Hin árlega Bændaglíma GKB fer fram laugardaginn 12. september á Kiðjabergsvelli. Mótið er einn af skemmtilegustu viðburðum klúbbsins og markar jafnframt skemmtilegt „slútt“ á golfsumrinu.

Samkvæmt hefð skiptast konur og karlar á að gegna hlutverki bænda í Bændaglímu GKB – og í ár er komið að konunum. Tvær konur taka því að sér hlutverk bænda, leiða sitt hvort liðið og freista þess að stýra sínu liði til sigurs. Leikið verður út af öllum teigum samtímis kl. 10:00.

Keppt verður í tveggja manna Texas Scramble holukeppni, þar sem hver unnin hola gildir fyrir lið viðkomandi bónda. Þegar upp er staðið kemur síðan í ljós hvor bóndinn og hennar lið hafa betur í Bændaglímu GKB 2026.

Þátttakendur geta skráð sig bæði sem pör eða stakir leikmenn, en stökum leikmönnum verður raðað saman í lið.

Hluti af heildarþátttökugjaldi mótsins, að andvirði 250.000 króna, rennur til styrktarfélagsins Ljóssins. Við hvetjum félagsmenn til að taka þátt, eiga skemmtilegan dag á vellinum og styrkja um leið frábært málefni.

Að móti loknu verður verðlaunaafhending og lokahóf kl. 19:00, þar sem boðið verður upp á veislu að hætti Rakelar. Verð fyrir veisluna er 6.500 kr. á mann.

Þeir sem vilja geta einnig valið að mæta eingöngu í lokahófið. Þá þarf að hafa beint samband við Rakel fyrir fimmtudaginn 10. september.

Skráning hér í Bændaglímu GKB.