Kiðjabergsvöllur verður lokaður fyrir almenna umferð fyrir hádegi næstu þrjá daga vegna Íslandsmóts eldri kylfinga, sem fram fer á vellinum dagana 16.-18. júlí. Rástímar eru opnir almenningi frá klukkan 12:20 þessa þrjá keppnisdaga.

Alls er 61 keppandi skráður til leiks í Íslandsmótinu frá 14 golfklúbbum. Golfklúbbur Reykjavíkur á flesta keppendur, alls 20. Næstflestir koma frá Golfklúbbi Kópavogs og Garðabæjar, eða 12. Keppt er í tveimur aldursflokkum hjá körlum og konum, 50 ára og eldri, og 65 ára og eldri.

Þórdís Geirsdóttir, Sigurbjörn Þorgeirsson, María Málfríður Guðnadóttir og Hannes Eyvindsson eru ríkjandi meistarar mótsins, en Hannes er sá eini sem verður ekki á meðal keppenda í ár. Aðrir ríkjandi meistarar mæta á Kiðjaberg til að verja titilinn.

Hægt er að fylgjast með mótinu HÉR.