Hið árlega hjóna- og paramót Golfsögu-Verdi fór fram á Kiðjabergsvelli laugardainn 8. ágúst. Upphaflega átti mótið að vera tveggja daga mót, föstudag og laugardag, en vegna veðurs varð að aflýsa fyrri deginum og leikið Texas scramble á laugardeginum. Uppselt var í mótið og komust færri að en vildu.

Liðið sem kallaði sig Prýðisfólk sigraði, en fyrir það léku þau Guðbjörg Elín Ragnarsdóttir og Bragi Þorsteinn Bragason. Þau lék á 10 höggum undir pari. SveinBirna hafnaði í öðru sæti, tveimur höggum á eftir, í liðinu voru Birna Antonsdóttir og Sveinbjörn Brandsson. Stórikampur varð síðan í þriðja sæti á sama skori.

Veitt voru verðlaun fyrir efstu sætin og eins voru nándarverðlaun á öllum par-3 holum vallarins. Þá voru teiggjafir til allra keppenda og síðan lokahóf í golfskálanum á laugardagskvöldið og þar var einnig dregið úr skorkortum.

Efstu lið:

1. Prýðisfólk

Guðbjörg Elín Ragnarsdóttir, Bragi Þorsteinn Bragason 46 punktar

2. SveinBirna

Birna Antonsdóttir, Sveinbjörn Brandsson 44

3. Stórikambur

Jörgen Albrechtsen, Sigrún Ragnarsdóttir 44

4. Áslaug og Sigurður

Áslaug Sigurðardóttir, Sigurður Ríkharð Árnason 44

5. Langbest

Helena R Guðjónsdóttir, Ingólfur Karlsson 42

6. Sigursteinar

Berglind J Steinþórsdóttir, Hermann B Sigursteinsson 42

Vinningar voru frá Golfsögu-Verdi, Bláa lóninu, Fontana, Hótel Örk, Skógarböðunum, Laugarás Lagoon og Reykjaböðunum.

Lokastaðan