Áhuginn á golfi hér á landi hefur líklega aldrei verið meiri en nú og kemur það greinilega fram í áhuga kylfinga á mótum á Kiðjabergsvelli. Nú þegar er uppselt í næstu þrjú mót og búið að setja upp biðlista á þau öll. Þetta hefur aldrei gerst áður.

Mótin sem framundan eru á næstunni eru:

1. Pilsaþytur sem er Texas scramble kvennamót og fer fram föstudaginn 31. júlí (72 keppendur).

2. Gull Styrktarmót GKB, sem er Texas scramble mót og fer fram laugardaginn 1. ágúst (174 keppendur).

3. Hjóna og parakeppni Golfsögu og Verdi Travel, sem er tveggja daga mót, og fer fram 7. og 8. ágúst (88 keppendur).

Völlurinn er í sínu besta formi um þessar mundir og ekki skemmir að verðurspáin er góð.

Þeir kylfingar sem hafa áhuga á að skrá sig á biðlista í þessum mótum geta sent póst á gkb@gkb.is