Það var hátíðleg stund í lokahófi GKB um síðustu helgi þegar tilkynnt var að Viðar Jónasson myndi hljóta Háttvísibikar GKB 2026. Bikarinn er veittur þeim félagsmanni sem sýnt hefur framúrskarandi framlag til klúbbsins og stuðlað að jákvæðum anda innan hans.

Viðar hefur verið öflugur liðsmaður í starfi klúbbsins. "Hann hefur verið einn af okkar bestu og duglegustu sjálfboðaliðum í Kiðjabergi og er það ómetanlegt fyrir okkur félagsmenn að hafa slíkan mann innanborðs," sagði Guðmundur Ásgeirsson, formaður GKB, sem afhenti honum bikarinn í lokahófinu á laugardaginn.

.