Frá og með 1. október verður golfskálinn á Kiðjabergi lokaður og hefðbundinni starfsemi í skálanum þar með lokið þetta árið.

Kiðjabergsvöllur er hins vegar enn opinn til golfleiks og verður það áfram á meðan veður og aðstæður leyfa.

Allar rástímabókanir og greiðslur fara fram í gegnum GolfBox. Kylfingar eru jafnframt beðnir um að staðfesta komu sína í Mitt Golf appinu með því að skanna QR-kóðann á skjánum við inngang golfskálans.

Við munum áfram fylgjast vel með aðstæðum og upplýsa um ástand og opnun vallarins eftir því sem líður á haustið.

Um leið og golfskálinn lokar viljum við nota tækifærið og færa félagsmönnum okkar og öllum þeim gestum sem heimsóttu Kiðjaberg í sumar kærar þakkir fyrir sumarið og ánægjuleg kynni.

Þótt enn séu vonandi nokkrir góðir golfdagar eftir á Kiðjabergi hlökkum við til að taka á móti félagsmönnum og gestum á ný þegar fer að vora.

Takk fyrir sumarið – og njótum haustsins á Kiðjabergi á meðan aðstæður leyfa!