GJG Icelandic Juniors International fer fram annað árið í röð á Kiðjabergsvelli dagana 8. - 11. júní. Búið er að opna fyrir skráningu í mótið og má sjá slóð hér fyrir neðan.

 Í fyrra tóku 35 keppendur þátt og þar af tveir erlendir. Á síðasta degi mótsins var vallarmet af hvítum teigum slegið. Skúli Gunnar Ágústsson lék þá frábært golf og kom inn á  64 höggum eða 7 höggum undir pari. Hann fékk 7 fugla og 11 pör á hringnum. Bætti hann vallarmet Arnars Snæs Hákonarsonar um tvö högg.

Elísabet Ólafsdóttir var á lægsta skori allra stelpna í fyrra á 230 höggum eftir 54 holur og Skúli Gunnar Ágústsson lægstur allra pilta á 208 höggum.

Alls verður keppt í þremur flokkum stúlkna og pilta; 14 ára, 12 - 18 ára og 19 - 23 ára.

 Sjá nánar HÉR.