úr sögunni.

Umgengni á leigu golfbílum og hleðsla
Það hefur verið ábótavant hjá mörgum að taka til í leigu golfbílum eftir notkun. Tómar/fullar dósir, sígarettur, munntuggur (níkótínpúðar) og fleira misskemmtilegt má finna í golfbílunum eftir daginn. Við hvetjum þá sem taka golfbíla á leigu að taka til eftir sig og setja í ruslafötur sem má finna víðsvegar á golfvellinum og fyrir framan golfbílastæðið. Hvetjum einnig okkar meðlimi sem spila með gestum sem eru á leigugolfbíl að minna viðkomandi á að taka til eftir sig. Einnig er mikilvægt að setja golfbílana í hleðslu eftir notkun og gera það rétt þ.e. á að heyrast í golfbílunum þegar hleðsla er komin og sést á skjám golfbílanna að bíllinn er í hleðslu.

Leit að golfkúlum og höggröð kylfinga
Við viljum minna kylfinga á að einungis eru leyfðar þrjár mínútur við leit. Að þremur mínútum liðnum skal hætta leit og slá varabolta. Ef það er minnsti grunur að kúla gæti verið týnd hvetjum við kylfinga að slá varabolta til að spara tíma. Einnig er mikilvægt að kylfingar taki tillit til hollana á eftir að halda sér innan leitartímans.

Til að flýta leik enn frekar endilega notast við "Ready Golf." Ef einhver er tilbúin/n að slá óháð hver er fjærst/ur þá leyfa viðkomandi að slá. Einnig er gott að þeir kylfingar sem slá styttra og hafa tækifæri til að slá á undan að vera fyrst að slá og því spara talsverðan tíma. Einnig er mikill tímasparnaður vera tilbúin/n við sinn teig eða kúla í stað þess að bíða eftir að hinir slái og ganga svo að sínum teig/kúlu að svo gefnu að viðkomandi setji sig ekki í hættu.

Golfkveðja,
Þórður Rafn Gissurarson
Framkvæmdastjóri Golfklúbbs Kiðjabergs

Bændaglíma GKB 2024

Thu, 22 Aug 2024 16:20:09 GMT

Bændaglíman verður laugardaginn 7. september!

Nú styttist óðum í Bændaglímuna, sem er lokahnykkurinn í mótahaldi GKB ár hvert. Bændurnir í ár eru engar aðrar en Sigurlaug Guðmundsdóttir og Jónína Magnúsdóttir. Keppniskonur með meiru og ætla sér ekkert annað en að leiða sín lið til sigurs laugardaginn 7. september.

Bændur skipta með sér liðum og svo verður ræst út á öllum teigum kl. 11:00. Spilað verður Texas Scramble holukeppni þar sem lið hvors bónda eigast við í hverju holli, hver unnin hola telur fyrir Bóndann.

Stakir geta skráð sig og verður þeim raðað í lið.
Mótsgjald - 5.000 kr á mann.

Lokahóf og matur verður um kvöldið og hefst kl 19:00. Glæsileg veisla að hætti Rakelar í boði um kvöldið - 6.000kr á mann.

Mögulegt er að koma einungis í lokahófið/veisluna og þarf að hafa beint samband við Rakel í síma 699-4969 eða rakelmatt@gkb.is .

Skráning í mót og kvöldverð/lokahóf fer fram í Golfbox. Einnig hægt að skrá sig HÉR.

Sveitakeppni öldunga

Wed, 14 Aug 2024 15:39:36 GMT

Karlasveitin í 4. sæti í 2. deild 65+

Sveit Golfklúbbs Kiðjabergs varð að láta sér 4. sætið í 2. deild karla, 65 ára og eldri, nægja að þessu sinni. Keppnin fór fram á Gufudalsvelli í Hveragerði og var æsispennandi og réðust úrslit ekki fyrr en í lokaumferðinni. Sveit GKB var jöfn sveit heimamanna í 3. til 4. sæti, en þar sem Hvergerðingar unnu innbyrðisleikinn 2-1 fengu þeir bronsið.

Golfklúbburinn Oddur stóð uppi sem sigurvegari með 10,5 vinninga og í öðru sæti varð Golfklúbburinn Leynir á sama skori. Fínasta golfveður var báða keppnisdagana og völlurinn í góðu standi hjá Hvergerðingum.

Lokastaðan:

Golfklúbburinn Oddur - 10,5 vinningar

2. Golfklúbburinn Leynir - 10,5 vinningar

3. Golfklúbbur Hveragerðis - 7,5 vinningar

4. Golfklúbbur Kiðjabergs - 7,5 vinningar

5. Golfklúbburinn Flúðir - 5 vinningar
6. Golfklúbbur Selfoss 4 - vinningar

Sveit GKB var skipuð eftirtöldum:

Bjarni B Þorsteinsson

Brynjólfur Mogensen

Guðmundur Ásgeirsson

Jón Bjargmundsson

Magnús Þ Haraldsson

Snorri Hjaltason

Valur Jónatansson

Birgir Vigfússon

Hjóna og parakeppni Golfsögu/Verdi Trave - úrslit

Sun, 11 Aug 2024 20:53:48 GMT

Stuð og stemmning í Hjóna og parakeppninni

Glæsileg Hjóna- og parakeppni Golfsögu/Verdi Travel fór fram á Kiðjabergsvelli í fínasta veðri um helgina. Uppselt var í mótið, sem spilað var föstudag og laugardag, og komust færri að en vildu.

Á laugardagskvöldið var haldið glæsilegt lokahóf í golfskálanum þar sem dýrindis matur hjá Rakel var á boðstólnum, verðlaunaafhending og svo dans og djamm undir handleiðslu plötusnúðsins Hlyns Diskó.

Þátttakendur voru á einu máli að mótið hefði tekist með eindæmum vel og fóru allir sáttir frá borði enda lék veðrið við keppendur.

Á föstudeginum var leikinn fjórleikur (Betri bolti) og á laugardeginum 2ja manna Texas Scramble. Leikfyrirkomulag var punktakeppni með forgjöf. Hámarksforgjöf var 24 hjá körlum og 28 hjá konum.

Helstu úrslit voru eftirfarandi :

Nándarverðlaun

Dagur 1 – Kassi af Egils Gull og kylfumæling hjá Golfskálanum

3. hola – Stella Hafsteins – 3,64m

7. hola - Jói Spói Barkarson – 2,87m

12. Hola – Doddi – 7,00m

16. Hola – Ingveldur Björk - 3,93m

Dagur 2 - 20 þúsund króna gjafabréf hjá Golfsögu/Verdi Travel

3. hola - Jón Valgeir - 88cm

7. hola - Lárus Petersen - 1,99m

12. Hola – Victor Viktorsson - 28cm

16. Hola - Magnús Haraldsson – 1,86m

Lengsta teighögg kvenna – Margrét Guðrún Andrésdóttir

Lengsta teighögg karla – Magnús Haraldsson

Hjóna- og parakeppni :
2x 85 þúsund króna gjafabréf hjá Golfsaga/Verdi Travel

sæti: Bjargey og Þorsteinn - 96 punktar

2x 60 þúsund króna gjafabréf hjá Golfsaga/Verdi Travel

2. sæti: Prýðisfólk - 91 punktur

2x 50 þúsund króna gjafabréf hjá Golfsaga/Verdi Travel

3. sæti: Deila með sér 3. sæti - Guðný og Þórhalli/Eagle Creek – 89 punktar - Betri á seinni 18 heldur en lið Ingólfs og Helenu.

Að auki voru úrdráttarverðlaun en öll lið fengu teiggjöf. Aðal úrdráttarverðlaun var 4ja nátta gisting og þrjár nætur á La Gomera á Tenerife og voru það Magnús Arnarsson og Hjördís Þórhallsdóttir sem duttu í lukkupottinn.

Við þökkum þátttakendum og styrktaraðilum mótsins - Golfsögu/Verdi Travel fyrir komuna og hlökkum til að sjá alla á næsta ári.

Að neðan má sjá myndir frá verðlaunaafhendingunni í lokahófinu og eins nokkrar myndir frá keppni laugardagsins.

Nánari úrslit mótsins má finna með því að smella HÉR.

Styrktarmót GKB - úrslit

Sun, 04 Aug 2024 10:55:40 GMT

Uppselt í mótið - Viktor og Albert sigruðu!

94 lið eða 184 keppendur mættu til leiks í Gull Styrktarmót GKB, sem fram fór á Kiðjabergsvelli laugardaginn 3. ágúst. Uppselt var í mótið. Leikfyrirkomulag var Texas Scramble þar sem tveir voru saman í liði.

Viktor Örn Valmundsson og Albert Garðar Þráinsson skipuðu liðið Valmundsson/Þráinsson, sem sigraði á 47 punktum. Lið Halldórsson/Nikulásson hafnaði í 2. sæti á 45 punktum og Ragnarsdóttir/Tómasdóttir í þriðja sæti á sama skori, en aðeins lakari á seinni níu.

Verðlaun fyrir 3 efstu sætin:

1. sætið - 2x 40.000 inneign í Timberland

2. sætið - 2x 30.000 inneign í Timberland

3. sætið - 2x 25.000 inneign í Timberland

Nándarverðlaun á öllum par 3 holum frá Ölgerðinni:

3. hola: Hólmfríður Lillý - 3,13 m

7. hola: Gunnar Gunnarsson - 2,47 m

12. hola: Snorri Hjaltason - 1,20 m

16. hola: Arnar Daði - 2,73 m

Við þökkum öllum fyrir komuna og vonandi hafa allir notið þess að spila golf á vellinum okkar.

Vinninga má vitja í golfskálanum Kiðjabergi.

HÉR má sjá heildarúrslit.

Pilsaþytur 2024 | Takk fyrir komuna!

Sat, 03 Aug 2024 16:49:41 GMT

72 hressar konur mættu í Pilsaþyt á Kiðjabergsvelli

Pilsaþytur 2024 var haldinn á Kiðjabergsvelli 2. ágúst og var ræst út klukkan 18:00. 72 flottar konur voru skráðar til leiks að þessu sinni. Leikið var í alskonar veðri og réð hressleikinn og gleðin ríkjum.

Mótið var 9 holu Texas Scramble þar sem tvær konur mynduðu hvert liði, vön og óvön. Vegleg verðlaun voru afhent fyrir 1-3 sætið ásamt útdráttarvinningum meðan keppendur gæddu sér á dásamlegri kjúklingasúpu hjá Rakel í golfskálanum.

BYGG , Byggingarfélag Gylfa og Gunnars var styrktaraðili mótsins eins og síðustu ár og kunnum við þeim miklar þakkir fyrir.

Allar konurnar fengu glæsilegar teiggjafir frá BYGG , freyðivín og súkkulaði og frá Avita/Númer Eitt heildsölunni, Trace Minerals i vatnið sem er frábært að taka með útá völl í vatnsbrúsann til að halda vökvajafnvægi í likamanum , dásamlega góðar og sykurlausar mintur og besta Númer Eitt sótthreinsisptittið. Við þökkum þeim kærlega fyrir stuðninginn!

ÚRSLIT
Í fyrsta sæti var liðið EC, í öðru sæti voru Mæðgurnar og í því þriðja Magnúsdóttir/Jónatansdóttir. Vinningarnir voru gjafakort frá Golf Company. Að auki voru dregnir út 12 úrdráttarviningar þar sem var dregið úr skorkortum.

Takk fyrir frábært kvöld!

Myndir frá deginum (smelltu á myndirnar til að stækka þær):

Þórður Rafn í viðtali

Fri, 02 Aug 2024 17:36:54 GMT

Kylfingur.is í heimsókn á Kiðjabergi

Golfvefurinn Kylfingur.is heimsótti Kiðjabergsvöll á dögunum. Rætt var m.a. við Þórð Rafn Gissurarson, framkvæmdastjóra klúbbsins. Auk þess sem sýndar voru glæsilegar drónamyndir sem teknar voru yfir vellinum.

Framkvæmdastjórinn sagði frá helstu verkefnum sem unnið væri að hjá klúbbnum í sumar, m.a. vökvunarkerfi, sem væri verið að koma upp á fyrri níu holunum. „Starfið gengur vel og félagar og gestir eru ánægðir með völlinn,“ segir Þórður Rafn m.a. í viðtalinu, sem sjá má með því að smella HÉR.

Pilsaþytur og Gull Styrktarmót GKB

Mon, 29 Jul 2024 22:32:15 GMT

Mikið um að vera á Kiðjabergsvelli um verslunarmannahelgina!

Mikið verður um að vera á Kiðjabergsvelli um verslunarmannhelgina. Föstudaginn 2. ágúst verður Pilsaþytur og á laugardaginn verður svo hið sívinsæla Gull Styrktarmót GKB.

Pilsuþytur er innanfélagsmót, en klúbbfélagar geta boðið gestum með sér. Litaþemað í ár er litagleði, sumar og sól. Keppendur klæðist því litríkasta sem þeir eiga. Þetta verður sannkallað Gleðimót með stóru G-i.

Mótið er 9 holu Texas Scramble þar sem tvær konur eru saman í liði. Ef næg þátttaka verður í ár munu keppendur spila af öllum teigum en þó einungis níu holur frá þeirri braut sem leikur er hafinn á, annars er leikið á holum 1-9. Ræst verður út stundvíslega kl: 18.00.
Byggingarfyrirtækið BYGG er styrktaraðili mótsins.

Gull Styrktarmót GKB

Gull Styrktarmót GKB verður haldið laugardaginn 3. ágúst. Leikfyrirkomulag er 2ja manna Texas Scramble.
Frábær verðlaun frá Timberland fyrir efstu þrjú sætin. Nándarverðlaun á öllum par 3 holum.
Vegna mikillar eftirspurnar vorum að bæta við rástímum. Um að gera að bóka sig sem fyrst.

Öll skráning fer fram í gegnum Golfbox. Frábært veður er í kortunum og völlurinn í toppstandi.
Sjáum vonandi sem flesta á laugardaginn.

GKB áfram í 2. deild karla

Thu, 25 Jul 2024 18:02:44 GMT

Sveit GKB hafnaði í 4. sæti í 2. deild karla

Íslandsmót golfklúbba í 2. deild karla fór fram í Vestmannaeyjum og lauk í dag, 25. júlí. Sveit GKB hafnaði í 4. sæti eftir að hafa tapað naumlega fyrir sveit Esju 2-3 í leik um bronsið. Þess má gera að lið GKB vann Esju í riðlakeppninni.

Átta golfklúbbar kepptu um eitt laust sæti í 1. deild að ári. Svo fór að Golfklúbbur Vestmannaeyja og Nesklúbburinn léku til úrslita þar sem að GV hafði betur 3-2 og leikur því í efstu deild að ári. Golfklúbbur Skagafjarðar féll í 3. deild.

Lokastaðan í 2. deild:

1. Golfklúbbur Vestmannaeyja
2. Nesklúbburinn
3. Golfklúbburinn Esja
4. Golfklúbbur Kiðjabergs
5. Golfklúbbur Bolungarvíkur
6. Golfklúbburinn Leynir
7. Golfklúbburinn Oddur
8. Golfklúbbur Skagafjarðar.

Smelltu hér fyrir úrslit:

Sveitakeppni 2. deildar

Wed, 24 Jul 2024 21:44:10 GMT

Sveit GKB er áfram í 2. deild karla

Íslandsmót golfklúbba í 2. deild karla fer nú fram í Vestmannaeyjum og lýkur á morgun, 25. júlí. Sveit GKB er þar á meðal og leikur um 3. sætið. Átta golfklúbbar keppa í Eyjum um eitt laust sæti í 1. deild að ári. Neðsta liðið leikur í 3. deild á næsta ári.

Keppt er í tveimur riðlum og komust 2 efstu liðin úr hvorum riðli í undanúrslit. Sveit GKB vann B-riðilinn og lék gegn sveit Golfklúbbs Vestmannaeyja í undanúrslitum í dag og tapaði 1-4. Í hinum undanúrslitaleiknum vann Nesklúbburinn lið Esju 4 -1. Nesklúbburinn og GV leika því til úrslita um laust sæti í 1. deild að ári. Sveit GKB leikur um þriðja sætið við Esju og ljóst að okkar menn leika áfram í 2. deild á næsta ári.

Lið Kiðjabergs er skipað eftirtöldum:

Andri Jón Sigurbjörnsson

Axel Ásgeirsson

Pétur Freyr Pétursson

Árni Freyr Sigurjónsson

Arnar Snær Hákonarson

Heimir Þór Morthens

Þórður Rafn Gissurarson

Liðsstjóri: Snorri Hjaltason.

Sjá stöðuna HÉR.

Myndasería frá lokadegi meistaramóts

Mon, 22 Jul 2024 11:47:36 GMT

Myndasería frá lokadegi og verðlaunaafhendingu

Það var mikil og góð stemmning á lokadegi Meistaramóts GKB. Keppendur voru ræstir út samtímis í rjómablíðu sem hélt sér allan tímann. Völlurinn var í sínu besta formi og gleðin skein úr hverju andliti.

Vel var mætt en um 100 manns gerðu sér leið á laugardagskvöldið, gæddu sér á dýrindis mat hjá Rakel í golfskálanum og áttu góða stund saman.

Að neðan má sjá myndir frá stórskemmtilegum lokadegi og lokahófi.

Meistaramót - lokadagur

Sat, 20 Jul 2024 20:04:14 GMT

"Bongó" blíða á lokadegi meistaramóts!

Veðrið lék við keppendur á lokadegi Meistaramóts Golfklúbbs Kiðjabergs í dag, laugardaginn 20. júlí. Völlurinn skartaði sínu fegursta og hefur líklega aldrei verið betri en nú. Klúbbmeistari kvenna var Brynhildur Sigursteinsdóttir, en klúbbmeistari karla var Andri Jón Sigurbjörnsson, en karlarnir léku um síðustu helgi.

Að þessu sinni var boðið upp á þriggja daga mót (54 holur) og tveggja daga mót (36 holur). Allir voru ræstir út á sama tíma á lokadeginum og voru keppendur því að koma inn í hús á svipuðum tíma. Þetta skapaði skemmtilega stemmningu og er líklega komið til með að vera. Síðan var lokahóf og verðlaunafhending í golfskálanum.

Hér fyrir neðan má sjá öll úrslit:

1. flokkur kvenna:

1. Brynhildur Sigursteinsdóttir 86 86 91 = 263

2. Bergljót Kristinsdóttir 85 97 95 = 277

3. Áslaug Sigurðardóttir 95 93 91 = 279

4. Regína Sveinsdóttir 111 98 95 = 304

2. flokkur kvenna:

1. Inga Dóra Sigurðardóttir 30 33 36 = 99 puntar

2. Guðlaug Elísabet Finnsdóttir 35 27 26 = 88

3. Þóra Kristín Björnsdóttir 24 16 18 = 58

1. flokkur karla:

1. Andrés I Guðmundsson 89 82 84 = 255

2. Atli Geir Gunnarsson 94 89 90 = 273

3. Stefán Þór Bjarnason 92 92 101 = 285

2. flokkur karla:

1. Guðmundur K Ásgeirsson 90 91 91 = 272

2. Þröstur Már Sigurðsson 85 94 98 = 277

3. Snorri Ólafur Hafsteinsson 95 97 96 = 288

4. Birgir Vigfússon 94 99 102 = 295

5. Garðar Ólafsson 95 99 103 = 297

6. Björgvin Magnússon 106 102 97 = 305

7. Börkur Arnviðarson 107 103 104 = 314

3. flokkur karla (punktar)

1. Árni Sveinbjörnsson 32 30 35 = 97

2. Stefán Vagnsson 30 31 29 = 90

3. Logi Þórólfsson 23 32 33 = 88

4. Magnús Arnarson 27 29 28 = 84

Tveggja daga mót:

Opinn flokkur karla (punktar)

1. Jónas Kristinsson 30 37 = 67

2. Valur Benedikt Jónatansson 32 29 = 61

3. Bjarni Sigurðsson 26 34 = 60

4. Þorvaldur Ingvarsson 32 28 = 60

5. Þráinn Karlsson 26 30 = 56

6. Birgir Kristinsson 31 23 = 54

7. Hjörtur Hannesson 26 26 = 52

8. Hjalti Sigurðarson 23 22 = 45

9. Stefán Pétursson 27 18 = 45

Opinn flokkur kvenna:

1. Hrafnhildur Geirsdóttir 32 36 = 68

2. Ingibjörg Sólrún Magnúsdóttir 37 29 = 66

3. Eva Bryndís Helgadóttir 28 33 = 61

4. Ásthildur Helgadóttir 29 30 = 59

5. Jóhanna María Björnsdóttir 33 26 = 59

6. Ingibjörg Lóa Ármannsdóttir 25 28 = 53

7. Anna Skúladóttir 30 23 = 53

8. Unnur Jónsdóttir 23 27 = 50

9. Margrét Geirsdóttir 27 22 = 49

10. Sigurlína Gunnarsdóttir 18 29 = 47

11. Guðrún Sigríður Eyjólfsdóttir 21 25 = 46

12. Nanna Viðarsdóttir 29 17 = 46

Öldungaflokkur:

1. Gestur Jónsson 36 36 = 72

2. Brynjólfur Árni Mogensen 32 31 = 63

3. Jón Bjargmundsson 26 33 = 59

4. Skúli Hartmannsson 28 30 = 58

5. Theódór Skúli Halldórsson 34 24 = 58

6. Viðar Jónasson 25 32 = 57

7. Guðmar Sigurðsson 27 29 = 56

8. Steinn Guðmundur Ólafsson 29 27 = 56

9. Skúli Hróbjartsson 32 22 = 54

10. Baldur Dagbjartsson 28 25 = 53

11. Gissur Rafn Jóhannsson 23 29 = 52

12. Jón Albert Kristinsson 30 22 = 52

13. Árni Vilhjálmsson 27 22 = 49

14. Snjólfur Ólafsson 23 25 = 48

15. Gunnsteinn Sigurðsson 30 18 = 48

16. Sigurður Björgvinsson 21 24 = 45

Drengja flokkur:

1. Sigurjón Andri Þorláksson 34 38 = 72

2. Magnús Torfi Sigurðsson 37 30 = 67

3. Benedikt Moray Baldursson 34 29 = 63

4. Hannes Hjartarson 30 31 = 61

Næstir holu á lokahringnum:

3. Hola - Benedikt Moray Baldursson - 2,72m

7. hola - Jón Bjargmundsson - 2,81m

12. hola - Inga Dóra Sigurðardóttir - 1,74m

16. hola - Ásthildur Helgadóttir - 2,82m

Meistaramót - dagur 2

Fri, 19 Jul 2024 17:04:32 GMT

Sveinn og Brynhildur efst fyrir lokahringinn!

Meistaramót GKB var framhaldið á Kiðjabergsvelli í dag, 19. júlí. 1. og 2. flokkur kvenna léku annan hringinn og er Sveinn Snorri Sverrisson með forystu hjá körlunum en Brynhildur Sigursteinsdóttir hjá konunum. Veður var ágætt til keppni lengst af í dag, en smá skúrir létu sjá sig eftir hádegi.

Tveggja daga keppnin hófst í dag og mun mótinu ljúka í öllum flokkum á morgun, laugardag, og þá verða sigurvegarar krýndir.

Staðan í einstökum flokkum þegar einn keppnisdagur er eftir:

1. flokkur karla:

1. Sveinn Snorri Sverrisson 83 77 = 160

2. Andrés I Guðmundsson 89 82 = 171

3. Atli Geir Gunnarsson 94 85 = 179

4. Stefán Þór Bjarnason 92 92 = 184

2. flokkur karla:

1. Þröstur Már Sigurðsson 85 94 = 179

2. Guðmundur K Ásgeirsson 90 91 = 181

3. Snorri Ólafur Hafsteinsson 95 97 = 192

4. Birgir Vigfússon 94 99 = 193

5. Garðar Ólafsson 95 99 = 194

3. flokkur karla (punktakeppni):

1. Árni Sveinbjörnsson 32 30 = 62

2. Stefán Vagnsson 30 31 = 61

3. Magnús Arnarson 27 29 = 56

4. Logi Þórólfsson 23 32 = 55

1. flokkur kvenna: (eftir 36 holur):

1 Brynhildur Sigursteinsdóttir 86 86 = 172

2. Bergljót Kristinsdóttir 85 97 = 182

3. Áslaug Sigurðardóttir 95 93 = 188

4. Regína Sveinsdóttir 111 98 = 209

2. flokkur kvenna (punktar):

1. Inga Dóra Sigurðardóttir 30 33 = 63

2. Guðlaug Elísabet Finnsdóttir 35 27 = 62

3. Þóra Kristín Björnsdóttir 24 16 = 40

Opinn flokkur karla, tveggja daga keppni (punktakeppni)

1. Þorvaldur Ingvarsson 32

2. Valur Benedikt Jónatansson 32

3. Birgir Kristinsson 31

4. Jónas Kristinsson 30

5. Stefán Pétursson 27

Opinn flokkur kvenna:

1. Ingibjörg Sólrún Magnúsdóttir 37

2. Jóhanna María Björnsdóttir 33

3. Hrafnhildur Geirsdóttir 32

4. Anna Skúladóttir 30

5. Ásthildur Helgadóttir 29

Öldungaflokkur:

1. Gestur Jónsson 36

2. Theódór Skúli Halldórsson 34

3. Brynjólfur Árni Mogensen 32

4. Skúli Hróbjartsson 32

5. Gunnsteinn Sigurðsson 30

Drengjaflokkur:

1. Magnús Torfi Sigurðsson 37

2. Sigurjón Andri Þorláksson 34

3. Benedikt Moray Baldursson 34

4. Hannes Hjartarson 30

Hér er hægt að sjá stöðuna í þriggja daga mótini.

HÉR er hægt að sjá stöðuna í tveggja daga mótinu.

Meistaramótið - 54 holur

Thu, 18 Jul 2024 18:29:15 GMT

Sveinn og Bergljót efst í 1. flokki

Meistaramót GKB í fimm flokkum hófst á Kiðjabergsvelli í dag, 18. júlí. Þessir flokkar leika 54 holur, en á morgun hefst tveggja daga meistaramót (36 holur) í þremur flokkum. Smá dropar féllu í morgun, en síðan lét sólin sjá sig og aðstæður því góðar til keppni.

Sveinn Snorri Sverrisson lék best í 1. flokki karla í dag, kom inn á 83 höggum. Bergljót Kristinsdóttir ef efst í 1. flokki kvenna, lék á 85 höggum. Keppninni verður fram haldið á morgun.

Staðan í einstökum flokkum eftir 18 holur er eftirfarandi:

1. flokkur karla: 7,0 til 13,9 - Höggleikur án forgjafar

1 Sveinn Snorri Sverrisson 83

2 Andrés I Guðmundsson 89

3 Stefán Þór Bjarnason 92

4 Atli Geir Gunnarsson 94

2. flokkur karla: 14,0 til 20,4 - Höggleikur án forgjafar

1 Þröstur Már Sigurðsson 85

2 Guðmundur K Ásgeirsson 90

3 Birgir Vigfússon 94

4 Snorri Ólafur Hafsteinsson 95

5 Garðar Ólafsson 95

3. flokkur karla: 20,5 til 54 (36 hámarks vallarforgjöf) - Punktakeppni m. forgjöf

1 Árni Sveinbjörnsson 75 (nettó högg)

2 Stefán Vagnsson 77

3 Magnús Arnarson 80

4 Logi Þórólfsson 92

1. flokkur kvenna: +8 til 20,4 - Höggleikur

1 Bergljót Kristinsdóttir 85

2 Brynhildur Sigursteinsdóttir 86

3 Áslaug Sigurðardóttir 95

4 Regína Sveinsdóttir 111

2. flokkur kvenna: 20,5 til 54 (36 hámarks vallarforgjöf) - Punktakeppni m. forgjöf

1 Guðlaug Elísabet Finnsdóttir 72 (högg nettó)

2 Inga Dóra Sigurðardóttir 80

3 Þóra Kristín Björnsdóttir 84

Á morgun hefst keppni í eftirtöldum flokkum (36 holur):
Opinn flokkur - Punktakeppni m. forgjöf
Öldungar - Punktakeppni m. forgjöf
Unglingar 16 ára og yngri - Punktakeppni m. forgjöf.

Veðurspáin fyrir mótið er ágæt, en spáð er litlum vindi með einhverri smá vætu en frábært veður á lokadeginum.

HÉR má sjá heildarúrslit.

Hér fyrir neðan eru myndir af keppninni í dag.

Andri Jón klúbbmeistari!

Thu, 18 Jul 2024 17:57:35 GMT

Andri Jón klúbbmeistari karla 2024!

Meistaraflokkur karla tók forskot á sæluna í Meistaramóti GKB og lék um síðustu helgi. Ástæðan var sú að einhverjir eru að taka þátt í Íslandsmótinu í höggleik sem hófst á Hólmsvelli í Leiru í dag.

Veður setti stóran svip á keppnina um síðustu helgi og tókst aðeins að leika 18 holur af 54. Leikar fóru þannig að Andri Jón Sigurbjörnsson bar sigur úr býtum. Hann spilaði hringinn á 76 höggum, eða 5 höggum yfir pari við mjög krefjandi aðstæður.

Axel Ásgeirsson og Arnar Snær Hákonarson voru jafnar í 2. til 3. sæti á 79 höggum, eða 8 höggum yfir pari.
Alls tóku ellefu kylfingar þátt.

Helstu úrslit voru sem hér segir:
1. Andri Jón Sigurbjörnsson - 76 högg +5
2-3. Axel Ásgeirsson - 79 högg +8
2-3. Arnar Snær Hákonarson - 79 högg +8
4-5. Árni Gestsson - 80 högg +9
4-5. Halldór Heiðar Halldórsson 80 högg +9

Lokahóf

Mon, 15 Jul 2024 21:36:46 GMT

Danskt hlaðborð að hætti Rakelar!

Lokahóf Meistaramótsins GKB verður í golfskálanum laugardaginn 20. júlí. Að venju verður Rakel með danskt sumarhlaðborð eins og henni einni er lagið.

Lokahófið hefst á hlaðborðinu sem verður drekkhlaðið léttum kræsingum og verðið er gjöf en ekki gjald, eða aðeins 8.000 krónur. Hlaðborðið hefst kl. 19:00.

Þau sem ætla að mæta í hlaðborðið vinsamlegast pantið hjá Rakel með því að senda póst á rakelmatt@gkb.is fyrir miðvikudaginn 17. júlí.

Verðlaunaafhending fyrir Meistaramót GKB hefst síðan kl. 19.45.

Meistaramót GKB 2024

Wed, 03 Jul 2024 17:30:37 GMT

Skráning í fullum gangi fyrir Meistaramót GKB!

Meistaramót Golfklúbbs Kiðjabergs árið 2024 verður haldið dagana 18. til 20. júlí næstkomandi. Opnu flokkarnir (Opinn flokkur, Öldungar og Unglingar 16 ára og yngri) verða leiknir 19. og 20. júlí.

Forgjafarflokkar og leikfyrirkomulag er eftirfarandi:
Þriggja daga Meistaramót (54 holur)
1. flokkur karla: 7,0 til 13,9 - Höggleikur án forgjafar
2. flokkur karla: 14,0 til 20,4 - Höggleikur án forgjafar
3. flokkur karla: 20,5 til 54 (36 hámarks vallarforgjöf) - Punktakeppni m. forgjöf
1. flokkur kvenna: +8 til 20,4 - Höggleikur
2. flokkur kvenna: 20,5 til 54 (36 hámarks vallarforgjöf) - Punktakeppni m. forgjöf

Tveggja daga Meistaramót (54 holur)
Opinn flokkur - Punktakeppni m. forgjöf
Öldungar - Punktakeppni m. forgjöf
Unglingar 16 ára og yngri - Punktakeppni m. forgjöf

Líkt og í fyrra verður keppendum boðið að leigja golfbíl á 2.000 krónur á hvern hring. Ef tveir í sama holli hafa pantað golfbíl skulu þeir deila viðkomandi bíl og kostnaði.

Skráning er opin í Golfbox. Einnig er mögulegt að skrá sig í þriggja daga eða tveggja daga mótið með því að ýta á annanhvorn takkann fyrir neðan.

Þriggja daga Meistaramót

Tveggja dagar Meistaramót (opinn flokkur)

Úrslit úr Gull 24 Open

Sun, 30 Jun 2024 19:17:36 GMT

Axel lék best allra á Gull 24 Open - 69 högg!

Um 300 keppendur tóku þátt í Gull 24 Open sem lauk á Kiðjabergsvelli um helgina. Mótið stóð yfir í sólarhring, frá föstudegi til laugardags. Blíðuveður var á laugardaginn, en hvassviðri á föstudag. Axel Ásgeirsson úr GKB og Hlynur Geir Hjartarson úr GOS léku best allra, á 69 höggum. Axel lék betur á seinni níu og er því sigurvegari í höggleik. Leikið var í fjórum öðrum flokkum.

Helstu úrslit voru sem hér segir:

Karlar, +8 - 15,9 í forgjöf:

1 Örvar Þór Sveinsson 43 punktar

2 (Axel Ásgeirsson 40 punktar) - vann í höggleikinn

3 Ívar Freyr Sturluson 40 punktar

4 Þorsteinn Gunnarsson 38 punktar

5. Jón Gunnarsson 38 punktar

6. Páll Antonsson 38 punktar

Karlar 16+ forgjöf:

1. Bjarni Már Gunnarsson 44 punktar

2. Bent Larseen Fróðason 41 punktur

3. Gunnar Þorsteinsson 40 punktar

4. Gunnar Logi Gunnarsson 38 punktar

5. Sævar Jóhann Sigurgeirsson 38 punktar

Konur +8 til 19,9 í forgjöf:

1. Kristín Halla Hannesdóttir 34 punktar

2. Sigurrós Hrólfsdóttir 33 punktar

3. Inga Lilja Hilmarsdóttir 32 punktar

4. Dídí Ásgeirsdóttir 32 punktar

5. Þórunn Elfa Bjaradóttir 29 punktar

Konur 20+ forgjöf:

1. Kristjana Fjóla Guðmundsdóttir 39 punktar

2. Kristín Nielsen 39 punktar

3. Þórunn Einarsdóttir 34 punktar

4. Anna Birna Árnadóttir 34 punktar

5. Kristjana Kristjánsdóttir 32 punktar

Verðlaun fyrir fimm efstu í punktaflokkum

1. sæti - Öxi jakki frá 66 Norður og 50 þúsund króna gjafabréf hjá Eagle Golfferðir

2. sæti - Vatnajökull vesti frá 66 Norður og 25 þúsund króna gjafabréf hjá Eagle Golfferðir

3. sæti - Ecco LT1 golfskór, og gjafabréf fyrir tvo á Kiðjabergsvöll

4. sæti - Tindur vesti frá 66 Norður og kassi af Egils Gull

5. sæti - Kría vesti frá 66 Norður og kassi af Egils Gull

Besta skor í höggleik

Axel Ásgeirsson - Ecco LT1 golfskór, kassi af Egils Gull og gjafabréf fyrir tvo á Kiðjabergsvöll

Frábær nándarverðlaun frá Nespressó, Ölgerðinni, o.fl.

Nándarverðlaun

3. hola - Óðinn Svavarsson (0,19 m) - Kassi af Egils Gull og hringur f. tvo á Kiðjabergsvelli.

7. hola – Guðjón Stefánsson (1,37 m) - Nespressó kaffivél og kassi af Egils Gull

12. Hola – Arnór Ingi (0,23 m) - Mr. Nespresso kaffivél og kassi af Egils Gull

16. Hola – Sigurður Jónsson (0,93 m) - Kassi af Egils Gull og hringur f. tvo á Kiðjabergsvelli

HÉR er hægt að skoða öll úrslit.

Myndasería Gull 24 (2)

Sun, 30 Jun 2024 08:42:42 GMT

Myndir frá laugardeginum á Gull 24 Open

Eitt glæsilegasta og fjölmennasta mót ársins, GULL 24 OPEN, fór fram á Kiðjabergsvelli um helgina. Ræst var út í heilan sólarhring, frá klukkan 14:00 á föstudegi til 13:45 á laugardegi. Töluverður vindur var á vellinum á föstudeginum, en á laugardag var bongóblíða, sól og hiti um 20 gráður. Rúmlega 300 keppendur voru skráðir til leiks í mótinu.

Heildarverðmæti vinninga var um ein og hálf milljón króna. Leikfyrirkomulag var einstaklings punktakeppni með forgjöf (fjórir flokkar) og besta skor.

Verið er að fara yfir öll úrslit úr mótinu og verða þau birt hér á síðunni síðar.

Hér má sjá skori keppenda.

Hér fyrir neðan má sjá myndir frá keppninni á laugardaginn.

Myndasería Gull 24

Fri, 28 Jun 2024 22:53:13 GMT

315 keppendur taka þátt í Gull 24 Open

GULL 24 OPEN, hófst á Kiðjabergsvelli í dag klukkan 14. Ræst er út í heilan sólarhring eða til klukkan 13:45 á morgun, laugardag. Töluverður vindur var á vellinum í dag, en reiknað er með að veðrið lagist með kvöldinu og verði mjög gott á morgun. 315 keppendur eru skráðir til leiks.

Heildarverðmæti vinninga er vel yfir ein milljón króna. Leikfyrirkomulag er einstaklings punktakeppni með forgjöf (fjórir flokkar) og besta skor. Golfskálinn verður opinn í alla nótt.

Glæsilegir vinningar fyrir fimm efstu sætin í fjórum punktaflokkum - tveir karlaflokkar og tveir kvennaflokkar.

Einnig veitt verðlaun fyrir besta skor (bæði kyn saman í flokki).

Hér má fylgjast með skori keppenda.

Hér fyrir neðan má sjá myndir frá keppninni í dag.

Takið þátt í fjölmennasta móti ársins!

Sat, 22 Jun 2024 18:03:56 GMT

Verðmæti vinninga er yfir ein milljón króna

Glæsilegasta og fjölmennasta golfmót ársins, GULL 24 OPEN, fer fram á Kiðjabergsvelli 28. til 29. júní. Ræst verður út stanslaust í 24 tíma, eða sólarhring. Frá 14:00 á föstudegi til kl 13:50 á laugardegi. Heildarverðmæti vinninga er yfir ein milljón króna.

Leikfyrirkomulag verður einstaklings punktaleikur með forgjöf (fjórir flokkar) og besta skor. Hámarksforgjöf hjá körlum er 24 og konum 32. Golfskálinn verður opinn alla nóttina.

Glæsilegir vinningar fyrir fimm efstu sætin í fjórum punktaflokkum - tveir karlaflokkar og tveir kvennaflokkar.

Einnig veitt verðlaun fyrir besta skor (bæði kyn saman í flokki)

Verðlaun fyrir fimm efstu í punktaflokkum

1. sæti - Öxi jakki frá 66 Norður og 50 þúsund króna gjafabréf hjá Eagle Golfferðir

2. sæti - Vatnajökull vesti frá 66 Norður og 25 þúsund króna gjafabréf hjá Eagle Golfferðir

3. sæti - Ecco LT1 golfskór, og gjafabréf fyrir tvo á Kiðjabergsvöll

4. sæti - Tindur vesti frá 66 Norður og kassi af Egils Gull

5. sæti - Kría vesti frá 66 Norður og kassi af Egils Gull

Besta skor

Ecco LT1 golfskór, kassi af Egils Gull og gjafabréf fyrir tvo á Kiðjabergsvöll

Ath. einungis karlar sem spila af gulum teigum geta unnið til verðlauna fyrir besta skor. Konur spila af rauðum.

Frábær nándarverðlaun frá Nespressó, Ölgerðinni, o.fl.

Nándarverðlaun

3. hola - Kassi af Egils Gull og hringur f. tvo á Kiðjabergsvelli.

7. hola – Nespressó kaffivél og kassi af Egils Gull

12. Hola – Nespresso kaffivél og kassi af Egils Gull

16. Hola – Kassi af Egils Gull og hringur f. tvo á Kiðjabergsvelli

Holu í höggi verðlaun á 16. holu - 100 þúsund króna gjafabréf hjá Eagle Golfferðir

Holu í höggi verðlaun á 12. holu - Ársaðild í Golfklúbb Kiðjabergs golftímabilið 2025

Lengsta pútt á 18. holu - Gjafabréf f. tvo á Kiðjabergsvöll

ATH. Ef kylfingar undir 20 ára aldri vinnur til nándarverðlauna fær viðkomandi sama magn af Collab í stað Egils Gull.

Fyrirspurnir varðandi golfbíla sendið póst á gkb@gkb.is

Við skráningu á GolfBox er hægt að skrá 4 leikmenn samtímis á rástíma. Leikmenn eru skráðir með félagsnúmeri þannig að þau þurfa að vera tiltæk (t.d. 12-3456). Sá sem skráir leikmenn þarf að greiða fyrir alla.

Verð í mótið er 8.000 kr. og greiðist við skráningu.

Karlar að verða 14 ára að aldri og yngri auk karla að verða 70 ára og eldri leika af rauðum teig nema að þeir ætli að taka þátt í höggleik án forgjafar. Þá leikið af gulum teigum.

ATH. Þeir karlmenn sem ætla að taka þátt í besta skori án forgjafar þurfa að spila af gulum teigum. Allar konur spila af rauðum teigum.

ATH. Mótsgjald er óendurkræft ef hætt er við þátttöku innan 24klst frá fyrsta rástíma.

Hægt er að skrá sig í mótið HÉR .

Nú er hægt að hlaða!

Mon, 17 Jun 2024 15:26:29 GMT

Kiðjabergið rafmagnast!

Loksins eru rafhleðslustöðvarnar við hlið golfskálans komnar í gagnið á Kiðjabergsvelli. Um er að ræða tvær 22kw stöðvar sem hver um sig getur hlaðið tvo bíla í einu þannig að mögulegt er að hlaða fjóra bíla í einu.

Stöðvarnar eru kærkomin viðbót fyrir þá kylfinga sem eru á rafbílum og vilja hlaða ökutækin sín á meðan spilaðar eru 9 eða 18 holur.

Hleðslustöðvarnar eru á vegum fyrirtækisins Bílahleðslan. Mjög einfalt er að skrá sig hjá Bílahleðslunni en upplýsingar varðandi ný/innskráningu og hleðslu má finna á sjálfum stöðvunum.

Þeir sem vilja nýta tækifærið og nýskrá sig er bent á tengilinn HÉR.

Jónsmessumótið

Mon, 17 Jun 2024 15:17:53 GMT

Senn líður að Jónsmessumóti

Föstudaginn 21. júní verður hið árlega Jónsmessumót haldið á Kiðjabergsvelli. Leikfyrirkomulag er 4ja manna Texas Scramble og leiknar 9 holur.

Ef þátttaka verður nógu mikil verður notast við báðar lykkjur vallarins. Ef ekki verða seinni lykkjan notuð að þessu sinni.

Allir geta skráð sig. Þeir sem eru ekki í liði verða settar saman. Að móti loknu verður 9 holu púttkeppni sem allir keppendur geta tekið þátt í.

Skrá sig HÉR.

Gull 24 Open 28. og 29. júní næstkomandi

Mon, 17 Jun 2024 15:10:52 GMT

Skráning hafin í Gull 24 Open

Þann 28. og 29. júní næstkomandi verður hið árlega, og stærsta opna golfmót ársins, Gull 24 Open haldið á Kiðjabergsvelli. Leikfyrirkomulag er punktakeppni og verða alls fjórir flokkar þar sem veitt verða verðlaun fyrir fimm efstu sætin í hverjum flokki. Ennfremur verða verðlaun fyrir besta skor í höggleik.

Flokkar
Karlar +8 til 15,9 í forgjöf
Karlar 16 og hærra í forgjöf (hámark 24 í leikforgjöf)
Konur +8 til 19,9 í forgjöf
Konur 20 og hærra í forgjöf (hámark 32 í leikforgjöf)

Nándarverðlaun á öllum par 3 holum, sérstök holu í höggi verðlaun, lengsta pútt ofan í holu á 18. holu o.fl.

Mótið verður stórglæsilegt í alla staði en heildarverðmæti vinninga er vel yfir ein milljón króna. Á meðal verðlaun er fatnaður frá 66* Norður, gjafabréf frá Eagle Golfferðir, Nespressó kaffivélar, skór frá Ecco, drykkir frá Ölgerðinni og golfhringir hjá Golfklúbbi Kiðjabergs.

Við hvetjum félagsmenn til að taka þátt í þessu skemmtilega móti.
Skráning er í fullum gangi á Golfbox.

Stór golfhelgi á Kiðjabergsvelli

Thu, 13 Jun 2024 12:03:05 GMT

Mikið um að vera í Kiðjabergi um helgina

Það er frábær veðurspá þessa helgina, spáð er 15 til 19 gráðum, sól og litlum vindi. Það verður sannkölluð golfhelgi, enda mikið um að vera á vellinum. Við hvetjum því félagsmenn, sem ætla sér að spila Kiðjabergið um helgina, að panta rástíma sem fyrst og njóta þess að spila völlinn í rjómablíðu.

Vinkvennamót á föstudag
Föstudaginn 14. júní er vinkvennamót GKB og GKG. Um 80 konur taka þátt en mótið hefur ávallt verið vel sótt.
Klúbbmeðlimir og aðrir sem ætla sér að spila 18 holur geta bókað rástíma á 1. holu til kl. 9.10 en þurfa að hætta leik kl. 14 ef hringur hefur ekki verið kláraður. Ef viðkomandi er á leigugolfbíl þarf að hætta leik 13.30.
Ef einungis á að spila 9 holur geta klúbbmeðlimir hafið leik á fyrri eða seinni lykkjunni til 10.30. Kylfingar þurfa að hætta leik kl. 14. Gert er ráð fyrir að völlurinn opni aftur fyrir almenna umferð kl. 17.40. Mögulegt verður að hefja leik bæði á 1. og 10. teig.

Golfnámskeið á laugardaginn
Golfkennararnir, Guðjón Daníelsson og Ari Magnússon, munu bjóða upp á námskeið fyrir meðlimi GKB og aðra laugardaginn 15. júní nk. frá klukkan 13.30 til 15.30. Námskeiðið verður haldið á æfingasvæðinu að Kiðjabergi, þar sem farið verður í púttin, stutta spilið, sandinn, járnin og driver. - Sem sagt allt heila klabbið.
Komi til þess að eftirspurn verði meiri en framboð munu þeir félagar leitast við að halda annað námskeið síðar í sumar fyrir þá sem ekki komast að í þetta sinn.
Áhugasamir hafið samband með því að senda póst á gudjond@gmail.com

Myndir: Golfkennararnir Guðjón og Ari.

Góð þátttaka í Stóra Texas mótinu

Sun, 09 Jun 2024 11:45:58 GMT

Þrjú lið á 12 höggum undir pari!

Lið BjöBja, sem var skipað GR-ingunum Bjarka Marinó Albertssyni og Björgvini Atla Júlíussyni, sigraði í Stóra Texas Scramble mótinu, sem fram fór á Kiðjabergsvelli í gær, laugardaginn 8. júní. Þeir félagar léku á 59 höggum nettó, eða 12 höggum undir pari vallar.

Tvö önnur lið, Prýðisfólk og ET, voru á sama skori, en lið BjöBja var á besta skorinu á seinni níu. 64 lið mættu til leiks og var spilað tveggja manna texas . Uppselt var í mótið og komust því færri að en vildu.

Næstir holu:

3. hola: Helena K. Brynjólfsdóttir - 2,21m

7. hola: Sæþór Ólafsson - 3,79m

12. hola: Mr. Crane - 1,27m

16. hola: Emil Þór Ragnarsson 2,72m

HÉR má sjá öll úrslit í mótinu.

Verðlaun:
1. sæti - 2x 35 þúsund króna gjafabréf í Húsasmiðjunni og gjafabréf f. tvo á Golfklúbbi Kiðjabergs

2. sæti - 2x 30 þúsund króna gjafabréf í Húsasmiðjunni og gjafabréf f. tvo á Golfklúbbi Kiðjabergs

3. sæti - 2x 25 þúsund króna gjafabréf í Húsasmiðjunni og gjafabréf f. tvo á Golfklúbbi Kiðjabergs

Nándarverðlaun eru frá Ölgerðinni á öllum par 3 holum.

GKB þakkar öllum fyrir góða þátttöku og skemmtilega keppni. Vinningshafar geta vitjað um vinninga sína í Golfskálanum Kiðjabergi.

Stóra Texas mótið

Mon, 03 Jun 2024 17:43:13 GMT

Í fyrra mættu 130 keppendur í Stóra Texas mótið!

Þá er komið að Stóra Texas Scramble mótinu hjá okkur í Kiðjaberginu. Mótið fer fram næsta laugardag, 8. júní. Leikfyrirkomulagið er að sjálfsögðu Texas Scramble, tveir saman í liði, samanlögð forgjöf deilt í með 2,5.

Hámarks leikforgjöf karla 24 og kvenna 28. Einungis karlar sem verða 70 ára á árinu, og eldri spila frá rauðum teigum. Í fyrra mættu 130 keppendur í þetta mót og má búast við álíka þátttöku núna. Það er því um að gera að skrá sig sem fyrst.

Glæsileg verðlaun fyrir efstu þrjú sætin.

1. sæti - 2x 35 þúsund króna gjafabréf í Húsasmiðjunni og gjafabréf f. tvo á Golfklúbbi Kiðjabergs

2. sæti - 2x 30 þúsund króna gjafabréf í Húsasmiðjunni og gjafabréf f. tvo á Golfklúbbi Kiðjabergs

3. sæti - 2x 35 þúsund króna gjafabréf í Húsasmiðjunni og gjafabréf f. tvo á Golfklúbbi Kiðjabergs

Nándarverðlaun frá Ölgerðinni á öllum par 3 holum.

Leiga á golfbíl er 8.000kr. Panta þarf golfbíl með því að senda póst á gkb@gkb.is. ATH viðkomandi þarf að fá staðfestingu frá starfsmanni GKB í skriflegu formi að bíll sé frátekinn í nafni þess aðila.

Skráning í mótið fer fram HÉR.

Taramar vinkvennamót GKB og GKG | föstudaginn 14. júní

Wed, 29 May 2024 08:19:12 GMT

Golfmótið fer fram á Kiðjabergsvelli 14. júní

Leikfyrirkomulag Taramar golfmótsins er punktakeppni með hámarks leikforgjöf 36. ⛳️Ræst verður út á öllum teigum kl. 13:00. Tímabókanir verða notaðir til að setja hópa á teiga. Spilað verður á Kiðjabergsvelli.

Endanlegir ráslistar verða birtir á hádegi fimmtudag 14. júní.

‼️ Þáttaka í mótinu er gjaldfrjáls fyrir GKB konur en fyrirkomulagið er þannig að GKB koknur greiða við skráningu í Golfboxinu og fá svo endurgreitt frá klúbbnum.

Glæsileg verðlaun frá TARAMAR ��

Veitt verða verðlaun fyrir besta skor og 1.-3. sæti í punktakeppni. Ekki er hægt að vinna bæði besta skor og punktakeppni.
Nándarverðlaun á öllum par 3 holum. Dregið verður úr skorkortum.

Golfbílar

Óska þarf eftir golfbíl með því að senda póst á gkb@gkb.is. Athugið að það þarf að fá staðfest fra starfsmanni GKB að golfbíll sé frátekin fyrir viðkomandi aðila.

Veitingar eftir mót

Hægt verður að kaupa kjúklingasúpu, kaffi og sætt með því á 4000 krónur.

Athugið að mótið er eingöngu fyrir GKG og GKB konur.

Viltu kynna þér Taramar húðvörurnar? Skoðaðu þær hér á www.taramar.is

Góð þátttaka í Grand Open

Sun, 26 May 2024 18:15:09 GMT

Naglarnir negldu Grand Open

90 keppendur eða 45 lið mættu til leiks í fyrsta mót ársins á Kiðjabergsvelli, Grand Open, sem fram fór á laugardaginn. Það voru Naglarnir sem léku best, komu inn á 61 höggi eða 10 höggum undir pari. Liðið skipuðu þeir Þorsteinn Gunnarsson úr GR og Gunnar Þorsteinsson úr GM. Leikfyrirkomulagið er betri bolti m/forgjöf.

Fuglavinafélagið hafnaði í öðru sæti á 63 höggum og Simply the best kom næst á 64 höggi, eins og Vesen og Klemmi, sem voru með lakara skor á seinni níu,

Ræst var út af öllum teigum á sama tíma kl. 09:30. Frábær verðlaun voru í boði frá Byko, Ölgerðinni og Golfklúbbi Kiðjabergs.

Nándarverðlaun:

3. hola: Jón Albert - 2,18 m

7. hola: Brynhildur Sig - 3,87 m

12. hola: Jón Gunnarsson - 2,29 m

16. hola: Valdimar Tryggvason - 2,17 m

Heildarúrslit.

Vinnudagur

Thu, 23 May 2024 11:44:19 GMT

Vel mætt á vinnudag GKB

Rúmlega 40 galvaskir klúbbmeðlimir GKB mættu á vinnudag á fallegum laugardagsmorgni um síðustu helgi. Það voru mörg verkefni sem þurfti að vinna og undir handleiðslu vallarnefndar gekk mjög vel að haka við þau öll og meira til.

Meðal verkefna voru tyrfing á 1. holu, raka möl á 7. braut, bera á handrið á 9. holu, tína rusl meðfram vegum, henda timbri á kerrur til förgunar, málun steina á bílastæði og uppsetning á grilli, o.fl. Óhætt er að segja að þátttakendur hafi tekið til hendinni og unnið sín verkefni hratt og vel. Miklu var áorkað og eiga allir hlutaðilar hrós skilið.

Einnig kom aukaverkefni í lokin við að ná tveimur rollum og koma þeim á öruggan stað, en því miður, þrátt fyrir að klúbbmeðlimir gerðu sitt besta, sáu rollurnar við þeim aðilum.

Eftir vinnudaginn var boðið upp á pylsur í klúbbhúsi og margvísleg málefni rædd, auk þess sem margir prófuðu klúbbfatnað GKB fyrir 2024. Ennfremur skelltu margir sér beint út á golfvöll enda veðrið með eindæmum gott.

Fyrsta mót sumarsins 2024

Mon, 20 May 2024 17:28:43 GMT

Grand Open á Kiðjabergsvelli 25. maí

Fyrsta mót ársins á Kiðjabergsvelli, GKB Grand Open, verður haldið 25. maí næstkomandi. Leikfyrirkomulagið er betri bolti með forgjöf þar sem betra skor liðsins telur á holu, þetta er punktakeppni og þannig telja punktar þess sem fékk hærri punkta á holu.

Ræst er út af öllum teigum á sama tíma kl. 09:30 (shotgun). Hámarks leikforgjöf karla 28 og kvenna 32.

Frábær verðlaun frá Byko, Ölgerðinni og Golfklúbbi Kiðjabergs.

Athugið að yfirleitt er mikil aðsókn í þetta mót og því um að gera að skrá sig tímalega. Óskir um golfbíla á meðan móti stendur skal senda á gkb@gkb.is. Staðfestingu þarf frá golfklúbbi að bíll sé frátekinn.

Skráning fer fram á golf.is. Fyrir þá sem vilja skrá sig strax er hægt að nota vefslóðina að neðan;

https://golfbox.dk/livescoring/tour/?language=1039.. .

Golfbílar leyfðir

Fri, 17 May 2024 17:42:07 GMT

Kiðjabergsvöllur opnar fyrir alla kylfinga 18. maí og golfbílar leyfðir

Laugardaginn 18. maí opnar Kiðjabergsvöllur einnig fyrir gesti og geta þeir nú þegar bókað rástíma í gegnum Golfbox. Einnig verða golfbílar leyfðir á Kiðjabergsvöll frá og með sama degi.

Völlurinn kemur vel undan vetri og eru ekki lengur frostlyftingar í honum. Flatir og teigar líta mjög vel út. Þeir sem heimsækja völlinn er vinsamlega beðnir um að laga boltaför eftir sig og ganga vel um hann.

Vinnudagur 18. maí

Mon, 13 May 2024 21:51:19 GMT

"Margar hendur vinna létt verk!"

Vinnudagur Golfklúbbs Kiðjabergs og Félags lóðarhafa á Kiðjabergi verður haldinn laugardaginn 18. maí.
Vinnudagurinn verður haldinn frá klukkan 9 til 12. Þátttakendur eru beðnir um að hittast við verkstæði GKB kl. 8:40 hið síðasta svo að vinna geti hafist á slaginu kl. 9!

Í fyrra var frábær þátttaka og er það von golfklúbbsins að hún verði ekki síðri í ár enda margt sem þarf að ráðast í. Eins og máltakið segir: "Margar hendur vinna létt verk!"

Að neðan má finna slóða undir "Skráning - Vinnudagur GKB 2024" þar sem þátttakendur eru hvattir til að setja sitt nafn á listann. Hjálpar mikið til að áætla fjöldann og skipta niður verkum.

"Skráning - Vinnudagur GKB 2024"

Völlurinn opnar 11. maí

Fri, 10 May 2024 10:28:25 GMT

Kiðjabergsvöllur opnar fyrir félagsmenn!

Kiðjabergsvöllur opnar dyr sínar fyrir klúbbmeðlimi GKB laugardaginn 11. maí kl. 08. Allur völlurinn er opinn og eru meðlimir hvattir til þess að fara sérstaklega vel um völlinn enda enn viðkvæmur. Teigar og flatir líta vel út en frostlyftingar eru enn á sumum svæðum á vellinum og því ekki mögulegt að fara á golfbílum inn á golfvöllinn. Opnað hefur verið fyrir rástímaskráningu og geta einungis klúbbmeðlimir skráð sig í rástíma á GolfBox.

Fyrsta mót ársins er að sjálfsögðu GKB Grand Open og fer fram 25. maí næstkomandi. Mótið er tveggja manna Betri Bolti með forgjöf. Leikfyrirkomulagið er betri bolti m/forgjöf þar sem betra skor liðsins telur á holu, þetta er punktakeppni og þannig telja punktar þess sem fékk hærri punkta á holu.

Ræst er út af öllum teigum á sama tíma kl. 09:00 (shotgun)

Hámarks leikforgjöf karla 28 og kvenna 32.

Karlar sem verða 70 ára á árinu og eldri spila frá rauðum teig, en leikmenn geta beðið um undanþágu frá því, með því að senda póst á gkb@gkb.is

Glæsileg verðlaun fyrir þrjú efstu sætin

Nándarverðlaun frá Ölgerðinni á öllum par 3 holum.
Öll skráning fer fram á Gofbox

Kvennastarf GKB

gkb@gkb.is (Börkur Arnvidarson) — Tue, 16 Apr 2024 09:29:33 GMT

Vertu með okkur í sumar!

Innan Golfklúbbs Kiðjabergs (GKB) er öflugt kvennastarf og eru allar konur innan GKB velkomnar að taka þátt í starfinu.

DAGSKRÁ KVENNAGOLFS GKB ÁRIÐ 2024*

25. maí | GKB Grand Open

31. maí | Föstudags kvennagolf GKB kl. 17:10

# Kvennagolf er flesta föstudaga í sumar

# Skrá sig á facebooksíðu kvennagolfs GKB konur . Hægt er að skrá sig 7 dögum áður

# Muna að afskrá sig ef aðstæður breytast

# Makar mega koma með og tekið seinni 9 holurnar

# Hægt að panta mat hjá Rakel í golfskálunum áður en haldið er af stað út á völl

- Skila skorkorti í kassann í anddyri skálans

- Skrá nafn, dagsetningu, grunnforgjöf og vallarforgjöf á skorkort

- Sjálfsagt að veita aðstoð við skráningu á staðnum

14 júní | vinkvennamót GKB og GKG

11. - 13. júlí | meistaramót GKB

12.-13. júlí | Meistsaramót GKB, opinn flokkur

2. ágúst | Pilsaþytur, innanfélagsmót

1. september | Uppskeruhátíð GKB-kvennagolf

30. ágúst eða 6. september | síðasta föstudagsgolf sumarsins.

7. september | Bændaglíman

FYLGSTU MEÐ OKKUR Á FACEBOOK

Kíktu í heimsókn á facebooksíðu kvennastarfsins en þar sem kvennanefndin dagskrá golfsumarsins , sagðar eru fréttir af golfi og uppákomum á vegum kvennanefndar GKB. Einnig er hægt að hafa samband við kvennanefndina á þeirri síðu.

Hlökkum til að sjá ykkur!

Kvennanefnd GKB

*með fyrirvara um breytingar

Mynd : Frederik Rosar on Unsplash

Innheimta á félagsjöldum GKB fyrir 2024

Thu, 04 Jan 2024 10:38:00 GMT

Innheimta á félagsgjöldum GKB 2024

Það styttist óðum í næsta golftímabil og því ekki seinna vænna en upplýsa ykkur, kæru félagsmenn GKB, varðandi innheimtu á félagsgjöldum fyrir árið 2024.

Á aðalfundi þann 18. desember síðastliðinn voru árgjöld 2024 samþykkt fyrir komandi ár skv. lögum klúbbsins. Félagsgjöld hafa því nú verið lögð á og fer innheimta og ráðstöfun greiðslna í fyrsta sinn fram í gegnum Abler félagakerfið . Er þetta liður í nútímavæðingu GKB.

Abler félagakerfið er notað af mörgum af stærstu íþróttafélögum landsins (Breiðablik, HK, o.fl.) sem og öðrum fyrirtækjum t.d. World Class sem eru með mikinn fjöldi félagsmanna.
Abler félagakerfið auðveldar gegnsæi og utanumhald varðandi félagafjölda, fjármál, stöðu á innheimtum og öðru þar sem er mikilvægt að hafa góða yfirsýn.

Þau s em eru þegar með aðgang að Abler geta farið beint inn á vefverslun GKB á Abler sem má einnig finna að neðan.

Þau sem eru ekki með aðgang og þarfnast aðstoðar við innskráningu geta notast við eftirfarandi leiðbeiningar (ýta á leiðbeiningar) eða haft samband við gkb@gkb.is

Boðið er upp á ýmsa félagsaðildarmöguleika í vefversluninni.

Áfram er boðið upp á greiðsludreifingu líkt og undanfarin ár.

Greiðsluseðill - Hægt að skipta greiðslum í tvennt

Greiðslumiðlun ehf. gefur út greiðslukröfur fyrir hönd félagsins. Kennitala Greiðslumiðlunar er 540612-1020. Gjalddagi er útgáfudagur reiknings, eindagi er 15 dögum síðar.Athugið að greiðslu- og umsýslugjald kr. 390*.m.vsk. leggst við upphæð hverrar greiðslu. 10 dögum eftir eindaga fer krafan í innheimtuferli með tilheyrandi kostnaði. Á kröfu sem ekki er greidd á eindaga reiknast dráttarvextir frá gjalddaga til greiðsludags.

Ef þörf er á aðstoð endilega hafið samband við GKB með því að hringja í síma 486-4495 eða senda póst á gkb@gkb.is.

ATH. Einnig verður mögulegt að fá innheimtu í gegnum banka handvirkt. Hafa þarf samband við gkb@gkb.is með nafni/nöfnum, kt. og heimilisfangi ásamt því hvernig félagsgjald viðkomandi vill kaupa.

Full félagsaðild í Golfklúbbi Kiðjabergs árið 2024

Þeir aðilar sem flokkast í fulla félagsaðild eru fæddir frá 1955 til 1998.

ATH. Þeir sem eru fæddir 1954 eða fyrr eiga að greiða fullt árgjald 70+ ára.

Aðilar fæddir 1999 eða fyrr greiða í 25 ára og yngri nema séu undir 16 ára að aldri og er barn/barnabarn GKB meðlims sem hefur greitt félagsaðild fyrir 2024.

Fullt árgjald 26 til 69 ára (f.1955 til 1998) - 107.000kr + 9.000kr inneign í skála = 116.000kr

Fullt árgjald 70 ára og eldri (f.1954 og eldri) - 96.000kr + 9.000kr inneign í skála = 105.000kr

Fullt árgjald 25 ára og yngri (f. 1999 og yngri) - 38.000kr

Fullt árgjald (Námsfólk)* - Í lánshæfu mati skv. Lín - 58.000kr

Fullt árgjald - Fjölskyldugjald - 16 ára og yngri (f. 2008 og yngri)** - 7.000kr

Golfbílagjald er 26.000kr fyrir tímabilið.

*Í lánshæfu mati skv. LÍN og þarf að útvega skjöl frá LÍN því til sönnunar

**Barn/barnabarn klúbbmeðlims GKB til að fá viðkomandi kjör

ATH. Ef hjón/par er með golfbíl þarf einungis annar aðilinn að skrá sig fyrir aðild sem inniheldur golfbíl. Hinn skráir sig í aðild án golfbíls. Einungis er greitt einu sinni fyrir einn golfbíl óháð því hvort að aðili/hjón notist við fleiri en einn.

Jólakveðja frá Golfklúbbi Kiðjabergs

Fri, 22 Dec 2023 15:45:14 GMT

Jólakveðja frá Golfklúbbi Kiðjabergs

Golfklúbbur Kiðjabergs óskar klúbbmeðlimum og öðrum kylfingum gleðilegra jóla og farsældar á komandi ári.

Þakkir fyrir árið sem er að líða.

Sjáumst í fullri sveiflu á Kiðjabergsvelli golftímabilið 2024

Golfklúbbur Kiðjabergs

Reksturinn gekk vel á árinu

Mon, 18 Dec 2023 22:32:13 GMT

Guðmundur endurkjörinn formaður GKB. Félagsmönnum fjölgaði á árinu og eru nú 431 talsins

Aðalfundur GKB fór fram í húsnæði Samtaka Iðnaðarins í Borgartúni í Reykjavík 18. desember sl. að viðstöddum 50 félögum. Guðmundur Ásgeirsson var endurkjörinn sem formaður klúbbsins.

Rekstur klúbbsins gekk vel á árinu og var hagnaður tæpar 8 milljónir króna.

Stjórn GKB skipa nú auk Guðmundar; þau Gunnar Þorláksson, Brynhildur Sigursteinsdóttir, Magnús Haraldsson og Jónas Kristinsson. Varamenn í stjórn eru þau Þórhalli Einarsson og Sigurlaug Gissurardóttir, sem er ný inn í stjórn klúbbsins.

Rekstrartekjur á starfsárinu eru 92 milljónir og er það nánast sömu tekjur og á síðasta stafsári. 9596 hringir voru spilaðir á Kiðjabergsvelli á þessu ári á móti 8888 hringjum í fyrra, sem er 8% aukning. Gull 24 Open var fjölmennasta mótið á árinu, en 301 tók þátt í því og var fækkun un rúmlega 20 manns frá síðasta ári. Sigurður Arnar Garðarsson setti vallarmet af gulum teigum á Gull 24 open á 63 höggum.

GKB sigraði Íslandsmót golfklúbba 50 plús kvenna í 2. deild en sveitina skipuðu : Brynhildur Sigursteinsdóttir, Guðný Tómasdóttir, Bergljót Kristinsdóttir, Stella Hafsteinsdóttir, Þuríður Ingólfsdóttir og Regína Sveinsdóttir

Meðlimum í klúbbnum fjölgaði á árinu og eru nú 431 talsins, þar af 236 karlar og 165 konur. Tillaga stjórnar um að félagsgjöld hækki um 9% var samþykkt á aðalfundinum og verður almennt félagsgjald því 107 þúsund krónur á næsta ári.

Völlurinn kom mjög vel undan vetri og var í mjög góðu standi í allt sumar og er óhætt að segja að Steve og hans starfsfólk hafi unnið mjög gott starf á vellinum við krefjandi aðstæður vegna þurrka í sumar.

"Þrátt fyrir að það sé góð afkoma af rekstri klúbbsins þá er það ekki sjálfgefið. Það er mikilvægt fyrir okkur að völlurinn sé í góðu standi, veðurfar hagstætt því að rúmlega 60 prósent af okkar tekjum koma frá golfvellinum og golfmótum. Tæplega þriðjungur tekna er af félasgjöldum. Við erum mjög heppin hér í Kiðabergi því við höfum marga og mjög góða styrktaraðila, en helstu styrtaraðilar okkar eru: Tengi, GG Verk, Steypustöðin, ÞG verk, TRI , Byko, Húsasmiðjan, Ölgerðin, Heimilistæki, Eykt, Hagi, Parki, Bygg, Íþaka, Timberland, BS eignir, Deloitte, BM Vallá, Garri, og Bílaleiga Akureyrar og vil ég þakka þeim kærlega fyrir stuðninginn, " sagði Guðmundur Ásgeirsson formaður m.a. í skýrslu sinni á fundinum.

"Ég vil þakka öllum félagsmönnum fyrir liðið ár og sérstaklega þeim sjálfboðarliðum sem koma og aðstoðuðu okkur við stjórnun og rekstur á GKB. Einnig vil ég þakka Guðna vélamanni fyrir vel unnin störf. Ég vil þakka öllum stjórnarmönnum og öllum nefmdarmönnum fyrir vel unnin störf og þá sérstaklega mótanefnd, vallarnefnd og kvennanefnd. Ég vil þakka Rakel sérstaklega fyrir gott starf í golfskálanum. Svo að lokum þakka ég Þórði framkvæmdastjóra sérstaklega fyrir vel unnið störf í GKB," sagði formaðurinn.

Á aðalfundinum voru venjuleg aðalfundarstörf, skýrsla stjórnar og endurskoðaðir ársreikningar lagðir fram og samþykktir. Hjörleifur B. Kvaran var fundarstjóri og Jónas Kristinsson fundarritari.

Mynd: Þórður Gissurarson, framkvæmdastjóri er hér ásamt stjórn klúbbsins.

Vel heppnaður félagsfundur

Thu, 14 Dec 2023 12:34:48 GMT

Framtíð Kiðjabergsvallar - Fjárfestingar í vökvunarkerfi, skemmu og vélarbúnaði

Um 45 meðlimir GKB mættu á félagsfund sem var haldinn í klúbbhúsi GKB laugardaginn 9. desember. Fundarstjóri var Guðmundur Ásgeirsson og fundarritari var Jónas Kristinsson.

Á fundinum voru ýmis atriði rætt en dagskráin var svohljóðandi:

1. Fundargestir velkomnir af fundarstjóra og formanni GKB - Guðmundur Ásgeirsson

2. Viðhorfskönnun GKB 2023 - Þórður Rafn Gissurarson, framkvæmdastjóri GKB

3. Aðalþing GSÍ - Guðmundur Ásgeirsson, formaður GKB

4. Framtíð Kiðjabergsvallar - Fjárfestingar í vökvunarkerfi, skemmu og vélarbúnaði - Þórhalli Einarsson, vallarnefnd GKB

5. Önnur mál og umræður.

Viðhorfskönnunin verður gerð opin fyrir klúbbmeðlimi GKB á næstu dögum þar sem hægt er að skoða hvernig golfklúbburinn kom út meðal kylfinga árið 2023. Leitast verður við að setja könnina á Facebook síðu GKB og heimasíðu klúbbsins.

Stjórn GKB þakkar öllum þeim sem sáu sér fært að mæta á fundinn og komu með athugasemdir og tillögur t.d. ruslatunnur á Kiðjabergsvelli, betri merkingar á golfvelli, stígur á 1. holu, boltaþvottavélar o.fl.

Hlökkum til að sjá sem flesta á aðalfundi GKB mánudaginn 18. desember kl. 16.30 í Borgartúni 35 - Samtök Iðnaðarins (jarðhæð).

Aðalfundur GKB 2023 haldinn 18. desember næstkomandi

Mon, 04 Dec 2023 20:09:21 GMT

Aðalfundur GKB haldinn 18. desember í húsnæði Samtaka Iðnaðarins

Þann 18. desember næstkomandi verður aðalfundur haldinn í húsnæði Samtaka Iðnaðarins sem er staðsett í Borgartúni 35 (jarðhæð).

Fundurinn hefst kl. 16.30 og má sjá dagskrá í mynd að ofan.

Vonast er eftir því að sjá sem flesta.

Stjórn GKB

Gjöf sem gleður!

Wed, 22 Nov 2023 14:09:18 GMT

Gefðu golfhring í jólapakkann

Vegna mikilla vinsælda síðasta ár hefur verið ákveðið að bjóða aftur upp á gjafabréfið, sem inniheldur hring fyrir tvo ásamt golfbíl á frábæru tilboðsverði til 20. desember næstkomandi, eða 19.500 kr

Gjafabréfið er tilvalin jólagjöf, afmælisgjöf, brúðkaupsgjöf, starfsmannagjöf eða annað. Getið líka látið vini og vandamenn sem eru kylfingar vita af þessu frábæra tilboði!

Kláraðu nokkrar gjafir strax með því að hafa samband við gkb@gkb.is eða hringdu í síma 486-4495 eða senda póst í gegnum heimasíðu Golfklúbbs Kiðjabergs www.gkb.is

Jólahlaðborð 9. des

Thu, 16 Nov 2023 10:59:43 GMT

Jólahlaðborð verður 9. desember

Jólahlaðborð GKB verður haldið í golfskálanum Kiðjabergi 9. desember og hefst kl. 19:00. Pantanir fara í gegnum rakelmatt@gkb.is eða í síma 699-4969.

Aðalfundur GKB 9. desember

Tue, 07 Nov 2023 19:16:09 GMT

Aðalfundur GKB!

Laugardaginn 9. desember næstkomandi verður haldinn aðalfundur GKB í golfskálanum að Kiðjabergi.
Farið verður yfir ársreikning og ýmis önnur atriði.

Frekari upplýsingar verða veittar síðar, en félagsmenn eru hvattir til að taka daginn frá og fjölmenna á fundinn.

Dagskrá aðalfundarins (samkvæmt lögum klúbbsins) :

1. Fundarstjóri og fundarritari kosnir.

2. Fundargerð síðasta Aðalfundar lesin upp.

3. Skýrsla stjórnar um störf og framkvæmdir á liðnu starfsári.

4. Endurskoðaðir reikningar lagðir fram.

5. Umræða um skýrslu stjórnar og reikninga klúbbsins.

6. Tilaga stjórnar um félagsgjöld lögð fram.

7. Kosning stjórnarmanna og skoðunarmanna samkvæmt samþykktum lögum klúbbsins.

8. Skýrsla kvennanefndar.

9. Önnur mál.

Gott golfsumar að baki

Tue, 07 Nov 2023 19:04:55 GMT

Golfsumarið var frábært

Þann 27. október síðastliðinn voru teigmerki og flaggstangir fjarlægð af vellinum og Kiðjabergsvelli lokað þar með formlega þetta árið.

Golfsumarið var frábært í heildina litið. Þó svo að maí hafi verið blautur komu júní, júlí og ágúst sterkir inn. enda frábært golfveður sem sást í fjölda spilaðra hringja hjá klúbbmeðlimum og öðrum, auk vel sóttra golfmóta.

Vallarstarfsmenn GKB stóðu fyrir öðrum áskorunum en vanalega þar sem varla kom regndropi úr lofti um langt tímabil. Vallarstarfsmannateymið þau Steve, John, Valerie, Alec og Guðni, eiga hrós skilið fyrir þá vinnu sem þau unnu af hendi í sumar. Frábært teymi sem gerði allt sem í þeirra valdi stóð til að gera völlinn eins góðan og raun bar vitni hvern einasta dag.

Viðhorfskönnun GKB

Fri, 15 Sep 2023 15:11:57 GMT

Komdu þinni skoðun á framfæri!

Í meðfylgjandi hlekk að neðan er viðhorfskönnun GKB fyrir tímabilið 2023. Óskað er eftir skoðun klúbbmeðlima og gesta á Kiðjabergsvelli í sumar. Hvað var gott og hvað mátti betur fara.
Könnunin tekur ca. 5 mínútur.

Við þökkum fyrirfram kærlega fyrir þátttökuna. ;-)

HÉR er hægt að fara inn á könnunina.

Biðlisti í vorferðina!

Fri, 15 Sep 2023 15:01:53 GMT

Fullt í vorferð GKB til Fairplay Golf and Spa Resort - Biðlisti

Núþegar er "fullt" í vorferð GKB til Fairplay Golf and Spa Resort. Alls hafa 52 sæti verið forpöntuð og hefur verið sendur tölvupóstur á alla þá sem forskráðu sig varðandi að ljúka skráningu og staðfestingargreiðslu hjá Golfsögu.
Þeir sem forskráðu sig hafa viku eða til 23.59 þriðjudaginn 20. september til að klára staðfestingargreiðslu. Ef skráning og greiðsla hefur ekki verið kláruð innan þess tímaramma opnast fyrir þá sem eru á biðlista.
Þeir sem vilja fara á biðlista endilega sendið póst á gkb@gkb.is

Það er í vinnslu að fá fleiri sæti í ferðina hjá Golfsögu. Ef aukasæti fást í ferðina verður farið niður biðlistann. Ef fyllist ekki eftir biðlista verður tilkynning send í markpósti og á Facebook síðu GKB.

Golfferð félagsmanna í vor

Sun, 10 Sep 2023 11:50:48 GMT

Nú er rétti tíminn til að forskrá sig í vorferð GKB til Fairplay Golf í vor

Alls hafa um 30 manns forskráð sig í vorferð GKB til Fairplay Golf and Spa Resort, en ferðin stendur yfir frá 28. apríl til 9. maí (11 nætur). Alls eru í boði 52 sæti í ferðina og því ekki seinna vænna en að skrá sig sem fyrst til að missa ekki af þessari frábæru ferð. Síðasta ferð, sem var til La Sella, sló í gegn og var mikil ánægja meðal allra ferðalanga með svæðið og Kalla fararstjóra. Verður þessi ferð ekki síðri.

Um Fairplay Golf and Spa Resort:
5 stjörnu áfangastaður sem slegið hefur í gegn hjá farþegum Golfsögu.

Sveitarómantík með einstaklega skemmtilegum 18 holu golfvelli sem hentar jafnt byrjendum sem meistaraflokkskylfingum.

Öll aðstaða til golfiðkunar og afslöppunar er til fyrirmyndar og skartar hótelið glæsilegri heilsulind, líkamsrækt, hlaðborð og A la carte veitingastað.
Einstök perla sem allir verða að upplifa.

Innifalið í ferð:

Leiguflug með Icelandair til & frá Jerez
20kg taska og golfsett 15kg
Gisting með hálfu fæði
Drykkir á bar & veitingastað frá kl 17-23
2x frítt í Spa í 10 nátta ferð
Rúta til og frá flugvelli
Ótakmarkað golf
Golfbíll í 18 holur á dag
1x kvöldverður á Mar De Campo
Traust fararstjórn

Verð í tvíbýli - 384,900 kr á mann
Verð í einbýli - 434,900 kr á mann

Áhugasamir sendið póst á gkb@gkb.is varðandi forskráningu.

Hægt að forskrá sig HÉR .

Bændaglíma 2023

Mon, 04 Sep 2023 21:54:57 GMT

Hver verður kóngurinn á Kiðjabergi?

Eftir gott golfsumar þá lokum við dagskránni þann 9. september með Bændaglímu. Bændurnir að þessu sinni eru Bjarni Sigurðsson og Brynjólfur Árni Mogensen. Læknarimma af bestu gerð! Bændur skipta með sér liðum og svo verður ræst út á öllum teigum kl. 11:00.

Spilað verður Texas Scramble holukeppni þar sem lið hvors Bónda eigast við í hverju holli, hver unnin hola telur fyrir Bóndann. Forgjöf hvers liðs er reiknað sem samanlögð vallarforgjöf deilt með 2.5. Forgjöf verður þó ekki hærri en vallarforgjöf lægsta leikmanns.

Mótsgjald kr 4,500 á mann. Verðlaunaafhending fer fram um kvöldið á veglegri lokahátíð sem hefst kl 19:00.
Nándarverðlaun á öllum par 3 holum.

Lokahátíð
Um kvöldið bíður Rakel uppá stórfenglega veislu að vanda. Lamb og nýupptekið grænmeti beint frá bónda - 5.500 krónur á mann. Gengið er frá pöntunum í matinn í gegnum golfboxið þegar skráð er í mótið.
Þeir sem vilja einungis koma í kvöldmat hafið samband við Rakel.

ATH. BÆNDAGLÍMAN ER INNANFÉLAGSMÓT. EINUNGIS MEÐLIMIR Í GKB GETA TEKIÐ ÞÁTT.

HÉR er hægt að skrá sig í bændaglímuna.

Konurnar unnu 2. deildina

Sat, 26 Aug 2023 15:00:25 GMT

GKB sigraði í 2. deild eldri kvenna og leikur í 1. deild að ári

Kvennasveit GKB 50 ára og eldri sigraði í 2. deild og leikur í efstu deild að ári. GKB lék til úrslita við sameinað lið GHD/GFB og vann 2:1 eftir jafna og spennandi viðureign. Okkar lið vann alla leiki sína í mótinu. Leikið var á Silfurnesvelli á Höfn í Hornafirði.

Sveitin var skipuð eftirfarandi leikmönnum:
Brynhildur Sigursteinsdóttir
Guðný Tómasdóttir
Bergljót Kristinsdóttir
Stella Hafsteinsdóttir
Þuríður Ingólfsdóttir
Regína Sveinsdóttir
Liðsstjóri var Brynhildur Sigursteinsdóttir.

Við óskum stelpunum okkar innilega til hamingju með titilinn.

Sjá úrslit leikja og stöðuna HÉR.

Hjóna- og para í frábæru veðri

Thu, 24 Aug 2023 17:08:50 GMT

Eitt skemmtilegasta móti ársins!

Hjóna- og parakeppni, Verdi - Golfsaga, fór fram í blíðskaparveðri dagana 11. og 12. ágúst síðastliðinn. Á föstudeginum var leikinn betri bolti og laugardegi Greensome. Alls tóku 41 lið þátt í mótinu.

Helstu úrslit voru sem hér segir:

1. sæti - Rakel Þóra Matthíasdóttir og Gunnar Guðjónsson - 91 punktar - 2x 85 þús króna gjafabréf hjá Golfsaga

2. sæti - Sigríður Olsen Ármannsdóttir og Jóhannes Árnason - 87 punktar - 2x 60 þús króna gjafabréf hjá Golfsaga

3. sæti - Bragi Þorsteinn Bragason og Guðbjörg Elín Ragnarsdóttir - 85 punktar - 2x 50 þús króna gjafabréf hjá Golfsaga.

Næst holu:

Föstudagur - Tveir kassar af Gull Bjór

3. hola - Rakel Þóra Matthíasdóttir - 2,05m

7. hola - Brynhildur Sigursteinsdóttir - 2,07m

12. hola - Berglind Steinþórsdóttir - 84cm

16. hola - Victor Viktorsson - 2,64m

Laugardagur - 20 þús króna gjafabréf hjá Golfsaga

3. hola - Guðbjörg Elín Ragnarsdóttir - 1,29m

7. hola - Gunnlaugur Unnarsson - 2,90m

12. hola - Stefán Bjarnason - 3,63m

16. hola - Jóhannes Árnason - 1,28m

Lengsta teighögg

Karlar rauðir/bláir teigar - Skúli Hróbjartsson - Kassi af Gull Bjór

Karlar gulir teigar - Hermann Sigursteinsson - 10 þús kr. gjafabréf hjá Kjötbúðinni

Konur rauðir teigar - Stella Hafsteinsdóttir - 10 þús kr. gjafabréf hjá Kjötbúðinni

Á laugardagskvöldinu var kvöldverður og lokahóf. Aragrúi af úrdráttarverðlaunum voru í boði þ.á.m. hótelgisting á Hótel Grímsborgum, gjafabréf hjá Hótel Kríu, golfhringir hjá Golfklúbbi Brautarholts, Reykjavíkur, Keili, Mosfellsbæ og Selfoss ásamt öðrum flottum vinningum.

Óhætt má segja að allir keppendur skemmtu sér vel enda frábært veður og ekki síðri félagsskapur í einu skemmtilegasta móti ársins á Kiðjabergsvelli.

Öll úrslit má sjá HÉR .

Karlasveitin áfram í 2. deild

Thu, 24 Aug 2023 16:32:32 GMT

Sveit GKB hafnaði í 7. sæti í 2. deild

Karlasveit GKB léku um síðustu helgi í 2. deild Íslandsmóts golfklúbba á Akranesi. Öttu drengirnir kappi við góða mótherja og voru margir leikir jafnir og spennandi. Lauk mótinu á þann veg að sveit GKB endaði í 7. sæti af 8 liðum og mun leika aftur í 2. deild að ári.

Þeir sem léku fyrir hönd GKB voru:

Pétur Freyr Pétursson

Sturla Ómarsson

Halldór X Halldórsson

Andri Jón Sigurbjörnsson

Ólafur Sigurjónsson

Axel Ásgeirsson

Árni Gestsson

Arnar Snær Hákonarson

Liðsstjóri var Snorri Hjaltason

Golfklúbbur Setbergs vann sér sæti í 1. deild að ári og óskum við þeim hjartanlega til hamingju!

Karlasveitin keppir á Akranesi

Fri, 18 Aug 2023 13:16:53 GMT

Sveit GKB keppir í 2. deild á Garðavelli

Íslandsmót golfklúbba í 2. deild karla 2023 fer fram á Garðavelli á Akranesi dagana 18.-20. ágúst og er sveit GKB þar á meðal. Alls eru átta klúbbar sem taka þátt. Efsta liðið fer upp í 1. deild og neðsta liðið fellur í 3. deild.

Keppt er í tveimur fjögurra liða riðlum. Leikin er ein umferð í riðlunum. Efsta lið A-riðils leikur í undanúrslitum gegn liðinu í öðru sæti í B-riðli. Efsta liðið í B-riðli leikur í undanúrslitum gegn liðinu í öðru sæti í B-riðli.

Liðin sem taka þátt eru:

A -riðill:

Golfklúbbur Kiðjabergs, GKB
Golfklúbburinn Oddur, GO
Golfklúbbur Setbergs, GSE
Golfklúbbur Skagafjarðar, GSS

B-riðill:
Golfklúbburinn Esja, GE
Nesklúbburinn, GE
Golfklúbburinn Leynir, GL
Golfklúbbur Fjallabyggðar, GFB

Lið GKB er skipað eftirtöldum:

Arnar Snær Hákonarson

Andri Jón Sigurbjörnsson

Sturla Ómarsson

Árni Gestsson

Pétur Freyr Pétursson

Halldór X Halldórsson

Ólafur Sigurjónsson

Axel Ásgrímsson

Liðsstjóri er: Snorri Hjaltason.

Hér er hægt að fylgjast með keppninni.

Hjóna- og parakeppni um helgina

Wed, 09 Aug 2023 21:46:30 GMT

Eitt glæsilegasta mót ársins á Kiðjabergsvelli; Hjóna- og parakeppni. Veðurspáin er góð.

Hin sívinsæla hjóna- og parakeppni Verdi - Golfsaga verður haldin 11. og 12. ágúst næstkomandi. Veðurspáin er góð og því um að gera að skrá sig í tíma. Mótið er opið fyrir hjón og pör sem eru 20 ára og eldri.

Á föstudeginum (11. ágúst ) er leikinn fjórleikur (Betri bolti) og á laugardeginum er fjórmenningur (Greensome). Mótinu lýkur með lokahófi í golfskálanum á laugardagskvöldið.

Leikfyrirkomulag er punktakeppni með forgjöf. Hámarksforgjöf er 24 hjá körlum og 28 hjá konum. Gert er ráð fyrir að karlar leiki af gulum teigum og konur af rauðum. Karlar 65 ára og eldri geta spilað af rauðum teig og skulu þá tilkynna það ræsi.

Í fjórmenningi er leikforgjöf liðs 60% af lægri leikforgjöf + 40% af hærri leikforgjöf. Samherjar slá báðir upphafshögg og velja hvaða bolti er betri og slá síðan til skiptis þar til í holu er komið. Annað högg slær sá sem ekki á upphafshöggið sem var valið.

Mótsgjald er 42.000 kr fyrir parið. Innifalið í verðinu er glæsilegt tveggja daga mót, verðlaun fyrir efstu sætin, nándarverðlaun á öllum par 3 brautum, teiggjöf og kvöldverður að hætti Rakelar í golfskálanum á laugardagskvöld.

VERÐLAUN

1. sæti - 2x 85 þúsund kr. gjafabréf frá Golfsaga

2. sæti - 2x 60 þúsund kr. gjafabréf frá Golfsaga

3. sæti - 2x 50 þúsund kr. gjafabréf frá Golfsaga

Glæsileg nándarverðlaun báða keppnisdaga á öllum par 3 holum

Föstudagur - Tveir kassar af Gull Bjór

Laugardagur - 20 þús króna gjafabréf frá Golfsaga

Lengsta teighögg kvenna (laugardagur) - 4. hola - 10 þús. króna gjafabréf hjá Kjötbúðinni.

Lengsta teighögg karla (laugardagur) - 11. hola - 10 þús. króna gjafabréf hjá Kjötbúðinni.

Glæsileg útdráttarverðlaun í lokahófi - Ath. liðsmenn þurfa að vera viðstaddir til að fá útdráttarverðlaunin.

Beiðnir um golfbíla skulu sendast á gkb@gkb.is og tilgreina hvort sé að ræða einn eða báða daga.

Mótsgjald er óafturkræft ef afskráning á sér stað 24 klst fyrir fyrsta rástíma og þarf að vera sent með skriflegum hætti á gkb@gkb.is

HÉR er hægt að skrá sig í mótið.

Pilsaþytur 2023 | Takk fyrir komuna!

Wed, 09 Aug 2023 11:06:06 GMT

68 hressar konur mættu í Pilsaþyt á Kiðjabergsvelli

Pilsaþytur 2023 var haldinn á Kiðjabergsvelli 4. ágúst og var ræst út klukkan 18:00. Sextíu og átta konur voru skráðar til leiks að þessu sinni. Veðrið var dásamlegt og réð hressleikinn og gleðin ríkjum.

BYGG , Byggingarfélag Gylfa og Gunnars var styrktaraðili mótsins eins og síðustu ár og kunnum við þeim miklar þakkir fyrir.

Takk fyrir frábært kvöld!

Myndir frá deginum (smelltu á myndirnar til að stækka þær):

Gull styrktarmót - úrslit

Sat, 05 Aug 2023 21:11:45 GMT

Góð þátttaka í Gull-styrktarmóti GKB

Gull styrktarmót GKB (Texas Scramble) fór fram á Kiðjabergsvelli ágætu veðri í dag. 174 keppendur eða 87 lið mættu til leiks. Það voru þau Viktor Einarsson og Aníta Ösp Ingólfsdóttur úr Golfklúbbnum Oddi sem léku best allra liða, komu inn á 51 punkti. Bragi Þorsteinn Bragason og Guðbjörg Elín Ragnarsdóttir höfnuðu í öðru sæti.

Sérstakar þakkir til Timberland, Ölgerðarinnar og Kjötbúðarinnar fyrir veglega vinninga. Enn fremur þökkum við öllum keppendum sem tóku þátt.

Verðlaun og verðlaunahafar:

1. Viktor Einarsson og Aníta Ösp Ingólfsdóttir – 51 punkyut
2x 40 þús króna gjafabréf í Timberland

2. Bragi Þorsteinn Bragason og Guðbjörg Elín Ragnarsdóttir – 50 p
2x 30 þús króna gjafabréf í Timberland

3. Bergur Garðar Sandholt og Hjálmtýr Sandholt 48 p.

2x 25 þús króna gjafabréf í Timberland

Nándarverðlaun:

3. hola – Snorri Hjaltason – 14cm

7. hola – Margrét Gísladóttir – 2,07m

12. hola – Birgir Þórisson – 5,64m

16. hola – Hreggviður Jónsson – 1,87m

*Þau hljóta tvo kassa af Gull bjór og 10 þúsund króna gjafabréf hjá Kjötbúðinni.

Sjá öll úrslit HÉR.

Gull Styrktarmót; 4. ágúst

Wed, 02 Aug 2023 22:03:42 GMT

Skráning er í fullum gangi í Gull Styrktarmót GKB

Skráning er nú í fullum gangi í Gull Styrktarmót GKB sem verður haldið laugardaginn 5. ágúst næstkomandi. Nú er hver að verða síðastur að skrá sig því það er að verða fullt í mótið.

Leikið er Texas Scramble, tveir saman í liði. Hámarks leik forgjöf karla er 24 og kvenna 28. Forgjöf liða reiknast sem samanlögð vallarforgjöf liðs, deilt með 2,5 - þó ekki hærra en forgjöf þess liðsmanns sem hefur lægsta vallarforgjöf. Hámarksliðsforgjöf getur verið 22 m.v. tvær konur m. 28 í vallarforgjöf spili saman (56*0,4 = 22,4)

Verðlaunin eru fyrir efstu þrjú sætin, gjafabréf í verslunum Timberland sem eru staðsettar í Kringlunni og Smáralind.

1. sæti - 2x 40 þús króna gjafabréf í Timberland
2. sæti - 2x 30 þús króna gjafabréf í Timberland
3. sæti - 2x 25 þús króna gjafabréf í Timberland

Einnig verða glæsileg nándarverðlaun á öllum par 3 holum vallarins.

Skráning er í fullum gangi í GolfBox og lýkur klukkan 12 á hádegi föstudaginn 4. ágúst.

Pilsaþytur | 4. ágúst 2023

Thu, 20 Jul 2023 18:43:28 GMT

9 holu Texas Scramble kvennamót. Tvær konur eru saman í liði, vön og óvön. Leiknar eru holur 1-9.

Föstudaginn 4. ágúst nk. verður Pilsaþytur í Kiðjabergi. Litaþemað í ár litagleði, sumar og sól . Keppendur klæðist því litríkasta sem þeir eiga. Skráningu lýkur í Golfboxinu 28. júlí kl. 12:00.

Mótið er 9 holu Texas Scramble kvennamót, þar sem 2 konur eru saman í liði, vön og óvön. Leiknar verða holur 1-9. Ræst verður út stundvíslega kl: 18.00. Hámarksfjöldi í mótið er 64 konur (16 holl og 34 lið).

Hámarksleikforgjöf er 36 og reiknast forgjöf hvers liðs þannig: samanlögð forgjöf liðsins deilt með 4 en leikforgjöf liðsins er þó aldrei hærri en forgjöf þeirrar sem er með lægri forgjöfina.

Verðlaun eru veitt til þriggja efstu liðanna í mótinu. Þær konur sem slá inná "green" á sjöundu fá verðlaun. Verðlaun eru í boði BYGG, byggingafélags Gylfa og Gunnars sem eru styrktaraðilar mótsins.

Þetta verður sannkallað Gleðimót með stóru G-i þar sem meðal annars akandi bar verður á staðnum.

Kylfingar sem eru ekki með aðildarnúmer í golfklúbbi senda póst á bethanna1705@gmail.com með nafni liðsins og forgjöf ásamt nafni þeim liðsfélaga sem ætlunin er að spila með. Athugið að ekki er hægt að skrá sig á staðnum eða eftir að skráningartíma lýkur þann 28. júlí.

GKB konur eru hvattar til að bjóða með sér vinkonu í mótið. Sköpum skemmtilega stemmingu á Kiðjabergi. Verð aðeins kr. 3.000 kr.

Í boði verður dýrindis súpa að hætti Rakelar að leik loknum. Panta þarf súpuna fyrirfram í Golfboxinu og kostar 3.500 kr.

Óskir um golfbíl sendast á gkb@gkb.is . Til að vera viss um að fá golfbíl þarf að fá staðfestingu frá golfklúbbnum.

Pro-Am á Kiðjabergi

Tue, 18 Jul 2023 09:52:13 GMT

Gott tækifæri til að spila með þeim bestu!

Stefnt er að því að halda Pro-Am mót á Kiðjabergsvelli þriðjudaginn 1. ágúst. Klúbbmeðlimum býðst þá einstakt tækifæri til að leika við hlið bestu kylfinga landsins.

GKB Pro-Am er mót sem samanstendur af 3ja manna liðum þar sem og einn atvinnumaður (pro) spilar með í hverjum ráshópi. Þetta mót er fyrsta sinnar tegundar á landinu, en margir af bestu kylfingum landsins hafa boðað komu sína.

Leikið er 3ja manna betri bolti og fær hvert lið einn "Próa" til að spila með. Próarnir spila sín á milli höggleik án forgjafar og auka leik sem heitir "Skins". Próarnir munu vera í sínu besta formi en GKB Pro-Am mótið er haldið á milli Íslandsmótanna í holukeppni og höggleik.

Frábær verðlaun í boði í liðakeppninni auk nándarverðlauna á öllum par 3 holum vallarins og einnig í lengsta höggið í tveimur höggum á 18. holu. Próar leika í sér móti þar sem verðlaunafé er fyrir efstu fimm sætin.

Innifalið í mótsgjaldi eru léttar veitingar fyrir hring, nesti og drykkur til að taka með út á völl og matur að hætti Rakelar í golfskálanum að leik loknum. Takmarkaður fjöldi liða (hámark 20). Ræst er út samtímis kl. 13.

Meðal kylfinga sem hafa boðað komu sína (með fyrirvara um breytingar) er European Tour kylfingurinn Guðmundur Ágúst Kristjánsson, Kristján Þór Einarsson, Íslandsmeistari karla í höggleik 2023, atvinnukylfingarnir Andri Þór Björnsson, Sigurður Arnar Garðarsson, Aron Snær Júlíusson ásamt fleirum.

Þetta er frábært tækifæri að spila með einum af bestu kylfingum landsins, fylgjast með þeim spila sitt besta golf í návígi og fá ráðleggingar á meðan leik stendur.

Áhugasamir senda póst á gkb@gkb.is

Mynd: Guðmundur Ágúst Kristjánsson, best kylfingur Íslands um þessar mundir, mætir á Kiðjabergsvöll 1. ágúst.

Meistaramót - myndir

Sat, 15 Jul 2023 23:29:28 GMT

Myndasería frá verðlaunaafhendingu

Lokahóf meistaramóts GKB fór fram í golfskálanum á Kiðjabergsvelli í gærkvöldi. Verðlaun voru veitt fyrir þrjú efstu sætin í hverjum flokki. Alls voru 94 keppendur sem tóku þátt í mótinu og hafa þeir sjaldan verið fleiri. Í hófinu var boðið upp á danskt hlaðborð að hætti Rakelar veitingastjóra.

Hér fyrir neðan má sjá myndir af flestum verðlaunahöfum.

Meistaramót 2023 - úrslit

Sat, 15 Jul 2023 18:27:08 GMT

Arnar Snær og Elísabet klúbbmeistarar GKB 2023

Meistaramóti Golfklúbbs Kiðjabergs lauk á Kiðjabergsvelli síðdegis í dag, laugardaginn 15. júlí. Alls tóku rúmlega 90 keppendur þátt í mótinu. Hægt var að velja um keppni í höggleik og punktakeppni í mörgum flokkum. Veðrið var með ágætum alla þrjá keppnisdagana, bjart og þurrt, en gustaði þó aðeins um keppendur á köflum.

Arnar Snær Hákonarson og Elísabet Ólafsdóttir sigruðu í meistaraflokki karla og kvenna. Bæði með nokkrum yfirburðum. Arnar Snær var með forystu frá fyrsta hring og hélt henni alla þrjá hringina. Hann lék stöðugt og gott golf og alla hringina á sama skori, eða 76 höggum. Hann var 10 höggum á undan Andra Jóni Sigurbjörnssyni, sem varð annar.

Elísabet var 7 höggum á undan Maríu Ísley, sem varð önnur. María leiddi eftir fyrsta hring, en Elísabret lék annan hringinn frábærlega eða á 78 höggum, sem var besta skorið á hring í kvennaflokknum.

HELSTU ÚRSLIT

Meistaraflokkur karla:

1 Arnar Snær Hákonarson 76 76 76 = 228

2 Andri Jón Sigurbjörnsson 83 74 81 = 238

3 Gunnar Þór Heimisson 78 85 77 = 240

Meistaraflokkur kvenna:

1 Elísabet Ólafsdóttir 89 78 85 = 252

2 María Ísey Jónasdóttir 86 86 87 = 259

3 Regína Sveinsdóttir 90 93 94 = 277

1. flokkur karla:

1 Arnar Heimir Gestsson 89 93 81 = 263

2 Ólafur Arinbjörn Sigurðsson 86 91 87 = 264

3 Magnús Rósinkrans Magnússon 84 88 92 = 264

2. flokkur karla:

1 Karl Þráinsson 92 89 92 = 273

2 Þröstur Már Sigurðsson 90 96 97 = 283

3 Rafn Benediktsson 110 95 100 = 305

3. flokkur karla (punktar):

1 Árni Sveinbjörnsson 30 36 35 = 101

2 Þórólfur Jónsson 24 33 26 = 83

3 Björgvin Magnússon 24 25 24 = 73

1. flokkur kvenna:

1 Kristjana Kristjánsdóttir 40 34 31 = 105

2 Unnur Jónsdóttir 29 33 34 = 96

3 Guðlaug Elísabet Finnsdóttir 31 30 28 = 89

Opinn flokkur, punktakepppni:

Karlar:

1 Guðni Björnsson 28 34 = 62

2 Gunnar Þorláksson 32 30 = 62

3 Stefán Pétursson 25 36 = 61

Konur:

1 Elísabet H Guðmundsdóttir 34 38 = 72

2 Sigurlína Gunnarsdóttir 33 34 = 67

3 Ingibjörg Lóa Ármannsdóttir 35 30 = 65

Öldungaflokkur:

1 Guðmar Sigurðsson 35 36 = 71

2 Steinn Guðmundur Ólafsson 40 28 = 68

3 Pálmi Kristmannsson 32 34 = 66

Drengjaflokkur:

1 Benedikt Moray Baldursson 41 44 = 85

2 Sigurjón Andri Þorláksson 37 41 = 78

3 Þráinn Karlsson 41 35 = 76

Öll úrslit í meistaramótinu í höggleik má sjá HÉR.

Öll úrslit í Opnum flokki (Tveggja daga móti) má sjá HÉR .

Meistaramót 2. hringur!

Sat, 15 Jul 2023 00:23:25 GMT

Arnar Snær og Elísabet með forystu fyrir lokahringinn

Arnar Snær Hákonarson er með forystu í meistaraflokki karla og Elísabet Ólafsdóttir í meistaraflokki kvenna fyrir lokahringinn á meistaramóti GKB. Arnar Snær, sem lék á 76 höggum í dag, er með fjögurra högga forystu á Ólaf Sigurjónsson. Arnar Jón SIgurbjörnsson, sem lék best allra í dag, á 74 höggum, er í þriðja sæti, einu höggi á eftir Ólafi. Það stefnir því í spennandi lokahring.

Elísabet lék frábært golf í dag, kom inn á 78 höggum og bætt sig um 10 högg frá fyrsta hring. Hún er með 5 högga forystu á Maríu Ísey Jónasdóttur, sem lék á 80 höggum í dag. Regína Sveinsdóttir er í þriðja sæti.

Hér fyrir neðan má sjá stöðuna í einstökum flokkum fyrir lokahringinn:

Meistaraflokkur karla:

1 Arnar Snær Hákonarson 76 76 = 152

2 Ólafur Sigurjónsson 76 80 = 156

3 Andri Jón Sigurbjörnsson 83 74 = 157

Meistaraflokkur kvenna:

1 Elísabet Ólafsdóttir 89 78 = 167

2 María Ísey Jónasdóttir 86 86 = 172

3 Regína Sveinsdóttir 90 93 = 183

1. flokkur kvenna:

1 Kristjana Kristjánsdóttir 40 34 = 74 punktar

2 Unnur Jónsdóttir 29 33 = 62

3 Guðlaug Elísabet Finnsdóttir 31 30 = 61

1. flokkur karla:

1 Magnús Rósinkrans Magnússon 84 88 = 172

2 Ólafur Arinbjörn Sigurðsson 86 91 = 177

3 Gestur Þórisson 95 85 = 180

2. flokkur karla:

1 Karl Þráinsson 92 89 = 181

2 Þröstur Már Sigurðsson 90 96 = 186

3 Rafn Benediktsson 110 95 = 205

3. flokkur karla:

1 Árni Sveinbjörnsson 30 36 = 66 punktar

2 Þórólfur Jónsson 24 33 = 57

3 Björgvin Magnússon 24 25 = 49

Opin flokkur karla (punktakeppni - 36 holur) :

1 Gunnar Þorláksson 32 punktar

2 Róbert Birgir Agnarsson 29

3 Guðni Björnsson 28

4 Birgir Vigfússon 28

Konur:

1 Anna Björnsdóttir 37

2 Sigurlaug Guðmundsdóttir 36

3 Ingibjörg Lóa Ármannsdóttir 35

Öldungar :

1 Steinn Guðmundur Ólafsson 40

2 Guðmar Sigurðsson 35

3 Viðar Jónasson 35

Drengir:

1 Benedikt Moray Baldursson 41

2 Sigurjón Andri Þorláksson 37

3 Þráinn Karlsson 30

Keppni verður framhaldið á morgun, laugardag, og lýkur með veglegu lokahófi í golfskálanum um kvöldið.

Meistaramót 1. hringur!

Thu, 13 Jul 2023 23:29:31 GMT

Arnar Snær og Ólafur efstir eftir fyrsta hring hjá körlunum. María Ísey með forystu í kvennaflokki.

Meistaramót GKB 2023 hófst í brakandi ferskum vindi á Kiðjabergsvelli í dag. Rúmlega 40 keppendur eru skráðir til leiks í 3ja daga meistaramótinu, en rúmlega 50 keppendur bætast við á morgun, en þeir taka þátt í 2ja daga punktakeppni.

Eftir fyrsta keppnisdag í meistaraflokki karla eru þeir Arnar Snær Hákonarson og Ólafur Sigurjónsson efstir og jafnir, en þeir léku á 76 höggum eða 5 höggum yfir pari. Gunnar Þór Heimisson og Halldór Heiðar Halldórsson eru tveimur höggum á eftir. Alls verða leiknir þrír hringir í mestaraflokki.

Tveir ernir litu dagsins ljós á 6. holu vallarins í dag, en það voru þeir Ólafur Sigurjónsson og Halldór Heiðar sem fóru þessa par-4 holu á tveimur höggum.

María Ísey Jónasdóttir er efst í meistaraflokki kvenna eftir fyrsta dag, lék á 86 höggum. Elísabet Ólafsdóttir er í öðru sæti á 89 höggum og Regína Sveinsdóttir í þriðja á 90 höggum.

Hér má sjá stöðu efstu keppenda í hverjum flokki eftir fyrsta keppnisdag af þremur:

Meistaraflokkur karla:

1 Arnar Snær Hákonarson 76

2 Ólafur Sigurjónsson 76

3 Gunnar Þór Heimisson 78

4 Halldór Heiðar Halldórsson 78

5 Árni Gestsson 79

Meistaraflokkur kvenna:.

1 María Ísey Jónasdóttir 86

2 Elísabet Ólafsdóttir 89

3 Regína Sveinsdóttir 90

1. flokkur karla:

Magnús Rósinkrans Magnússon 84

2 Ólafur Arinbjörn Sigurðsson 86

3 Arnar Heimir Gestsson 89

2. flokkur karla:

1 Þröstur Már Sigurðsson 90

2 Karl Þráinsson 92

3 Rafn Benediktsson 110

3. flokkur karla:

1 Árni Sveinbjörnsson 30 punktar

2 Þórólfur Jónsson 24

3 Björgvin Magnússon 24

1. flokkur kvenna :

1 Kristjana Kristjánsdóttir 40 punktar

2 Guðlaug Elísabet Finnsdóttir 31

3 Unnur Jónsdóttir 29

Heildarúrslit má sjá HÉR

Meistaramót GKB 2023

Tue, 11 Jul 2023 21:29:24 GMT

Meistaramótsvika á Kiðjabergsvelli

Nú er komið að meistaramóti GKB og er spáð góðu veðri. Mögulegt er að velja á milli 3ja og 2ja daga móts. Í þriggja daga mótinu, sem hefst fimmtudaginn 13. júlí, er boðið upp á bæði höggleikur og punktakeppni. Tveggja daga mótið verður 14. og 15. júlí og er þá aðeins punktakeppni.

Flokkar og leikfyrirkomulag eru svohljóðandi:
3ja daga Meistaramót - Höggleikur og punktakeppni
Karlar
Meistaraflokkur - Höggleikur
1. flokkur - Höggleikur - Ath. forgjafarviðmiðum í 1. flokk karla hefur verið breytt úr 7.5 í 14.4 í 6.0 í 14.4.
2. flokkur - Höggleikur
3. flokkur - Punktakeppni

Konur
Meistaraflokkur - Höggleikur
1. flokkur - Punktakeppni

2ja daga Meistaramót - Punktakeppni
Karlar
Konur
Öldungar
Drengir 16 ára og yngri
Stúlkur 16 ára og yngri

Golfbílar verða á sértilboði fyrir Meistaramótið. Golfbíllinn verður á 2.000kr í stað 8.000kr

Skráning í 3ja daga Meistaramót GKB

Skráning í 2ja daga Meistaramót GKB

Lokahóf Meistaramótsins verður n.k. Laugardag. Hefð er orðin fyrir danska hlaðborðinu og verður hún ekki rofin að þessu sinni. Húsið opnar kl. 19
7500 kr. á mann

Pantanir í lokahófið er hægt að hringja í Rakel í síma 699-4969 eða senda póst á rakelmatt@gkb.is

Panta - Lokahóf GKB

30 ára afmælisfatnaður GKB loksins kominn

Afmælisfatnaður GKB er kominn til landsins og gert ráð fyrir að klúbbmeðlimir sem höfðu forpantað geti vitjað fatnaðarins í klúbbhúsi GKB fyrir meistaramótið.

ATH. Klúbbmeðlimir sem pöntuðu ekki en hafa áhuga á að næla sér í fatnað þá verður takmarkað magn af fatnaði í boði sem er hægt að kaupa á staðnum.

Myndasería frá Gull 24 Open

Sun, 02 Jul 2023 10:13:39 GMT

Myndasería frá Gull 24 Open

Yfir 300 keppendur mættu til leiks í ágætu veðri á Gull 24 Open á Kiðjabergi um helgina. Þetta var í þriðja sinn sem mótið er haldið og ræst út í samfleytt 24 klukkustundir eða einn sólarhring. Flestir voru þátttakendurnir fyrir þremur árum, rúmlega 400 talsins. Áætlað er að halda mótið aftur á næsta ári og stefnan sett á að bæta metið enn frekar.

Hér fyrir neðan má sjá svipmyndir frá mótinu.

Öll úrslit í Gull 24 Open

Sun, 02 Jul 2023 08:54:19 GMT

Yfir 300 þátttakendur og vallarmetið féll!

Gull 24 Open fór fram á Kiðjabergsvelli dagana 30. júní til 1. júlí, spilað var samfleytt í 24 klukkustundir, eða einn sólarhring. Rúmlega 300 þátttakendur mættu leiks og var veðrið mjög gott, fyrir utan tvær 45 mínútna dembur (ein á föstudag og ein á laugardag). Sigurður Arnar Garðarsson úr GKG gerði sér lítið fyrir og setti glæsilegt vallarmet af gulum teigum. Lék á 63 höggum, fékk 9 fugla og einn skolla.

Glæsileg verðlaun voru í boði fyrir efstu fimm sætin í hvorum punktaflokki (forgjöf 0 - 17,9 og 18 til 24/28) og eins fyrir besta skor. Þá voru veitt nándarverðlaun á öllum par-3 holum vallarins.

Helstu úrslit í mótinu voru sem hér segir:

Punktakeppni +8 til 17.9

1. Ólafur Einar Hrólfsson – 44 punktar

75 þúsund króna gjafabréf hjá Icelandair

2. Anton Kjartansson – 42 punktar

60 þúsund króna gjafabréf hjá Icelandair

3. Magnús Rósinkranz Magnússon - 38 punktar

40 þúsund króna gjafabréf hjá Icelandair

4. Ólafur Sigurjónsson – 38 punktar

Ecco S Three golfskór frá S4S

5. Jón Haraldsson – 38 punktar

25 þúsund króna gjafabréf í Kjötbúðinni

Punktakeppni 18 til 24/28

1. Ottó Þormar - 40 punktar (betri á seinni 9)

75 þúsund króna gjafabréf hjá Icelandair

2. Gerða Kristín Hammer – 40 punktar

60 þúsund króna gjafabréf hjá Icelandair

3. Magdalena Wojtas – 39 punktar (betri á seinni 9)

40 þúsund króna gjafabréf hjá Icelandair

4. Þóra Sumarlín Jónsdóttir - 39 punktar

Ecco S Three golfskór frá S4S

5. Styrmir Örn Snorrason – 38 punktar (betri á seinni 9)

25 þúsund króna gjafabréf hjá Kjötbúðinni

Besta skor án forgjafar

Sigurður Arnar Garðarsson - 63 högg (-8) - Nýtt vallarmet af gulum teigum

40 þúsund króna gjafabréf hjá Icelandair

Nándarverðlaun

3. hola - Sigurður Arnar Garðarsson - 70cm

Hringur f. tvo á Kiðjabergsvelli, kassi af Egils Gull og kylfumæling hjá Golfskálanum

7. hola – Ragnar Már Garðarsson - 1,23m

Fimm kassar af Egils Gull og kylfumæling hjá Golfskálanum

12. Hola - Árni Leósson - 76cm

Nespressó kaffivél og kassi af Egils Gull

16. Hola - Stefán Bjarni Hjaltested – 17cm

20 þúsund króna gjafabréf hjá Icelandair, kassi af Egils Gull og kylfumæling hjá Golfskálanum

Keppendur geta vitjað verðlaun sín í klúbbhúsi GKB eða haft samband við gkb@gkb.is varðandi afhendingu á verðlaunum.

GKB þakkar öllum þátttakendum fyrir komuna á Kiðjabergsvöll og vonandi mæta þeir allir til leiks að ári.

Öll úrslit má nálgast HÉR .

Hér fyrir neðan má sjá Sigurð Arnar Garðarson, sem setti glæsilegt vallarmet, og bætti fyrra metið um 3 högg. Hann lék fyrri níu á 33 höggum og seinni níu á 30 höggum.

Gull 24 Open | Stærsta mót ársins!

Mon, 26 Jun 2023 16:25:52 GMT

Ekki missa af stærsta móti ársins 30. júní - 1. júlí 2023

Skráning er nú í fullum gangi á Gull 24 Open, sem verður haldið á Kiðjabergsvelli dagana 30. júní til 1. júlí næstkomandi. Fyrsti rástími er kl. 14 föstudaginn 30. júní og sá síðasti kl. 13.50 á laugardeginum. Það er því spilað í mótinu í samfleytt í 24 klukkustundir, eða einn sólarhring.

Mótið í ár verður með örlítið breyttu sniði. Í stað eins punktaflokks verða þeir tveir auk besta skors.

Flokkarnir eru eftirfarandi:

Fgj. til 17.9
Fgj. frá 18 til 24/28
Besta skor

Glæsileg verðlaun í boði fyrir efstu fimm sætin í hvorum punktaflokki m.a. gjafabréf frá Icelandair og ekki síðri verðlaun fyrir þann kylfing sem verður á besta skori. Ennfremur verða frábær nándarverðlaun á öllum par-3 holum vallarins.

Golfskálinn verður að sjálfsögðu opinn alla nóttina.

Allir pantarnir á golfbílum fara í gegnum gkb@gkb.is. Fyrstur kemur fyrstur fær og ekki hægt að ábyrgjast að golfbílar verði tilbúnir ef þeir hafa verið í útleigu áður.

Skráning fer fram á www.golf.is . Ef þið viljið fara stystu leið þá er hægt að skrá sig með því að ýta á vefslóðina að neðan https://tourentry.golfbox.dk/?cid=3788279

Jónsmessumót 2023

Sat, 24 Jun 2023 10:56:57 GMT

Lið Mira sigraði í Jónsmessumótinu

Það var kátt á hjalla í 9 holu Jónsmessumóti GKB sem fram fór föstudaginn 23. júní. Alls tóku 11 lið þátt í skemmtilegum 4ja manna Texas Scramble, með smá tvisti en eitt teighögg hjá hverjum liðsmanni yrði að vera valið.

Lið Mira skipað þeim Guðjóni Magnússyni, Sigrid Margréti Hálfdánardóttur, Sigurði Sveinbirnssyni og Árna Henry Gunnarssyni stóð upp sem sigurvegari með 27 punka líkt og lið Ásar/AV en með fleiri punkta síðustu 6 holur.

Einnig voru veitt úrdráttarverðlaun en lið Bæng fékk tvo kassa af Collab frá Ölgerðinni og lið Ásar/AV tvær 55 mínútna parakennslur hjá Þórði Rafni Gissurarsyni, framkvæmastjóra GKB og PGA nema.

Við þökkum öllum kærlega fyrir þátttökuna og frábært kvöld.

Gullmerki GKB

Thu, 22 Jun 2023 10:00:49 GMT

Gunnar og Þórhalli hlutu gullmerki GKB

Gunnar Þorláksson og Þórhalli Einarsson hlutu fyrstir félagsmanna gullmerki GKB en gullmerkið er veitt þeim aðilum sem hafa unnið mikið og óeigingjarnt starf í þágu GKB í langan tíma. Er þetta leið klúbbsins til að þakka kærlega fyrir það framlag.

Gunnar hefur setið í stjórn GKB frá stofnun klúbbsins árið 1993 og verið formaður vallarnefndar. Hann hefur eytt ómældum vinnustundum og komið að klúbbnum með einum eða öðrum hætti frá upphafi, hefur verið drifkraftur frá byrjun og á mikinn þátt í uppgangi GKB. Ef eitthvað hefur komið upp á hefur Gunnar ætið verið fyrsti maðurinn til að bregðast við.

Þórhalli hefur setið í stjórn GKB lengur en margir menn muna, verið í mótanefnd og í núverandi vallarnefnd auk þess að hafa verið formaður GKB frá 2017 til 2019.

Það er ómögulegt að segja hvað þessir dugnaðarforkar hafa eytt miklum tíma í þágu klúbbsins. Sumir telja í mánuðum, aðrir í árum. Þeir þekkja hverja þúfu á golfvellinum hvort sem hún er snöggslegin eður ei. Óhætt má segja að þeir eigi mikinn þátt í núverandi stöðu GKB og er klúbburinn þeim drengjum mjög þakklátur .

Stemmning í 30 ára afmælismóti GKB

Mon, 19 Jun 2023 13:21:24 GMT

30 ára afmæli GKB fagnað með móti

Golfklúbbur Kiðjabergs fagnar 30 ára afmæli sínu í ár og var haldið afmælismót og veisla á þjóðhátíðardeginn 17. júní. Keppt var í ýmsum flokkum og liðakeppni, en í henni sigruðu þeir Magnús Haraldsson og Jóhann Steinsson með samtals 76 punkta. Mótið var innanfélagsmót og þótti takast mjö vel. Um kvöldið var veglegt lokahóf í golfskálanum.

Efstir í einstökum flokkum:

Karlar 0 til 20 í forgjöf:

1 Magnús Rósinkrans Magnússon 41

2 Þröstur Már Sigurðsson 38

3 Magnús Þór Haraldsson 37

Karlar 20.1 til 28 í forgjöf:
1 Birgir Kristinsson 45

2 Ottó Guðjónsson 39

3 Jóhann Steinsson 39

Konur 0 til 24 í forgjöf:

1 Inga Dóra Sigurðardóttir 38

2 Guðný Kristín S Tómasdóttir 36

3 Regína Sveinsdóttir 33

Konur 24.1 til 36 í forgjöf:

1 Inga Dóra Sigurðardóttir 38

2 Guðný Kristín S Tómasdóttir 36

3 Regína Sveinsdóttir 33

Veitt voru verðlaun fyrir efstu þrjú sætin og nándarverðlaun á öllum par 3 holum.

HÉR má sjá heildarúrslit.

30 ára afmælismót 17. júní

Fri, 09 Jun 2023 08:12:33 GMT

GKB fagnar 30 ára afmæli í ár og í tilefni þess verður haldið afmælisgolfmót 17. júní.

Golfklúbbur Kiðjabergs fagnar 30 ára afmæli sínu í ár og í tilefni þess verður haldið afmælisgolfmót á þjóðhátíðardaginn, 17. júní næstkomandi. Mótið er innanfélagsmót og leikið verður punktakeppni með forgjöf. Ræst verður út samtímis af öllum teigum kl. 9.00.

ATH. Ef skráning fer fram yfir 88 manns verður mögulega gerð tvöföld ræsing þ.e. fyrra shotgun fært til 8.30 og seinna shotgun kl. 14. Ef slíkt kemur upp óskum við eftir því að þeir sem geta spilað öðrum hvorum megin við hádegið komi því áleiðis í beiðnum við skráningu.

Mótinu er skipt í fjóra flokka:
Karlar 0 til 20
Karlar 20.1 til 28
Konur 0 til 24
Konur 24.1 til 36
Hæsta forgjöf karla er 28 og kvenna 36.

Veitt verða verðlaun fyrir efstu þrjú sætin og eru nándarverðlaun á öllum par 3 holum. Einungis er hægt að taka þátt í einum flokki.

Ef áhugi er að leigja golfbíl sendið póst á gkb@gkb.is

Mótsgjald gildir sem aðgangseyrir í afmælisveislu GKB um kvöldið. Húsið opnar kl. 19 og verða veitingar, glens og gaman í boði.

Gert ráð fyrir að verðlaunaafhending sé í kringum 20.30.

Þeir sem geta ekki tekið þátt í golfmótinu geta komið í veisluna. Aðgangseyrir er 5.500kr og greiðist í prósjoppunni í golfskálanum.

Golfkennsla

Fri, 09 Jun 2023 08:01:07 GMT

Félagsmönnum boðið upp á golfkennslu

Félagsmenn sem ætla sér ekki að spila snemma á sunnudagsmorgni 11. júní stendur til boða hópkennsla að endurgjaldslausu á æfingasvæði GKB í Kiðjabergi.

Þórður Rafn Gissurarson, framkvæmdastjóri GKB og PGA nemi, ætlar að bjóða upp á hópkennslu frá kl. 10 til 10.55 og 11 til 11.55. Farið verður yfir undirstöðuatriðin þ.e. grip, stöðu, mið og önnur atriði.

Áhugasamir senda póst á gkb@gkb.is og tilgreinið hvor tíminn hentar betur.

130 keppendur í Stóra Texas mótinu

Mon, 05 Jun 2023 13:31:19 GMT

Lið Los Latinos sigraði í Stóra Texas mótinu. 65 lið mættu til leiks.

Lið Los Latinos, sem var skipað Margréti Örnu Hlöðversdóttur og Jóni Garðari

Guðmundssyni úr Nesklúbbnum, sigraði í Stóra Texas Scramble mótinu, sem fram fór á Kiðjabergsvelli laugardaginn 3. júní. Þau léku á 58 höggum nettó, eða 13 höggum undir pari vallar. 65 lið mættu til leiks og var spilað tveggja manna texas.

Spennandi keppni var um næstu sæti því sex lið léku á 60 höggum, eða 11 höggum undir pari. Í öðru sæti var liðið Tveir Yfir, sem var skipað þeim Hjálmari Rúnari Hafsteinssyni úr GÖ og Róberti Sævari Magnússyni úr GK. Feðgarnir Guðjón Berg Jónsson og Jón Þórir Jónsson úr GKG höfnuðu í þriðja sæti á 60 höggum eins og Tveir Yfir, en lakara skori á seinni níu holunum.

Næstir holu:

3. hola: Árni Rúnarsson 2,44m

7. hola: Ingvar Árnason 2,10m

12. hola: Böðvar Þórisson 2,50m

16. hola: Ólafur Sigurðsson 1,55m

HÉR má sjá heildarúrslitin í mótinu.

Leikfyrirkomulag var Texas Scramble og hámarks leikforgjöf karla 24 og kvenna 28.

Forgjöf liða reiknaðist sem samanlögð vallarforgjöf liðs, deilt með 2,5 en þó ekki hærri en forgjöf þess liðsmanns sem hefur lægsta vallarforgjöf.

Verðlaun voru fyrir þrjú efstu sætin og nándarverðlaun frá Ölgerðinni á öllum par 3 holum. Vinningshafar geta vitjað um vinninga sína í Golfskálanum Kiðjabergi.

Stóra Texas mótið

Tue, 30 May 2023 17:39:21 GMT

Skráning í fullum gangi í Opna Texas mótið

Skráning er nú í fullum gangi í Stóra Texasmótið, sem fram fer á Kiðjabergsvelli um næstu helgi. Undanfarin ár hefur verið uppselt í mótið og því endilega að drífa sig að SKRÁ sig í tíma. Veðurspáin fyrir laugardaginn er geggjuð, hægviðri og sól.

Leikfyrirkomulag er Texas Scramble, tveir saman í liði. Hámarks leikforgjöf karla er 24 og kvenna 28.

Forgjöf liða reiknast sem samanlögð vallarforgjöf liðs, deilt með 2,5 - þó ekki hærri en forgjöf þess liðsmanns sem hefur lægsta vallarforgjöf.

Einungis karlar sem verða 70 ára á árinu, og eldri spila frá Rauðum teig, en leikmenn geta að sjáfsögðu beðið um undaþágu frá því, með því að skrifa það í skilaboð.

Glæsileg verðlaun eru fyrir efstu þrjú sætin og nándarverðlaun frá Ölgerðinni á öllum par 3 holum vallarins.

Við skráningu er hægt að bóka golfbíl, verð 8.000, kr.

Veðurspáin fyrir laugardag á Kiðjabergsvelli.

Grand Open

Sat, 27 May 2023 20:18:05 GMT

Lið Búða sigraði í fyrsta opna móti sumarsins, GKB Grand Open, sem fram fór á Kiðjabergsvelli í dag, laugardaginn 27. maí.

66 keppendur mættu til leiks í fyrsta mót ársins, GKB Grand Open, sem fram fór á Kiðjabergsvelli í ágætu veðri í dag. Leikfyrirkomulag var tveggja manna betri bolti. Svo fór að lið Búða, sem var skipað þeim Arnari Frey Jónssyni og Einari Lars Jónssyni sigraði á 61 höggi nettó, sem verður að teljast frábært skor.

Jón Haukur Jónsson og Arnar Freyr Reynisson (Jónsson/Reynisson) höfnuðu í öðru sæti á 64 höggum og Vöttur, sem skipað var þeim Petrínu Freyju Sigurðardóttur og Böðvari Þórissyni, varð í þriðja sæti á sama skori, en aðeins lakari á seinni níu.

Næstir holu:

3. hola - Jón Haukur Jónsson - 1,27 m

7. hola - Einar Lars Jónsson - 3,49m

12. hola - Birgir Björn Magnússon - 2,05m

16. hola - Dagur Ebenezersson - 2,15m

Glæsileg verðlaun voru í borði frá; Ölgerðinni, 66 Gráðum Norður, Ecco og Húsasmiðjunni. Verðlaun er hægt að nálgast í golfskálanum Kiðjabergi.

Úrslit voru sem hér segir:

Búðir 61 höggi nettó

2. Reynisson/Jónsson 64 höggum nettó

3 Vöttur 64

4 Bragason/Ragnarsdóttir 65

5 Sunnuból 67

6 Unimoq 68

7 Arsenal 69

8 Stór og smár 69

9 Jóhannesson/Matthíasdóttir 69

10 Gumlesson 70

11 Baldur Guðnason 70

12 Jensson/Gunnarsdóttir 70

13 Tveir í medium 70

14 T9 70

15 SÓlGuð 70

16 Hjördís 71

17 Ragnarsdóttir/Albrechtsen 71

18 SkúlUnn 72

19 Eyrarlundur 73

20 Tvær úr tungunum 73

21 Bæng 74

22 Frón 75

23 Hestur 58 75

24 Ólafsdóttir/Kristinsson 76

25 Káradóttir/Garðarsson 76

26 MM/KK 76

27 Guðmundsson/Ómarsdóttir 76

28 Td 76

29 Svansdóttir/Vilhjálmsson 77

30 Klemmi 78

31 Inniskór.is 78

32 Katla 81

33 DinGo 87

Hér fyrir neðan má sjá myndir frá mótinu.

Vel heppnaður vinnudagur

Tue, 23 May 2023 21:08:33 GMT

Ekki slegið slöku við enda harðduglegur hópur

Það var frábær mæting og stemning á vinnudegi Kiðjabergs, laugardaginn 13. maí. 45 manna hópur meðlima GKB og í félag lóðarhafa að Kiðjabergi komu saman og unnu ýmis verkefni bæði á Kiðjabergsvelli og öðrum svæðum í Kiðjabergi.

Það var frábært að sjá hversu langa ferð sumir gerðu sér til að taka þátt en nokkrir gerðu sér ferð alla leið úr höfuðborginni til að óhreinka sig. Flestir voru úr Kiðjabergi og Hestlandi en einnig var ágætis hópur meðlima með bústaði í Hraunborgum og öðrum nærsvæðum.

Það var ekki slegið slöku við enda harðduglegur hópur sem þaut í gegnum verkefnalista dagsins eins og ekkert væri og kláraði fyrr en áætlanir gerðu ráð fyrir.

Eftir vinnudaginn var boðið upp á pylsur og drykki í golfskálanum þar sem dagurinn, golfformið og fleiri mikilvæg atriði voru rædd. Að lokum bauðst hópnum að máta 30 ára afmælisfatnað og Ecco golfskó.

Við þökkum öllum sem mættu kærlega fyrir hjálpina. Mætingin frábær og dugnaðurinn til fyrirmyndar!

Glæsilegri 30 ára afmælisferð GKB lokið

Tue, 02 May 2023 10:08:43 GMT

Glæsilegri 30 ára afmælisferð GKB lokið

Í gær, þann 1. maí, lauk 10 daga afmælisferð GKB til La Sella á vegum Golfsögu.

Mikil ánægja var með ferðina enda allt í hæsta mælikvarða á hótelinu, golfvellinum og Karl Haraldssyni fararstjóra með meiru :)

Ánægjan og stemningin var slík að margar óskir eru fyrir annarri GKB ferð næsta vor. Hver veit!

Í meðfylgjandi mynd má sjá þennan fríða hóp GKB-inga síðasta kvöld ferðarinnar eftir glæsilegt golfmót og lokahóf.

Frábær 30 ára afmælisferð GKB á La Sella!

Fri, 28 Apr 2023 10:01:01 GMT

GKB kylfingar njóta sín í góðum félagsskap á La Sella

30 ára afmælisferð Golfklúbbs Kiðjabergs á La Sella er í fullum gangi

Glæsileg tilþrif hafa sést í gríð og erg á golfvellinum en góður félagsskapur og skemmtun er í forgrunni. Allt annað er plús.

Það er álit ferðahópsins að La Sella er frábær áfangastaður. Glæsilegt hótel og golfvöllur undir góðri fararstjórn Karls Haraldssonar hjá Golfsögu.

Að neðan má sjá nokkrar myndir af golfhópnum að njóta sín í góða veðrinu.

Dagskrá kvennagolfs GKB 2023

Wed, 12 Apr 2023 21:50:45 GMT

Kynntu þér glæsilega dagskrá GKB kvennagolfs í sumar

26. maí | Föstudags kvennagolf GKB kl. 17:30

Kvennagolfið er flesta föstudaga í sumar
Skrá sig í Golfbox. Hægt er að skrá sig 7 dögum áður
Afskrá sig ef aðstæður breytast
Karlmennirnir eru velkomnir með og tekið seinni 9 holurnar
Panta mat hjá Rakel í golfskálunum áður en haldið er af stað út á völl

- Skila skorkorti í kassann í anddyri skálans

- Skrá nafn, dagsetningu, grunnforgjöf og vallarforgjöf á skorkort

- Sjálfsagt að veita aðstoð við skráningu á staðnum

28. maí | Opið kvennamót

11. júní | Taramar GKG-GKB vinakvennamót í Kiðjabergi

25. júní | Bikarmót GÖ - GKB í Kiðjabergi

13.-15. júlí | Meistaramót GKB

14.-15. júlí | Meistaramót GKB - opinn flokkur

4. ágúst | Pilsaþytur, golfmót í boði BYGG

1. september | Uppskeruhátíð GKB-kvennagolf

Við hlökkum til að sjá sem flestar konur á Kiðjabergsvellinum í sumar!

Kvennanefnd GKB.

Golfklúbbur Kiðjabergs 30 ára!

Thu, 06 Apr 2023 17:53:33 GMT

Golfklúbbur Kiðjabergs 30 ára!

Golfklúbbur Kiðjabergs fagnar 30 ára afmæli í dag!

Á þessum degi, þann 6. apríl 1993, var Golfklúbbur Kiðjabergs (GKB) stofnaður. Nokkrir áhugasamir kylfingar í Meistarafélagi húsasmiða hófu að útbúa 9 holu golfvöll árið 1989 sem var tekinn í notkun fjórum áður seinna

Kiðjabergsvöllur varð strax vinsæll en hann fékk strax gott orðspor sem frábær völlur í glæsilegu umhverfi. Það leið ekki að löngu þar til hugmyndir um stækkun vallarins fóru á kreik. Árið 2002 var hafist handa við byggingu á nýju brautunum og var nýji hlutinn opnaður árið 2005

Í dag eru um 450 meðlimir í Golfklúbbi Kiðjabergs og óhætt að segja að sjálfboðavinna meðlima eigi mikinn þátt í uppbyggingu og velgengni klúbbsins.

Þann 17. júní næstkomandi verður haldið afmælismót til að fagna 30 ára afmæli klúbbsins auk þess að ýmsir viðburðir verða í boði yfir sumarið fyrir klúbbmeðlimi.

Skoðanakönnun Golfklúbbs Kiðjabergs

Mon, 13 Mar 2023 13:27:09 GMT

Skoðanakönnun Golfklúbbs Kiðjabergs

Skoðanakönnun GKB

Álit meðlima GKB og gesta er Golfklúbbi Kiðjabergs mjög mikilvægt.

Golfklúbbur Kiðjabergs vill bjóða upp á einstaka upplifun í hvert skipti sem meðlimir og gestir leika völlinn.

Af því tilefni hefur verið búin til stutt og þægileg viðhorfskönnun.

Hægt er að taka þátt með því að ýta á vefslóðina HÉR

GKB-mót í golfhermi

Thu, 16 Feb 2023 14:42:53 GMT

Félagar í GKB geta nú tekið þátt í móti í febrúar. Spilað verður í golfhermi GKG í Kórnum í Kópavogi 25. febrúar.

Laugardaginn 25. febrúar mun fyrsta golf-hermamót GKB vera haldið í golfaðstöðu GKG í Kórnum Kópavogi. Við hefjum leik klukkan 10. Takmarkaður fjöldi þátttakenda er í boði.

Mótsgjald er 6.000kr og veitt verða verðlaun fyrir efstu þrjú sætin. Skráning fer fram með því að senda póst á gkb@gkb.is. Skráningu lýkur á hádegi 22. febrúar.

Golfhermar GKG eru einstakir að því leyti að þeir eru samsettir úr öllu því besta sem markaðurinn býður upp á. Til að hámarka ánægjuna er umhverfið notalegt til að spila 18 holur í góðra vina hópi.

Sjá auglýsingu hér fyrir neðan:

Nýr framkvæmdastjóri GKB

Mon, 23 Jan 2023 15:31:23 GMT

Stjórn Golfklúbbs Kiðjabergs hefur ráðið Þórð Rafn Gissurarson sem nýjan framkvæmdastjóra klúbbsins. Hann tekur við af Birki Má Birgissyni.

Stjórn Golfklúbbs Kiðjabergs hefur ráðið Þórð Rafn Gissurarson sem nýjan framkvæmdastjóra klúbbsins. Hann tekur við af Birki Má Birgissyni, sem gengdi starfinu sl. þrjú ár. Þórður Rafn var áður íþróttastjóri hjá GR.

"Það er okkur sönn ánægja í stjórn GKB að tilkynna að ráðinn hefur verið nýr framkvæmdastjóri GKB., Þórður Rafn Gissurarson fyrrverandi Íslandsmeistari í golfi. Þórður þekkir vel til okkar í Kiðjabergi því foreldrar hans Gissur og Gyða haf verið meðlimir í Kiðjabergi til fjölda ára," segir Guðmundur Ásgeirsson, formaður GKB, um ráðninguna.

"Ég þakka stjórn GKB kærlega fyrir traustið og er fullur tilhlökkunar að hefja störf. Golfklúbbur Kiðjabergs stendur mér nærri enda hef ég verið tengdur klúbbnum frá blautu barnsbeini og þekki hverja þúfu. Golfvöllurinn er frábær, æfingaaðstaða til fyrirmyndar og klúbbhúsið virkilega gott. Klúbburinn hefur alltaf státað af fjölskyldustemmningu og meðlimir ávallt reiðubúnir að leggja sitt af mörkum með bros á vör."

"Klúbburinn hefur tekið miklum jákvæðum breytingum í gegnum árin og mun ég gera mitt besta til að halda áfram því góða starfi sem hefur verið unnið. Ég tek við góðu búi af honum Birki Má fyrrverandi framkvæmdastjóra. Markmiðið er að gera klúbbinn enn betri, með aukinni þjónustu fyrir klúbbmeðlimi og auka tekjustreymi með ýmsum hætti t.d. að fá inn fleiri innlenda og erlenda kylfinga til að spila og upplifa allt það sem Golfklúbbur Kiðjabergs hefur upp á að bjóða."

"Við í stjórn GKB erum mjög ánægð og full tilhlökkunar að vinna með nýjum framkvæmdastjóra við að gera klúbbinn okkar enn betri og hlökkum til komandi sumars," segir Guðmundur formaður GKB.

Þórður, sem er 35 ára, var í atvinnumennsku í golfi frá árinu 2011 til ársins 2017. Á sínum tíma sem atvinnukylfingur spilaði hann m.a. á þýsku Pro Golf Tour mótaröðinni, auk þess að hafa spilað á öðrum mótaröðum þ.á.m. Challenge Tour. Hann lauk prófum í viðskiptum frá St. Andrews University í Norður-Karólínu og varð Íslandsmeistari í höggleik árið 2015.

Birkir Már hættir sem framkvæmdastjóri GKB

Mon, 02 Jan 2023 17:34:13 GMT

Birkir Már Birgisson hættir sem framkvæmdastjóri GKB og hefur verið ráðinn nýr vallarstjóri hjá NK

Birkir Már Birgisson hefur látið af störfum sem framkvæmdastjóri Golfklúbbs Kiðjabergs, en hann hefur verið framkvæmdastjóri klúbbsins í fullu starfi undanfarin þrjú ár. Hann hefur nú ráðið sig sem vallarstjóri Nesklúbbsins (NK) og mun hefja þar störf á næstunni.

Birkir Már, sem lærði m.a. golfvallarfræði á sínum tíma í Elmwood í Skotlandi, sagði sjálfur upp störfum hjá GKB á haustmánuðum. "Við þökkum honum fyrir gott starf og við óskum honum alls hins besta í nýju starfi," sagði Guðmundur Ásgeirsson, formaður GKB.

"Við í stjórn klúbbsins erum að leita að nýjum framkvæmdastjóra, en sá eða sú verður ekki vallarstjóri eins og Birkir Már hefur verið samhliða framkvæmdastjórastarfinu. Formaður vallarnefndar og vallarnefnd munu ásamt Steve okkar sjá um völlinn. Eins hafa tveir vallarstarfsmenn frá Bandaríkjunum verið ráðnir til starfa hjá okkur næsta sumar."

Á myndinni hér fyrir ofan þakkar Guðmundur, formaður GKB, Birki Má, fráfarandi framkvæmdastjóra, fyrir vel unnin störf í þágu klúbbsins.

Reksturinn gekk vel á árinu 2022

Tue, 13 Dec 2022 21:53:22 GMT

Guðmundur endurkjörinn formaður GKB. Rekstur klúbbsins gekk vel á árinu og jukust tekjurnar um 27 milljónir króna.

Aðalfundur GKB fór fram í golfskálanum í Kiðjabergi 10. desember sl. að viðstöddum 60 félögum. Guðmundur Ásgeirsson var endurkjörinn sem formaður klúbbsins og eins voru aðrir í stjórn endurkjörnir.

Rekstur klúbbsins gekk vel á árinu og jukust tekjurnar um 27 milljónir króna milli ára og námu nú 91 milljón króna .

Stjórn GKB skipa nú auk Guðmundar; þau Gunnar Þorláksson, Brynhildur Sigursteinsdóttir, Magnús Haraldsson og Jónas Kristinsson. Varamenn í stjórn eru þeir Jens Magnús Magnússon og Þórhalli Einarsson.

Meðlimum í klúbbnum fjölgaði á árinu og eru nú 416 talsins, þar af 254 karlar og 162 konur sem er 61% karlar og 39% konur. Tillaga stjórnar um að félagsgjöld hækki um 12% var samþykkt og verður almennt félagsgjald því 97.000 krónur á næsta ári.

Töluverðar framkvæmdir einkenndu starf klúbbsins á árinu. Flestir stígar vallarins voru endurnýjaðir eða lagaðir og snyrtir. Settar voru upp 10 nýjar flaggstangir við bílaplanið, sett upp glæsilegt aðkomuskilti og gerð fínt fyrir framan það. Plön niður við vélaskemmu voru löguð og þar eru líka framkvæmdir farnar að stað við endann á vélaskemmu, en þar á að byggja 40 fermetra íbúð.

Þá má geta þess að haldið var í annað sinn, eitt glæsilegasta golfmót á Íslandi, 24 OPEN, þar sem rétt rúmlega 300 keppendur mættu til leiks. Þetta mót er það fjölmennasta sem haldið hefur verið á einum sólarhring og er komið til að vera. Mótahald gekk yfirleitt mjög vel á starfsárinu.

Aðalfundur GKB 2022

Mon, 21 Nov 2022 19:28:23 GMT

Boðað til aðalfundar og jólahlaðborðs GKB 10. desember

Golfklúbbur Kiðjabergs boðar til aðalfundar GKB laugardaginnn 10. desember klukkan 13:00 í golfskálanum. Jólahlaðborð Kiðjabergs verður haldið sama dag, klukkan 19:00.

Dagskrá aðalfundarins (samkvæmt lögum klúbbsins) :

1. Fundarstjóri og fundarritari kosnir.

2. Fundargerð síðasta Aðalfundar lesin upp.

3. Skýrsla stjórnar um störf og framkvæmdir á liðnu starfsári.

4. Endurskoðaðir reikningar lagðir fram.

5. Umræða um skýrslu stjórnar og reikninga klúbbsins.

6. Tilaga stjórnar um félagsgjöld lögð fram.

7. Kosning stjórnarmanna og skoðunarmanna samkvæmt samþykktum lögum klúbbsins.

8. Skýrsla kvennanefndar.

9. Önnur mál.

Minnum svo einnig á Jólagleðina um kvöldið í golfskálanum og hefst hún klukkan 19:00.

Pantanir berist til rakelmatt@gkb.is fyrir þriðjudaginn 6. desember

Verð 8.500 kr. á mann, 3.500kr. fyrir börn 12 -6 ára.

Hlökkum til að sjá sem flesta.

Vetrarlokun

Wed, 26 Oct 2022 11:12:59 GMT

Kiðjabergsvelli lokað frá og með 24. október.

Kiðjabergsvelli hefur nú verið lokað enda allir okkar vallarstarfsmenn hættir og Steve vallarstjóri fer af landi brott í þessari viku.

Stjórn GKB vill þakka fyrir golfsumarið, en þetta var gott sumar fyrir GKB þótt veðrið hefði mátt vera betra. Völlurinn var í toppstandi og góður andi í klúbbnum.

Við viljum svo minna félagsmenn á aðalfund GKB, sem verður haldinn 10. desember, í golskálanum. Um kvöldið mun Rakel sjá um sitt rómaða jólahlaðborð í skálanum.

Nánar auglýst síðar.

Opnunartími í golfskála skertur

Wed, 14 Sep 2022 23:24:41 GMT

Opnunartími í golfskálanum verður skertur frá og með deginum í dag

Opnunartími í golfskálanum á Kiðjabergsvelli verður skertur frá og með deginum í dag og verður þannig út september. Opið verður fimmtudaga frá kl. 11 til 17, föstudaga og laugardaga frá kl. 09 til 19 og sunnudaga frá kl. 09 til 16.

Við minnum kylfinga á að skylda er að greiða fyrir golf og bíla áður en farið er af stað út á völl, þegar enginn er í skálanum. Allar upplýsingar um bankareikning og verð eru í glugganum í afgreiðslu.

Golfskálanum verður síðan endalega lokað fyrir veturinn, þann 1. október.

Afsláttur af vallargjöldum!

Tue, 06 Sep 2022 18:01:52 GMT

Tilboð á vallargjöldum í september

Tilboð verða á vallargjöldum á Kiðjabergsvelli í september. Þetta á við um rástíma alla virka daga. Þessa daga er hægt að fá hringinn á 4.500 krónur, en um helgar er vallargjaldið 6.000 krónur.

Kiðjabergsvöllur er í frábæru standi um þessar mundir og því um að gera fyrir félaga utan klúbbsins að nýta sér þetta kostaboð. Þá er einnig hægt að fá leigða golfbíla, enda hefur golfbílaflotinn á vellinum aldrei verið stærri.

Þá viljum við minna klúbbfélaga á Bændaglímuna sem fram fer næsta laugardag, 10. september. Bændur í ár verða Jenni formaður mótanefndar og Óli læknir. Það er búið að opna fyrir skráningu á GolfBox . Hægt er að skrá lið, en að sjálfsögðu er hægt að skrá sig sem einstakling og svo verða lið sett saman.

Bændaglíma 2022

Tue, 30 Aug 2022 17:23:16 GMT

Hver verður kóngurinn á Kiðjabergi?

Eftir gott golfsumar þá lokum við dagskránni þann 10. september með Bændaglímu á Kiðjabergsvelli. Bændur í ár verða Jenni formaður mótanefndar og Óli læknir. Það er búið að opna fyrir skráningu á GolfBox . Hægt er að skrá lið, en að sjálfsögðu er hægt að skrá sig sem einstakling og svo verða lið sett saman.

Bændur skipta með sér liðum og svo verður ræst út á öllum teigum kl. 11:00. Spilað verður Texas Scramble holukeppni þar sem lið hvors Bónda eigast við í hverju holli, hver unnin hola telur fyrir Bóndann.
Forgjöf hvers liðs er reiknuð sem samanlögð vallarforgjöf deilt með 2.5, þó ekki hærra en vallarforgjöf lægsta leikmanns. Nándarverðlaun á öllum par-3 holum vallarins.

Mótsgjald kr 4.000 á mann.

Verðlaunaafhending fer fram um kvöldið á veglegri lokahátíð, sem hefst kl 19:00. Klukkan 21 opnar svo húsið fyrir alla og verða trúbadorar sem spila fyrir dansi langt fram á kvöld.

Lokahátíð
Um kvöldið bíður Rakel upp á veglegt veislu í golfskálanum, lambalæri að hætti bóndans með nýuppteknu grænmeti og smælki og síðan er rabbarbara eftirréttur. 5.000 krónur á mann.
Gengið er frá pönntunum í matinn í gegnum golfboxið þegar þið skráið ykkur í mótið.

Mótanefnd GKB.

2. sætið hjá báðum GKB-sveitunum

Sun, 21 Aug 2022 17:27:26 GMT

2. sætið var niðurstaðan hjá báðum GKB-sveitunum í flokki 50 ára og eldri.

Íslandsmót golfklúbba í flokki 50 ára og eldri fóru fram um helgina. Skemmst er frá því að segja að kvenna- og karla-sveitir GKB höfnuðu í 2. sæti í sínum deildum.

Kvennaliðið spilaði í 2. deild í Leirunni og tapaði fyrir GS í úrslitum, 2-1,. Karlaliðið spilaði í 3. deild á Húsavík og tapaði fyrir heimamönnum í úrslitum, 2-1.

Kvennalið GKB skipuðu eftirtaldar:

Brynhildur Sigursteinsdóttir
Bergljót Kristinsdóttir
Guðný Tómasdóttir
Stella Hafsteinsdóttir
Þuríður Ingólfsdóttir
Áslaug Sigurðardóttir

Karlalið GKB skipuðu eftirtaldir:

Sturla Ómarsson
Jón Eysteinsson
Magnús Magnússon
Ólafur Arinbjörn Sigurðsson
Magnús Haraldsson
Snorri Hjaltason

Pilsaþytur á Kiðjabergi

Mon, 01 Aug 2022 13:01:32 GMT

60 konur mættu í Pilsaþyt á Kiðjabergsvelli á fallegu sumarkvöldi.

Pilsaþytur 2022 var haldinn á Kiðjabergsvelli 29. júlí og var ræst út klukkan 18:00. Sextíu konur skráðar til leiks að þessu sinni. Veðrið var gott til að byrja með, en endaði í rigningu sem náði þó ekki að skyggja á gleðina og hressleikann.

Mótið var 9 holu Texas Scramble þar sem 2 konur mynduðu hvert liði, vön og óvön. Vegleg verðlaun voru afhennt meðan keppendur fengu sér heita gúllassúpu hjá Rakel í golfskálanum. Öll verðlaun voru í boði styrktaraðila mótsins, Bygg, Byggingafélag Gylfa og Gunnars hf.

Frábært kvöld - takk allir sem mættu.

Sjá myndir frá mótinu hér fyrir neðan:

Úrslit í Gull-mótinu um Verslunarmannahelgina

Sat, 30 Jul 2022 20:17:48 GMT

Eilíf fegurð best á Gull Styrktarmóti GKB á Kiðjabergsvelli

Gull Styrktarmót GKB var haldið í dag, laugardaginn 30. júlí, á Kiðjabergsvelli. 172 keppendur mættu til leiks og var leikið Texas Scramble, tveir saman í liði. Helstu úrslit voru þau að Eilífð fegurð sigraði á 56 höggum nettó, sem verður að teljast frábært skor. Púttarar höfnuðu í öðru sæti á 57 höggum og Sykurpúðarnir í þriðja sæti á 59 höggum nettó.

Nándarverðlaun voru á öllum par-3 holum vallarins og voru eftirtaldir næstir holu:

3. braut: Jón Kristjánsson 3,35 m.
7. braut: Pétur Haraldsson 1,31 m.
12. braut: Arnar Freyr 2,00 m.
16. braut: Ingi Torfi 1,93 m.

Golfklúbbur Kiðjabergs þakkar keppendum fyrir komuna í dag og vonandi hafa þeir notið þess að spila völlinn okkar.

HÉR má sjá heildarúrslit.

GKB leikur í 2. deild að ári

Sat, 23 Jul 2022 22:22:17 GMT

GKB féll úr 1. deild karla eftir spennandi viðureignir í Sveitakeppni GSÍ.

Karlasveit GKB tók þátt í 1. deild Íslandsmóts golfklúbba sem lauk í dag, laugardag. Mótið að þessu sinni fór fram á Hlíðavelli í Mosfellsbæ og Korpúlfsstaðavelli.

Það er skemmst frá því að segja að sveit GKB varð að bíta í það súra epli að falla úr efstu deild og leika í 2. deild að ári, eftir jafna og spennandi keppni um að halda sætinu í deildinni. Alls eru 8 lið sem leika í efstu deild karla þar sem að keppt er um Íslandsmeistaratitil golfklúbba.

Úrslit leikja í A-riðli voru sem hér segir :

Golfklúbbur Reykjavíkur - GKB 2,5 - 2,5

Golfklúbbur Vestmannaeyja - GA 1 - 4

Golfklúbbur Reykjavíkur - GA 3 - 2

Golfklúbbur Vestmannaeyja GKB 4 - 1

Golfklúbbur Reykjavíkur - GV 5 - 0

Golfklúbbur Akureyrar - GKB 3 - 2

Það reyndist dýrkeypt þegar upp var staðið að okkar menn þurftu að gefa einn leikinn á móti Golfklúbbi Akureyrar sem tapaðist naumlega, 3-2. Ástæðan var sú að klúbbmeistarinn Andri Jón Sveinbjörnsson varð að boða forföll þar sem hann var með veikt barn heima á föstudagsmorguninn. Reglur um sveitakeppni GSÍ kveða á um að ekki má skipta varamanni inn á, þó svo að liðsmaður forfallist á síðustu stundu. Þetta eru afar undarlegar reglur og þeim þarf að breyta.

Sveit GKB keppti um 5. - 8. sæti og tapaði fyrir Selfossi 5:0, Vestmanneyjum 4:1 en vann GS 3,5:1,5. Það fór svo að GKG varð Íslandsmeistari karla eftir að hafa unnið GR í úrslitaleik, 3:2. Golfklúbbur Mosfellsbæjar, varð

í þriðja sæti og GA í fjórða sæti.

Golfklúbbur Mosfellsbæjar varð Íslandsmeistari í 1. deild kvenna. Golfklúbbur Reykjavíkur, varð í öðru sæti og GKG í því þriðja sæti.

Fyrst var keppt um Íslandsmeistaratitli golfklúbba árið 1961 og va mótið í ár það 62. í röðinni.

Texasmót um Verslunarmannahelgina

Thu, 21 Jul 2022 13:19:15 GMT

Skráning er hafin í Gull Styrktarmót GKB um Verslunarmannahelgina. Spilað er tveggja manna Texas scramble.

Gull Styrktarmót GKB, sem er tveggja manna Texas Scramble mót, verður haldið laugardaginn 30. júlí. Skráning er hafin í mótið og því um að gera að skrá sig tímalega, en mótið hefur ávallt verið vinsælt meðal kylfinga.

Leikfyrirkomulag er Texas Scramble, tveir saman í liði. Hámarks leik forgjöf karla 24 og kvenna 28. Forgjöf liða reiknast sem samanlögð vallarforgjöf liðs, deilt með 2,5, en þó ekki hærra en forgjöf þess liðsmanns sem hefur lægsta vallarforgjöf.

Verðlaun fyrir 3 efstu sætin eru frá Heimilistækjum, Byko og Húsasmiðjunni. Nándarverðlaun á öllum par 3 holum frá Ölgerðinni.

Skráning HÉR.

1) Skrá nafn liðsins.

2) Skrá félaga í liðinu með félagsnúmeri (GKB meðlimir 57-xxx).

Andri og Theodóra klúbbmeistarar 2022

Sat, 16 Jul 2022 22:28:47 GMT

Andri Jón Sigurbjörnsson er klúbbmeistari GKB í karlaflokki og Theodóra Stella Hafsteinsdóttir í kvennaflokki. Þetta var ljóst í dag þegar lokahringur meistaramótsins fór fram á Kiðjabergsvelli.

Þau Andri Jón og Theodóra Stella voru með forystu alla þrjá hringina. Andri vann með nokkrum yfirburðum í karlaflokki en spennandi keppni var um þrjú efstu sætin í kvennaflokki.

Freyr Gígja Gunnarsson varð efstur í 1. flokki karla og Jens Magnús Magnússon í 2. flokki karla. Karl Þráinsson sigraði í Opnum flokki karla og Unnur Jónsdóttir í Opnum flokki kvenna, en þar var punktakeppni.

Helstu úrslit voru sem hér segir:

Meistaraflokkur karla:

1 Andri Jón Sigurbjörnsson Golfklúbbur Kiðjabergs 76 78 72 = 226

2 Halldór Heiðar Halldórsson Golfklúbbur Kiðjabergs 77 81 78 = 236

3 Haraldur Þórðarson Golfklúbbur Kiðjabergs 78 76 86 = 240

Meistaraflokkur kvenna:

1 Theodóra Stella Hafsteinsdóttir Golfklúbbur Kiðjabergs 88 89 94 = 271

2 Brynhildur Sigursteinsdóttir Golfklúbbur Kiðjabergs 90 91 91 = 272

3 Guðný Kristín S Tómasdóttir Golfklúbbur Kiðjabergs 88 89 95 = 272

1. flokkur karla:

1 Freyr Gígja Gunnarsson Golfklúbbur Kiðjabergs 87 85 90 = 262

2 Ólafur Arinbjörn Sigurðsson Golfklúbbur Kiðjabergs 88 83 93 = 264

3 Gunnar Þorláksson Golfklúbbur Kiðjabergs 89 90 95 = 274

2. flokkur karla:

1 Jens Magnús Magnússon Golfklúbbur Kiðjabergs 97 87 97 = 281

2 Guðmundur K Ásgeirsson Golfklúbbur Kiðjabergs 90 90 102 = 282

3 Þórhalli Einarsson Golfklúbbur Kiðjabergs 91 91 105 = 287

3. flokkur karla:

1 Árni Jóhannesson Golfklúbbur Kiðjabergs 101 95 90 = 286

2 Björgvin Magnússon Golfklúbbur Kiðjabergs 95 93 102 = 290

3 Bergur Sandholt Golfklúbbur Kiðjabergs 96 97 104 = 297

Opinn flokkur karla (punktar):

1 Karl Þráinsson Golfklúbbur Kiðjabergs 39 29 = 68

2 Skúli Hartmannsson Golfklúbbur Kiðjabergs 31 32 = 63

3 Magnús Arnarson Golfklúbburinn Oddur 36 25 = 61

Opinn flokkur kvenna (punktar):

1 Unnur Jónsdóttir Golfklúbbur Kiðjabergs 42 32 = 74

2 Kristín B Eyjólfsdóttir Golfklúbbur Kiðjabergs 38 29 = 67

3 Elísabet H Guðmundsdóttir Golfklúbbur Kiðjabergs 34 29 = 63

Öldungar (punktar):

1 Skúli Hróbjartsson Golfklúbbur Kiðjabergs 35 31 = 66

2 Stefán Vagnsson Golfklúbbur Kiðjabergs 33 32 = 65

3 Theódór Skúli Halldórsson Golfklúbbur Kiðjabergs 32 32 = 64

Drengjaflokkur (punktar):

1 Logi Þórólfsson Golfklúbbur Kiðjabergs 35 41 = 76

Heildarúrslit í höggleiknum má sjá HÉR.

Heildarúrslit í punktakeppninni má sjá HÉR.

Meistaramót 2022

Tue, 05 Jul 2022 16:28:19 GMT

Meistaramót GKB hefst 14. júlí. Hægt er að velja um þriggja daga mót eða tveggja daga mót. Skráning er hafin.

Ákveðið hefur verið að hafa þriggja og tveggja daga meistaramót GKB í ár. Í þriggja daga mótinu, sem hefst 14. júlí er keppt í 4 hópum karla og 2 hópum kvenna. Skráning er hafin og lýkur klukkan 18:00 á þriðjudaginn 13. júlí og niðurröðun fyrir fyrstu umferð verður sett á netið fjlótlega eftir það.

Í þriggja daga mótinu er keppt í eftirtöldum flokkum:

- Meistaraflokkur karla (forg. + til 7,5) Höggleikur án forgjafar (hvítir teigar)

flokkur karla (forg. 7,6 til 14,4) Höggleikur án forgjafar
flokkur karla (forg. 14,5 til 18,1) Höggleikur án forgjafar
flokkur karla (forg. 18,2 til 36) Höggleikur án forgjafar

- Meistaraflokkur kvenna (forg. + til 20,4) Höggleikur án forgjafar

flokkur kvenna (forg. 20,5 til 36) Höggleikur án forgjafar

Niðurröðun í fyrstu umferð verður að mestu eftir flokkum (athugið að tímar eru áætlaðir):

10:00 Konur, 1. og 2. flokkur
10:30 Karlar, 3. flokkur
11:00 Karlar, 2. flokkur
11:30 Karlar, 1. flokkur
12:00 Karlar, Meistaraflokkur

Veitt verða verðlaun í öllum flokkum fyrir þrjú efstu sætin. Sameiginleg nándarverðlaun veitt á öllum par-3 holum á laugardaginn fyrir alla flokka (líka "opna mótið").

Skráning hér.

Meistaramót | Opinn Flokkur

Mótið er spilað yfir tvo daga; föstudag og laugardag. Keppt er í opnum flokki karla og kvenna, öldungaflokki og flokki drengja og stúlkna, 14 ára og yngri. Leikin er punktakeppni í öllum flokkum.

Skráning hér.

Keppnisskilmála má sjá á heimasíðu GKB; https://www.gkb.is/keppnisskilmalarmeistaramot

Veglegt lokahóf verður síðan í golfskálanum hjá Rakel á laugardagskvöldinu.

Bjarki sigurvegari í Gull 24 Open

Sat, 02 Jul 2022 20:51:51 GMT

Bjarki Pétursson úr GKB lék best allra í einu fjölmennasta og glæsilegasta golfmót ársins, sem fram fór á Kiðjabergsvelli um helgina. 307 keppendur voru ræstir út á einum sólarhring, frá kl. 14 á föstudag

til kl. 13:50 á laugardag.

Bjarki Pétursson hlaut 41 punkt og reyndist það besta skorið í mótinu. Hann er með 21,5 í forgjöf og lék á 89 höggum, sem verðru að teljast frábært skor hjá honum. Hulda Sigurbjörnsdóttir úr GKG varð í öðru sæti á 40 punktum og Haraldur Óskar Haraldsson úr GS í þriðja sæti, einnig á 40 punktum.

Glæsilegir vinningar voru fyrir 5 efstu sætin frá Icelandair og vegleg nándarverðlaun að verðmæti 80.000 kr.

Nándarverðlaun í mótinu voru sem hér segir:

3. braut: Daði Granz 27,5 cm

7. braut: Hermundur Rósinkrans 107cm

12. braut: Anna Júlía 98 cm
16. braut: Rúnar Óli 95 cm

Fimm efstu í punktakeppni:
1. Bjarki Pétursson Golfklúbbur Kiðjabergs 41

2. Hulda Sigurbjörnsdóttir Golfklúbbur Kópavogs og Garðabæjar 40

3. Haraldur Óskar Haraldsson Golfklúbbur Suðurnesja 40

4. Anton Kjartansson Golfklúbbur Álftaness 39

5. Davíð Kristján Hreiðarsson Golfklúbburinn Keilir 38

Nándarverðlaunin má nálgast í golfskálanum Kiðjabergi. Vinningana frá Icelandair fá verðlaunahafar senda í pósti. Vinningshafar eru vinsamlegast beðnir að senda póst á gkb@gkb.is varðandi þá vinninga.

Golfkúbburinn þakkar öllum sem tóku þátt í þessu skemmtilega miðnæturmóti, sem svo sannarlega er komið til að vera. Vonandi sjáum við sem flesta á næsta ári.

Heildarúrslit í mótinu má sjá HÉR .

Jónsmessumótið

Wed, 22 Jun 2022 11:41:47 GMT

Hið árlega Jónsmessumót verður haldið á Kiðjabergsvelli föstudaginn 24. júní og hefst kl. 21:00, mæting 20:30. spilað verður 9 holur 4-manna Texas Scramble og svo 9 holu púttkeppni. Forgjöf er samanlögð leikforgjöf deilt með 5, þó ekki yfir lægstu leikforgjöf í hópnum.

Hægt er að skrá 1 til 4 leikmenn í hóp, en ef færri en 4 eru skráðir verður raðað í ráshópa.

Mæting er í golfskála kl. 20:30, ekki fyrr þar sem Tengi er með boðsmót fyrr um daginn og hópurinn er að klára lokahóf. Ræst út af öllum teigum kl 21.

Mótsgjald er 2.000, kr.
Hægt er að skrá sig HÉR.

Skráning hafin í hjóna- og paramótið

Tue, 14 Jun 2022 10:05:00 GMT

Skráning er nú hafin í tveggja daga hjóna- og paramótið á Kiðjabergi 5. og 6. ágúst. Mótið er vinsælt og það þarf að hafa hraðar hendur til að tryggja sig inn í mótið.

Mótið er opið fyrir hjón og pör sem eru 20 ára og eldri. Á föstudeginum er leikinn fjórleikur (Betri bolti) og á laugardeginum fjórmenningur (Greensome). Mótinu lýkur með lokahófi í golfskálanum á laugardagskvöldinu. Leikfyrirkomulag er punktakeppni með forgjöf. Hámarksforgjöf er 24 hjá körlum og 28 hjá konum .

Gert er ráð fyrir að karlar leiki af gulum teigum og konur af rauðum. Karlar 65 ára og eldri geta spilað af rauðum teig og skulu þá tilkynna það ræsi.

Mótsgjald er 38.000 kr fyrir parið. Innifalið í verðinu er glæsilegt tveggja daga mót, verðlaun fyrir efstu sætin (GolfSaga ehf.), nándarverðlaun á öllum par 3 brautum (66°Norður), teiggjöf og kvöldverður í lokahófinu. DJ Hlynur leikur fyrir dansi.

Ræst verður út frá kl 10 til 14 á föstudaginn og verða rástímar sendir út Þegar skráningu í mótið er lokið.

Gull 24 OPEN 1. og 2. júlí

Sun, 05 Jun 2022 19:30:41 GMT

Á Gull 24 OPEN golfmótinu eru 480 keppendur ræstir út á 24 tímum.

Skráning er hafin á 24 Open, einn magnaðasta golfviðburð ársins, þar sem ræst er út viðstöðulaust í 24 tíma. Keppni hefst kl. 14 á föstudegi og lýkur sólarhring síðar.

Í aðalverðlaun eru 5 ferðavinningar frá Icelandair og einnig eru veitt glæsileg nándarverðlaun á

öllum par 3 holum vallarins að verðmæti 80.000 kr.

Leikfyrirkomulag er einstaklingspunktakeppni með forgjöf. Hámarksforgjöf hjá körlum er 24 og 28 hjá

konum.

Mótsgjaldið á Gull 24 Open er 7.000 kr.

Skráning er hafin í Gull 24 open golfmótið. Skráðu þig í mótið HÉR !

„Okkar markmið er að þetta mót verði sterkt aðdráttarafl fyrir íslenska sem og erlenda kylfinga í framtíðinni. Það er fátt sem jafnast á við að leika golf á þessum árstíma þegar dagsbirtan er til staðar allan sólarhringinn. Kiðjabergsvöllur er að margra mati eitt fallegasta vallarstæði landsins. ,“ segir Birkir Már Birkisson, framkvæmdastjóra Golfklúbbsins Kiðjabergs.

„Við höfum sett okkur það markmið að halda fjölmennasta golfmót Íslandssögunnar – og gera jafnframt atlögu að setja heimsmet í leiðinni. Markmið okkar er að búa til skemmtilega upplifun fyrir mótsgesti þar sem við leggjum einnig áherslu góðan leikhraða, “ segir Birkir Már.

Afsláttur af vallargjöldum í júní

Wed, 01 Jun 2022 13:49:38 GMT

Þetta á við um rástíma mánudaga, þriðjudaga og miðvikudaga. Þessa daga er hægt að fá hringinn á 4.500 krónur

Tilboð verða á vallargjöldum á Kiðjabergsvelli í júní. Þetta á við um rástíma mánudaga, þriðjudaga og miðvikudaga. Þessa daga er hægt að fá hringinn á 4.500 krónur. Kiðjabergsvöllur er í frábæru standi um þessar mundir og því um að gera fyrir félaga utan klúbbsins að nýta sér þetta kostaboð. Þá er einnig hægt að fá leigða golfbíla, enda golfbílaflotinn á vellinum aldrei verið stærri.

Golfvöllur Golfklúbbs Kiðjabergs er aðeins í klukkutíma fjarlægð frá Reykjavík. Ekið er um Suðurlandsveg í átt að Selfossi og þaðan sem leið liggur um Biskupstungnarbraut, ekið er framhjá Kerinu og beygt til hægri veg 353 áður en komið er að Borg í Grímsnesi. Ekið er framhjá Hraunborgum. Þaðan er steinsnar að golfvellinum sem liggur í ægifögru landi með skemmtilegu útsýni og friðsæld í íslenskri náttúru eins og hún gerist best.

Næstu mót og golfkennsla

Mon, 30 May 2022 13:04:08 GMT

Skráning er hafin í Stóra Texasmótið sem fram fer um næstu helgi. Skráning fer vel af stað svo endilega drífa sig að skrá sig í tíma.

Skráning er hafin í Stóra Texasmótið sem fram fer um næstu helgi. Skráning fer vel af stað svo endilega drífa sig að skrá sig í tíma. Einnig mun golfkennslan byrja á laugardaginn kemur og þá verða tekin fyrir pútt.

Búið er að opna fyrir skráningu í kennsluna inni á golfboxinu undir golfmót. Endilega skráið ykkur HÉR svo við vitum hve margir mæta í kennsluna.

Skráning er einnig hafin í 24 tíma mótið hjá okkur sem heitir núna Gull 24 open. HÉR er hægt að skrá sig.

Á fimmtudaginn er síðan völlurinn lokaður vegna fyrirtækja móts en byrjað verður að spila á öllum teigum kl 13. Klúbbmeðlimum er frjálst að vera á vellinum fram að því þó svo standi á golfboxinu að hann sé lokaður..

GolfBox hjálpin | þarftu aðstoð?

Sun, 29 May 2022 20:42:53 GMT

Með golfappinu frá GolfBox sinnir þú öllu í kringum golfið þitt hvar og hvenær sem er á einum stað.

Í GolfBox appinu getur þú skráð þig í rástíma og mót, afskráð rástíma, skráð forgjafarhringi, búið til golfvini, skráð tölfræðina þína og margt fleira.

Spurt og svarað

Hér að neðan finnur þú svör við nokkrum algengum spurningum er viðkemur GolfBoxinu. Allar spurningar eru uppfærðar þegar nýjungar berast í GolfBoxið | Smelltu hér

Hér finnur þú góð ráð fyrir tímaskráningu í GolfBox appinu | Smelltu hér

Fór holu í höggi!

Fri, 27 May 2022 17:37:49 GMT

Náði draumahöggi allra kylfinga á 7. braut vallarins. Þetta var jafnframt í fyrsta sinn sem hann spilar völlinn og því eftirminnileg heimsókn.

Bjarni Fritzson, fyrrum landsliðsmaður í handbolta, gerði sér lítið fyrir og fór holu í höggi á Kiðjabergsvelli í gær. Hann náði draumahöggi allra kylfinga á 7. braut vallarins. Þetta var jafnframt í fyrsta sinn sem hann spilar völlinn og því eftirminnileg heimsókn fyrir hann.

Bjarni notaði 8-járn á þessari 166 metra löngu braut af gulum teig. "Boltinn minn lenti rétt fyrir utan flötina og fór svo að rúlla í hægri sveig að pinna. Þegar við í hollinu sáum í hvað stefndi frusum við í smástund og svo þegar hún datt ofan í þá sturlaðist allt. Ótrúleg tilfinning að fylgjast með kúlunni rúlla að holunni og sjá hana svo hverfa ofaní," sagði Bjarni.

Þetta var eins og áður segir fyrsta heimsókn hans á Kiðjabergsvöll. "Völlurinn er geggjaður, alveg hreint frábær. Var að spila hann í fyrsta sinn og mun svo sannarlega spila aftur."

Á myndinni er Bjarni með boltann góða eftir hafa farið holu í höggi og kemst þar með í Einherjaklúbbinn, sem svo margir hafa óskað sér en fáir afreka.

GKB Grand Open

Sat, 21 May 2022 16:34:45 GMT

Veðrið lék við keppendur á Grand Open

Fyrsta mót sumarsins á Kiðjabergsvelli, GKB Grand Open, fór fram í frábæru veðri í dag, laugardaginn 21. maí. Leikfyrirkomulag mótsins var Betri bolti þar sem tveir kylfingar mynduðu lið. Helstu úrslit voru þau að lið 270, sem var skipað þeim Eyþóri Inga Gunnarssyni og Davíð Hlíðdal Svanssyni, sigraði á 46 punktum. Alls voru 60 kylfingar skráðir til leiks.

Næstir holu:

3. hola: Sigurlína 4,79 m

7. hola: Gestur Jónsson 5,02 m

12. hola: Ríkharður Bragason 1,77 m

16. hola: Stella Hafsteinsdóttir 3,81 m

Vegleg verðlaun fyrir 3 efstu sætin voru frá Húsasmiðjunni sem og nándarverðlaun á öllum par 3 holum frá Ölgerðinni.

Heildarúrslit mótsins má sjá HÉR.

Fyrsta mót sumarsins

Mon, 16 May 2022 21:45:51 GMT

Fyrsta mót sumarsins í Kiðjabergi

Fyrsta golfmót sumarsins á Kiðjabergsvelli, Grand Open, fer fram næstkomandi laugardag, 21. maí. Mótið er opið fyrir alla kylfinga sem skráðir eru í golfklúbb á Íslandi. Leikfyrirkomulag mótsins er Betri bolti, þar sem tveir eru saman í liði. Hámarks leikforgjöf karla er 24 og kvenna 28. Skráning er hafin á golfboxinu .

"Það er mikil tilhlökkun að fá kylfinga til okkar því við fullyrðum að völlurinn hefur aldrei verið eins góður á þessum árstíma," segir Birkir Már Birgisson, framkvæmdastjóri GKB.

Leikfyrirkomulag:

Betri bolti tveir saman í liði.

Hámarks leikforgjöf karla 24 og kvenna 28.

Karlar sem verða 70 ára á árinu og eldri spila frá Rauðum teig, en leikmenn geta að sjáfsögðu beðið um undanþágu frá því, með því að skrifa það í skilaboð.

Glæsileg verðlaun fyrir 3 efstu sætin frá Húsasmiðjunni:

1. Gjafabréf frá Húsasmiðjunni.

2. Gjafabréf frá Húsasmiðjunni.

3. Gjafabréf frá Húsasmiðjunni.

Nándarverðlaun frá Ölgerðinni á öllum par 3 holum.

Skráning:

Ekki er enn hægt að velja rástíma í mótum þar sem um er að ræða lið. Því er nauðsynlegt að skrá sig á ákveðinn hátt, til að tryggja að allir fái ósk sína uppfyllta.

1) Skrá nafn liðsins.

2) Skrá félaga í liðinu með félagsnúmeri (GKB meðlimir munið 57-xxx).

3) Velja hvort þið viljið ræsingu snemma eða seint.

4) Skrifa skilaboð um með hverjum þið viljið spila.

Að leik loknum verður ljúffeng humarsúpa í boði í skálanum á 3.500 kr.

Golfmót einhleypra

Thu, 12 May 2022 14:49:32 GMT

Golfmót einhleypra

Golfmót einhleypra karla og kvenna fer fram laugardaginn 28. maí á Kiðjabergsvelli. Keppnisfyrirkomulag er punktakeppni og er hámarks forgjöf 36. Ræst verður út frá klukkan 11:00 til 13:50. Aldurstakmark er 25 ára og eldri. Fjölmörg verðlaun verða í boði.

Skráning fer fram í gegnum netfangið golfmoteinhleypra@gmail.com. Nauðsynlegt er að senda Golfbox númer keppenda.

Margir tóku þátt í vinnudegi

Thu, 12 May 2022 14:27:26 GMT

Um 50 félagar mættu til vinnu!

Um 50 klúbbfélagar mættu og tóku þátt í vinnudeginum okkar í Kiðjaberginu um liðna helgi. Fjölmörg verkefni voru kláruð fyrir opnun vallarins.

Eftir góða vinnu var boðið upp á pylsur í boði Rakelar í skálanum og þeir sem vildu gátu farið út og spilað, enda völlurinn opnaður formlega þennan dag, 7. maí.

Stjórn GKB vill koma á framfæri þakklæti til allra sem mættu og tóku til hendinni. Það sannast enn einu sinni máltækið, " margar hendur vinna létt verk ".

Völlurinn kemur virkilega vel undan vetri og má nánast lofa að völlurinn verði með allra besta móti í sumar.

Hér fyrir neðan má sjá nokkrar myndir frá vinnudeginum.

Opnun vallar

Thu, 28 Apr 2022 06:41:51 GMT

Kiðjabergið opnar 7. maí

Kiðjabergsvöllur hefur komið mjög vel undan vetri og er ráðgert að opna völlinn laugardaginn 7. maí. „Satt að segja held ég að völlurinn hafi sjaldan eða aldrei komið eins vel undan vetri og nú. Hann lítur ótrúlega vel út," segir Birkir Már Birgisson, framkvæmdastjóri GKB. Umferð golfbíla verður leyfð samhliða opnun vallarins .

Byrjað veður á vinnudegi klukkan 9 um morguninn til 12. Eftir vinnudaginn verður boðið upp á upp á pylsur og gos í golfskálanum í boði klúbbsins. Þeir sem mæta á vinnudaginn geta svo skellt sér í golf milli kl. 13 og 16.

(Ekki verður opnað fyrir skráningu á þessa tíma.) Eftir kl. 16 opnar síðan völlurinn formlega fyrir almenning og þá meðlimi sem ekki sáu sér fært að mæta á vinnudaginn.

Völlurinn er að koma virkilega vel undan vetri og má nánast lofa að völlurinn verði með allra besta móti í sumar.

Við vonumst til að sem flestir meðlimir sjái sér fært að mæta á vinnudaginn, laugardaginn 7. maí.

Samningur við TRI

Tue, 05 Apr 2022 16:58:15 GMT

Samstarfssamningur við TRI

Nýlega var skrifað undir styrktar- og samstarfssamning milli Golfkúbbs Kiðjabergs og TRI reiðhjóla verslun. Samningurinn var undirritaður af Birki Má Birgissyni fyrir hönd GKB og Bergþóri Jóhannssyni fyrir hönd TRI.

Það er ávallt gleðiefni fyrir klúbbinn að vera í samstarfi við öflug fyrirtæki líkt og TRI.

TRI er með bæði verlsun og verkstæði fyrir reiðhjól. Heimasíðu TRI má sjá HÉR.

Samningur við GG VERK

Thu, 17 Feb 2022 11:41:13 GMT

Samningur við GG VERK undirritaður

Golfklúbburinn Kiðjaberg og GG VERK skrifuðu á dögunum undir styrktar- og samstarfssamning. Það voru þeir Helgi Gunnarsson frá GG VERK og Birkir Már Birgisson frá GKB sem undirrituðu samninginn. Klúbburinn fagnar þessum nýja samningi við GG VERK og hlakkar til samstarfsins.

GG Verk, sem er með aðsetur í Turnahvarfi 4 í Kópavogi, er 16 ára gamalt byggingafyrirtæki sem setur fólk í fyrsta sæti. GG verk var stofnað árið 2006 af bræðrunum Gunnari og Helga Gunnarssyni en þeir eru þriðja kynslóð smiða í fjölskyldu sinni og búa því yfir áratuga reynslu í faginu.

Samstarfssamningur við Timberland

Mon, 14 Feb 2022 19:01:38 GMT

Samstarf við Timberland

Nýlega var skrifað undir styrktar- og samstarfssamning milli Golfkúbbs Kiðjabergs og Timberland. Samningurinn var undirritaður af Birki Má Birgissyni fyrir hönd GKB og Guðrúnu Erlu Leifsdóttur fyrir hönd Timberland.

Það er gífurlega mikilvægt fyrir klúbbinn að vera í samstarfi við öflug fyrirtæki líkt og Timberland og er þessi samningur því mikið gleðiefni fyrir GKB.

Gleðileg jól!

Thu, 23 Dec 2021 11:45:07 GMT

Gleðileg jól!

Golfklúbbur Kiðjabergs óskar félögum, gestum og samstarfsaðilum gleðilegra jóla og farsældar á nýju golfári. Þökkum góðar stundir á golfvellinum og fyrir frábært golfsumar.

-Stjórn GKB

Nýr formaður GKB

Tue, 14 Dec 2021 21:56:40 GMT

Guðmundur er nýr formaður GKB

Guðmundur Ásgeirsson var kjörinn nýr formaður Golfklúbbs Kiðjabergs, á aðalfundi klúbbsins um liðna helgi. Fráfarandi formaður, Börkur Arnviðarson, gaf ekki kost á sér til endurkjörs. Hagnaður klúbbsins á nýliðnu starfsári nam tæpum 4 milljónum króna. Fjárhagsleg afkoma klúbbsins var viðunandi, enda mikil framkvæmdargleði á árinu. Tekjur voru um 64 milljónir, en útgjöld 60 milljónir.

Samkvæmt efnahagsreikningi nema eignir klúbbsins nú 71 milljón króna. Stjórn GKB skipa nú Guðmundur Ásgeirsson, sem er formaður, Gunnar Þorláksson, Brynhildur Sigursteinsdóttir, Magnús Haraldsson og Jónas Kristinsson. Varamenn í stjórn eru þeir Jens Magnús Magnússon og Þórhalli Einarsson, sem kemur nýr inn fyrir Ágúst Friðgeirsson.

Félagsgjöld munu hækka um 4.9% og verður almennt félagsgjald því 86.500 krónur.

Framkvæmdargleði
Birkir Birgisson, framkvæmdastjóri GKB, segir að mikil framkvæmdagleði hafi einkennt starf klúbbsins á árinu. Keyptir voru 10 rafmagns golfbílar, grafa,vinnubíl af flottustu gerð, traktor, ný boltavél með posa fyrir æfingasvæðið og 12 gervigrasmottur og bakki undir æfingaboltana.

„Sett var hljóðeinangrandi loft í golfskálann ásamt því að leggja í hann heitt vatn og þá var skipt um ofna og lagnir. Golfskálinn var málaður að utan. Tvö klósett tekin í notkun úti á velli. Bílastæði undirgolfbílana og rafmagn tengt í það og á enda bílaplans er þvotttastöð meðháþrýstidælu til að halda bílunum hreinum og fínum. Keyptum nú í haust ný ruslatunnuskýli sem taka meira, eru snyrtilegri sem og auðvelda okkur að flokka ruslið. Þetta þýðir að næsta vor verður ekkert á stéttinni fyrir framanskálann, nema boltavélin fyrir æfingasvæðið. Áætlað er að kaupa bekki og hugsanlega borð til að hafa fyrir framan skálann“ sagði Birkir.

Settur var upp 6 holu fótboltagolfvöllur, sem naut mikilla vinsælda. Áætlað er að breyta honum aðeins fyrir næsta vor þar sem brautir voru frekar einsleitar og má stytta nokkrar holur aðeins fyrir yngstu kynslóðina. Einnig verða fleiri boltar í boði vegna mikilla vinsælda vallarins. Eins er áætlað leiksvæði fyrir yngstu kynslóðina og þarf að búa til örlítið pláss fyrir það og verður það unnið í samvinnu viðlóðafélagið.

Birkir segir að keyrt hafi verið í lagaðir flestir stígar vallarins, sem hann fullyrðir að hafi tekist mjög vel. Í þessa framkvæmd fóru yfir 1000 rúmmetrar af efni, ásamt því að tyrfa rúmlega 1500 fermetra meðfram stígunum.

„Plan fyrir framan golfskálann var lagað og stækkað. Glompa minnkuð. Mun meira pláss er núna til að leggja golfbílum klúbbmeðlima. Aðal bílaplanið var mulið, heflað og slétt. Steinar til að afmarka planið voru málaðir hvítir og settur í þá nýr kaðall. Eins voru steyptir blómapottar sem við áttum og notaðir á bílaplanið til að brjóta þetta aðeins upp. Bílaplanið er orðið miklu snyrtilegra og fallegra en það var áður,“ segir framkvæmdastjórinn.

„Í ár vorum við með starfsmenn lengur í vinnu en oft áður og notuðum við tímann vel í haust og tókum til í Vélaskemmunni og snyrtum vel í kringum hana. Hún var máluð, sem og allir hlutir sem eru úti á velli hjá okkur."

Þá má geta þess að haldið var eitt glæsilegasta golfmót ársins á Íslandi, 24 Open, með rétt rúmlega 400 keppendur. Þetta mót er það fjölmennasta sem haldið hefur verið á einum sólarhring og er komið til að vera og verður væntanlega stór tekjuþáttur um ókomna framtíð. Mótahald gekk yfirleitt mjög vel á starfsárinu.

Aðalfundur GKB 2021

gkb@gkb.is (Börkur Arnvidarson) — Sun, 21 Nov 2021 11:21:45 GMT

Boðað er til Aðalfundar laugardaginn 11. desember 2021 kl. 13:00 í Golfskálanum á Kiðjaber gi

Dagskrá
1. Fundarstjóri og fundarritari kosnir.
2. Skýrsla stjórnar um störf og framkvæmdir á liðnu starfsári.
3. Endurskoðaðir reikningar lagðir fram.
4. Umræða um skýrslu stjórnar og reikninga klúbbsins.
5. Lagabreytingar kynntar og teknar til afgreiðslu.
6. Tilaga stjórnar um félagsgjöld lögð fram.
7. Kosning stjórnarmanna og skoðunarmanna samkvæmt samþykktum lögum klúbbsins.
8. Önnur mál.

Gögn aðalfundar og lög GKB er hægt að nálgast á síðu klúbbsins með því að smella hér .

ATHUGIÐ AÐ ÞAÐ ER GRÍMUSKYLDA Á FUNDINUM

- AFLÝST - Jólahlaðborð - AFLÝST -
- AFLÝST VEGNA ÓVISSUÁSTANDS -

Gjafabréf Jól 2021
Að lokum viljum við mynna ykkur á að aftur í ár þá bjóðum við til sölu gjafabréf, tilvalin jólagjöf. Hægt er að skoða þetta tilboð nánar með því að smella hér .

Stjórn GKB

Bændaglíma 2021

Thu, 02 Sep 2021 13:53:07 GMT

Hver verður drottningin á Kiðjabergi?

Bændaglíma GKB fer fram á Kiðjabergsvelli laugardaginn 11. september. Lopapeysu-þema, allir að mæta í lopapeysu. Verðlaun verða veitt fyrir flottustu peysuna. Spilað verður Texas-Holukeppni, þar sem Eyþór og Birkir fá að skemmta sér við að setja upp nokkrar hindranir á vellinum. Bændur í ár verða okkar bestu konur , Stella Hafsteinsdóttir og Guðrún Eyjólfsdóttir.

Það er búið að opna fyrir skráningu á GolfBox . Hægt er að skrá lið, en að sjálfsögðu er hægt að skrá sig sem einstakling og svo verða lið sett saman. Bændur skipta með sér liðum og svo verður ræst út á öllum teigum kl. 11:00. Spilað verður Texas Scramble holukeppni þar sem lið hvors Bónda eigast við í hverju holli, hver unnin hola telur fyrir Bóndann.

Forgjöf hvers liðs er reiknað sem samanlögð vallarforgjöf deilt með 2.5, þó ekki hærra en vallarforgjöf lægsta leikmanns. Mótsgjald kr 3.000 á mann.

Verðlaunaafhending fer fram um kvöldið á veglegri lokahátíð sem hefst klukkan 19:00. Nándarverðlaun á öllum par 3 holum vallarins.

Lokahátíð

Um kvöldið bíður Rakel uppá stórfenglega veislu að vanda í golfskálanum. Hún mun bjóða upp á veglegt veislu Lambalæri að hætti bóndans með nýuppteknu grænmeti og smælki, og svo rabbarbara eftirréttur. Maturinn kostar 5.000 krónur á mann.

Gengið er frá pönntunum í matinn í gegnum golfboxið þegar þið skráið ykkur í mótið

Mótanefnd GKB

Tvær fóru holu í höggi sama daginn

Fri, 27 Aug 2021 15:30:03 GMT

Nágrannar fóru holu í höggi sama daginn

Það er ekki á hverjum degi sem nágrannar fara holu í höggi á Kiðjabergsvelli sama daginn, en það gerðist laugardaginn 21. ágúst. Herdís Dröfn Fjeldsted fór holu í höggi á 16. holu þennan dag, en áður höfum við sagt frá því að Ingibjörg Sólrún Magnúsdóttir hafi farið holu í höggi á 3. holu vallarins.

Þær Ingibjörg og Herdís eru nágrannar þar sem þær eiga báðar sumarbústað í Hestlandinu við Kiðjabergsvöll. Ekki nóg með það, þá eru þær með nánast sömu forgjöf, Herdís með 36,8 og Ingibjörg með 36,7.

Herdís Dröfn notaði 5 tré við höggið fullkomna. Hún tíaði Callaway boltann með bleiku plast-tíi, sem hún fékk lánað hjá einni annarri í hollinu.

Hún er bæði meðlimur í golfklúbbnum Oddi og Kiðjabergi og er með bústað í Hestlandinu ásamt manni sínum Sævari Péturssyni.

Hola í höggi

Mon, 23 Aug 2021 11:01:02 GMT

Tengdamamma Birgis Leifs fór holu í höggi

Inga Sólrún Magnúsdóttir náði draumahöggi allra kylfinga á Kiðjabergsvelli sl. laugardag. Höggið fullkomna kom á 3. holu vallarins og notaði hún driver af teig. "Ég var mest glöð og þakklát yfir því að ég var ekki ein að spila þennan dag og líka að einhver annar en eiginmaðurinn hefði verið með mér í hollinu gerði þetta ennþá skemmtilegra," sagði Inga Sólrún, sem er með sumarbústað í Hestlandinu við Kiðjabergsvöll.

"Ég verð að viðurkenna að ég er hálf feimin yfir þessu, var hreinlega í sjokki og afneitun þar sem ég er nú ekki svo góð í golfi. Þannig er að þegar slegið er af 3ja teig þá sér maður ekki inn á grínið þannig að ég sá ekki boltann rúlla í holuna, það hefði verið skemmtilegri upplifun, held ég. Þeir sem voru með mér í holli höfðu orð á að þetta hefði verið frábært högg og inn á grín."

"Ég fylgdi boltanum eftir með augunum til að tékka af hvort hann færi nokkuð yfir barðið aftan við grínið, því ég hafði notað driverinn. Svo var ekki og þá fór hver að sínum bolta inn á gríni og við grínið. Ég var að vonum svekkt að minn bolti var ekki sjáanlegur og leitaði ég allt í kring. Ég bað þau sem voru með mér í holli að hjálpa mér að leita, en þá hrópaði sá sem var næstur holu og var byrjaður að munda pútterinn sinn að boltinn væri í holunni! Ég skyldi ekki og spurði í hvaða holu, hélt að hann ætti kannski við í einhverri holu (dæld) utan við grínið. Viti menn, þarna lá glænýr gulgrænn Titlest boltinn minn, sá hinn sami og ég hafði leikið með á tveim fyrri holunum," sagði Inga Sólrún.

Tengdsonur hennar er Birgir Leifur Hafþórsson, sem er margfaldur Íslandsmeistari í golfi og hefur átta sinnum farið holu í höggi; Tvisvar sinnum á Challenge tour (Áskorendamótaröðinni), tvisvar á Akureyri, einu sinni á Skaganum, einu sinni á Leirdalsvelli, einu sinni í Kiðjabergi og einu sinni á Korpunni. " Honum finnst ég gera of lítið úr þessu afreki og hrósar mér stíft og segir að margir bíði í áratugi eftir því að ná hölu í höggi"

Meðalkylfingur þarf 200 ár til þess að ná draumahögginu

Samkvæmt tölfræðinni er þetta víst svona: „Meðalkylfingur þarf 200 ár til þess að ná draumahögginu en þeir kylfingar sem leika 75 hringi að meðaltali á ári þurfa aðeins að bíða í 30 ár eftir að ná því að fara holu í höggi“. Sjálf segist Inga Sólrún bara spila um helgar yfir sumartímann, "þannig að skv þessu hefði ég átt að bíða í amk 60 ár ��. Þess má geta að ég byrjaði að spila golf eftir sextugt, 65 ár skullu á mig í maí sl., og nú um helgina vann ég í Golf-Lottóinu, Hola í Höggi ��"

"Eins og ég segi við alla varðandi draumahöggið mitt, þetta er bara grís og ekkert annað en grís. Ég er frekar lélegur golfari ef satt skal segja," sagði Inga Sólrún, sem er með 36,7 í forgjöf.

Gull Styrktarmót GKB

Sat, 31 Jul 2021 21:40:40 GMT

Úrslit úr Styrktarmóti GKB

Gull Styrktarmót GKB fór fram í blíðskaparveðri á Kiðjabergsvelli í dag, laugardaginn 31. júlí. Alls voru 90 lið skráð til leiks eða 180 keppendur. Spilað var tveggja manna Texas Scramble. Það voru þeir Jóhannes G. Benjamínsson og Þorsteinn Þorsteinsson úr NK sem sigruðu, léku á 57 höggum nettó (14 höggum undir pari), sem verður að teljast frábært skor.

Þá náði Sigfríð Runólfsdóttir úr GK draumahöggi allra kylfinga, þegar hún fór holu í höggi á 3. braut vallarins.

Efstu lið í mótinu voru sem hér segir:

1. Þorsteinsson/Benjamínsson - 57 högg nettó

2. We got 99 problems but golf ain't one. - 59

3. Einihlid 59

4. Mafía 59

5. Guðjónsson/Kristinsson 60

6. Shankbois 60

7. Bakarinn 61

8. Kardó 61

9. new team 61

10. Adam / Pálmi Þór 61

11. Jóhannsson/Rattanawiset 61

Næstir hou:

3. braut: Sigfrið Rúnarsdóttir, GK, sem fór holu í höggi.

7. braut: Arnar Freyr Jónsson, GG - 2,62 m.

12. braut: Adam Ingibergsson, GR - 3,10

16. braut: Magnús Jóhannsson, GKB - 59 cm

Vinnigshafar geta vitjað vinninganna í golfskálanum Kiðjabergi frá og með morgundeginum. GKB vill þakka öllum fyrir þátttökuna í mótinu og vonar að þeir hafi notið þess að spila völlinn.

Sjá heildarúrslit HÉR.

GKB í efstu deild að ári

Wed, 28 Jul 2021 14:57:51 GMT

GKB vann NK í úrslitum og leikur í efstu deild að ári

Íslandsmót golfklúbba í 2. deild karla lauk í blíðskaparveðri á Kiðjabergsvelli í dag, 28. júlí. Sveit heimamanna í GKB sigraði NK í spennandi úrslitaleik 3-2 og tryggði Andri Jón Sigurbjörnsson sigurinn með góðu pútti fyrir pari á lokaholunni.

GKB leikur því í 1. deild að ári og tekur þar sæti Keilis, sem féll í 2. deild. Sveit GO fékk bronsið eftir sigur á GSE í leik um þriðja sætið.

Sveitakeppni 2021

Wed, 28 Jul 2021 10:11:40 GMT

GKB leikur til úrslita við NK

Íslandsmót golfklúbba 2021 í 2. deild karla fer nú fram á Kiðjabergsvelli. Alls eru 8 golfklúbbar í 2. deild og var leikið í tveimur riðlum. Það eru Nesklúbburinn og Golfklúbbur Kiðjabergs sem leika um laust sæti í 1. deild 2022, en Golfklúbburinn Keilir úr Hafnarfirði féll úr efstu deild um liðna helgi.

Í undanúrslitum hafði Nesklúbburinn (NK) betur 3-2 gegn Golfklúbbi Setbergs (GSE). Í hinni undanúrslitaviðureigninni áttust við Golfklúbbur Kiðjabergs (GKB) og Golfklúbburinn Oddur (GO) þar sem að heimamenn höfðu betur 3 1/2 – 1 1/2.

Lið GKB skipa eftirtaldir:

Andri Jón Sigurbjörnsson

Arnar Snær Hákonarson

Axel Ásgeirsson

Árni Gestsson

Árni Freyr Sigurjónsson

Halldór X Halldórsson

Haraldur Þórðarson

Sturla Ómarsson

Myndasería frá meistaramóti 2021

Sun, 18 Jul 2021 21:56:38 GMT

Myndasería frá meistaramóti GKB

Hápunktur golfsumarsins á Íslandi er Meistaramót golfklúbbanna. Okkar móti lauk á Kiðjabergsvelli um helgina og var veður ágætt alla þrjá keppnisdagana og þá sérstaklega lokadaginn þegar sólin skein í heiði.

Hér fyrir neðan má sjá myndaseríu frá keppninni á laugardaginn og eins frá verðlaunaafhendingunni í golfskálanum um kvöldið.

Arnar Snær og Brynhildur klúbbmeistarar

Sat, 17 Jul 2021 19:31:45 GMT

Arnar Snær og Brynhildur klúbbmeistarar GKB

Arnar Snær Hákonarson er klúbbmeistari GKB í karlaflokki og Brynhildur Sigursteinsdóttir í kvennaflokki. Þetta var ljóst í dag þegar lokahringur meistaramótsins fór fram í blíðskaparveðri á Kiðjabergsvelli. Þau Arnar Snær og Brynhildur voru með forystu alla þrjá hringina.

Lokastaðan í meistaraflokki karla:

1 Arnar Snær Hákonarson Golfklúbbur Kiðjabergs 77 75 77 = 229

2. Axel Ásgeirsson Golfklúbbur Kiðjabergs 79 77 78 = 234

3. Halldór Heiðar Halldórsson Golfklúbbur Kiðjabergs 80 83 79 = 242

4. Árni Gestsson Golfklúbbur Kiðjabergs 81 82 82 = 245

5. Haraldur Þórðarson Golfklúbbur Kiðjabergs 81 78 86 = 245

6. Andri Jón Sigurbjörnsson Golfklúbbur Kiðjabergs 80 85 81 = 246

7. Pálmi Þór Pálmason Golfklúbbur Kiðjabergs 84 86 84 = 254

8. Sveinn Snorri Sverrisson Golfklúbbur Kiðjabergs 93 82 85 = 260

Meistaraflokkur kvenna:

1. Brynhildur Sigursteinsdóttir Golfklúbbur Kiðjabergs 91 84 91 = 266

2. Guðný Kristín S Tómasdóttir Golfklúbbur Kiðjabergs 95 102 98 = 295

3. Áslaug Sigurðardóttir Golfklúbbur Kiðjabergs 99 94 106 = 299

4. Regína Sveinsdóttir Golfklúbbur Kiðjabergs 102 98 108 = 308

Myndir: Á efri myndinni má sjá lokahollið í meistaraflokki karla og fyrir neðan er lokahollið í meistaraflokki kvenna.

Meistaramót 2021 - 2. dagur

Fri, 16 Jul 2021 21:29:51 GMT

Brynhildur og Arnar Snær efst fyrir lokahringinn

Annar keppnisdagur meistaramóts GKB fór fram í ágætu veðri á Kiðjabergsvelli í dag. Brynhildur Sigursteinsdóttir er með örugga forystu í kvennaflokki og Arnar Snær Hákonarson er með 4 högga forystu í karlaflokki fyrir lokahringinn, sem verður spilaður á morgun.

Helstu úrslit dagsins:

Meistaraflokkur karla (Staðan eftir 36 holur):

1. Arnar Snær Hákonarson Golfklúbbur Kiðjabergs 7 7 - 75 = 152

2. Axel Ásgeirsson Golfklúbbur Kiðjabergs 79 - 77 = 156

3. Haraldur Þórðarson Golfklúbbur Kiðjabergs 81 - 78 = 159

4. Árni Gestsson Golfklúbbur Kiðjabergs 81 - 82 = 163

5. Halldór Heiðar Halldórsson Golfklúbbur Kiðjabergs 80 - 83 = 163

6. Andri Jón Sigurbjörnsson Golfklúbbur Kiðjabergs 80 - 85 = 165

7. Pálmi Þór Pálmason Golfklúbbur Kiðjabergs 84 - 86 = 170

8. Sveinn Snorri Sverrisson Golfklúbbur Kiðjabergs 93 - 82 = 175

Meistaraflokkur kvenna: (Staðan eftir 36 holur):

1. Brynhildur Sigursteinsdóttir Golfklúbbur Kiðjabergs 91 - 84 = 175

2. Áslaug Sigurðardóttir Golfklúbbur Kiðjabergs 99 - 94 = 193

3. Guðný Kristín S Tómasdóttir Golfklúbbur Kiðjabergs 95 - 102 = 197

4. Regína Sveinsdóttir Golfklúbbur Kiðjabergs 102 - 98 = 200

1. flokkur karla (Staðan eftir 36 holur:):

1. Jens Sigurðarson Golfklúbbur Kiðjabergs 89 - 90 = 179

2. Magnús Haukur Jensson Golfklúbbur Kiðjabergs 97 - 88 = 185

3. Ari Björn Björnsson Gol fklúbbur Kiðjabergs 98 - 91 = 189

4. Ari Stefánsson Golfklúbbur Kiðjabergs 105 - 88 = 193

5. Eyþór Ingi Gunnarsson Golfklúbbur Kiðjabergs 105 - 93 = 198

2. flokkur karla (Staðan eftir 36 holur):

1. Guðmundur K Ásgeirsson Golfklúbbur Kiðjabergs 98 - 89 = 187

2. Jón Bjargmundsson Golfklúbbur Kiðjabergs 100 - 88 = 188

3. Þröstur Már Sigurðsson Golfklúbbur Kiðjabergs 94 - 94 = 188

4. Þórólfur Jónsson Golfklúbbur Kiðjabergs 93 - 101 = 194

5. Þórhalli Einarsson Golfklúbbur Kiðjabergs 103 - 98 = 201

6. Jens Magnús Magnússon Golfklúbbur Kiðjabergs 103 - 115 = 218

3. flokkur karla (Staðan eftir 36 holur - punktakeppni):
1. Stefán Vagnsson Golfklúbbur Kiðjabergs 36 - 31 = 67

2. Árni Sveinbjörnsson Golfklúbbur Kiðjabergs 30 - 32 = 62

3. Magnús Arnarson Golfklúbbur Kiðjabergs 29 - 25 = 54

Karlar, punktakeppni (fyrri hringur):

1. Ólafur Stefánsson Golfklúbbur Kiðjabergs 34 punktar

2. Snjólfur Ólafsson Golfklúbbur Kiðjabergs 33

3. Árni Jóhannesson Golfklúbbur Kiðjabergs 30

4. Guðni Björnsson Golfklúbbur Kiðjabergs 29

5. Stefán Pétursson Golfklúbbur Kiðjabergs 25

6. Guðmundur Jóhannes Oddsson Golfklúbbur Kiðjabergs 24

7. Gunnar Þorláksson Golfklúbbur Kiðjabergs 22

Konur, punktakeppni, (fyrri hringur):

1. Kristín B Eyjólfsdóttir Golfklúbbur Kiðjabergs 33

2. Kristín Nielsen Golfklúbbur Kiðjabergs 32

3. Sólveig Guðrún Pétursdóttir Golfklúbbur Kiðjabergs 31

4. Guðrún Sigríður Eyjólfsdóttir Golfklúbbur Kiðjabergs 30

5. Margrét Geirsdóttir Golfklúbbur Kiðjabergs 30

6. Sigurlaug Guðmundsdóttir Golfklúbbur Kiðjabergs 29

7. Sigrún Ragnarsdóttir Golfklúbbur Kiðjabergs 28

8. Kristjana Kristjánsdóttir Golfklúbbur Kiðjabergs 26

9. Sigurlína Gunnarsdóttir Golfklúbbur Kiðjabergs 25

10. Anna Kristín Einarsson G olfklúbbur Kiðjabergs 25

Öldungaflokkur, punktakeppni (fyrri hringur):

1. Gestur Jónsson Golfklúbbur Kiðjabergs 34

2. Skúli Hróbjartsson Golfklúbbur Kiðjabergs 31

3. Guðmar Sigurðsson Golfklúbbur Kiðjabergs 30

4. Jón Ásgeir Eyjólfsson Golfklúbbur Kiðjabergs 30

5. Viðar Jónasson Golfklúbbur Kiðjabergs 30

6. Gissur Rafn Jóhannsson Golfklúbbur Reykjavíkur 28

7. Steinn Guðmundur Ólafsson Golfklúbbur Kiðjabergs 28

Drengjaflokkur, punktakeppni (fyrri hringur):

1. Logi Þórólfsson Golfklúbbur Kiðjabergs 37

2. Jón Ívar Þórólfsson Golfklúbbur Kiðjabergs 30

3. Sigurjón Andri Þorláksson Golfklúbbur Kiðjabergs 24

Meistaramót 2021 - fyrsti dagur

Thu, 15 Jul 2021 20:09:35 GMT

Arnar Snær efstur eftir 18 holur

Meistaramót GKB hófst á Kiðjabergsvelli í dag. Arnar Snær Hákonarson er með forystu í meistaraflokki karla og Brynhildur Sigursteinsdóttir í meistaraflokki kvenna eftir 18 holur. Veðrið var ekki alveg eins og best verður á kosið, skúrir og nokkur vindur, sem hafði áhrif á skor keppenda. Leiknir verða þrír hringir.

Á morgun hefst einnig tveggja daga keppni í karla, kvenna, öldunga og unglinga.

Staðan eftir fyrsta keppnisdag:

Meistaraflokkur karla:

1. Arnar Snær Hákonarson Golfklúbbur Kiðjabergs 77 högg

2. Axel Ásgeirsson Golfklúbbur Kiðjabergs 79

3. Andri Jón Sigurbjörnsson Golfklúbbur Kiðjabergs 80

4. Halldór Heiðar Halldórsson Golfklúbbur Kiðjabergs 80

5. Haraldur Þórðarson Golfklúbbur Kiðjabergs 81

6 Árni Gestsson Golfklúbbur Kiðjabergs 81

7. Pálmi Þór Pálmason Golfklúbbur Kiðjabergs 84

8. H jalti Steinar Sigurbjörnsson Golfklúbbur Kiðjabergs 86

9. Sveinn Snorri Sverrisson Golfklúbbur Kiðjabergs 93

Meistaraflokkur kvenna:

1. Brynhildur Sigursteinsdóttir Golfklúbbur Kiðjabergs 91

2. Guðný Kristín S Tómasdóttir Golfklúbbur Kiðjabergs 95

3. Áslaug Sigurðardóttir Golfklúbbur Kiðjabergs 99

4. Regína Sveinsdóttir Golfklúbbur Kiðjabergs 102

1. flokkur karla:

1. Jens Sigurðarson Golfklúbbur Kiðjabergs 89

2. Magnús Haukur Jensson Golfklúbbur Kiðjabergs 97

3. Ari Björn Björnsson Golfklúbbur Kiðjabergs 98

4. Ari Stefánsson Golfklúbbur Kiðjabergs 105

5. Eyþór Ingi Gunnarsson Golfklúbbur Kiðjabergs 105

2. flokkur karla:

1. Þórólfur Jónsson Golfklúbbur Kiðjabergs 93

2. Þröstur Már Sigurðsson Golfklúbbur Kiðjabergs 94

3. Guðmundur K Ásgeirsson Golfklúbbur Kiðjabergs 98

4 Jón Bjargmundsson Golfklúbbur Kiðjabergs 100

5. Jens Magnús Magnússon Golfklúbbur Kiðjabergs 103

6. Þórhalli Einarsson Golfklúbbur Kiðjabergs 103

3. flokkur karla:
1. Stefán Vagnsson Golfklúbbur Kiðjabergs 16 punktar

2 Árni Sveinbjörnsson Golfklúbbur Kiðjabergs 13 punktar

3. Magnús Arnarson Golfklúbbur Kiðjabergs 8 punktar

2. flokkur kvenna:

1. Unnur Jónsdóttir Golfklúbbur Kiðjabergs 30 punktar

2. Inga Dóra Sigurðardóttir Golfklúbbur Kiðjabergs 2 2 punktar

Skráning í meistaramót GKB

Mon, 12 Jul 2021 13:40:37 GMT

Skráning í meistaramót GKB

Meistaramót GKB hefst fimmtudasginn 15. júlí og verður þetta þriggja daga mót að þessu sinni í stað fjögurra. Eins veður boðið upp á tveggja daga mót og er þar spiluð punktakeppni. Félgar er hvattir til að skrá sig, en s kráningu líkur kl. 18:00 þriðjudaginn 13. júlí og niðurröðun fyrir fyrstu umferð verður sett á netið fjlótlega eftir það.

Keppt er í 4 hópum karla og 2 hópum kvenna (þrír hringir):

Meistaraflokkur karla (forg. + til 7,5) Höggleikur án forgjafar (hvítir teigar)

1. Flokkur karla (forg. 7,6 til 14,4) Höggleikur án forgjafar

2. Flokkur karla (forg. 14,5 til 18,1) Höggleikur án forgjafar

3. Flokkur karla (forg. 18,2 til 36) Höggleikur án forgjafar

Meistaraflokkur kvenna (forg. + til 20,4) Höggleikur án forgjafar

1. Flokkur kvenna (forg. 20,5 til 36) Höggleikur án forgjafar

Varðandi keppnisskilmálá sjá á heimasíðu GKB https://www.gkb.is/keppnisskilmalarmeistaramot

Niðurröðun í fyrstu umferð verður að mestu eftir flokkum (athugið að tímar eru áætlaðir):

10:00 Konur, 1. og 2. flokkur

10:30 Karlar, 3. flokkur

11:00 Karlar, 2. flokkur

11:30 Karlar, 1. flokkur

12:00 Karlar, Meistaraflokkur

Meistaramót - Opinn flokkur, spilað föstudasg og laugardag

Keppt er í opnum flokki karla og kvenna, öldungaflokki og flokki Drengja og Stúlkna, 14 ára og yngri.

Leikin er punktakeppni í öllum flokkum.

Mótsstjórn mun raða niður á fimmtudag eftir að skráningu líkur, rástímar verða birtir á GolfBox

Skráningagjald er 6.000,- fyrir fullorðna og 3.000,- fyrir yngri flokkana.

Veitt verða verðlaun í öllum flokkum fyrir 3 efstu sætin. Sameiginleg nándarverðlaun fyrir Meistamótið eru á öllum par-3 holum á laugardaginn fyrir alla flokka.

Veglegt lokahóf verður síðan í golfskálanum hjá Rakel á laugardagskvöldinu. Muna að skrá sig í lokahófið hjá Rakel á: rakelmatt@gkb.is

Lokahóf meistaramótsins

Mon, 12 Jul 2021 13:22:00 GMT

Lokahóf meistaramótsins á Kaffi Kið

Lokahóf meistaramóts GKB verður haldið í golfskálanum Kiðjabergi laugardasginn 17. júlí. Kellurnar á Kaffi Kið ætla að "rigga" upp Danska hlaðborðið vinsæla. Þeir sem hafa í hyggju að mæta eru vinsamlegast beðnir um að panta í matinn fyrir fimmtudaginn 15. júlí.

Senda pöntun á: rakelmatt@gkb.is

Brynhildur vann

Mon, 12 Jul 2021 13:11:03 GMT

Brynhildur vann KÉRASTASE kvennamótið!

KÉRASTASE kvennamótið fór fram á Kiðjabergsvelli í gær. 59 konur tóku þátt og var blíðskaparveður. Brynhildur Sigursteinsdóttir úr GKB sigraði bæði í punktakeppni og höggleik. Hún lék á 85 höggum og fékk 37 punkta.

Helstu úrslit voru sem hér segir:

1. Brynhildur Sigursteinsdóttir GKB 37

2. Guðrún Erna Guðmundsdóttir GO 36

3. Kristín B Eyjólfsdóttir GKB 36

4. Kristín Nielsen GKB 36

5. Hrafnhildur Geirsdóttir GKB 36

6. Unnur Jónsdóttir GKB 35

Heildarúrslit HÉR.

Jónsmessumóti frestað um viku

Thu, 24 Jun 2021 20:16:09 GMT

Jónsmessumóti frestað um viku

Jónsmessumóti GKB, sem fram átti að fara á Kiðjabergsvelli föstudaginn 25. júní, hefur verið frestað um viku. Ástæðan er slæm veðurspá. Mótið verður haldið föstudagskvöldið 2. júlí.

Spilað verður 9 holur 4-manna Texas Scramble og svo 9 holu púttkeppni. Forgjöf er samanlögð leikforgjöf deilt með 5, þó ekki yfir lægstu leikforgjöf í hópnum.

Jónsmessumót

Mon, 21 Jun 2021 12:46:18 GMT

Jónsmessumótið á föstudagskvöld

Hið árlega Jónsmessumót verður haldið á Kiðjabergsvelli föstudaginn 25. júní og hefst kl. 21:00. spilað verður 9 holur 4-manna Texas Scramble og svo 9 holu púttkeppni. Forgjöf er samanlögð leikforgjöf deilt með 5, þó ekki yfir lægstu leikforgjöf í hópnum.

Hægt er að skrá 1 til 4 leikmenn í hóp, en ef færri en 4 eru skráðir verður raðað í ráshópa.

Mæting er í golfskála kl. 20 og r æst út af öllum teigum kl 21:00.

Mótsgjald er 2.000 krónur.

Hægt er að skrá sig HÉR.

Nýir rafmagnsbílar í Kiðjabergið

Fri, 18 Jun 2021 19:27:46 GMT

10 nýir rafmagnsbílar í Kiðjabergið

Í dag tók Golfklúbbur Kiðjabergs á móti 10 nýjum golfbílum og koma þeir frá brautir.is. Bílarnir eru allir vistvænir, enda rafmagnsdrifnir. Það verða því framvegis 22 bílar til leigu fyrir gesti vallarins, sem ætti að mestum hluta að anna eftirspurninni.

Liðamót fyrir GKB-inga

Wed, 16 Jun 2021 15:22:50 GMT

Nýtt mót fyrir félagsmenn GKB

Nýtt mót fyrir félagsmenn GKB verður komið á ef áhugi er fyrir hendi. Markmiðið er að félagar kynnist öðrum félagmönnum GKB betur. Hvert lið er skipað hjónum, pari, feðgum, mæðgum eða öðrum tengdum einstaklingum. Keppt er með forgjöf og hver einstaklingur er með sína forgjöf. Hámarksforgjöf karla og kvenna er 36 (þ.e. vallarforgjöf). Þátttaka er ókeypis. Forðast skal að spila með góðkunningjum sínum!

Hver viðureign er milli tveggja liða og leika þau 18 holur á Kiðjabergsvelli. Í hverri viðureign verða samtímis tvö mót í gangi, holukeppni og „róni“.

Hvert par leikur allt að 8 viðureignir og gilda 6 bestu. Viðureignirnar eiga að fara fram á tímabilinu 17. júní til 7. september.

Stefnt er að verðlaunaafhendingu laugardaginn 11. september, þegar bændaglíman fer fram. Veitt verða 4 til 6 verðlaun en útfærsla verður kynnt eftir að skráningu lýkur. Þá verður líka kynnt hvernig lið para sig saman og aðkomu mótsstjórnar, Stellu og Snjólfs, að þeirri pörun.

Skráningu lýkur miðvikudaginn 16. júní kl. 24:00. Skráning fer fram með þeim hætti að senda tölvupóst til mótsstjórnar á snjolfur@hi.is.

Holukeppnin er með fyrirkomulaginu betri bolti (fjöldi punkta). Í róna gildir besta skor og betra samanlagt auk þess sem fugl gefur prik. Þeir sem þekkja ekki þetta fyrirkomulag eða eru ekki vanir að reikna svona lagað þurfa ekki að hafa áhyggjur. Þeir sem vilja læra á þetta munu fá góða leiðsögn, en svo má einfaldlega skila inn (myndum af) skorkortunum og mótsstjórn reiknar þá niðurstöðuna. Nánari reglur um keppnirnar verða kynntar eftir að skráningu lýkur.

Munið að markmiðið með liðamótinu er að spila með félögum sem maður er ekki vanur að spila með og hafa gaman saman!

Úrslit í 24 Open

Sun, 13 Jun 2021 08:45:56 GMT

Úrslit í 24 Open

24 Open lauk á Kiðjabergsvelli í gær. Helstu úrslit voru þau að Andri Sigurðsson úr GKG sigraði á 40 punktum. Þuríður Ingólfsdóttir úr GKB varð önnur á 38 punktum og Skúli Rúnar Skúlason úr GR í þriðja sæti, einnig á 38 punktum.

Mótið heppnaðist vel og verður haldið aftur á næsta ári. Öllum keppendum er þakkað fyrir komuna og vonandi sjáum við sem flesta á næsta ári. Helstu úrslit hér fyrir neðan.

Fimm efstu í mótinu:

1. Andri Sigurðsson Golfklúbbur Kópavogs og Garðabæjar 40

2. Þuríður Ingólfsdóttir Golfklúbbur Kiðjabergs 38

3. Skúli Rúnar Skúlason Golfklúbbur Reykjavíkur 38

4. Júlíus Geir Hafsteinsson Golfklúbbur Reykjavíkur 37

5. Jón Sveinbjörn Jónsson Golfklúbburinn Setberg 37

Nándarverðlaun:

3. braut: Helen Neely 38 cm - Gasgrill frá Húsasmiðjunni

7. braut: Gunnar Snær 51 cm - 10 kassar af bjór frá Ölgerðinni

12. braut: Jón Sveinbjörn 71 cm - Matar og grillveirsla frá Garra

16. braut: Heiða Guðnadóttir 40 cm - Nespresso kaffivél.

Ferðavinningar frá Icelandair eru fyrir fimm efstu sætin í mótinu. Hægt er að vitja um vinninga í golfskálanum.

Öll úrslit má sjá HÉR.

Góð mæting í 24 Open

Sat, 12 Jun 2021 14:13:47 GMT

404 keppendur mættu í 24 Open

Nú stendur yfir á Kiðjabergi fjölmennasta golfmót sem vitað er um að fram hafi farið í heiminum á sama vellinum á einum sólarhring, eða 24 tímum. Byrjað var að ræsa út keppendur klukkan 14 í gær, laugardag og fór síðasta hollið út klukkan 13:50 í dag, laugardag. 404 keppendur voru skráðir til leiks og verður það að teljast nýtt heimsmet þar til annað kemur í ljós.

Reiknað er með að þetta mót verði árlegur viðburður og spennandi kostur fyrir íslenska kylfinga og jafnframt erlenda ferðamenn sem vilja upplifa að leika miðnæturgolf. Það er fátt sem jafnast á við að leika golf á þessum árstíma þegar dagsbirtu nýtur allan sólarhringinn. Veðrið hefur verið ágætt, en þó töluveður vindur og eins var frekar kalt hjá keppendum sem voru ræstir út í nótt.

"Þetta er búið að ganga ótrúlega vel og mér sýnist allir keppendur vera mjög ánægðir með þessa upplifun sem það er að taka þátt í svona móti,“ segir Birkir Már Birgisson, framkvæmdastjóri Golfklúbbsins Kiðjabergs. " Markmið okkar var að búa til skemmtilega upplifun fyrir mótsgesti og ég held að það hafi tekist bærilega."

Eftir því sem best er vitað er þetta fjölmennasta golfmót allra tíma, sem leikið er á sama vellinum og ræst er út samfleytt í 24 klukkuktíma. Þeir keppendur sem voru með að þessu sinni eiga það sameiginlegt að tilheyra þessu heimsmeti!

Keppnisfyrirkomulagið var einstaklings punktakeppni með forgjöf.

HÉR verður hægt að nálgast úrslitin.

Stutta spilið

Sat, 12 Jun 2021 13:41:08 GMT

Æfingar í stutta spilinu!

Boðið var upp á kennslu í stutta spilinu á Kiðjabergi í dag, laugardaginn 12. júní. Fjölmargir nýttu sér kennsluna sem var í boði meistaraflokks kylfinga úr GKB. Þeir eru með kennslu alla laugardaga í júní. Næsta laugardag, 19. júní, verður farið aftur í stutta spilið.

Dagskráin næstu tvo laugardaga er sem segir:

19. júní: 10:00-12:00 - Stuttaspil

26. júní: 10:00-12:00 - Full högg

Hægt verður að skrá sig á næstu námskeið á golf.is og nota eftirfarandi hlekki:

19. júní - Stutta spilið https://tourentry.golfbox.dk/?cid=2966379

26. júní - Full högg https://tourentry.golfbox.dk/?cid=2966380

Úrslit í Stóra Texas mótinu

Sat, 05 Jun 2021 21:07:37 GMT

Gott skor í Stóra Texas mótinu!

Stóra Texas Scramble mótið fór fram á Kiðjabergsvelli í dag. 136 keppendur eða 68 lið mættu til leiks. Flott skor litu dagsins ljós og fór svo að tvö lið léku best, eða á 57 höggum nettó. Þetta voru Sigurjónsson/Friðriksson og Jónsson/Óladóttir. Þeir fyrrnefndu hlutu efsta sætið þar sem þeir voru með betra skor á seinni níu.

Annars voru úrslit efstu liða sem hér segir:

1. Sigurjónsson/Friðriksson (Jón Hrafn SIgurjónsson og Pétur Bergvin Friðriksson, báðir úr GK, 57 nettó
2. Jónsson/Óladóttir (Jón Sveinbjörn Jónsson og Ólöf Ósk Óladóttir úr Golfklúbbi Setbergs, 57 nettó

3. Prýðisfólk 58

4. Frindri 60

Verðlaunahafar geta nálgast verðlaun sín í golfskálanum Kiðjabergi.

Öll úrslit má sjá HÉR.

Nándarverðlaun:

3. braut: Jón Karl Björnsson 0,90 m

7. braut: Ágúst Friðgeirsson 3,26 m

12. braut: Frindri 2,24 m

16. braut: Haukur L. 0,88 m

Forgjöf liða reiknaðist sem samanlögð vallarforgjöf liðs, deilt með 2,5 - þó ekki hærra en forgjöf þess liðsmanns sem hefur lægsta vallarforgjöf.

Vel mætt í púttkennsluna

Sat, 05 Jun 2021 14:10:45 GMT

Vel mætt í púttkennslu

Strákarnir í meistaraflokki GKB mættu á Kiðjabergið í dag, laugardaginn 5. júní, og buðu upp á púttkennslu. Fjölmargir félagar mættu og nýttu sér leiðbeiningar strákanna. Þeir ætla að vera með kennslu alla laugardaga í júní. Næsta laugardag verður farið í stutta spilið.

Dagskráin er sem segir:

5. júní: 10:00-12:00 - Pútt

12. júní: 10:00-12:00 - Stuttaspil

19. júní: 10:00-12:00 - Stuttaspil

26. júní: 10:00-12:00 - Full högg

Hægt verður að skrá sig á næstu námskeið á golf.is og nota eftirfarandi hlekki:

12. júní - Stuttaspil https://tourentry.golfbox.dk/?cid=2966377

19. júní - Stuttaspil https://tourentry.golfbox.dk/?cid=2966379

26. júní - Full högg https://tourentry.golfbox.dk/?cid=2966380

Sveit GKB leiðbeinir félagsmönnum!

Wed, 02 Jun 2021 21:33:13 GMT

Bjóða upp á tilsögn í júní

Strákarnir í Meistaraflokknum okkar ætla að bjóða félagsmönnum uppá smá tilsögn nú í júní. Þetta verður með sama sniði og í fyrra, en það var einkar vel heppnað og vel sótt.

Þetta verður haldiðlalla laugardaga á milli 10:00 og 12:00 og dagskráin er sem segir:

5. júní: 10:00-12:00 - Pútt

12. júní: 10:00-12:00 - Stuttaspil

19. júní: 10:00-12:00 - Stuttaspil

26. júní: 10:00-12:00 - Full högg

Það þarf ekki að taka fram að allir eru velkomnir og leiðsögn verður sniðin að getu hvers og eins, jafnt byrjenda sem lengra komna. Við h vetjum alla til að taka þátt í þessari frábæru þjónustu.

Hægt verður að skrá sig á GolfBox og nota eftirfarandi hlekki:

5. júní - Pútt https://tourentry.golfbox.dk/?cid=2966371

12. júní - Stuttaspil https://tourentry.golfbox.dk/?cid=2966377

19. júní - Stuttaspil https://tourentry.golfbox.dk/?cid=2966379

26. júní - Full högg https://tourentry.golfbox.dk/?cid=2966380

Stóra Texas mótið

Wed, 02 Jun 2021 21:12:43 GMT

Stóra Texas mótið um helgina

Stóra Texas Scramble mótið fer fram u m næstu helgi á Kiðjabergsvelli. Við viljum endilega hvetja ykkur til að skrá ykkur enda upplagt tækifæri til að byrja sumarið. Ekki skemmir að veðurspáin er þokkaleg, og svo er enn búið að slaka á Covid hömlum.

Hægt er að skrá sig á mótið með eftirfarandi hlekk: https://tourentry.golfbox.dk/?cid=2806010

Upplýsingar um mótið:

Leikfyrirkomulag Texas Scramble tveir saman í liði.

Hámarks leik forgjöf karla 24 og kvenna 28

Forgjöf liða reiknast sem samanlögð vallarforgjöf liðs, deilt með 2,5 - þó ekki hærra en forgjöf þess liðsmanns sem hefur lægsta vallarforgjöf.

Karlar sem verða 70 ára á árinu, og eldri spila frá Rauðum teig, en leikmenn geta að sjáfsögðu beðið um undaþágu frá því, með því að skrifa það í Skilaboð

Veitt verða verðlaun fyrir fyrstu 3 sætin.

Nándarverðlaun á öllum par 3 holum.

Annaðhvort er hægt að skrá lið, eða skrá sig sem einstakling, og svo mun mótsnefnd raða saman stökum leikmönnum í lið.

Við skráningu er hægt að bóka golfbíl fyrir mótið (7.000, kr).

Nokkrir rástímar lausir í 24 Open

Fri, 28 May 2021 18:04:03 GMT

Nokkrir rástímar lausir í 24 O pen

Enn eru nokkrir rástímar lausir í 24 Open sem fram fer á Kiðjabergsvelli 11. til 12. júní. Glæsilegir ferðavinningar í boði frá Icelandair fyrir fimm efstu sætin. Auk þess sem veglegir vinningar eru fyrir að vera næstur holu á öllum par-3 brautum vallarins.

Ræst verður út frá klukkan 14 föstudaginn 11. júni til kl. 13:50 laugardaginn 12. júní. Keppnin stendur því yfir í rúman sólarhring.

Skráning fer fram á www.golf.is

Vinavellir 2021

Fri, 28 May 2021 17:43:46 GMT

Fimm vinavellir í sumar

Vinavellir GKB í sumar eru fimm talsins. Þeir eru: Svarfhólsvöllur á Selfossi, Hlíðarendavöllur á Sauðárkróki, Kirkjubólsvöllur í Sandgerði, Brautarholtsvöllur á Kjalarnesi og Öndverðarnes. Þessir klúbbar veita félagsmönnum GKB 50% afslátt á vallargjaldi á virkum dögum.

Þess ber að geta, að afslættirnir eiga ekki við um helgar.

Mynd: Frá Brautarholtsvelli á Kjalarnesi.

Grand Open - úrslit

Sun, 23 May 2021 00:37:13 GMT

Grand Open - úrslit

Fyrsta mót sumarsins á Kiðjabergsvelli fór fram laugardaginn 22. maí. 88 keppendur tóku þátt og var spilaður Betri bolti og tveir saman í liði. Lið Vattar, sem var skipað þeim Petrínu Freyju Sigurðardóttur og Böðvari Þórissyni frá Selfossi, sigraði á 47 punktum. Premíum varð í öðru sæti og SkúlUnn í þriðja.

Helstu úrslit voru sem hér segir:

1. Vöttur 47 punktar.

2. Premium 46

3. SkúlUnn 42

3. A lls ekki seint 42

3. Júpíter 42

3. Bergur og Theodóra 42

7. Lyngbrekka1 41

8. Ferró 40
8. EINMENNINGUR 40

8. Kallarnir 40

11. Fram 39

11. Borg 39

11. Gestur og Margrét 39

11. Klemmi 9

11. Púttarar 39

11. Guðnundur og Jónína 39

Nándarverðlaun:

3. braut: Davíð Svansson 88 cm

7. braut: Gunnar Þórarinsson 30 cm

12. . Guðmundur Á. 1,90 m

16. braut: Wentzel 2,07 m

Hægt er að vitja um verðlaun í golfskálanum á Kiðjabergsvelli.

Golfnámskeið

Sat, 22 May 2021 17:09:38 GMT

Golfnámskeið á Kiðjabergsvelli

Guðjón G. Daníelsson, PGA-golfkennari, ætlar að bjóða upp á golfnámskeið á Hvítasunnudag, 23. maí, á Kiðjabergsvelli. Skráning á fer fram á gdan.pgagolf@gmail.com eða í síma 844-3455.

Formleg opnun vallar

Wed, 19 May 2021 21:35:57 GMT

Opnun Kiðjabergsvallar

Frá og með föstudeginum 21. maí opnar Kiðjabergsvöllur fyrir almenning. Einnig verður notkun golfbíla leyfð frá þeim degi. Völlurinn er enn mjög viðkvæmur og því biðjum við meðlimi að takmarka notkun golfbíla ef það er mögulegt.

Við viljum biðjum alla sem ætla að fara um völlinn á golfbílum að fara mjög varlega og alls ekki fara nær flötum en sem nemur 15 metrum. Einnig að keyra í röffinu þar sem þess er nokkur kostur.

Ef vandræði skapast með völlinn þá áskiljum við okkur að banna notkun golfbíla þar til ástandið batnar. Það er því afar mikilvægt að allir sýni mikla tillitssemi við völlinn.

Enn er þó nokkuð frost í vellinum, svo hann er enn mjög hólóttur á mörgum stöðum.

Búið er að valta flest svæði, en þau ganga illa niður þegar enn er frost sem og að jarðvegurinn er mjög þurr.

Við munum halda áfram að valta hann næstu daga til að vinna á frostlyftingunum, en búast má við að frost verði í honum eitthvað áfram.

Grand Open

Tue, 18 May 2021 11:30:20 GMT

Grand Open um helgina!

Grand Open fer fram á Kiðjabergsvelli laugardaginn 22. maí og er þetta jafnframt fyrsta mót sumarsins.

Leikfyrirkomulag er Betri bolti, tveir saman í liði. Hámarks leikforgjöf karla er 24 og kvenna 28.

Karlar sem verða 70 ára á árinu, og eldri spila frá rauðum teig, en leikmenn geta að sjáfsögðu beðið um undaþágu frá því, með því að skrifa það í skilaboð til gkb. Skráning fer fram á www.golf.is

Verðlaun fyrir 3 efstu sætin:

1. Gjafabréf frá Húsasmiðjunni

2. Gjafabréf frá Húsasmiðjunni

3. Gjafabréf frá Húsasmiðjunni.

Nándarverðlaun eru á öllum par 3 holum og koma verðlaunin frá Ölgerðinni.

Ekki er enn hægt að velja rástíma í mótum þar sem um er að ræða lið.

Því er nauðsynlegt að skrá sig á ákveðinn hátt, til að tryggja að allir fái ósk sína uppfyllta.

1) Skrá nafn liðsins

2) Skrá félaga í liðinu með félagsnúmeri (GKB meðlimir munið 57-xxx)

3) Velja hvort þið viljið ræsingu snemma eða seint

4) Skrifa skilaboð um með hverjum þið viljið spilaþ

Hægt verður að fá humarsúpu í skálanum að leik loknum á 2500 kr.

Opið fyrir félaga

Thu, 06 May 2021 20:22:10 GMT

Opnun 18-holur og Vinnudagur

Frá og með laugardeginum 8. maí verða allar holur (green) Kiðjabergsvallar opnar fyrir félagsmenn. Enn er ekki leyfilegt að nota golfbíla, þar sem jarðvegurinn hefur ekki enn náð sér að fullu eftir veturinn.

Einnig verður völlurinn ekki opnaður fyrr en kl. 10:30 vegna næturfrost og kulda.

Vinnudagur GKB og Lóðafélagsins

Laugardaginn 15. maí verður hinn árlegi vinnudagur Lóðafélagsins og GKB. Mæting er kl. 9:30 í skemmunni þar sem störf verða mönnuð. Þegar líður að hádegi er boðið upp á pylsur og gos í skálanum.

Munið þó að það eru enn í gildi ýmsar reglur vegna Covid-19 og við munum að sjálfsögðu fara eftir þeim.

Við höfum talsvert af verkfærum, en þó væri gott ef nokkrir hefðu með sér trjáklippur.

- Stjórn GKB

Opnum 9 holur

Sat, 01 May 2021 11:40:05 GMT

Opið inn á seinni níu!

Kæru klúbbfélagar. Frá og með 1. maí opnum við fyrir umferð á seinni 9 holur holur vallarins og eingöngu fyrir félagsmenn. Við viljum biðja ykkur að hafa í huga að enn er mikill vetur í vellinum og mikið frost enn í jörðu. Því er umferð golfbíla stranglega bönnuð og verður það örugglega næstu 10 dagana hið minnsta.

Buið er að opna fyrir skráningu á golfboxinu frá klukkan 11 laugardag og sunnudag. Þetta er frá kl 11 vegna þess að spáð er næturfrosti í Kiðjaberginu um helgina. Stranglega bannað verður að hefja leik fyrir kl 11 þessa daga.

Biðjum ykkur að ganga vel um völlinn okkar og muna eftir flatargöfflunum, því flatirnar eru mjög mjúkar og viðkvæmar.

Mynd: Slegið af 10. teig.

Skráning hafin!

Mon, 26 Apr 2021 13:52:29 GMT

Skráning er hafin!

Skráning er hafin í 24 Open sem fram fer á Kiðjabergsvelli í júní. Mótið mun standa yfir í sólarhring, hægt að skrá sig í rástíma í 24 tíma. Byrjað verður að ræsa út keppendur kl. 14:00 föstudaginn 11. júní og ræst út til kl. 13:50 laugardaginn 12. júní.

Reiknað er með að þetta mót verði árlegur viðburður og spennandi kostur fyrir erlenda ferðamenn sem vilja upplifa að leika miðnæturgolf. „Við stefnum á að þetta mót verði sterkt aðdráttarafl fyrir íslenska sem og erlenda kylfinga í framtíðinni. Það er fátt sem jafnast á við að leika golf á þessum árstíma þegar dagsbirtan er til staðar allan sólarhringinn,“ segir Birkir Már Birkisson, framkvæmdastjóra Golfklúbbsins Kiðjabergs.

Skráning fer fram á www.golf.is

24 tíma mót

Thu, 22 Apr 2021 09:03:33 GMT

Fjölmennasta golfmót Íslandssögunnar

Stefnt er að því á Kiðjabergsvelli í sumar að halda fjölmennasta golfmót sem fram hefur farið hér á landi. Mótið mun standa yfir í sólarhring, þ.e.a.s. hægt að ræsa út í 24 tíma. Byrjað verður að ræsa út keppendur kl. 14:00 föstudaginn 11. júní og ræst út til kl. 13:50 laugardaginn 12. júní.

Reiknað er með að þetta mót verði árlegur viðburður og spennandi kostur fyrir erlenda ferðamenn sem vilja upplifa að leika miðnæturgolf. Ákveðið var að halda þetta mót viku fyrir jónsmessuna, svo það skarist ekki á við Arctic Open á Akureyri.

„Við stefnum á að þetta mót verði sterkt aðdráttarafl fyrir íslenska sem og erlenda kylfinga í framtíðinni. Það er fátt sem jafnast á við að leika golf á þessum árstíma þegar dagsbirtan er til staðar allan sólarhringinn. Kiðjabergsvöllur er að margra mati eitt fallegasta vallarstæði landsins. Það er tilraunarinnar virði að fara af stað í þetta verkefni og við erum bjartsýn á að þetta gangi nú allt saman mjög vel,“ segir Birkir Már Birkisson, framkvæmdastjóra Golfklúbbsins Kiðjabergs.

Mótið heitir 24 Open og hægt að koma að 480 keppendum. Eftir því sem best er vitað væri það fjölmennasta golfmót allra tíma þar sem að keppendur eru ræstir út á einum sólahring eða rétt tæplega 24 tímum á einum og sama keppnisvellinum.

Keppnisfyrirkomulagið verður einstæklings punktakeppni með forgjöf og eru vegleg verðlaun í boði, meðal annars fimm glæsilegir ferðavinningar frá Icelandair.

Skráning í mótið hefst mánudaginn 26. apríl kl. 12:00 á golf.is.

Nýtt tæki fyrir GKB

Fri, 26 Feb 2021 10:49:06 GMT

Nýtt vinnutæki fyrir Kiðjabergsvöll

Golfklúbbur Kiðjabergs hefur fest kaup á dráttaravél af gerðinni TYM 433 og bætist hún í flóru fjölmargra vinnuvéla vallarins.. Það var Birkir Már Birgisson, framkvæmdarstjóri Golfklúbbs Kiðjabergs, sem fékk afheta vélina á dögunum og var þessi mynd tekin við það tækifæri.

Dráttarvélin var keypt hjá Vinnuvélum og Landbúnaði ehf.

Aðalfundur GKB

Sat, 13 Feb 2021 12:53:36 GMT

13 milljóna króna hagnaður hjá GKB

Afkoma Golfklúbbs Kiðjabergs hefur sjaldan eða aldrei verið betri en á síðasta starfsári, að því er fram kom á aðalfundinum um liðna helgi. Klúbburinn skilaði13 milljóna króna hagnaði og rúmlega 15 þúsund hringir voru spilaðir á vellinum síðasta sumar. Mikil framkvæmdagleði var á liðnu ári. Í lok starfsársins voru skráðir meðlimir Golfklúbbs Kiðjabergs 332 talsins, 204 karlar og 128 konur.

Aðalfundur GKB haldinn á golfskála klúbbsins í Kiðjabergi 6. febrúar 2021 kl. 13.00

Formaður GKB Börkur Arnviðarson setti fundinn, sem var vel sóttur ( rétt 40 manns í tveimur hólfum samkvæmt reglum um sóttvarnir ) og bauð fundarmenn velkomna. Hann lagði til við fundinn að Hjörleifur B. Kvaran yrði fundarstjóri og Jónas Kristinsson fundarritari. Ekki voru gerðar athugasemdir við þær tilnefningar.

1. Fundarstjóri tók við stjórn fundarins og lýsti hann löglegan. Fyrsta mál á dagskrá var lestur fundargerðar aðalfundar frá fundi í desember 2019

2. Ritari stjórnar las fundargerð aðalfundar sem haldinn var 7. desember 2019. Fundargerð samþykkt.

3. Skýrsla stjórnar fyrir starfsárið 2020

Formaður gerði grein fyrir störfum stjórnar og klúbbsins á starfsárinu, sem var eitt

það besta í sögu GKB. Tekjur og afkoma með besta móti. Veturinn var vellinum

hliðhollur og kom hann vel undan vetri.

Góðir félagar. 2020 er rekstrarlega eitt besta ár í sögu Golfklúbbs Kiðjabergs, gott

golfveður var í allt sumar, völlurinn í mjög góðu ástandi og mikið spilað. Tekjurnar góðar

og afkoman með besta móti. Í lok starfsársins voru skráðir meðlimir Golfklúbbs

Kiðjabergs als 332, 204 karlar og 128 konur.

Stjórn klúbbsins var þannig skipuð, Börkur Arnviðarson formaður, Brynhildur

Sigursteinsdóttir gjaldkeri, Jónas Kristinsson ritari, Gunnar Þorláksson og Magnús Þór

Haraldsson meðstjórnendur, Ágúst Friðgeirsson og Jens Magnús Magnússon varamenn

sem tóku fullan þátt í öllum störfum stjórnar.

Á starfsárinu hafa látist þrír núverandi og fyrrverandi félagar í Golfklúbbi Kiðjabergs það eru ;

- Gunnar Sigurðsson sem lést 14. desember 2019,

- Ástþór Runólfsson, einn af stofnfélögum okkar, lést 2. febrúar,

- og Guðrún Halldórsdóttir sem lést 15. júní.

Vil ég biðja fundargesti um minnast þeirra með því að rísa úr sætum.

Völlurinn kom mjög vel undan vetri og vorum við að mestu laus við vandamál vegna kals. Vinnudagur var í samstarfi við Lóðarfélagið laugardaginn 16 maí og var framúrskarandi þátttaka, en nær liggur að um 100 manns hafi tekið þátt, þannig að það lætur nærri að þriðji hver félagsmaður hafi látið til sín taka. Með þennan öfluga flokk var ýmsu komið í verk, og meðal verkefna var; stígar rakaðir, tré snyrt, glerskilti hreinsuð og pússuð, rólur málaðar, gömlu bekkirnir sem voru í ræsishúsinu pússaðir og borið á þá, borið á stóru auglýsingaskiltin á teigunum, lagað til niður við skemmu, lagað til í áhaldahúsi, rusl týnt meðfram vegum, klárað að fylla í skurð þar sem rafmagn var lagt fyrir golfbíla, hrífur og lengdarmælingar merki máluð, steypt fyrir nýju skilti á 11., klósettaðstaða á tjaldsvæði þrifin og nýja vélaskemman ulluð. Að lokum var flaggað við

skála og upp við þjóðveg og svo var boðið uppá pylsur á eftir í skálanum. Klúbburinn þakkar öllum þessa frábæru þátttöku.

Á vormánuðum fengum við til liðs við okkur gamla vallarstjórann okkar, Birki Má Birgisson sem starfaði hjá okkur sem framkvæmdastjóri. Vallarstjórinn frá í fyrra, Bill Hiero, hóf störf hjá okkur á vormánuðum, ásamt 1 breskum aðstoðarmanni en vegna farsóttar þá hugðist þeim ekki að einangra sig hér á landi þannig að þeir yfirgáfu okkur. Þá tókst okkur að næla í annan af okkar gömlu vallarstjórum, hann Stein Ólafsson, þannig

að áður í sögu vallarins höfum við varla búið að jafn mikilli reynslu og þekkingu við hirðingu og framkvæmdir á vellinum. Það hefur heldur ekki farið á milli mála að þessir vinnuþjarkar báðir hafa séð til þess að völlurinn í ár var í yfirburða góðu ástandi. Þar að auki komu 4 manns að daglegri hirðu vallarins í sumar, og eins og á liðnum árum þá nutum við aðstoðar hóps krakka á vegum Landsvirkjunar, og þökkum við þeim öllum

innilega fyrir frábært starf. Birkir mun halda áfram hjá okkur og unnið er að því að ráða mann honum til aðstoðar við vallarstarfið.

Reyst hefur verið ný vélaskemmu sem kemur sér vel til að tryggja góða aðstöðu til geymslu á tækjum okkar og golfbílum. Í sumar var nýja skemman kláruð, hurð var sett upp, skemman var einangruð og klædd, máluð og ljós sett upp.

Golfskálinn var málaður að innan og sett upp ný gluggatjöld. Skipt var um nokkur tæki í eldhúsi, fúguviðgerðir á útveggjum suðurhliðar og gluggar yfirfarnir og lagaðir. Stefnt er að því að taka inn hitaveitu. Ræsiskúrinn var yfirfarinn og skipt var um þakkant hann málaður.

Á haustmánuðum var ráðist í miklar framkvæmdir við völlinn, þar sem fjölmargir félagar klúbbsins mættu til starfa og undir stjórn starfsmanna klúbbsins áorkuðu ótrúlega miklu, sem við komum til með að njóta góðs af næsta sumar og langt inní framtíðina. Gríðarleg vinna fór í stíga þar sem keyrt var í þá meira og betra efni, þeir sléttaðir og reynt að minnka brekkur í þeim. Eins voru þeir margir breikkaðir þar sem þess var þörf . Báðar brýrnar yfir lækinn, á 2. og 9. voru lagaðar. Steypt var plata á æfingarsvæðið, og þar verða 12 gervigrasmottur næsta sumar. Gerð voru 2 klósett úti á velli með rotþró og rennandi vatni. Steypt var í kringum skálann og eins var lögð ný plata undir útleigubílana okkar, og svo var bílaplanið mulið og heflað.

Stór hópur manna og kvenna kom að þessum framkvæmdum og grófleg samantekt á fjölda tíma sem inntir voru af hendi skipta þúsundum. Þetta svarar því í raun til fjölmargra vinnumánaða og með því að brjóta höfuðið yfir hverjir þetta voru, að sjálfsögðu að viðbættum starfsmönnum okkar, þá hafa komið fram um 20 nöfn. Hér í stafrófsröð: Árni Jóhannesson, Árni Sveinbjörnsson, Bergur Sandholt, Birkir Birgisson, Gunnar Dagbjartsson, Gunnar Þorláksson, Jóhann Steinsson, Jón Bjargmundsson, Jónas Kristinnson, Magnús Haraldsson, Ottó Þormar, Pétur Guðmundsson, Pétur Haraldsson, Rannveig Raymondsdóttir, Skúli Hróbjartsson, Stefán Aðalsteinsson, Steinn Ólafsson, Sveinn Ottósson, Tryggvi Valdimarsson, Þórhalli

Einarsson.

Frá upphafi var vitað að þetta sumar yrði um margt öðruvísi, því GSÍ innleiddi GolfBox og nýtt forgjafakerfi. Hvortveggja þurfti að tyggja aðeins áður en það gekk niður, en miðað við umfangið á því sem ráðist var í þá er það skoðum flestra að um framfarir hafi verið að ræða. Varðandi ýmis atriði varðandi stjórnun á starfsemi klúbbsins hefur alla vega verið stigið mjög þarft skref inn í framtíðina. Engan grunaði þó að það yrði einn af minnstu lífverum jarðarinnar sem myndi koma til með að hafa aðalhlutverkið. Í upphafi voru settar miklar skorður á golfiðkun vegna Covid, en það var fljótlega slakað þónokkuð á þeim, þannig að segja má að langt framá haustið þá var okkur kleift að spila golf og halda uppi nokkuð eðlilegu félagsstarfi. Þar sem skipt var um skráningarkerfi á GOLF.IS þá er ekki alveg öruggt að bera saman tölur yfir spilaða hringi, en varlega áætlað var um 30-40% aukning í fjölda spilaðra hringja í 2020 miðað við 2019, eða sem svarar til liðlega 15,000 hringi, sem trúlega er nálægt hámarksfjölda hringja á Kiðjabergsvelli, nema ef veruleg aukning verði á spili á virkum dögum. Oft er það veður sem hefur mikið að segja um þetta, í ár var veðrið mjög gott, en trúlega hefur Faraldurinn haft mikið að segja í ár, þar sem fólk fór ekki í golfferðir erlendis eins og fyrri árin, og spilaði því á heimavelli í meira mæli. Enda er áætlað að rúmlega 50% fleiri gestaspilarar hafi leikið völlinn í ár en í fyrra.

Klúbburinn fór í það að yngja upp og auka við flota golfbíla sem eru til leigu hjá okkur, með því að fjárfesta í 5 rafmagnsbílum, og kom það sér vel því fleiri sóttu völlinn okkar heim. Við þessi kaup nutum við sérlega góðrar aðstoðar Bílaleigu Akureyrar og eiga þeir kærar þakkir fyrir það. Áætlað er að rúmlega 60% fleiri útleigur á golfbílum hafi verið í ár. Það er ætlun Stjórnarinnar að halda þessari yngingu bílaflotans áfram í framtíðinni, og stefnt er að því að við ráðum yfir um það bil 20 bílum í framtíðinni þar sem flestir þeirra

verða rafdrifnir. Í þessu sambandi er vert að koma því að hér, að Guðni Björnsson hefur veitt okkur ómetanleg hjálp við að halda bensínbíla-flota okkar gangandi, þar sem margir bílanna eru komnir til ára sinna. Guðni er okkar maður þegar kemur að viðhaldi á tækjum okkar hvort sem það eru sláttuvélar eða golfbílar, stórt verkefni sem unnið hefur verið af mikilli fórnfýsi, kærar þakkir fyrir það Guðni.

Fjárhagsleg afkoma klúbbsins var mjög viðunandi, eins og fram kemur í Ársreikningum ársins. Tekjur voru um 63 miljónir, sem er um 14% aukning frá fyrra ári, en útgjöld voru um 50 miljónir, sem er um 25% aukning frá 2019. Á tekjuhliðinni voru vallargjöld sá liður sem hækkaði mest, en mestur samdráttur var í tekjum af mótahaldi sem drógust saman um 40%.

Af útgjöldum hækkaði launakostnaður og viðhald vallar mest. Varðandi launakostnað var við því búist þar sem við í fyrsta skipti í mörg ár höfðum framkvæmdastjóra á launum. Það hefur komið klúbbnum mjög vel að þessi vinna hefur verið innt af hendi í ólaunuðu starfi um árabil, og hefur það verið stór þáttur í því að gera fjárhagsstöðu okkar eins góða í dag og raun er. Þórhalli á því skilið okkar bestu þakkir fyrir það, og vill ég svo líka benda á að hann er enn í dag betri en enginn, og hefur í ár unnið ómetanlegt starf á bakvið tjöldin.

Í upphafi og frameftir sumri bauðst okkur aðstoð við að ryðhreinsa, smyrja og bæta allar tæknihliðar golfsins því "Strákarnir hans Snorra" stóðu fyrir 4 golfæfingadögum, okkur að kostnaðarlausu, þar sem tekið var fyrir Pútt, Vipp og sandur, Járnahögg og svo Driver og brautartré. Allar þessar æfingar voru mjög vel sóttar og voru þátttakendur mjög ánægðir. Þetta var kærkomin nýung og við vonumst til að þetta frábæra framtak verði endurtekið í sumar.

Mótanefnd stóð sig með ágætum að venju og hélt utanum mót sumarsins. Á Kiðjabergsvelli voru haldin als 25 mót í sumar, þar af voru mót á vegum GKB 7 talsins, 3 kvennamót voru haldin og svo fóru fram 15 mót á vegum utanaðkomandi aðila, en fólk á vegum GKB kemur þar við sögu að mismunandi marki. Als eru skráðir 1.725 leikmenn í hinum ýmsu mótum sumarsins.

Meistaramót GKB var haldið dagana 15 til 18 júlí. Akkúrat þessa daga sýndi veðrið á sér hið versta snið með miklu hvassviðri, þ.a. aflýsa þurft öllum leikdögum nema þeim síðasta, þannig að einungis var spiluð 1 umferð í öllum flokkum nema meistaraflokki karla, sem spilaði 2 hringi á lokadeginum. Klúbbmeistarar Golfklúbbs Kiðjabergs 2020 voru krýndir Sturla Ómarsson í meistaraflokki karla og Brynhildur Sigursteinsdóttir í

meistaraflokki kvenna. Alls voru þátttakendur í mótinu 84 og leikið var í 10 flokkum.

Að venju var umfangsmikið starf á vegum kvennanefndarinnar í ár, meðal annars spil eftir vinnu á föstudögum og ýmis mót. Gert verður betur grein fyrir þessu seinna á Aðalfundinum. Þetta frábæra starf sem farið hefur vaxandi í gegnum árin er nú orðið það umfangríkt og blómstrandi að þetta er orðin alvarleg áskorun til karla um að taka sig saman:-)

Að venju skráði GKB 3 flokka til leiks í Íslandsmóti Golfklúbba, þar sem meistaraflokkur lék í 2. deild karla, Kvennasveit eldri kylfinga spilaði í 2 deild, og Karlasveit eldri kylfinga spilaði í 2 deild. Meistaraflokkur karla spilaði á Akranesi og varði sæti sitt í deildinni. Kvennasveitin spilaði í Vestmannaeyjum og lenti í 2. sæti efir tap fyrir heimakonum. Ekki tókst að manna Karlasveit eldri kylfinga í ár, og urðum við því miður að afboða okkur í mótið, sem þýðir að sveitin þarf að leika í 3. deild að ári.

Sem fyrr þá eru margir aðilar sem koma okkur til aðstoðar á ýmsan hátt. Þetta eru hinir ýmsu styrktaraðilar sem oft, án þess að fá mikið annað en ánægjuna í sinn hlut, veita okkur ómetanlega aðstoð. Helstu styrktaraðilar eru Ölgerðin, TWG-ZIMSEN, TENGI, ÞG-verktakar, BYKO, Nesexpresso, Hagi-Hilti, Parki, BYGG, Höldur, Verkfærasalan, Bakarameistarinn, NOVA, BS-eignir, BM-Vallá, Húsasmiðjan, Olís, Íslandsbanki, Garri,

ÁF- hús og Klakkur. Ég vil biðja alla félagsmenn að hafa þessa aðila í huga ef tækifæri er á að nýta sér þjónustu þeirra á einhvern hátt.

Eins og áður sá Rakel Kaffi-Kið um veitingarekstur, stóð sig með miklum ágætum eins og áður. Og erum við mjög ánægð með að hún ætlar að halda áfram með okkur og standa vaktina í skálanum í sumar.

Að lokum vill ég draga saman mína upplifun á þessu golfári, og það er ekki svo mikið það sem fram fór á okkar yfirburða góða golfvelli, sem mér eru efst í huga, heldur öll sú frábæra þátttaka félagsmanna "utan golfvallar", svo sem frábær vinnudagur, golfæfingar að ógleymdum allri þeirri vinnu sem innt hefur verið af hendi við endurbætur og viðhald. Ég held að öllu er á botninn hvolft þá er það þetta sem skilgreinir Golfklúbb Kiðjabergs og gerir okkur að þeim falda eðalsteini sem við erum, nokkuð sem hvað best sést hér í skálanum og á pallinum á góðum stundum. Yfir þessu getum við öll verið stolt, því þetta er sannanlega framtak félagsmanna. Að endingu vill ég svo óska öllum gleðilegs golfsumars, með von um að óværan komi ekki til með að hemja okkur í golfinu í sumar.
Fyrir hönd stjórnar, Börkur Arnviðarson

5. Endurskoðaðir reikningar lagðir fram

Brynhildur Sigursteinsdóttir gjaldkeri stjórnar las yfir ársreikning 1/11 2019 - 31/10 2020

Hagnaður Golfklúbbs Kiðjabergs fyrir starfsárið 13 .395.479.- Samkvæmt efnahagsreikningi nema eignir félagsins kr. 66.521.608

Reikningar og skýrsla stjórnar samþykktir.

6. Lagabreytingar

Stjórn klúbbsins með dyggri aðstoð Hjórleifs B. Kvaran lagði fram nokkrar breytingar á lögum félagsins.

Lög Golfklúbbs Kiðjabergs

01. grein Félagið heitir Golfklúbbur Kiðjabergs, skammstafað G.K.B. Klúbburinn er aðili að Golfsambandi Íslands, skammstafað G.S.Í.

02. grein Markmið klúbbsins er rekstur golfvallar í landi Kiðjabergs í Grímsnesi, kynning á golfíþróttinni og iðkun hennar. Eigandi jarðarinnar Kiðjaberg er Kiðjaberg ehf og verður gerður samningur á milli

aðila um afnot golfmannvirkja.

03. grein Klúbburinn er öllum opinn og skal sækja skriflega um inngöngu til stjórnar klúbbsins. Inntaka nýrra félaga er háð samþykki stjórnar. Úrsögn er bundin við áramót og berist hún skriflega fyrir lok desembermánaðar.

04. grein Reiknisár klúbbsins er frá 1. nóvember til 31. október.

05. grein Stjórn Golfklúbbs Kiðjabergs skipa fimm félagsmenn og tveir til vara. Stjórnin skal kosin á aðalfundi. Formann stjórnar skal kjósa sérstaklega til eins árs í senn. Aðalfundur kýs árlega tvo menn í aðalstjórn og einn í varastjórn til tveggja ára í senn.

Stjórnin ákveður verkaskiptingu sína á fyrsta stjórnarfundi eftir aðalfund.

Fundargerðir skulu haldnar um fundarstörf stjórnar.

Ársreikningar félagsins skulu endurskoðaðir af tveim skoðunarmönnum sem kosnir eru á aðalfundi félagsins til eins árs í senn.

06. grein Stjórn klúbbsins hefur yfirumsjón með framkvæmdum á golfvellinum og rekstri hans. Hún skipuleggur sumarstarfið og mótahald og stjórnar því. Stjórnin gerir tillögur til aðalfundar klúbbsins um félagsgjöld. Aðalfund skal halda eigi síðar en 31. desember ár hvert og nægir að boða til fundarins á vefsíðunni golf.is heimasíðu Golfklúbbs Kiðjabergs gkb.is. og jafnframt með tölvupóst á félagsmenn samkvæmt netfangaskrá á golf.is. Aðalfund skal boða með a.m.k. 14 daga fyrirvara. Aðalfundur er löglegur ef löglega er til hans boðað.

Á aðalfundi skulu tekin fyrir eftirfarandi mál:

1. Fundarstjóri og fundarritari kosnir.

2. Skýrsla stjórnar um störf og framkvæmdir á liðnu starfsári.

3. Endurskoðaðir reikningar lagðir fram.

4. Umræða um skýrslu stjórnar og reikninga klúbbsins.

5. Lagabreytingar kynntar og teknar til afgreiðslu.

6. Tilaga stjórnar um félagsgjöld lögð fram.

7. Kosning stjórnarmanna og skoðunarmanna samkvæmt samþykktum lögum

klúbbsins.

8. Önnur mál.

Fundargerð aðalfundar skal birt á heimasíðu félagsins innan hálfs mánaðar frá fundi.

Til almenns félagsfundar boðar stjórn ef henni þykir þurfa, eða ef minnst 10

félagsmenn leggja fram skriflega kröfu þar um. Boða skal til fundarins með sama

hætti og boðað er til aðalfundar.

07. grein Atkvæðarétt á aðalfundi og almennum félagsfundi hafa allir skuldlausir og viðstaddir félagar, 16 ára og eldri. Afl atkvæða ræður nema annars sé getið í lögum þessum.

08. grein Við golfleik skal fara eftir St. Andrews golfreglum eins og þær eru hverju sinni og þeim reglum sem Golfsamband Íslands setur um íþróttina. Stjórn klúbbsins getur sett staðarreglur um leikinn, um umferð og umgengni um golfvöllinn og golfskála og er leikmönnum skylt að hlíta þeim.

09. grein Lögum þessum verður aðeins breytt á aðalfundi klúbbsins og þarf 2/3 hluta greiddra atkvæða til.

Tillögur til breytinga á lögum skulu hafa borist stjórninni eigi síðar en 30 dögum fyrir aðalfund og skal þeirra getið í fundarboði.

10. grein Komi fram tillaga undirrituð af a.m.k. 15% skuldlausra félaga um að klúbburinn hætti störfum, skal hún tekin fyrir á lögmætum fundi sem stjórnin boðar til með sama hætti og um aðalfund væri að ræða.

Fundurinn er ályktunarhæfur ef minnst helmingur félagsmanna sækir fundinn og tillagan fær gildi ef minnst 2/3 fundarmanna samþykkja hana. Sé þátttaka ekki næg skal boða til nýs fundar innan þriggja vikna og er hann ályktunarhæfur sé löglega til hans boðað án tillits til fundarsóknar.

11. grein Lög þessi öðlast þegar gildi.

Samþykkt samhljóða

7. Félagsgjöld

Formaður lagði fram tillögu stjórnar að breytingum og hækkun félagsgjalda fyrir árið 2021. Lagt er til að almenn hækkun verði u.þ.b. 3,5%. Þessi hækkun er nokkuð svipuð og verið hefur síðustu 3 ár (3.1% til 4.3%).

Lagt er til að breyta gjaldskránni þannig að Félagsgjald verði sett sem 50% af Hjónagjaldi sem við höfum verið með um árabil. Ástæðan fyrir þessari tillögu er einföldun á gjaldskrá, til að auðvelda vinnslu. Einstaklingar munu við þetta greiða aðeins lægra gjald en í 2020 og Einstaklingar 70+ munu aðeins hækka um 500 kr Þetta mun hafa lítil áhrif á álögð félagsgjöld þar sem fjöldi einstaklinga í klúbbnum er ekki hár. Áætlað er að þessi áhrif, miðað við halda óbreyttri gjaldskrá, sé lækkun um minna en 1% á innheimtum

félagsgjöldum. Félagsmenn greiða jafnframt kr 7.500 per mann sem inneign í veitingarsölu.

Eftirfarandi tillaga að félagsgjöldum fyrir árið 2021

Félagsgjald 82..500 kr.

Fjölskyldugjald 5.000

Félagsgjald 70 og eldri 72.500

Barn/Unglingur til og með. 25 ár aldri 29.000

Námsmaður 45.000

Golfbílagjald 21.000

Fjargjald 31.000

Inneign í skála 7.500

Búsettur Erlendis 31.000

Samþykkt samhljóða

8. Kosning stjórnar.

Formaður: Börkur Arnviðarson

Meðstjórnendur til tveggja ára: Gunnar Þorláksson og Brynhildur Sigursteinsdóttir

Varamenn í stjórn: Jens Magnús Magnússon og Ágúst Friðgeirsson

Skoðunarmenn: Gunnar Dagbjartsson og Jenetta Bárðardóttir

Samþykkt með lófarklappi fundarmanna.

Fyrir í stjórn eru: Magnús Haraldsson og Jónas Kristinsson.

9. Skýrsla kvennanefndar

Guðrún S Eyjólfsdóttir fór yfir starfsemi kvennanefndar á árinu 2020.

Kvennanefnd GKB – samantekt um starfið 2020.

"Góðan daginn ágætu fundargestir.

Kvennastarfið var mjög blómlegt í ár þrátt fyrir ýmsar takmarkanir út af sotlu... Starfið hófst með föstudagsgolfi 29. maí en spilað var föstudagsgolf 10 föstudaga – 9 holur og tóku alls 33 konur þátt sem er svipaður fjöldi og 2019. Að leik loknum settist meginþorri þátttakenda að snæðingi í skála...

Kvennamót:

Á mótaskrá voru 4 kvennamót s.l. sumar en þrjú urðu að veruleika sem öll voru mjög vel sótt.

Fyrsta mótið var Vinkvennamót GKG-GKB var nú haldið í þriðja sinn 7. júní og var þátttaka jafngóð og 2019. Alls luku 84 konur leik í blíðskaparveðri, en ræst var út af öllum teigum og var gott “rennsli” á vellinum þrátt fyrir mikinn fjölda. Það er ljóst að þetta mót er komið til að vera. Vinningar voru glæsilegir vinningar að mestu í boði Taramar sem styrkir sérstaklega starf GKG.

Til stóð að bikarkeppni GKB og Öndverðaness færi fram í Kiðjabergi sunnudaginn 14. j úní. Þar sem stefndi í mjög slaka þátttöku var ákveðið að fresta mótinu þar til síðar um sumarið en hlutir æxluðust þannig að af mótinu varð ekki en gerum ráð fyrir að það verði í júní n.k.

Opna Kerastase mótið

Þann 19. júli var haldið opið kvennamót sem fyrr í júlí og þátttaka svipuð og 2019 en 65 konur víða að luku leik.

Um var að ræða nýjan styrktaraðila sem lagði til einkar glæsileg teiggjafir og verðlaun.

Pilsaþytur

Föstudaginn 31. júlí var Pilsaþytur glæsilegt mót sem er kostað af Byggingafélagi Gunnars og Gylfa, Bygg! Að þessu sinni mættu 24 lið í þokkalegasta veðri. Það var mikið fjör – mikið gaman. ið kunnum Byggu miklar þakkir fyrir höfðinglegan stuðning og glæsilegt mót. Sannkallað gleðimót sem vonandi er komið til að vera!

Lokahóf.

Þann 11. september var haldið lokahóf/uppskeruhátíð kvennagolfsins þar sem sumarið var gert upp og veittar viðurkenningar fyrir ástundun og fleira. Alls mættu um 30 konur. Birkir okkar kom á fundinn og upplýsti um yfirstandandi framkvæmdir og það helsta sem væri á döfinni hjá klúbbnum Var gerður góður rómur að og mikið spurt og spjallað.

Niðurlag

Kvennanefndin er mjög samhent en í henni voru auk mín: Stella Hafsteins, Sigurlaug Guðmunds “Silla” og Sigrún Ragnarsd og vil ég nota tækifærið og þakka þeim gott samstarf. Stella hefur nú yfirgefið nefndina og á hún miklar þakkir skyldar fyrir sitt framlag síðustu árin. Nýjar í nefndinni 2021 eru Áslaug Sigurðardóttir og Anna Kristín Einarsdóttir, góður liðsauki.

Við viljum þakka stjórn klúbbsins framkvæmdastjóra fyrir góðan stuðning við starfið. Næsta golfár stefnum við að því að gera meira af því sama og hugsanlega verða einhver nýmæli, kemur í ljós. Vonandi verður veður eins gott og s.l. sumar og því mikið spilað á okkar glæsilega velli.

Takk fyrirþ

10. Önnur mál

Birkir framkvæmdastjóri GKB fór yfir helstu verkefni sem verið hafa í gangi frá haustinu. Mikil framkvæmdagleði og fjölmargir sem aðstoðuðu við fjölbreytt verkefni s.s. byggingu tveggja salerna á vallarsvæði, jarð- og steypuvinnu við æfingasvæði og klúbbhús sem og nýjum steyptum palli fyrir golfbíla í eigu klúbbsins. Einnig lagfæringar á bílastæðum og endurbætur á stæðum við teiga á golfvellinum.

Sérstakar þakkir fær Þórhalli sem og þeir fjölmörgu sjálfboðaliða sem komu að verkefnunum. Vinna sjálfboðaliða er ómetanleg og gera má ráð fyrir því að rúmlega 2.500 vinnustundir hafi verið unnar af þeim.

Skýrsla Birkis

Til að renna snögglega yfir framkvæmdir sem gerðar voru sumarið 2020 er helst þetta. Golfskáli málaður að innan að hluta og settar upp nýjar gardínur. Skúr við 18 flöt lagaður og málaður upp á nýtt. Unnið af krökkunum hjá Landsvirkjun. Fengum þennan hóp til okkar í um það bil 2 vikur 5 krakka í senn. Steinahreinsuðum glompur vallarins og bættum um það bil 30 m3 af sandi. Býst við að við getum fengið

þennan hóp til okkar næstu sumur. Áttum allavegana mjög góð samskipti við Landsvirkjun. Nýja skemman kláruð, ulluð og klædd, máluð og svo rafmagn sett upp í henni (gert af sjálfboðaliðum fyrir utan rafmagnið). Kaffistofa starfsmanna í skemmunni tekin í gegn settir upp nýjir skápar undir leirtau og starfsmannaskápar keyptir og settir upp.

Í haust var svo ráðist í eftirfarandi:

Steypt 36m plata á æfingarsvæðið. Þar snæsta sumar verða 12 mottur sem hægt verður að slá af. Eins er í pöntun ný boltavél sem tekur fleiri bolta, eins er hún með posakerfi svo hún verður opin allan sólarhringinn.

Sett voru upp 2 klósett úti á velli sem nýtast eins og 4. Þau eru staðsett við 12 og 16 teiginn og á leið upp á 4 teig fyrir aftan 8 teiginn gula. Þau voru smíðuð inni í skemmunni okkar af sjálfboðaliðum.

Hellur og steinaveggur þar sem golfbílarnir voru var tekinn niður og steypt plata þar. Þar munu næsta sumar verða 22 bílar í leigu. Við erum að fá 10 nýja rafmagnsbíla svo þeir verða þá 15 rafmagns og 7 bensín bílar.

Hellur sem voru fyrir framan skála voru teknar upp og steypt plata í staðinn. Eins nær hún upp fyrir að norðan verðu, þar sem einnig verður sett lítið þvottarplan. Í alla þessa steypuvinnu fóru um 53 rúmmetrar. Þar skal tekið fram að þetta var að mestu gert í sjálfboðavinnu.

Svo var það aðalmálið!!!!!! Stígarnir. Byrjað var að klára nokkra stígenda og sett svona pera í endann á þeim svo álag myndi dreifast betur. Brýr á 2. og 9. voru hækkaðar og lagaðar. Smá vinna er eftir á 2 braut. Keyrt var í flesta stíga betra efni. Reynt var að minnka brekkur þar sem það var mögulegt. Eins voru nokkrir breikkaðir þar sem þess var þörf.

Eins voru búnir til nokkrir nýir stígar. Má þar helst nefna frá brúnni á 9. fram hjá rauða teignum og inn að braut. Stígar við 11. teigana bæði gula og rauða, nýr stígur frá 13 flöt að 14 teignum sem og meðfram 17 teig .

Svo voru langflestir stígar lagaðir. Lauslega reiknað um 2,5 km. Í þetta fóru um 900 m3 í heildina með undirlagi undir steypuna.

Það má áætla að tímastundir sjálfboðaliða í sumar séu í kringum 2.500 klukkustundir.(fyrir utan vinnudag).

Því má nefna hér í restina að það er mikil vinna enn eftir til að klára þetta, svo gott væri að fá hjálp í vor frá ykkur aftur. Mig langar að að þakka öllum kærlega fyrir hjálpina í sumar og haust. Hef unnið á mörgum golfvöllum yfir ævina og aldrei hef ég orðið vitni af öðrum eins framkvæmdum á einu hausti. Þetta var hrikalega gaman að vera úti á velli að vinna og yfirleytt á þessum árstíma er 1 starfsmaður en oft í sumar voru 4-10 karlar nánast í fullri vinnu hjá okkur.

Langar að þakka stjórn klúbbsins, formanni, formanni vallarnefndar sem ég er í mestum samskiptum við. Einnig langar mig að þakka Þórhalla sem ég held að viti ekki ennþá að hann hafi hætt hjá klúbbnum á síðasta ári. Hann er allavegana búinn að vinna nánast jafn mikið og ég. Eins Guðnýju konunni hans fyrir að hafa boðið mér í kaffi og vöfflur þegar það var unnið frameftir.

Kveðja Birkir Már

Félagsfatnaður
Stella Hafsteins kynnti til sögunnar nýtt og glæsilegt útlit á félagsfatnaði. Jakkar, húfur, peysur, bolir og buxur standa nú félagsmönnum til boða að kaupa á góðu verði. Þeir sem ætlað að næla sér í sérmerktan fatnað geta mátað og pantað í Golfskálanum Bíldshöfða 16. Pantanir eru teknar til 15. mars 2021. Einungis hefur verið pantað fyrir 170 manns þannig að um að gera að drífa sig á staðinn og panta.

Því næst þakkaði fundarsjóri Hjörleifur B Kvaran fyrir sig og óskaði nýkjörinni stjórn velfarnaðar og þakkaði vel sóttan fund.

Börkur sleit því næst fundinum með þeim orðum að s.l. 2 ár hefðu verið mjög góð og vonar að svo verði áfram. Hann hvetur jafnframt fundarmenn til þess að aðstoða við að fjölga meðlimum í klúbbnum

Fundi slitið kl 14.15.

Jónas Kristinsson, fundarritari.

Föt fyrir meðlimi GKB

Fri, 12 Feb 2021 18:49:52 GMT

Tilvalið að fata sig upp fyrir sumarið!

Verslunin Golfskálinn hefur nú til sölu fatnað sem sérstaklega er ætlaður félagsmönnum GKB. Þessi fatnaður, sem er frá Glenmuir og Alberto, var frumsýndur á aðalfundinum 6. febrúar s.l.

Félagar eru hvattir til að mæta í verslunina sem fyrst því það verður að vera búið að ganga frá pöntun fyrir 15. mars.

Verslunin Golfskálinn mun alfarið sjá um allt sem viðkemur fatnaðinum, mátun, merkingu og sölu. Það eina sem klúbbmeðlimir þurfum að gera er að mæta í verslununina og máta og panta það sem þeir ætla að kaupa.

Aðalfundur GKB

Sat, 23 Jan 2021 15:52:24 GMT

Aðalfundur GKB 6. febrúar

Aðalfundur Golfklúbbs Kiðjabergs verður haldinn 6. febrúar 2021., klukkan 13.00 í Golfskálanum Kiðjabergi. Vegna þess ástands sem er ríkjandi þá er í gildi fjöldatakmörkun þ.a. með því að taka báða sali í not þá er hægt að hafa 40 manns í sætum. Við viljum því benda fólki á að ef þess er kostur að þá mæti einungis einn meðlimur hverrar fjölskyldu.

Dagskrá samkvæmt lögum klúbbsins :

1. Fundarstjóri og fundarritari kosnir.

2. Fundargerð síðasta Aðalfundar lesin upp.

3. Skýrsla stjórnar um störf og framkvæmdir á liðnu starfsári.

4. Endurskoðaðir reikningar lagðir fram.

5. Umræða um skýrslu stjórnar og reikninga klúbbsins.

6. Lagabreytingar kynntar og teknar til afgreiðslu.

7. Tilaga stjórnar um félagsgjöld lögð fram.

8. Kosning stjórnarmanna og skoðunarmanna samkvæmt samþykktum lögum klúbbsins.

9. Skýrsla kvennanefndar.

10. Önnur mál.

Stjórn klúbbsins vill fara þess á leit að þeir sem hafi hug á að mæta sendi skilaboð þess efnis á GKB@gkb.is, þannig að hægt verði að gera sér grein fyrir því hvort grípa þurfi til frekari aðgerða til að hýsa fundargesti. Það er þó að sjálfsögðu ekki skilyrði fyrir mætingu að boða komu sína á fundinn, samkvæmt lögum klúbbsins er öllum meðlimum heimil þátttaka og stjórnin mun að sjálfsögðu gera sitt ýtrasta til að það verði hægt.

Stefnt er að því að upplýsingar varðandi dagskrárliði verði aðgengilegir meðlimum u.þ.b. viku fyrir fund.

Stjórn GKB

Fresta aðalfundi

Fri, 27 Nov 2020 15:53:20 GMT

Fresta aðalfundi fram yfir áramót

Að öllu eðlilegu væri nú stutt í að haldinn væri aðalfundur, en því miður þá er staðan þannig að sóttvarnarlög og reglugerðir gera það erfitt í framkvæmd, með stórum takmörkunum á gestum á samkomum.

Stjórn GKB hefur því tekið þá ákvörðun að fresta aðalfundi fram yfir áramót, í von um að ástandið breytist til hins betra.

Því miður er ekki hægt að ákveða dagsetningu núna, en við vonumst til að geta fundið tíma þar sem við hittumst sem flest á Kiðjabergi og förum yfir starfsárið.

Stjórn GKB

Lokun Kiðjabergsvallar

Sat, 31 Oct 2020 22:59:27 GMT

Loka þarf öllum golfvöllum landsins

Sóttvarnalæknir segir að óheimilt sé að stunda golf vegna útbreiðslu Covid-19. Hann segir að golf falli undir það ákvæði að allar æfingar og keppnir í íþróttum séu nú óheimilar. Samkvæmt þessu ber að loka golfvöllum landsins. Kiðjabergsvöllur verður því lokaður frá og með 1. nóvember 2020.

Í framhaldi af upplýsingafundi ríkisstjórnarinnar í gær, 30. október, þar sem tilkynnt var um hertar aðgerðir í sóttvörnum óskaði viðbragðshópur GSÍ eftir nánari útskýringum á því hvort 6. mgr. 5. gr. reglugerðarinnar eigi við um golfiðkun. Að mati hópsins er ekki nægur samhljómur á milli þess að segja annars vegar að íþróttir (þar með talið æfingar og keppni) utandyra án snertingar séu óheimilar og hins vegar leyfa „einstaklingsbundnar æfingar án snertingar, svo sem útihlaup eða sambærilega hreyfingu“.

Hér fyrir neðan má sjá svar Víðis og Þórólfs í heild sinni:

Sæl öll.

Varðandi túlkun á 6. Lið. 5.gr um takmarkanir á starfsemi vegna sérstakrar smithættu í reglugerð um takmarkanir á samkomum vegna farsóttar 1051/2020

Þar segir m.a. „Einstaklingsbundnar æfingar án snertingar eru heimilar, svo sem útihlaup og sambærileg hreyfing.“

Þetta er orðað með sama hætti í minnisblaði sóttvarnlæknis til heilbrigðisráðherra.

Hugsunin bakvið þetta er að einstaklingi sem vill hlaupa eða ganga utandyra sé það heimilt. Þetta var sett í minnisblaðið til að útskýra að ekki væri bannað að hreyfa sig almennt.

Framar í sömu málsgrein er lagt bann við öllum æfingum og keppni í íþróttum.

Nú ber svo við að í tengslum við einstaka íþróttir, t.d. golf, vilja menn túlka það sem svo að stunda sína íþrótt einn t.d. að spila golf einn falli undir undanþáguna um einstaklingsbundna æfingu.

Það teldist hins vegar skipulagt íþróttastarf að t.d. þurfa að skrá sig á rástíma eða spila golf með öðrum.

Það er ljóst að það var ekki hugsun sóttvarnalæknis í minnisblaðinu en líka skiljanlegt að hægt sé að túlka þetta með öðrum hætti en að golf sé óheimilt þegar einn spilar á hverri braut.

Í okkar huga var þetta einfalt og skýrt. Allar æfingar og keppnir í íþróttum væri óheimilar og við töldum golf vera íþrótt.

Núverandi ástand kallar á harðar aðgerðir og því mikilvægt að engin reyni að túlka reglur með þeim hætti að hann sé undanþeginn.

Það þarf að hægja á allri starfsemi í samfélaginu, minka samneyti og óþarfa ferðir fólks. Það að leyfa að spila golf þó að aðeins einn sé á hverri braut er ekki í anda aðgerðanna.

Víðir og Þórólfur.

Vetrarlokun á fyrri níu!

gkb@gkb.is (Börkur Arnvidarson) — Tue, 27 Oct 2020 10:04:20 GMT

Vetrarlokun á fyrri níu

Frá og með 27. október verður fyrri níu holunum á Kiðjabergsvelli lokað. Seinni níu verða opnar inn á sumarflatir eitthvað áfram. Félagar eru beðnir um að takmarka notkun golfbíla eins og kostur er.

Þá er verið að útbúa vetrarflatir á seinni níu og verða þær opnar eins og veður leyfir í vetur. Þá verður notkun golfbíla á vellinum bönnuð.

Steypt plan við skálann

Mon, 26 Oct 2020 09:49:30 GMT

Búið að steypa plan við skálann

Góða veðrið undanfarna daga hefur verið vel nýtt á Kiðjabergsvelli til framkvæmda. Í síðustu viku var m.a. steypt plan fyrir framan golfskálann. Fimm steypubílar mættu á svæðið á sama tíma og var gengið í verkið af myndarskap og það klárað. Þá var steypt plan á æfingasvæðinu þar sem gervigrasmottur koma ofan á.

Auk þess hefur verið unnið mikið úti á velli í gerð göngustíga og uppsetningu á tveimur klósettum.

Hér fyrir neðan má sjá nokkrar myndir frá framkvæmdunum.

Framkvæmdir á vellinum

gkb@gkb.is (Börkur Arnvidarson) — Wed, 14 Oct 2020 12:16:58 GMT

Ýmsar framkvæmdir í gangi

Ýmsar framkvæmdir eru nú í gangi á Kiðjabergsvelli. Búið er að taka upp allar hellurnar, sem voru fyrir framan golfskálann, því þar á að steypa plötu/plan.

Unnið er við að lagfæra marga stíga og gert klárt fyrir tvö klósett úti á velli. Klósettin verða með rennandi vatni og rotþró. Annað klósettir nýtist kylfingum á 3. og 7. holu en hitt verður við 12. og 16. teig.

Stypt verður plata á æfingasvæðinu svo næsta sumar verður slegið af 12 mottum. Þá verður steypt plata undir golfbílana okkar.

Svo má ekki gleyma hvað nýja stækkunin við áhaldahúsið er orðin flott. " Vonandi náum við að klára þetta allt fyrir opnun næsta sumar," segir Birkir Már framkvæmdastjóri GKB.

Sjá myndir af framkvændum hér fyrir neðan:

Fjör í Bændaglímunni

gkb@gkb.is (Gkb gkb) — Fri, 18 Sep 2020 11:08:08 GMT

Ágúst er "kóngurinn" á Kiðjaberginu

Bændaglíman, síðasta mót sumarsins á Kiðjabergi, fór fram um liðna helgi. Gríðarlegur áhugi var á mótinu og komust færri að en vildu, eða 128 kylfingar. Svo fór að lokum að Ágúst og félagar sigruðu lið Árna Jó og verður Gústi því ríkjandi kóngur þetta árið.

Alls tóku 128 manns þátt í mótinu og heppnaðist það mjög vel og veðrið lék við keppendur. Einnig var uppselt í veislumatinn í skálanum hjá Rakel um kvöldið.

Að sögn Birkis Más, framkvæmdastjóra, þá heppnaðist Bændaglíma sérstaklega vel. "Gaman að hafa slúttað besta golfsumri fyrr og síðar með svona frábæru móti," sagði Birkir.

Spilað var Texas-Holukeppni, og þá höfðu þeir Steinn og Birkir sett upp nokkrar skemmtilegar hindranir á vellinum (sjá myndir).

Golfmót Ljóssins

gkb@gkb.is (Gkb gkb) — Wed, 09 Sep 2020 09:26:55 GMT

Létu "ljós" sitt skína á Kiðjabergi

Í síðustu viku stóð Golfklúbbur Kiðjabergs fyrir skemmtilegu golfmóti fyrir karlmenn í Ljósinu. Alls tóku 14 þátt og var stemmningin góð og allir skemmtu sér vel. Klúbburinn bauð öllum í golf ásamt því að bjóða upp á heita súpu og brauð áður en haldið var út á völlinn í golfbílum.

Veitt voru verðlaun fyrir fyrsta sæti og nándarverðlaun á fjórum brautum, en að auki fengu allir sem tóku þátt smá vinning. Við þökkum frábærum samstarfsaðilum fyrir vinningana á mótinu: Askja, Brim, Ölgerðin, Heilsa, Takk hreinlæti, Altis, Von mathús, Hreyfing, Omnom og Ison.

"Okkar allra bestu þakkir til Birkis Más Birgissonar framkvæmdastjóra og Golfkúbbs Kiðjabergs fyrir frábært framtak og gestrisni" segir í frétt á heimasíðu Ljóssins. " Við erum strax farnir að hlakka til næsta móts að ári."

Sjá fleiri myndir HÉR .

Bændaglíma

gkb@gkb.is (Gkb gkb) — Sun, 06 Sep 2020 12:35:34 GMT

Hver verður Kóngurinn á Kiðjabergi?

Eftir gott golfsumar á Kiðjabergi lokum við dagskránni þann 12. september með Bændaglímu.

Spilað verður Texas-Holukeppni, þar sem Steinn og Birkir fá að skemmta sér við að setja upp nokkrar hindranir á vellinum. Bændur verða okkar bestu menn, Gústi Friðgeirs og Árni Jó, þar sem.lína fyrir harða og mögulega líka á köflum, drengilega keppni er lögð.

Það er búið að opna fyrir skráningu á GolfBox. Hægt er að skrá lið, en að sjálfsögðu er hægt að skrá sig sem einstakling og svo verða lið sett. Bændur skipta með sér liðum og svo verður ræst út á öllum teigum kl. 11:00

Spilað verður Texas Scramble holukeppni þar sem lið hvors Bónda eigast við í hverju holli, hver unnin hola telur fyrir Bóndann.

Forgjöf hvers liðs er reiknað sem samanlögð vallarforgjöf deilt með 2.5, þó ekki hærra en vallarforgjöf lægsta leikmanns.

Mótsgjald kr 3.000 á mann.

Verðlaunaafhending fer fram um kvöldið á veglegri lokahátíð sem hefst kl 19:00.

Nándarverðlaun á öllum par 3 holum.

Lokahátíð

Um kvöldið bíður Rakel uppá stórfenglega veislu að vanda. Býður upp á veglegt veislu Lambalæri að hætti bóndans með nýuppteknu grænmeti og smælki, og svo Rabbarbara eftirréttur - 5.000 krónur á mann.

Vinsamlegast pantið mat í seinasta lagi miðvikudaginn 9. september hjá rakelmatt@gkb.is eða í síma 6994969

Mótanefnd GKB

Vegalokun

gkb@gkb.is (Gkb gkb) — Wed, 26 Aug 2020 09:31:44 GMT

Vegaframkvæmdir á Biskuptungnabraut

Við viljum vekja athygli þeirra sem ætla að heimsækja Kiðjabergsvöll í dag að vegurinn um Biskuptungnabraut (35) milli gatnamóta við Hringveg (1) og Þingvallavegi (36) er lokaður vegna malbikunarframkvæmda. Þessi lokun er frá kl. 04 miðvikud 26.08 til kl. 01 fimmtud 27.08. Hjáleið er um veg 31 og 30. Einnig er bent á hjáleið um Þingvelli (36).

Þeir kylfingar sem eru að koma frá Reykjavík ættu að fara um Mosfellsheiði og í gegnum Þingvelli, að Laugarvatni og þaðan inn á Kiðjaberg.

2. deild eldri kvenna

gkb@gkb.is (Gkb gkb) — Sat, 22 Aug 2020 20:25:24 GMT

GKB-konur nældu í silfur í Eyjum

Sveit eldri kylfinga GKB hafnaði í öðru sæti í 2. deild kvenna í sveitakeppni GSÍ, sem lauk í Vestmannaeyjum í dag. Eyjakonur sigruðu og flytjast upp í efstu deild að ári. GKB-sveitin vann alla leiki sína nema gegn heimakonum, 1-2.

Sveit GKB skipuðu:

Brynhildur Sigursteinsdóttir

Áslaug Sigurðardóttir

Guðný Tómasardóttir

Stella Hafsteinsdóttir

Bergljót Kristinsdóttir

Þurðíður Ingólfsdóttir

Lokastaðan í 2. deild kvenna:

1. Golfklúbbur Vestmannaeyja (GV)

2. Golfklúbbur Kiðjabergs (GKB)

3. Golfklúbbur Öndverðarness (GÖ)

4. Golfklúbbur Selfoss (GOS)

5. Golfklúbbur Suðurnesja (GS)

Meistaramót í Betri bolta

gkb@gkb.is (Gkb gkb) — Sun, 16 Aug 2020 23:23:34 GMT

Vignir og Kristófer fara til Portúgals

Vignir Þ. Hlöðversson og Kristófer Helgi Helgason sigruðu í lokamóti Meistaramóts í betri bolta sem fram fór á Kiðjabergsvelli sunnudaginn 16. ágúst. Þeir fengu samtals 45 punkta og munu keppa fyrir Íslands hönd í alþjóðlegu lokamóti "International Pairs" í Portúgal í nóvember á næsta ári.

48 lið höfðu unnið sér inn sæti í úrslitamótinu með þátttöku í undankeppni og kepptu um aðalverðlaunin. Kiðjabergsvöllur skartaði sínu allra fegursta og veðrið eins og best verður á kosið. Keppendur voru allir kampakátir með þær aðstæður sem boðið var upp á.

Hekla Daðadóttir úr GM gerði sér lítið fyrir og nældi sér í nándarverðlaun á tveimur holum, þeirri þriðju og tólftu. Vel gert hjá henni.

Annars voru úrslit í mótinu sem hér segir:
1 Helgason/Hlöðversson 45 punktar

2 Jóhannsson/Sigurðsson 44

3 Sturluson/Stefánsson 42

4 Bragason/Sveinsson 42

5 Ragnarsdóttir/Bragason 42

6 Hjaltason/Sigþórsson 42

7 Daðadóttir/Stephensen 42

8 Eiríksson/Jóhannsson 41

9 Kristjánsson/Jónasson 40

10 Hrólfsson/Sævarsson 40

11 Jensen/Guðlaugsson 40

12 Helgason/Pétursson 39

13 Guðfinnsson/Jónasson 39

14 Hafliðason/Hlöðversson 39

15 Brynjólfsson/Gestsson 39

16 Karlsson/Skúlason 39

17 Guðnason/Hafsteinsson 39

18 Jóhannsson/Gíslason 38

19 Gunnarsson/Jónsson 38

20 Villalobos/Helgason 38

21 Kristjánsson/Kristjánsson 38

22 Þorvarðarson/Ásgeirsson 38

23 Magnússon/Magnússon 36

24 Þorvaldsson/Ragnarsson 36

25 Viðar/Benediktsson 36

26 Sæmundsdóttir/Hinriksson 36

27 Jakobsson/Þórisson 35

28 Matthíasson/Hákonarson 35

29 Guðjónsdóttir/Jakobsson 35

30 Skúlason/Elmarsson 35

31 Sigurðarson/Hjaltested 35

32 Halldórsson/Ólafsdóttir 34

33 Karlsson/Guðmundsson 34

34 Óskarsson/Einarsson 34

35 S igurðardóttir/Bjarnadóttir 34

36 Jónsdóttir/Óskarsdóttir 34

37 Hólm/Hólm 34
38 Karlsson/Gunnarsson 33

39 Jóhannesson/Hall 33

40 Guðmundsson/Jakobsson 33

41 Sváfnisson/Guðmundsdóttir 33

42 Hinriksdóttir/Blöndal 31

43 Sigurbjörnsson/Óskarsson 30

44 Haraldsson/Þórðarson 29

45 Þormóðsson/Haraldsson 29

46 Sigurjónsson/Þórsson 28

47 Einarsdóttir/Árnason 25

Næstir holu:

3. braut: Hekla Daðadóttir 114 cm

7. braut: Guðbjörg Elín 3,59 m

12. braut: Hekla Daðadóttir 60 cm

16. braut: Hörður S Óskarsson

Meistaramótið í betri bolta snýr svo aftur á næsta ári þegar leitað verður að fulltrúa Íslands fyrir lokamót ársins 2021.

Sjá einnig : Heimasíða meistaramótsins í Betri bolta.

Gull - styrktarmót GKB

gkb@gkb.is (Gkb gkb) — Sat, 01 Aug 2020 20:26:34 GMT

"2ja metra reglumenn" léku best

158 keppendur mættu til leiks í hinu árlega Gull-móti GKB, sem fram fór á Kiðjabergsvelli í dag, laugardaginn 1. ágúst. Mótið er haldið til styrktar liðinu okkar sem tekur þátt í Sveitakeppni GSÍ og var spilað Texas Scramble.

Sigurliðið var "2ja metra reglumenn", sem var skipað þeim Birgir Sverrissyni og Svavari Geir Svavarssyni, sem léku á 54 höggum nettó. Annars var yfirleitt gott skor og keppni jöfn og spennandi.

Nándarverðlaun hlutu eftirtaldir:

3. hola: Þórunn Guðmundsdóttir 0,99m

7. hola: Magnús Magnússon 1,48m

12. hola: Daði Granz 151,5cm

16. hola: Gunnar Þórarinsson 13,5cm

HÉR má sjá heildarúrslit í mótinu.

Covid-19

gkb@gkb.is (Gkb gkb) — Fri, 31 Jul 2020 13:25:23 GMT

Hertar aðgerðir vegna COVID-19

Á hádegi í dag, 31. júlí, tóku gildi hertar aðgerðir yfirvalda innanlands og á landamærum vegna COVID-19.

Viðbragðshópur GSÍ leggur til að golfklúbbar taki upp þær reglur sem tóku gildi frá og með 4. maí. Verða þær reglur í gildi þangað til annað verður tekið fram.

Golfsambandið hefur verið í samskiptum við stjórnvöld í gegnum skrifstofu ÍSÍ í gær og í dag. Eins og staðan er núna þá hefur GSÍ fengið þær upplýsingar að unnt sé að stunda golf, sé nauðsynlegra sóttvarnaaðgerða gætt. Það þýðir að golfleikur getur farið fram en GSÍ mælir sterklega með því að leikið verði samkvæmt þeim tilmælum sem send voru á golfklúbbana í gær og vísast til þeirra. Nánar tiltekið er um að ræða sömu tilmæli og tóku gildi þann 4. maí sl.

Það ætti að vera óhætt að hefðbundið mótahald golfklúbba fari fram um helgina. GSÍ mælist þó sterklega með því að notast verði við rafræn skorkort, sé þess kostur, og að verðlaunaafhendingar fari ekki fram. Mikilvægt er að sóttvarna sé gætt í klúbbhúsum og að tveggja metra reglan verði virt.

Leikið verður með eftirfarandi hætti í móti klúbbsins um helgina:

* Svampar/hólkar hafa verið settir í holubotna og bannað er að fjarlægja flaggstangir.

* Allar hrífur hafa verið fjarlægðar úr glompum.

* Hertar umgengnisreglur verða settar á æfingasvæðinu.

Sýnum skynsemi og pössum upp á hvert annað, við erum jú öll Almannavarnir.

Sjá nánar leiðbeiningar HÉR.

Golfæfingar

gkb@gkb.is (Gkb gkb) — Thu, 30 Jul 2020 10:06:46 GMT

Bjóða upp á einkakennslu!

PGA meðlimirnir Guðjón G. Daníelsson og Ari Magnússon voru með tvö tveggja tíma golfnámskeið um síðustu helgi í Kiðjaberginu sem tókust bæði mjög vel. Það voru rúmlega 25 manns á ýmsum getustigum í golfinu sem nýttu sér þessa kennslu.

Hefur Guðjón ákveðið að bjóða uppá einkakennslu sunnudaginn 2. ágúst (verslunarmannahelgina) á æfingasvæði golfklúbbs Kiðjabergs.

Hægt verður að bóka tíma frá kl. 11:00 til kl. 14:30 og velja um 30. mín tíma sem er fyrir einn kylfing eða 60. mín sem einn til þrír kylfingar geta tekið saman.

Þeir sem hafa áhuga geta haft samband í síma 844-3455 eða á netfangið gdan.pgagolf@gmail.com

GKB áfram í 2. deild

gkb@gkb.is (Gkb gkb) — Mon, 27 Jul 2020 10:55:34 GMT

GKB áfram í 2. deild karla

GKB hélt sæti sínu í 2. deild karla í Sveitakeppni GSÍ, sem fram fór á Garðavelli á Akranesi um liðna helgi. Selfyssingar sigruðu og færast því upp í 1. deild að ári. GKB hafnaði í sjöunda sæti, en Húsvíkingar féllu í 3. deild.

Alls tóku 8 golfklúbbar þátt, og var þeim skipt upp í tvo riðla. Hver klúbbur lék þrjá leiki í riðlakeppni, og tvö efstu liðin úr hvorum riðli léku í undanúrslitum.

Lokastaðan:

1. Selfoss (GOS)

*GOS leikur í 1. deild að ári

2. Nesklúbburinn (NK)

3. Golfklúbbur Öndverðarness (GÖ)

4. Golfklúbbur Setbergs (GSE)

5.Golfklúbburinn Oddur (GO)

6. Golfklúbbur Skagafjarðar

7. Golfklúbbur Kiðjabergs (GKB)

8. Golfklúbbur Húsavíkur

*Golfklúbbur Húsavíkur féll í 3. deild

Sveit GKB var skipuð eftirtöldum:

Sturla Ómarsson

Sveinn S Sverrisson

Haraldur Þóðarson

Pétur F Pétursson

Halldór H Halldórsson

Árni Gestsson

Andri Sigurbjörnsson

Árni Sigurjónsson

Liðsstjóri var Snorri Hjaltason.

Opna Ventura mótið

gkb@gkb.is (Gkb gkb) — Fri, 24 Jul 2020 13:37:05 GMT

Færri komust að en vildu í Ventura Open

Færri komust að en vildu þegar Ventura Open fór fram í fínu veðri á Kiðjabergsvelli fimmtudaginn 23. júlí. Völlurinn skartaði sínu besta og gekk keppnin vel og var meðal spiltími ráshópa 4,20 klst. 37 konur tóku þátt og 67 karlar. Allir keppendur voru ræstir út á sama tíma.

Helstu úrslit voru sem hér segir:

Karlaflokkur:

1. LUCHNER, Sebastian Atli Luchner GO - 41 punktur

2. Róbert Sædal Svavarsson GÖ - 38 punktar

3. Magnús Rósinkrans MagnússonGKB - 37

4. Friðgeir Óli Sverrir Guðnason GR 37

5. Ottó Guðjónsson GKB 37

Kvennaflokkur:

1. Áslaug Sigurðardóttir, GKB - 38
2. Hrafnhildur Geirsdóttir, GKB 36

3. Ástríður Sólrún Grímsdóttir, GK, 35

4. PÉTURSDÓTTIR, Þuríður E. Pétursdóttir, GM, 34

5. Hafdís Gunnlaugsdóttir, GÖ, 32

Nándarverðlaun:

3. hola: Bergsveinn Alfonsson 0,91 m

7. hola: Þorleifur Sigurðsson 4,77 m

12. hola: Róbert Sædal Svavarsson 2,03 m

16. hola: María Magnúsdóttir 32,5 cm

Öll úrslit má nálgast HÉR .

Örninn á Kiðjabergi

gkb@gkb.is (Gkb gkb) — Thu, 23 Jul 2020 06:08:22 GMT

Örninn Golfverslun á Kiðjabergi

Á föstudagskvöldið verður Golf-Quiz i Skálanum og á laugardaginn er í boði golfkennsla fyrir meðlymi GKB. Nú þegar er uppselt í kennsluna milli kl. 12 og 14. Enn er laust í kennsluna frá 15 - 17.

KÉRASTASE kvennamótið

gkb@gkb.is (Gkb gkb) — Mon, 20 Jul 2020 23:38:14 GMT

Stuð og stemmning á KÉRASTASE mótinu

Gríðarlega góð stemmning var á KÉRASTASE kvennamótinu á Kiðjabergsvelli í gær, sunnudaginn 19. júlí. 65 konur luku leik í frábæru veðri. Völlurinn skartaði sínu fegursta og aðstæður sjaldan eða aldrei verið betri.

Theodóra Stella Hafsteinsdóttir úr GKB lék best allra, kom inn á 83 höggum og fékk 42 punkta. Margrét Jamchi Ólafsdóttir úr GR kom næst, lék á 38 punktum.

Lengsta drive á 4. holu: Margrét Jamachi Ólafsdóttir

Nándarverðlaun, hola 7: Regína Sveinsdóttir (GKB) 6,7 m.

Nándarverðlaun hola 16: Sigurlaug Jóhannsdóttir 1,34 m

Sjá myndaseríu frá mótinu hér fyrir neðan:

Sjá öll úrslit HÉR .

Meistaramót 2020 - úrslit

gkb@gkb.is (Gkb gkb) — Sun, 19 Jul 2020 18:29:34 GMT

Sturla og Brynhildur meistarar GKB 2020

Sturla Ómarsson og Brynhildur Sigursteinsdóttir sigruðu í meistaraflokki karla og kvenna á meistaramóti GKB, sem fram fór á Kiðjabergsvelli laugardaginn 18. júlí. Veðrið setti mark sitt á mótið sem átti að standa yfir í fjóra daga, en varð bara einn keppnisdagur vegna hvassviðris. Allir keppendur léku einn hring, nema meistaraflokkur karla, sem lék tvo hringi.

Eins og áður segir var bálhvasst meðan kylfingar léku og var skorið því ekki eins og ella hefði orðið, ef aðstæður hefðu verið góðar. Keppendur létu þetta lítið á sig fá og reyndu að brosa í gegnum annað og klára keppnina. Um kvöldið var síðan veglegt lokahóf í golfskálanum þar sem keppendur og aðrir gestir tóku vel til matar síns og skemmtu sér vel.

Á verðlaunaafhendingunni um kvöldið fékk Guðni Björnsson Háttvísibikarinn til varðveislu í eitt ár. Hann hefur verið vélarmaður í hlutastarfi hjá klúbbunum og hefur einnig séð um viðhald á golfbílum fyrir félagsmenn. Hann er vel að þessari viðurkenningu kominn.

Helstu úrslit voru sem hér segir:

Meistaraflokkur karla:

1. Sturla Ómarsson 175 högg

2. Haraldur Þórðarson 182 högg

3. Halldór Heiðar Halldórsson 183 högg

Meistaraflokkur kvenna:

1. Brynhildur Sigursteinsdóttir 91 högg

2. Theodóra Stella Hafsteinsdóttir 98 högg

3. Þuríður Ingólfsdóttir 99 högg

1. flokkur kvenna:

1. Sigrún A. Þorsteinsdóttir

2. Unnur Jónsdóttir

3. Sigrún Ragnarsdóttir

1. flokkur karla:

1. Pálmi Þór Pálmason

2. Helgi Þór Jóhannsson

3. Jóhann Ásgeir Baldursson

2. flokkur karla:

1. Ágúst Friðgeirsson

2. Jens Magnús Magnússon

3. flokkur karla:

1. Stefán Vagnsson

2. Þórólfur Jónsson

3. Þröstur Már Sigurðsson

Opin flokkur kvenna (punktakeppni):

1. Kristjana Kristjánsdóttir

2. Kristín B. Eyjólfsdóttir

3. Sigurlína Gunnarsdóttir

Öldungaflokkur kvenna (punktakeppni):

Helga Dóra Ottósdóttir

Sigrún Sjöfn Helgadóttir

Mjöll Björgvinsdóttir

Öldungar karla (punktakeppni):

Jón Ásgeir Eyjólfsson

Gestur Jónsson

Gunnar Þorsteinsson

Unglingaflokkur drengja:

Ásþór S. Ragnarsson

Björn Atli Rúnnarsson

Logi Þórólfsson

Nándarverðlaun:

3. braut: Sigrún A. Þ. - 70 cm

7. braut: Theódór Halldórsson - 209,5 cm

12. braut: Jón Bjargmundsson - 520 cm

16. braut: Stella Hafsteinsdóttir - 107 cm.

Myndasería frá meistaramótinu 2020

gkb@gkb.is (Gkb gkb) — Sun, 19 Jul 2020 09:08:42 GMT

Meistaramót GKB í myndum

Meistaramót GKB fór fram laugardaginn 18. júlí. Mótið átti upphaflega að standa yfir í fjóra daga, en vegna hvassviðris var spilaður aðeins einn hringur, nema hjá meistaraflokki karla sem lék tvo hringi. Veðrið var ekki alveg að leika við keppendur, enda var mjög hvasst á vellinum og fóru hviður upp í 14 m/s. Skorið var því yfirleitt ekki eins gott og ella.

Allir skemmtu sér hins vegar vel og létu veðrið litíð á sig fá eins og sjá má á myndaseríunni sem hér fylgir. (Setja bendilinn yfir myndirnar og þá stækka þær).

Stytting á meistaramóti

gkb@gkb.is (Gkb gkb) — Tue, 14 Jul 2020 15:55:53 GMT

Stytta meistaramótið niður í 2 daga!

Vegna slæmra veðurhorfa hefur Mótanefnd GKB ákvðeðið að stytta meistaramótið, þannig að það verður spilað yfir 2 daga, föstudag og laugardag. Leikfyrirkomulag og flokkar verða óbreyttir. Einnig eru engar breytingar á Opna Meistaramótinu.

Þar sem þetta gefur fleiri möguleika á að skrá sig, og spila 2 góða hringi í þokkalegu veðri, þá er enn betra tilefni til að veislan í golfskálanum á laugardaginn verði hin skemmtilegasta.

Við hvetjum alla, líka þá sem ekki spila í mótinu að koma og taka þátt í þessari skemmtun okkar á laugardagskvöldið.

Mótanefnd

Meistaramót 2020

gkb@gkb.is (Gkb gkb) — Sun, 12 Jul 2020 11:00:00 GMT

Meistaramótsvikan framundan!

Nú er að hefjast meistaramót GKB og því rétti tíminn til að ganga frá skráningu í mótið. Í ár eru 2 mót, annarsvegar 4. daga meistaramót, þar sem leikinn er höggleikur, og svo er 2. daga mót þar sem spiluð er punktakeppni.

Fjögurra daga mótið hefst 15. júlí og verður keppt í 4 hópum karla og 2 hópum kvenna.

Meistaraflokkur karla (forg. + til 7,5) Höggleikur án forgjafar (hvítir teigar)

1. Flokkur karla (forg. 7,6 til 14,4) Höggleikur án forgjafar

2. Flokkur karla (forg. 14,5 til 18,1) Höggleikur án forgjafar

3. Flokkur karla (forg. 18,2 til 36) Punktakeppni með forgöf

Meistaraflokkur kvenna (forg. + til 20,4) Höggleikur án forgjafar

1. Flokkur kvenna (forg. 20,5 til 36) Punktakeppni með forgöf

Varðandi keppnisskilmálá sjá á heimasíðu GKB https:// www.gkb.is/keppnisskilmalarmeistaramot

Skráningu líkur kl. 18:00 á þriðjudaginn og niðurröðun fyrir fyrstu umferð verður sett á netið fjlótlega eftir það.

Niðurröðun í fyrstu umferð verður að mestu eftir flokkum (athugið að tímar eru áætlaðir):

10:00 Konur, 1. og 2. flokkur

10:30 Karlar, 3. flokkur

11:00 Karlar, 2. flokkur

11:30 Karlar, 1. flokkur

12:00 Karlar, Meistaraflokkur

Skráningagjald er 8.000,- kr

Tveggja daga mótið !

Tveggja daga mótið er spilað föstudag og laugardag. Keppt er í opnum flokki karla og kvenna, öldungaflokki og flokki drengja og stúlkna, 14 ára og yngri. Leikin er punktakeppni í öllum flokkunum.

Varðandi keppnisskilmálum sjá á heimasíðu GKB https:// www.gkb.is/keppnisskilmalarmeistaramot

Mótsstjórn mun raða niður á fimmtudag eftir að skráningu líkur, rástímar verða birtir á GolfBox

Skráningagjald er 4.000,- fyrir fullorðna og 2.000,- fyrir yngri flokkana.

Veglegt lokahóf verður síðan í golfskálanum hjá Rakel á laugardagskvöldinu. Veitt verða verðlaun í öllum flokkum fyrir 3 efstu sætin. Sameiginleg nándarverðlaun fyrir Meistamótið eru á öllum par-3 holum á laugardaginn fyrir alla flokka. (líka "opna mótið").

Rakel tekur vel á móti mótsgestum í skálanum .

Jónsmessumót

Tue, 23 Jun 2020 14:12:05 GMT

Jónsmessumótið

Næstkomandi föstudag, 26. júní, verður hið árlega Jónsmessumót GKB á Kiðjabergsvelli. Mótið er fyrir félagsmenn. Veðurspáin er góð, suðvestan 2m/s og 12 gráðu hiti (kl. 21:00). Þetta er frábær leikur fyrir alla, óháða aldri eða getu í golfi (líka fyrir byrjendur!)

Það er leikið 9-holu Texas í 4-manna liðum, og svo er bætt við einum hring á púttvellinum á eftir. Það er mæting í skála kl. 20:00 og svo eru allir ræstir út kl. 21:00. Hægt er að skrá sig á GolfBox, verð 2.000, fyrir fullorðna og 1.000, fyrir börn.

Það er hægt að skrá lið, en þó svo að ekki séu 4 tilbúnir í slaginn er hægt að skrá lið með 2 eða 3 leikmönnum og svo er einnig hægt að skrá sig sem einstakling. Við röðum svo saman liðum.

Minnum svo á brennuna sem verður á laugardagskvöldið.

Vinkvennamót GKB-GKG

gkb@gkb.is (Gkb gkb) — Mon, 08 Jun 2020 09:23:19 GMT

85 þátttakendur í Vinkvennamóti GKB og GKG

85 þátttakendur mættu í Vinkvennamót GKB og GKG, sem fram fór á Kiðjabergsvelli sunnudaginn 7. júní. Fínasta veður var meðan á keppni stóð og mikil og góð stemmning meðal keppenda.

Spiluð var punktakeppni og fór svo að Kristín Nielsen úr GKB sigraði á 39 punktum. Kolbrún Ólafsdóttir úr GKG varð önnur á 38 punktum og Ingibjörg M. Steinþórsdóttir úr GKG þriðja á 37 punktum.

Öll úrslit má sjá inn á GofBoxinu.

Hér fyrir neðan má sjá nokkrar myndir úr mótinu.

Púttæfingar

gkb@gkb.is (Gkb gkb) — Sat, 06 Jun 2020 21:47:01 GMT

Púttæfingar

Strákarnir hans Snorra mættu á Kiðjabergið í dag og voru með púttæfingar fyrir félagsmenn sem og aðra sem þess óskuðu. Æfingarnar stóðu yfir í tvo tíma og var mikil ánæg ja með þetta framtak. Það verður einnig boðið upp á golfæfingar á svæðinu næstu laugardaga í júní.

13. júní verða - Vipp og sandur

20. júní verða - Járnahögg

27. júní verða - Driver og brautartré

Það þarf ekki að taka það fram að allir eru velkomnir og er leiðsögn sniðin að getu hvers og eins, jafnt byrjenda sem lengra komna.

Hægt er að skrá sig á námskeiðin með því að fara inn á "Innanfélagsmót" á GolfBox.

Boðið upp á golfæfingar í júní

gkb@gkb.is (Gkb gkb) — Wed, 03 Jun 2020 08:53:57 GMT

Golfæfingar í júní

Strákarnir hans Snorra ætla að bjóða okkur upp á smá tilsögn á Kiðjabergsvelli í júní. Þetta verður haldið laugardaga á milli 10:00 og 12:00 og dagskráin er sem segir:

6. júní - Pútt

13. júní - Vipp og sandur
20. júní - Járnahögg

27. júní - Driver og brautartré

Það þarf ekki að taka það fram að allir eru velkomnir og leiðsögn verður sniðin að getu hvers og eins, jafnt byrjenda sem lengra komna.

Hvetjum alla til að taka þátt í þessari frábæru þjónustu.

TIl að fá hugmynd um þáttöku kvetjum við alla til að skrá sig, það er gert á "Innanfélagsmót" í GolfBox

Birkir Már nýr framkvæmdastjóri GKB

gkb@gkb.is (Gkb gkb) — Mon, 01 Jun 2020 18:49:03 GMT

Birkir Már ráðinn framkvæmdastjóri GKB

Birkir Már Birgisson hefur verið ráðinn framkvæmdastjóri Golfklúbbsins Kiðjabergs. Hann tók til starfa í byrjun maí og mun einnig sjá um vallarstjórn klúbbsins, enda meira en tvæ vetra á þeim vettvangi. Hann lærði golfvallarfræði á sínum tíma í Elmwood í Skotlandi.

Birkir Már þekkir vel til á Kiðjabergi því hann var vallarstjóri þar 2007 til 2009 og „fór þaðan í stutt stopp í Brautarholtið áður en mér var boðið að taka við sem vallarstjóri Grafarholts og var í fimm ár þar áður en ég tók við sem yfirvallarstjóri GR. Var í því starfi í tvö ár, en snéri mér þá að ferðaþjónustunni og var sjálfstætt starfandi þar þangað til í mars síðastliðinn þegar allt fór á hliðina vegna Covid 19,“ sagði Birkir.

Er það ekki mikil áskorun fyrir þig að taka við sem framkvæmdastjóri GKB?

„Jú, vissulega er þetta áskorun en ég þekki vel til hérna. Ég ætti að búa að nokkurri reynslu eftir að hafa unnið í kringum golfvelli í 17 ár. Hef alltaf haldið nánu sambandi við Gunnar Þorláksson, formann vallarnefndar GKB, síðan ég hætti og aðstoðað klúbbinn eftir fremsta megni. Mætti eiginlega segja að ég hafi aldrei alveg hætt hérna. Mér þykir ofboðslega vænt um fólkið í kringum klúbbinn og völlinn sjálfan.“

Hyggstu breyta einhverju í rekstri klúbbsins?

„Einna helst vil ég reyna að fá fleiri hópa til okkar, stóra sem smáa. Erum með frábært klúbbhús og leyfi mér að fullyrða með einn besta vert landsins, sem sér um eldhúsið hérna á Kiðjabergi. Við ætlum okkur að vera vel undirbún fyrir líklega stærsta golfsumarið til þessa. Vonandi að veðrið verði okkur hliðhollt í sumar“

Hverjir eru helstu kostir Kiðjabergsvallar, að þínu mati?

„Helstu kostirnir finnst mér vera gríðarlegur fjölbreytileiki brauta og stórkostlegt útsýni á nánast öllum teigum. Held að allir sem spila hér í fyrsta skipti muni hverja einustu braut eftir hringinn. Sjálfur man ég vel þann dag þegar ég spilaði hérna fyrst. Upplifunin að ganga niður 13. brautina (sem þá var 4-hola) í fyrsta skipti, er mér enn í fersku minni. Alltaf minnisstætt líka þegar ég hitti tvo Dani sem voru að spila völlinn. Þeir tjáðu mér að þeir væru búnir að spila golf í 30 ár út um allann heim og sögðu að þetta væri flottasti golfvöllur sem þeir höfðu spilað. Rakst síðan á þá seinna sama daginn þar sem þeir ákváðu að taka aðrar 18 holur!.“

Grand Open úrslit

gkb@gkb.is (Gkb gkb) — Sun, 31 May 2020 10:08:10 GMT

37 lið tóku þátt í Gran Open

37 lið tóku þátt í Grand Open sem fram fór á Kiðjabergsvelli í gær, 30. maí. Veðrið lék við keppendur á þessu fyrsta móti ársins .

Lið Valdar lék best, á samtals 58 höggum nettó. Sigurðsson/Björgvinsson höfnuðu í öðru sæti á 62 höggum og Brothers í þriðja á 64 höggum nettó.

Leikfyrirkomulag var Texas Scramble. Verðlaun voru frá Húsasmiðjunni og nándarverðlaun frá Ölgerðinni.

Nándarverðlaun:
3. hola: Guðrún 3,38 m

7. hola: Guðlaugur Orri 5,10 m

12. hola: Ríkharður 2,61 m

16. hola: Jens M. 1,38 m

Úrslit:

1 Valdar 58

2 Sigurðarson/Björgvi… 62

3 Brothers 64

T4 Þórólfur og Jón 65

T4 Hope and dreams 65

T4 Parið 65

T4 Lillóinn 65

T8 Siggs 66

T8 Toppshank 66

T8 Morgunhanar 66

T8 Ásarnir 66

T8 Prýðisfólk 66

T8 Móberg 66

T14 Pálmi og Hlynur 67

T14 Kiðlingarnir 67

T14 Frostbakari 67

T14 The Double Boggos 67

T14 Ferro 67

T14 Unnur og Eyþór 67

T14 Geirfuglar 67

T21 Harry & Lloyd 68

T21 Simmi 68

T23 Jensson/Jensson 69

T23 Par 69

T23 Forleikur 69

T23 Sverrisson/Finnsdót… 69

T23 Þorsteinsdóttir/Jóha… 69

T23 Mafia 69

T29 Eilíf fegurð 70

T29 ManU 70

T31 Gústi og Trausti 71

T31 LFC 71

33 Kópar 72

34 Klemmi 73

T35 Gu ðnason/Baldurss 74

T35 Þórólfsson/Johnstone 74

37 Rjó ðri ð 75

Skráning - Grand Open

gkb@gkb.is (Gkb gkb) — Tue, 26 May 2020 20:19:33 GMT

GolfBox - Skráning í Grand Open

Þá er komið svo langt fram á vorið að við förum að halda fyrsta mót ársins. Því miður hefur uppsetningin tekið lengri tíma en við áttum von á og við biðjumst velvirðingar á því.

Þar sem það hafa verið keyrðar nokkrar prufur síðustu dagana hafa nokkrir náð að stinga sér inn og skrá sig - þið verðið því miður að skrá ykkur aftur!

Þar sem þetta er í fyrsta sinn sem við notum GolfBox fyrir skráningu í mót ýmislegt sem við verðum að kynna okkur til þess að allt gangi sem best. Ef svo það koma upp vandamál/spurningar þá sendið þið póst á gkb@gkb.is og við reynum að bæta úr þessu.

Hér á eftir verður farið í gegnum aðal skrefin í ferlinu.

Til vinstri í GolfBox er hægt að velja "Innanfélagsmót" og það sýnir lista yfir mót.
Þar er nú "GKB Grand Open" og til að skrá sig í mótið þá smellið þið á "Skráning hér".

Það fyrsta sem á gera er að gefa liðinu nafn (e "TEAM NAME")

Svo þarf að bæta við liðsfélaga (e "ADD PLAYER")

Hér þarf að skrifa inn félagsnúmer leikmanns, munið að það er 57- fyrir framan númer há meðlimum GKB

Þegar þetta er búið þá ætti þetta að lýta svona út, og hnappurinn "Continu" verður grænn.

Nú er hægt að ganga frá nauðsynlegum upplýsingum. Til að byrja með er hægt að velja hvor það sé áhugi á að spila snemma eða seint (e "Start time request:")
Því næst er hægt að velja golfbíl á leigu, og þar sem Rakel bíður uppá mat, þá þarf maður að upplýsa hvort maður kemur eða ekki.

Þetta er gert fyrir báða leikmenn.

NB - Ef ósk er um að spila með ákvðnu liði, eða á ákveðnum tíma þá þarf að skrá það í "Comment:"!
Þegar allt er komið verður hnappurinn grænn og hægt er að halda áfram.

Nú er í raun skráningunni lokið, og ný sýnir kerfið yfirlit, með möguleikanum á að fara til baka (blár hnappur "BACK")

Á lokasíðunni þá kemur hugsanlega í framtíðinni möguleiki á að greiða með korti.
Nú er gefinn möguleiki á að breyta (grænn hnappur "EDIT") eyða skráningunni (rauður hnappur "DELETE") eða ljúka skráningunni (blár hnappur "LOGOUT")

Fimm nýir golfbílar komnir

halldor@premis.is (Halldor Stefansson) — Tue, 26 May 2020 14:45:21 GMT

Fimm nýir golfbílar komnir

Golfklúbbur Kiðjabergs hefur fest kaup á fimm glæsilegum golfbílum af gerðinni E-Z-GO. Þeir eru með Lithium lon batteríum, sem er það fullkomnasta í rafmagnsbílum í dag. Bílarnir eru nú komnir á Kiðjabergið og verða til útleigu á vellinum okkar í sumar.

Bílaleiga Akureyrar var okkur mikil hjálp við kaupin á þessum nýu bílum og eiga þeir margar þakkir fyrir.

Alls eru því 20 golfbílar til leigu hjá GKB í sumar.

Vinnudagur 2020

gkb@gkb.is (Gkb gkb) — Mon, 18 May 2020 20:53:07 GMT

Margar hendur vinna létt verk

Hinn árlegi vinnudagur Lóðafélagsins og Golfklúbbsins var haldinn um helgina, og það verður ekki deilt um það að það var met þátttaka! Það er talið að nærri 200 hendur hafi verið saman komnar. Ekki sakaði að veðrið verður eins og best verður á kosið.

Allar þessar mörgu hendur unnu létt verk, sem meðal annars var:
stígar rakaðir, tré snyrt, glerskilti hreinsuð og pússuð, róla máluð við skála, gömlu bekkirnir sem voru í húsinu á 1. pússaðir og borið á þá, borið á stóru auglýsingaskiltin á teigunum, lagað til niður við skemmu og rusl sett í gáminn, lagað til í áhaldahúsi, rusl týnt meðfram vegum, klárað að fylla í skurð þar sem rafmagn var lagt fyrir golfbíla, hrífur lakkaðar ásamt lengdarmælingar boxum, steypt fyrir nýju skilti á 11. og gengið frá því, lagðar nýjar hellur við Kiðjabergshúsið, klósettaðstaða á tjaldsvæði þrifin, nýja skemman ulluð.

Þegar öllu þessu var lokið var klárað að flagga við skála og upp við þjóðveg og svo voru veitingar í Golfskálanum.

Allir skulu hafa miklar þakkir fyrir þessa frábæru vinnu sem hér hefur verið innt af hendi, og við vitum að flestir klúbbar landsins öfunda okkur græn og gul þar sem sjaldan tekst þeim að safna svona skara.

Þetta er tvímælalaust forboði um frábært sumar!

Hér eru nokkrar myndir úr vélaskemmunni, en ég vil biðja þau ykkar sem hafa myndir að koma þeim til okkar (gkb@gkb.is) og svo munu þær verða birtar.

Nýtt forgjafarkerfi tekur gildi 1. mars

halldor@premis.is (Halldor Stefansson) — Thu, 16 Jan 2020 21:46:55 GMT

Í ár munu sex forgjafarkerfi sameinast í eitt fyrir allan heiminn. Nýju reglurnar gera kylfingum fært að nota sína forgjöf á hvaða golfvelli sem er í heiminum og keppa eða leika golfhring sér til skemmtunar með hverjum sem er á heiðarlegum og jöfnum forsendum. Reglurnar kallast á ensku World Handicap System (WHS) og munu taka gildi hér á landi 1. mars næstkomandi.

Forgjöfin þín verður meðaltal 8 lægstu skormismuna síðustu 20 forgjafarhringja. Hægt verður að skoða forgjöfina í tölvukerfi GSÍ frá 1. mars 2020. Í nýju reglunum eru engir forgjafarflokkar eins og kylfingar eru vanir. Sem þýðir líka að nú geta allir skráð inn forgjafarhringi eftir 9 holu leik, 12 holu eða meira. Ekki þarf að tilkynna fyrirfram. Ekki þarf að tilkynna sérstaklega í tölvukerfinu að leikinn hringur gildi til forgjafarútreiknings. Hægt verður að skrá alla hringi eftirá til forgjafarútreiknings.

Skor er gilt til forgjafarútreiknings ef hringur hefur verið leikinn samkvæmt golfreglum og viðurkenndum leikformum. Óbreytt verður að hámarks forgjöf sem kylfingur getur fengið er 54.0. Forgjafarreglurnar eru frábrugðnar golfreglum að því leyti að þeim er að mestu leyti stjórnað af tölvukerfi. Þess vegna þarftu ekki að læra smáatriðin heldur treysta þeim reiknireglum í tölvukerfinu sem reikna út þína forgjöf.

Þegar nýtt forgjafarkerfi tekur gildi 1. mars þá skráir þú þig inn í tölvukerfi GSÍ og sérð hver ný endurreiknuð forgjöf þín er samkvæmt forgjafarreglum 2020, sem gilda fyrir allan heiminn.

Börkur er nýr formaður GKB

halldor@premis.is (Halldor Stefansson) — Thu, 12 Dec 2019 21:46:55 GMT

Golfklúbburinn Kiðjaberg var rekinn með rúmlega 15 milljóna króna hagnaði á síðasta starfsári, að því er fram kom á aðalfundi GKB um síðustu helgi. Þetta er þriðja árið í röð sem hagnaður er af rekstri klúbbsins. Formaður GKB, Þórhalli Einarsson, gaf ekki kost á sér til endurkjörs og var Börkur Arnviðarson kosinn formaður. Aðrir stjórnarmenn voru endurkjörnir og Jens Magnús Magnússon var kosinn sem nýr maður í stjórn.

Aðalfundur Golfklúbbs Kiðjabergs 2019

Haldinn í golfskálanum i Kiðjaberg 7.desember 2018.

Fundur settur kl 13:00

1. Þórhalli Einarsson formaður setti fundin, sem var vel sóttur, og gerði tillögu um Hjörleif Kvaran sem fundarstjóra og Jónas Kristinsson sem fundarritara. Tillagan var samþykt. Hjörleifur fór yfir lögmæti fundarins. Sagði hann fundin löglegan þar sem rétt hefði verið til hans boðað.

2. Formaður las fundargerð síðasta aðalfundar. Fundargeðin var borin undir atkvæði og samþykkt samhljóða

3. Þórhalli flutti skýrslu stjórnar fyrir starfsárið 2109.

4. Brynhildur Sigursteinsdóttir gjaldkeri lagði fram endurskoðaða reikninga klúbbsins.Fram kom að klúbburinn var rekinn með með 15.436.638 kr hagnaði í stað 8.536.112 kr hagnaði árið á undan. Samkvæmt efnahagsreikningi nema eignir félagsins kr. 53.737.869, bókfært eigið fé kr 50.045.316 og eigiðfjárhlutfall félagsins 93%

Fundarstjóri gaf orðið laust um skýrsku stjórnar og reikninga félagsins. Engar spurningar komu fram. Reikningar klúbbsins og skýrsla stjórnar voru því næst borin undir atkvæði og samþykkt samhljóða.

5. Lögð var fram tillaga stjórnar um félagsgjöld fyrir starfsárið 2019. Lagt var til að félagsgjöld myndu hækka um sem nemur 3% mlli ára. Félagsmenn greiði valfrjálst kr. 7.500 sem inneign í veitingasölu. Tillagan um gjaldaskrána var samþykkt samhljóða.

6. Þegar kom að stjórnarkjöri upplýsti Þórhalli Einarsson formaður að hann gæfi ekki kost á sér áfram, og var honum þökkuð góð störf með lófaklappi. Stjórnin lagði fram tilögu þess efnis að Börkur Arnviðarson yrði kosinn formaður og var það samþykt samhljóða. Tveir stjórnarmenn sem átti að kjósa um til tveggja ára gáfu kost á sér áfram en þeir eru Magnús Haraldsson og Jónas Kristinsson. Var því einnig fagnað með lófataki. Kjósa átti varamann til tveggja ára og gaf Jens Magnús Magnússon kost á sér sem var fagnað með lófataki. Kostnir voru tveir skoðunarmenn reikninga, þau Jenetta Bárðardóttir og Gunnar Dagbjartsson.

7. Guðrún S Eyjólfsdóttir flutti skýrslu um störf kvennanefndar. Starfið hófst þann 17. maí með skemmtikvöldi . Hittingur var 10 föstudagskvöld kl 18:00 og spilaðar 9 holur og mæting var góð og tóku als 40 konur þátt í þessu yfir sumarið. Haldin voru fjögur kvennamót og voru öll mjög vel sótt. Vinkvennamót GKG-GKB var nú haldið í annað sinn og var sprenging í þátttöku hjá báðum klúbbunum og komust færri að en vildu! Alls luku 89 konur leik í blíðskaparveðri, 23 frá GKB og GKG konur voru 66 talsins. Leikhraði var til mikillar fyrirmyndar – fyrsta holl lauk leik á rétt rúmum 4 klst. og stærsti hlutinn var kominn í hús á innan við 5 klst.!!! Vinningar voru glæsilegir að mestu í boði Taramar sem styrkir sérstaklega starf GKG. Bikarkeppni GKB og Öndverðaness fór fram í Öndverðanesi í ár. – Leikar voru jafnir en við tókum bikarinn aftur og ætlum okkur að halda honum! En mjótt var á mununum. Opna BIOEFFECT kvennamótið fór fram í annað sinn í góðu veðri. Þátttaka var mjög góð en ríflega 70 keppendur mættu til leiks. Glæsileg verðlaun – öll frá Bioeffect – og er þetta mót mjög eftirsótt! Lokamót ársins var Pilsaþytur í boði Bygg. Als mættu 31 lið til keppni og var mótið hið glæsilegasta. Kvennanefndin þakkaði öllum þeim frábæru aðilum sem styrktu þessi mót og vonast til að áframhald verði á því á næsta ári. Árið var gert upp í lok ágúst með lokahófi. Þær mætti Eva Albrchtsen HNE læknir sem hélt mjög áhugavert erindi um jafnvægi / jafnvægisleysi. Auk Guðrúnar skipa Stella Hafsteins, Sigurlaug Guðmunds “Silla” og Sigrún Ragnarsd kvennanemdina og voru þær allar hyltar með lófataki.

8. Kynning á vorferð GKB og Heimsferða.

Stella Hafsteins fór yfir og kynnti fyrirhugaða vorferð klúbbsins með Heimsferðum 3.-14. maí 2020. Farið til Sankt Petri á Spáni. Ferðin kostar kr 299.900 miðað við tvo saman í herbergi, ótakamarkað golfog fríir drykkir eftir kl. 18 var meðal þess sem fram kom í kynningu Stellu.

Bað hún áhugasama um að skrá sig í ferðina á fundinum eða að menn gætu skráð sig í ferðina á arni@heimsferdir.is

9 . Önnur mál : Nýkjörinn formaður Börkur Arnviðarson kvaddi sér hljóðs og þakkaði stuðninginn. Hann kynnti sig og fór yfir áralanga veru sína í stjórn GKB. Því næst þakkaði fundarsjóri Hjörleifur B Kvaran fyrir sig og óskaði nýkjörinni stjórn velfarnaðar og þakkaði vel sóttan fund.

Börkur sleit því næst fundinum. Fundarmenn risu úr sætum og gáfu fráfarandi formanni dúndrandi lófaklapp og þökkuðu með því vel unnin störf hans í þágu Golflúbbs Kiðjabergs.

Aðalfundur GKB verður 7. desember

Tue, 10 Dec 2019 21:46:56 GMT

Aðalfundur Golfklúbbs Kiðjabergs verður haldinn 7. desember klukkan 13.00 í Golfskálanum Kiðjabergi. Stjórn klúbbsins hvetur félagsmenn eindregið til að mæta á aðalfundinn. Rakel verður með hið margrómaða jólahlaðborð í skálanum um kvöldið og hefst það kl. 19.00. Best að skrá sig tímanlega hjá Rakel (rakelmatt@gmail.com) eða í síma 699-4969.

Dagskrá fundarins verður samkvæmt lögum klúbbsins :

1. Fundarstjóri og fundarritari kosnir.

2. Fundargerð síðasta aðalfundar lesin upp.

3. Skýrsla stjórnar um störf og framkvæmdir á liðnu starfsári.

4. Endurskoðaðir reikningar lagðir fram.

5. Umræða um skýrslu stjórnar og reikninga klúbbsins.

6. Lagabreytingar kynntar og teknar til afgreiðslu.

7. Tilaga stjórnar um félagsgjöld lögð fram.

8. Kosning stjórnarmanna og skoðunarmanna samkvæmt samþykktum lögum klúbbsins.

9. Önnur mál.